Lajme Aktuale.... - Page 89

Guri i madh · 02-06-11, 23:09

Kryenegociatori serb Stefanoviq sërish në Kosovë

Shefi i ekipit të Serbisë për dialogun me Kosovën Borko Stefanoviq po qëndron sot në pjesën veriore të Kosovës. Sipërmarrësit serbë atje thanë se e kanë ndërprerë bllokadën e rrugës në Zubin Potok, në pritje të takimit me Stefanoviqin.... Postuar: 03:33:18 / 02.06.2011
Zëdhënësi i policisë Baki Kelani, para pak çastesh, konfirmoi për Radio Kosovën se Stefanoviq ndodhet atje, por tha se sipas informatave të para, bëhet fjalë për vizitë private. Sidoqoftë tha Kelani, policia do të veprojë sipas rregullave në fuqi për vizitat e zyrtarëve të Serbisë.

**Zero Cool** · 03-06-11, 09:35

Stefanovic arrin në veri, zyrtarët nuk e dinë

Borislav Stefanovic, shef i ekipit negociator të Serbisë për bisedime me Kosovën, ka arritur në pjesën veriore të Mitrovicës. Stefanovic në këtë pjesë të Kosovës ka hyrë pa lejen e institucioneve të vendit, ndërsa që do të takohet me udhëheqësit e bllokuesve të rrugëve si dhe me përfaqësuesit e strukturave paralele serbe, që veprojnë në veri të Kosovës dhe Mitrovicës, ashtu edhe me të ashtuquajturit kryetarë të komunave serbe në veri të Kosovës.
Lidhur me këtë vizitë, zyrtarë të policisë së Kosovës kanë theksuar se policia nuk ka asnjë informacion se ku gjendet Stefanovic.

Bëhet e ditur se për shkak të festës komunale, sot është ndërprerë bllokada e rrugës në Zubin Potok, kurse biznesmenët, siç paralajmëron KiM radio do të takohen me Stefanovicin, i cili po qëndron në veri të Kosovës, transmeton Koha.

Biznesmenët dhe banorët e Kolashinit të Ibrit, të cilët tash dy javë po bllokojnë rrugën nga Zubin Potoku në drejtim të Ribarishtit, në fshatin Zubq, duke kërkuar lirimin nga arresti të Jevren Pantelic, sipas KiM radios, sot kanë ndërprerë protestën për shkak të festës komunale “Spasovdan”.

Kryetari i Shoqatës së Biznesmenëve të Zubin Potokut, Ratomir Bozhovic, në një deklaratë për KiM radio, paralajmëroi se nesër do të radikalizohen protestat, por për hollësi nuk deshi të fliste.

Bozhovic paralajmëroi se biznesmenët në veri të Kosovës bashkë me kryetarët e komunave nga ky rajon (bëhet fjalë për strukturat paralele), sot do të takohen me shefin e ekipit negociator të Serbisë, Borko Stefanovic, i cili tashmë ka mbërri në Kosovë.

“Qysh nesër protestat do të jenë ndryshe, më operative, por në përputhje me rregullat demokratike”, ka thënë Bozhovic, dhe ka shtuar se nga EULEX-i kërkon lirimin e bashkëqytetarit të tyre dhe të ndërpresë maltretimin e serbëve në veri të Kosovës vetëm pse nuk dëshirojmë të paguajmë tagrat të shtetit të vetëshpallur të Kosovës, ka thënë Bozhovic. /Telegrafi/

**Zero Cool** · 03-06-11, 09:38

Rezultatet priten shpejt, i duhet urgjentisht Beogradit

Brenda dy javësh priten edhe rezultatet e para konkrete të dialogut mes Serbisë dhe Kosovës që tash e sa muaj zhvillohen në Bruksel me ndërmjetësimin e Bashkimit Evropian.
Diplomatët e BE-së pohojnë se kjo do të ndodh tash, sepse Serbia ka nevojë për të dëshmuar se është duke u sjellë në mënyrë konstruktive në dialog, në mënyrë që opinioni i Komisionit Evropian të jetë tërësisht pozitiv më 12 tetor dhe deri në fund të vitit Serbia të marrë jo vetëm statusin e kandidatit, por menjëherë edhe datën e nisjes së negociatave.

