Lulzsec dhe Anonymous

[Zero Cool]

Kush jane ata:


Faqja e Lulzsec rrëzohet përkohësisht





Lulzsecurity.com, faqja e grupit të njohur të hakerave, nuk ka qënë e disponueshme për të paktën një orë në ditën e sotme, pas disa sulmeve DoS (Mohimi i shërbimit) nga hakera të panjohur (edhe pse një haker i quajtur On3iroi dyshohet të jetë një prej tyre).

Faqja e internetit të Lulzsecurity është e mbrojtur nga shërbimi i njohur Cloudflare, por edhe kjo nuk mund të parandalonte që faqja e internetit të Lulzsec të bëhej e padisponueshme.

24.6.2011

[Zero Cool]

Kush jane ata:


Lulzsec sulmon policinë e Arizonës






Policia e Arizonës është bërë viktima e fundit e grupit të hakerëve LulzSec.

Rreth 700 dokumente sekrete që i përkasin Departamentit së Sigurisë Publike në shtetitn e Arizonës janë vjedhur dhe janë publikuar online.

Depoja e fshehtë përbëhet nga emaile, memorandume dhe manuale trajnimi si dhe buletine inteligjence, që sqarojnë hollësisht punën e informatorëve.

Grupi tha se kishte vënë nën shënjestër këtë departament për shkak të një ligji kontradiktor projektuar për ndalimin e emigracionit ilegal.

“Jemi në dijeni të problemeve kompjuterike. Ne kemi filluar hetimet dhe sigurisht po marrim masa sigurie shtesë” tha Steve Harrison, një zëdhënës i policisë.

Më 24 Qershor, Lulzsec njoftoi se do t’i hidhte 400 MB dokumente në uebfaqen e shkëmbimit të dosjeve Pirate Bay përmes një mesazhi të shkurtër në Twitter dhe një deklarate në uebfaqen e tij.


25.6.2011

[Zero Cool]

Kush jane ata:


Hakerat sulmojnë edhe CIA-n





Një grup hakerash, njoftoi nëpërmjet rrjetit social, Twitter se kishte sulmuar faqen publike të internetit të CIA-s. Grupi, i quajtur “Lulz Security” thotë se për disa minuta faqja e agjencisë së inteligjencës amerikane ishte jashtë funksionit mbrëmjen e djeshme.

Ndërkohë, nga ana e saj, CIA nëpërmjet një zëdhënësi tha se gjithcka është në fazën e verifikimit.

Fundjavën e shkuar, i njëjti grup piratësh informatikë, mori përgjegjësinë e sulmit ndaj faqes së internetit të Senatit amerikan, ndërsa më 2 qershor Lulz Security sulmoi faqen e SonyPictures.

16.6.2011

[Zero Cool]

Anonymous (grupi tjeter i hakereve)



Anonymous godasin agjensinë e turizmit në Florida







Grupi i hakerave Anonymous ka sulmuar adresën e agjensisë së turizmit amerikan në Orlando të Floriadas, në shenjë proteste ndaj arrestimit të anëtarëve të një shoqate jofitimprurëse e cila shpërndante ushqim për të pastrehët.


Si rezultat i këtij sulmi kibernetik, adresa orlandofloridaguide.com mbeti për orë të tëra jashtë funksionit gjatë ditës së martë, duke mos patur shërbim për turistët e shumtë që syojnë Floridan si destinacionin e tyre të pushimeve verore. Zyrtarët e kësaj agjensie turizmi janë duke bërë bilancin për humbjet që mund t’i jetë shkaktuar kompanisë.

Hakerat Anonymous i kanë shpallur luftë kësaj agjensie, ndërsa kanë premtuar sulme të tjera së shpejti.