“Kosova tashmë ka dhënë pëlqimin për marrëveshje në disa pika, ndërsa Beogradi ka kërkuar më shumë kohë për konsultime. Por Beogradi po e kupton se duhet të dëshmojë konstruktivitet po ashtu, prandaj mendojmë se ka gjasa të mira që, nëse jo në mesin e qershorit, atëherë gjithsesi gjatë pushimeve të verës të kemi edhe rezultatet e para konkrete në dialog”, ka thënë një diplomat i BE-së për Kohën Ditore.

Sipas burimeve diplomatike, Britania e Madhe tashmë i ka dërguar një letër Komisionit Evropian, përmes kanaleve diplomatike ku shprehet se “sjellja konstruktive” e Beogradit në dialog me Kosovën do të duhej të ishte “me rëndësi kyç” për përpilimin e mendimit të Komisionit Evropian për kandidaturën e Serbisë.

Njëlloj thuhet se mendojnë edhe Gjermania dhe Franca dhe se ky qëndrim tashmë i është i bërë i ditur Beogradit.

“Serbia ka arrestuar gjeneralin Ratko Mladic me çka është hequr një pengesë e madhe për të shpejtuar rrugën e integrimit të Serbisë në BE. Tash ka mbetur që të dëshmohet konstruktivitet në rastin e Kosovës. Serbia edhe deri më tash ka qenë konstruktive dhe vetë shefja e delegacionit të Kosovës, Edita Tahiri ka pasur fjalë të mira për sjelljen e deritanishme të Serbisë. Prandaj shpresojmë të shohim shpejt edhe rezultatet e para konkrete në dialog dhe që Serbia të mos e lëshojë këtë rast që ka për të marrë statusin e kandidatit”, tha një diplomat i lartë i një vendi të BE-së.

Por pyetjes se çfarë do të mundë të përfitojë Kosova nga sjellja konstruktive në dialog, ai nuk iu përgjigj në mënyrë të prerë, por tha “Kjo do të ndihmojë edhe Kosovën në të ardhmen dhe çdo rezultat do të jetë në të mirën e qytetarëve të Kosovës”. /Telegrafi/

**Zero Cool** · 03-06-11, 09:43

Shtatë të arrestuar për shpërdorim të detyrës zyrtare

Policia e Kosovës në orët e paradites ka arrestuar shtatë persona me dyshimin e bazuar se kanë kryer veprat penale “shpërdorim i detyrës zyrtare nga neni 339 dhe përvetësimi gjatë ushtrimit të detyrës nga neni 340 i Kodit Penal të Kosovës”.
Të gjithë të dyshuarit kanë qenë punonjës në Qendrën e Mjeksisë Familjare (QKF), në Rahovec të cilët janë arrestuar nga ana e hetuesve policor.

Të arrestuarit janë: Ejup Z 1960; Avdyl H 1962; Rexhep V 1954; Agim E 1975; Fatmir D 1972; Selajdin R 1962; Shani V 1959.

“Hetimet lidhur me këtë rast kanë filluar muaj më parë dhe njësiti hetimor në Prizren, gjatë hetimeve të zhvilluara ka siguruar prova të mjaftueshme se të dyshuarit, dyshohet se kanë kryer veprat penale, kështu duke shpërdoruar detyrën zyrtare në mënyra të ndryshme”, thuhet në njoftim.

Keqpërdorimet të cilat i kanë bërë këta të dyshuar janë: shpërdorim me derivate (kanë marr derivate për nevoja private), shitje e pajisjeve medicinale nga automjeti i emergjencës (pajisje aparati EKG, defibrilator monitor dhe pajisjet përcjellëse), shitje e pajisjeve të rëntgenit, ngritja e gradave të punëtorëve pa kritere më parë të përcaktuara si dhe pagesat për punë jashtë orarit të punës thuhet se janë dhënë në kundërshtim me rregulloren.

Hetimet në lidhje me këtë rast janë duke vazhduar, ndërkohë në konsultim me prokurorin publik të Qarkut në Prizren të gjithë të dyshuarve ju është caktuar masa e ndalimit policor prej 48 orësh. /Telegrafi/

**Zero Cool** · 04-06-11, 12:00

Shiti veshkën për ta blerë një iPad2

Një tinejxher kinez dëshironte që me çdo kush ta blinte një iPad2 kështu që shiti veshkën e tij vetëm për 2.300 euro, shkruan Telegraph. Djaloshi 17 vjeçar, i njohur me mbiemrin Zheng, i tregoi nënës së tij se kishte shitur veshkën pasi kishte parë reklamën në internet se të gjithë ata që dëshirojnë të dhurojnë orfganet do të shpërblehen.
“Dëshira ime ishte ta blija një iPad2, por nuk kisha para”, tha djaloshi për TV Shenzen dhe shtoi: “Në internet e gjeta një reklamë të agjentëve të cilët blinin veshkat për 20.000 juan kinezë (rreth 2.100 euro)”. Pas bisedës me agjentët, djaloshi udhëtoi në qytetin Chenzhou, ku në spitalin lokal ia hoqën veshkën, duke ia paguar rreth 22.000 juan (rreth 2.300 euro).

Tregtia e organeve nëpërmjet internetit është një praktikë e zakonshme në Kinë, përkundër përpjekjeve të qeverisë që ta ndalojë një tregti të tillë. Vitin e kaluar televizioni japonez raportoi për grupin e “turistëve transplatues” të cilët paguan rreth 56.000 euro për t’i marrë veshkat e reja në Kinë. Sipas statistikave zyrtare, çdo vit më shumë se një milion veta në Kinë presin për transplatim organesh, por vetëm më pak se 10.000 prej tyre arrijnë të transplatojnë organet, duke nxitur kështu një tregti të organeve në tregun e zi.

Djaloshi pas operacionit përjetoi komplikime shëndetësore dhe nuk mundi ta fshehë të vërtetën para nënës së tij. “Kur u kthye kishte me vete një lap-top dhe një Apple iPad të ri”, tha nëna e tij, e njohur si zonja Liu, duke treguar shenjën e madhe të operacionit në trupin e djalit të saj. “E pyeta djalin se ku i kishte marrë paratë dhe më në fund ai pranoi se kishte shitur veshkën”.

Nëna e dërgoi djalin në spital dhe lajmëroi policinë, por telefonat mobil të agjentëve me të cilët kishte kontaktuar Zheng ishin të mbyllur. Shumë ekspertë në Kinë e shfrytëzuan këtë rast për të kritikuar amoralitetin e Kinës së re “kapitaliste”. Prodhimet e Apple, siç janë iPhone dhe iPad, janë një mall shumë i kërkuar në Kinë, sepse paraqesin simbolin statusor të pasurisë dhe imazhit tek të rinjtë. /Telegrafi/

Neferta · 04-06-11, 23:05

A thua humbi njaj derri i zi?
Rama: Vendimi i Kolegjit këmbanë alarmi, kriza u thellua

Rama: Vendimi i Kolegjit kë...

**Zero Cool** · 05-06-11, 10:30

Ndërkombëtarët reagojnë pas vendimit të Kolegjit

Pas vendimit të dhënë nga Kolegji Zgjedhor, Ambasadorët e OSBE-së, SHBA-së dhe BE-së dhanë një deklaratë të përbashkët të dielën ku kërkuan që të gjitha palët të veprojnë me qetësi duke vënë përpara çdo interesi, interesin kombëtar.
"U njohëm me vendimin e Kolegjit Zgjedhor shqiptar, si organi më i lartë ligjor që gjykon apelimet zgjedhore. Është thelbësore që të gjitha palët të veprojnë, pas këtij vendimi, në mënyrë të qetë, të pjekur e të përmbajtur, duke vënë interesin kombëtar përpara çdo lloj interesi partizan vetjak”, thanë sot së bashku Kryetari i Prezencës së OSBE-së në Shqipëri, Ambasadori Eugen Wollfarth, Ambasadori i Shteteve të Bashkuara të Amerikës, Alexander Arvizu dhe Kreu i Delagacionit të Bashkimit Evropian, Ambasadori Ettore Sequi.