[Zero Cool]

Sony hakohet edhe për herë të pestë, vidhen milionë fjalëkalime



Grupi i hakerëve Lulz Security thotë se kishin sulmuar serverët e Sonypictures.com dhe kishin vjedhur diku 1 milionë fjalëkalime të cilat janë të publikuara në faqen e tyre. Nga kompania e Sony-t thonë se janë duke hetuar rastin.

Kjo është situata e pestë ku sistemet e Sony sulmohen dhe vjedhen të dhëna për përdoruesit në një përiudhë prej 2 muaj. Para një muaji ishte ç’kyqur PlayStation rrjeti pasi u zbulua se ishin keqpërdorur të dhëna personale për 77 milionë përdorues.

Sony e cila përsëri startoi rrjetin e saj PlayStation, edhe atë pas disa tentimeve, për 24 orë përsëri është përballur me sulme, por tani tek serverët e SonyPictures.com nga ana e Lulz Security të cilët thonë se kanë vjedhur imell adresa, data të lindjes dhe informacione tjera lidhur në profilet e Sony për 1 milionë përdorues.

SonyPictures.com është thyer me një sulm të thjesht SQL Injection, “një nga dobësitë më primitive dhe të zakonshme”, thonë hakerët të njohur nga thyerjet e më hershme të televizionit PBS, Fox.com, dhe faqen japoneze Sony.

“Me një injection të thjeshtë fituam qasje të plotë në gjithcka. Pse të keni besim tek një kompani e cila lejon kësi lloj vrimash në serverët e tyre.”, thuhet në një post të hakerëve. Sony ka ruajtur 1.000.000 fjalëkalime në tekst të thjeshtë, të pa enkriptuar(plain text), që do të thotë vetëm për ti marrë ato. Kjo është turp dhe e pasigurt: dhe ato këtë e kanë merituar këtë”.

[Zero Cool]

Lulz security sulmon tabloidin “The Sun”





Në një kohë kur skandali i përgjimeve ka marrë përmasa shumë të mëdha dhe kur e gjithë vëmendja e botës është përqëndruar aty, grupi i hakerave Lulz Security ka ndërhyrë në adresën e internetit të një prej tabloidëve të “News Corporation”, “The Sun”, duke e korruptuar atë.

Për disa orë, lexuesit e kësaj të përditshmeje, me shumë influencë në Britaninë e madhe por edhe më gjerë, kanë lexuar se, pronari i perandorisë mediatike “News Corporation”, Rupert Murdoch, është gjetur i vdekur në kopshtin e shtëpisë së tij.

Por pas disa orësh, përmes një mesazhi në Twitter, u zbulua se asgjë nuk kishte qënë e vërtetë dhe se bëhej fjalë vetëm për një sulm të hakerave të Lulz Security. “Na arrestoni, ne ju sfidojmë. Ne jemi një gjenerate hakerash të pandalshëm”,- thuhet në postimin e tyre në Twitter.

[Zero Cool]

Fushatë arrestimesh ndaj hakerave Anonymous





Pas sulmeve të njëpasnjëshme ndaj një sërë kompanish kryesore, e sidomos ndaj sistemit të kartave PayPal, që sollën humbje të konsiderueshme parash, në shit-blerjen në interet, policia e SHBA-ve në bashkëpunim me atë britanike, kanë nisur një fushatë të gjerë arrestimesh, për anëtarët e grupit të hakerave Anonymous.


Sipas burimeve zyrtare në FBI, njoftohet se të paktën 16 hakera janë ndaluar në disa shtete të SHBA-ve, të cilët po merren në pyetje, pasi dyshohen për krim kibernetik. Ndërkohë edhe katër hakera të tjerë janë shpallur në kërkim në Britaninë e Madhe.

Pasi sulmoi sistemin e kartave PayPal, grupi i hakerave Anonymous, arriti të mbyllë përkohësisht edhe shërbimet e MasterCard e Visa dhejtorin e kaluar. Ky sulm pasoi ngrirjen e parave për anëtarët e rrjetit Wikileaks.