Ata shtuan se e rëndësishme është edhe që “të gjitha palët, partitë politike dhe qytetarët, të presin derisa rezultatet përfundimtare të këtyre zgjedhjeve të çertifikohen nga Komisioni Qendror i Zgjedhjeve, siç kërkohet nga legjislacioni shqiptar” dhe se zëri I qytetarëve duhet të respektohet nga të gjitha partitë politike.

Ambasadorët theksuan se do të vazhdojnë të ndjekin me vëmendje proçesin deri në mbylljen e plotë të tij./Telegrafi/

**Zero Cool** · 05-06-11, 10:33

KD: Bllokadë rekorde e mosnjohjes së Kosovës

Të shtunën janë bërë fiks katër muaj kur Kosova ka pranuar njohjen e fundit të pavarësisë nga një shtet anëtar i Organizatës së Kombeve të Bashkuara. Në fund të listës së vendeve që kanë konfirmuar njohjen ndodhet Sulltanati i Omanit. Vendimin e kishte marrë më 4 shkurt.
Kjo periudhë përbën rekord të zi. Prejse është shpallur pavarësia e Kosovës në shkurt të 2008-s, bllokadë kaq të gjatë njohjesh nuk ka pasur. Kështu shkruan e përditshmja Koha Ditore.

Autoritetet kosovare kanë arsyetuar më herët mungesën e njohjeve me nisjen e dialogut Kosovë-Serbi, ndërsa Behgjet Pacolli, zëvendëskryeministër i ngarkuar veçanërisht për njohje, ka thënë se Kosova do ta ketë të vështirë për t’i bindur shtetet që të marrin vendimin për njohje, për shkak të hapjes së bisedimeve.

Ndërkaq, në Ministrinë e Punëve të Jashtme nuk kanë përmendur ndonjë pengesë specifike. Zëdhënësi Artan Behrami ka thënë se ka shumë faktorë, porse autoritetet kosovare mundohen të shpjegojmë se pas vendimit të GJND-së, që e ka bërë legjitime shpalljen e pavarësisë, nuk kanë arsye që të mos e pranojnë pavarësinë.

Deri tash Kosovën e kanë njohur 75 vende, prej tyre Shtetet e Bashkuara të Amerikës dhe 22 prej 27 vendeve anëtare të Bashkimit Evropian. Shtetet që kanë ndihmuar Kosovën për t’u çliruar nga Serbia kanë ndikuar te shumë vende për të marrë vendimin e njohjes.
Një burim i gazetës brenda Qeverisë ka thënë të shtunën se vendnumërimi në 75 i njohjeve ka të bëjë gati kryekëput me ndikimin që nuk mund të kenë shtetet mike të Kosovës te vendet e tjera. /Telegrafi/

**Zero Cool** · 05-06-11, 12:45

**Zero Cool** · 06-06-11, 15:41

Guardian sërish: Thaçi – bos i drogës

05.06.2011/19:46 - E Diel

Në faqet e gazetës autoritative Guardian vazhdon të shkruhet vetëm keq për Kosovën. Në një shkrim autorial Ian Birell sërish përmend kryeministrin e Kosovës , për “lidhjet e tij me tregtinë e drogës”. Në shkrim Birell e quan të humbur luftën e OKB-së ndaj tregëtisë së narkotikëve.

“Tregtia është kaq përfituese saqë në shumë shtete bandat e drogës kanë arritur të marrin pushtetin. Kosova ka një kryeministër të lidhur me tregtinë e drogës, dhe të tillë njerëz udhëheqin edhe në Afganistan, Burma, Guiena, Nicaragua dhe Venezuela. Pastaj, ka raste si në Afrikën e Jugut kur shefi i policisë doli të jetë shef i krimit”, thotë Birell në shkrimin e tij.

Birell ka qenë zv/redaktor në gazetën Independent dhe ka shkruar fjalimet e kryeministrit aktual, David Cameron, në fushatën e vitit 2010. /indeksonline/

**Zero Cool** · 07-06-11, 15:51

Afrika e Jugut nuk e njeh Kosovën

“Afrika e Jugut nuk do ta njeh Kosovën”. Kështu ka deklaruar për Radio Dukagjinin , zëdhënësi i Departamentit për Punë të Jashtme i këtij shteti, Clayson Monyela. Vështirësitë lidhur me Afrikën e Jugut i ka konfirmuar edhe zëvendëskryeministri Behgjet Pacolli. Ai thotë se diplomacia serbe nuk është duke qëndruar duarkryq.
Kanë kaluar më shumë se katër muaj që Kosova nuk ka marr asnjë njohje. Kjo është periudha më e gjatë pa njohje që nga pas shpallja e pavarësisë.

Megjithë paralajmërimet për njohje, Afrika e Jugut, shtet me ndikim mjaft të madh në kontinentin afrikan nuk do ta njeh pavarësinë e Kosovës. Kështu i ka deklaruar përmes një mesazhi Radio Dukagjinit, Clayson Monyela , zëdhënës i Departamentit për Punë të Jashtme i Afrikës së Jugut.

Ndërkohë i kontaktuar me telefon, ai nuk ka dashur të jap asnjë koment shtesë se pse ky shtet nuk do ta njeh Kosovën. “Nuk kemi koment lidhur me këtë çështje”, ka theksuar Monyela.

Edhe zëvendëskryeministri, Behgjet Pacolli ka konfirmuar që është në dijeni për këtë qëndrim të shtetit të Vuvuzelave. “Është shumë e vërtetë se fqinji ynë nuk rri duarkryq. Poashtu është shumë e vërtetë se Afrika e Jugut do të jetë njëri nga partnerët tonë të vështirë nga i cili mund të sigurojmë njohje” ka thënë Pacolli

Megjithatë, zëvendëskryeministri Pacolli i ngarkuar ekskluzivisht me çështjen e lobimit thotë se rreth 90 për qind e vendeve afrikane të cilat ai i ka vizituar së fundmi, janë të gatshme ta njohin Kosovën.

Madje ai paralajmëron se në Samitin e vendeve afrikane që pritet të mbahet së shpejti temë dite do të jetë edhe njohja e Kosovës.

Nga ana tjetër, eksperti i marrëdhënieve ndërkombëtare, Ilir Ibrahimi thotë se ndër shkaqet kryesore pse Kosova nuk është duke lëvizur nga numri 75 i njohjeve janë edhe zhvillimet që janë duke ndodhur brenda Kosovës.

“Kemi pasur pra një krizë politike të brendshme e cila pa dyshim reflekton edhe në politikën e jashtme”, pohon Ibrahimi. /Telegrafi/

Fshatari · 07-06-11, 16:05

Citim:

Postimi origjinal është bërë nga Zero Cool

Guardian sërish: Thaçi – bos i drogës

05.06.2011/19:46 - E Diel

Në faqet e gazetës autoritative Guardian vazhdon të shkruhet vetëm keq për Kosovën. Në një shkrim autorial Ian Birell sërish përmend kryeministrin e Kosovës , për “lidhjet e tij me tregtinë e drogës”. Në shkrim Birell e quan të humbur luftën e OKB-së ndaj tregëtisë së narkotikëve.

“Tregtia është kaq përfituese saqë në shumë shtete bandat e drogës kanë arritur të marrin pushtetin. Kosova ka një kryeministër të lidhur me tregtinë e drogës, dhe të tillë njerëz udhëheqin edhe në Afganistan, Burma, Guiena, Nicaragua dhe Venezuela. Pastaj, ka raste si në Afrikën e Jugut kur shefi i policisë doli të jetë shef i krimit”, thotë Birell në shkrimin e tij.

Birell ka qenë zv/redaktor në gazetën Independent dhe ka shkruar fjalimet e kryeministrit aktual, David Cameron, në fushatën e vitit 2010. /indeksonline/

Po habitem pse afrika e jugut nuk e njeh shtetin e Kosoves nderkohe qe ky gazetari "autoritativ" (merre me mend!)burreci(birell ang.) po na shkruen se kryeministri i Kosoves dhe Afrika e jugut jane trafikant te medhenje te droges! bireci e di shume mire kush jane tragetaret e droges(kinez, ruse, serbe, e disa tjere te amerikes latine) po nuk ja man me i citue, sepse asht burrec e kurgjo tjeter...

**Zero Cool** · 07-06-11, 16:22

Jeremic inkurajon vendet e OShA të mos e njohin Kosovën

Ministri i Jashtëm i Serbisë, Vuk Jeremic, që po merr pjesë në punimet e Asamblesë së Përgjithshme të Organizatës së Shteteve Amerikane (OSHA), ka thënë të martën se në disa javët e kaluara “po shtohet presioni në vendet e Amerikës Latine, posaçërisht të Karaibeve, që të njohin Kosovën”.
“Është me rëndësi vendimtare që të mos tërhiqemi nga aktivitetet diplomatike rreth mosnjohjes së Kosovës”, ka thënë Jeremic, duke shtuar se “kjo nuk është detyrë e lehtë”.

“Për këtë arsye duhet të jemi prezentë në të gjitha takimet ndërkombëtare, sepse askush nuk do ta bëjë këtë në vend tonin”, ka thënë ai.

“Nga suksesi i aksionit diplomatik që Prishtinës t’ia mbyllim derën në organizatat ndërkombëtare do të varet drejtpërdrejtë edhe gatishmëria e tyre që të pajtohen me koncesione në procesin negociator”, ka thënë Jeremic, i cili gjatë qëndrimit në San Salvador pohohet se po takon ministrat e jashtëm të shumë shteteve të Amerikës Latine.

Sipas agjencisë së lajmeve FoNet, Serbia është vendi i parë në rajon që ka statusin e vëzhguesit në OSHA, ndërsa kërkesa që Kosova ka dërguar për të marrë pjesë në Asamblenë e Përgjithshme të kësaj organizate të shteteve amerikane është refuzuar “me arsyetimin se në takim mund të marrin pjesë vetëm shtetet e njohura”. /Telegrafi/

08-06-11, 09:09

http://www.botasot.info/img/08shperthim_.jpg

Hidhen në erë dy vetura të EULEX-it

Zëdhënësi i EULEKS-it, Nicholas Hawton, ka njoftuar se dy makina të këtij misioni janë ndezur sot në mëngjes në Prishtinë, afër apartamentit të një pjesëtari të misionit.
Ai theksoi se askush nuk ka pësuar lëndime.
Zjarrin në dy vetura të EULEKS-it e ka konfirmuar edhe policia e Kosovës.
“Makinat janë dëmtuar por nuk ka viktima”, tha zëdhënësi i policisë, Baki Kelani, dhe shtoi se “policia po zhvillon hetime”.

Neferta · 09-06-11, 07:50

Edhe Haxha po kërkohet nga Eulexi

Marrëveshja për Operatorin e Rrjetit Mobil Virtual në mes të PTK-së dhe Dardafon-it dhe transferimi i mëvonshëm i licencës për Dardafon.net në vitin 2008 dhe 2009 është bërë cak i hetimeve të organeve të vendosjes së rendit dhe drejtësisë në vend. Zëdhënësi i EULEX-it, Blerim Krasniqi ka bërë të ditur për KP se Prokuroria Speciale e Kosovës ka ngritur aktakuzë ndaj kryeshefit ekzekutiv të PTK-së, Shyqri Haxha dhe katër personave të tjerë, të cilët akuzohen për lidhje të kontratave të dëmshme dhe keqpërdorim të detyrës zyrtare.