Lajme - risi

[Zero Cool]

Pesë arsye pse Microsoft ende mund të luftojë në luftën e tablove







Atuja kryesore e Microsoft-it bazohet në një thënie të vjetër se njerëzit më parë e braktisin religjionin, se sa shprehitë. Në panairet e teknologjisë CES 2011 dhe MIX 11, Microsoft ka bërë të ditur se versioni i ardhshëm i Windows-it, do të punojë me ndihmën e arkitekturës ARM dhe ka demonstruar skicat e para të Windows 8 apo se si do të quhet në fund sistemi i ri operues në tablo.

Dhe përderisa deklaratat e tyre për 180 shkallë janë kthyer në krahasim me ato të Steve Ballmer-it, i cili kishte deklaruar se Windows 8 në treg do të paraqitet në vitin 2012, tani është mësuar se ky version është shumë afër të dalë në treg dhe posa të paraqitet njëherë, shumë shpejt do ta pushtojë tregun e tablove. Pse? Ekzistojnë pesë arsye pse Microsoft mund të udhëheqë garën dhe në fund edhe të fitojë në betejën e tablove.

Përvoja e informimit

Microsoft Windows gëzon një pjesë dominuese të tregut prej gati 90 për qind për sisteme operuese të kompjuterëve të tavolinës. Edhe pse tabloja nënkupton rreth plotësisht ndryshe nga kompjuteri i tavolinës, përdoruesit do të dinë ta vlerësojnë tablonë e cila do t’u duket dhe do të jetë në përputhje me atë që tashmë e dinë.

Libreza softuerike

Intel ka njoftuar investuesit që softueri i vjetër nuk do të mundë të funksionojë në versionet ARM të Windows-it. Mirëpo, Microsoft e ka demantuar këtë me pohimin se Intel me spekulimet e tij e ka kaluar çdo kufi dhe se tashmë e kanë demonstruar Microsoft Office si dhe Internet Explorer 10 në tablotë me arkitekturë ARM.

Edhe nëse Intel ka të drejtë, Microsoft zhvilluesve të softuerit mund t’u japë mjete shtesë të cilat kalimin nga x68 në ARM, do ta bënin më të thjeshtë. Tabloja do të jetë më e suksesshme nëse përdoruesit e përdorin softuerin me të cilin janë mësuar në kompjuterin e tyre të tavolinës.

Larmia e harduerit

Apple momentalisht dominon në tregun e tablove, por ai posedon vetëm iPad 2. Natyrisht, ka modele të ndryshme, por iPad 2 në fund është vetëm iPad 2. Tablotë Microsoft Windows me siguri se do të ndjekin rrugën e tablove Android me mundësi të zgjedhjes së formave dhe madhësive të ndryshme.

Një aspekt i larmisë së tillë, përdoruesve ju ofron më shumë opsione në kuadër të zgjedhjes së formave dhe pjesëve të harduerit, të cilët më së shumti i përshtaten nevojave të tyre, në vend që të përdorin qasjen e Apple-s në madhësi universale.

Çmimi?

Sigurisht keni vërejtur pyetësorin. Nga njëra anë, gjithnjë e më shumë tregtarë që ofrojnë tablo konkurruese, do ta zvogëlojnë çmimin e tyre, si në industrinë e tërësishme të tablove, ashtu edhe në vetë mesin e tablove Windows.

Mundësia e përdorimit të pjesëve të ndryshme të harduerit, edhe më shumë do ta ulë çmimin e produktit. Mirëpo, siç qëndrojnë tani punët, duket se Apple e mban tregun në grusht duke pasur monopol ndaj shumë komponentëve kyç të tablove, çka tregtarëve të tjerë ua vështirëson blerjen e pjesëve të nevojshme të harduerëve. Kështu, çmimi bie në tregun e zi.

Ata nuk nguten

Po, natyrisht për Microsoftin tablotë nuk janë diçka e panjohur. Mirëpo, kur bëhet fjalë për gjeneratën e tablove iPad, Microsoft tani është shtyrë në margjinë të tregut. Mirëpo, strategjia e Microsoft-it tani për tani duket e fokusuar në kualitet, se në garën e tregut.

Nëse e vëzhgoni pakëz më mirë konkurrencën e tanishme të iPad-it, duket se ngutja në treg me tablotë e pakryera apo jo të plota, mund të ketë pasoja të paparashikueshme. Motorola Xoom dhe BlackBerry PlayBook janë quajtur rivalë potencialë të iPad-it, por që të dy në treg kanë përfunduar pa elementet kyçe, duke i lënë përdoruesit e tyre të uritur, çka ka rezultuar me shitje dëshpëruese dhe një përshtypje të keqe për blerësit e ardhshëm të tablove.

Nëse Microsoft arrin sukses në qëllimin e tij dhe tregut i ofron përvojën e njohur Windows – por në mënyrën që është unike për tablonë mobile dhe e ofron me çmim i cili mund të matet me iPad, mund të zgjohet nga të vdekurit dhe në fund të dominojë në tregun e tablove, ashtu siç dominon në tregun e kompjuterëve të tavolinës.

[Zero Cool]

Prezantim zyrtar i Office 365







Në një ngjarje që do të mbahet në Nju-Jork, në të cilën do të marrin pjesë edhe kryeshefi i Microsoft-it, Steve Ballmer, do të prezantohen risi të shumta në sferën e teknologjisë. Në paralajmërimin zyrtar të ngjarjeve, Microsoft ka bërë të ditur se ka risi që lidhen me Office 365, mirëpo zyrtarë të lartë të Microsoft-it kanë konfirmuar se bëhet fjalë për prezantimin zyrtar të Office 365.

Office 365, i cili është në fazën e testimit publik Beta që nga prilli, pritet të ofrohet në dy versione. Versioni bazë Office 365 for Professionals and Small Businesses, përfshin Office Web Apps, Exchange, SharePoint dhe Lync online, ndërsa çmimi do të jetë 6 dollarë për përdorues në muaj.

Për kompani të mëdha, dedikohet versioni Office 365 for Enterprises, i cili përfshin edhe mundësi shtesë, siç janë shërbimet për këmbimin e menjëhershëm të porosive dhe video-konferencave, ndërsa do të ofrohet në katër variante me çmim mes 10 deri 27 dollarë për përdorues në muaj.

[Zero Cool]

LG Optimus Thrill 4G, bën foto dhe video 3D







Një telefon i mençur interesant dhe ngazëllues, vjen nga LG. Në të vërtetë edhe ashtu quhet Thrill (ngazëllues). Ai mbështet të gjitha risitë me të cilat na bombardojnë çdo ditë, siç është mbështetja për 4G dhe ajo që më së shumti do t’ju pëlqejë, realizimi i fotove dhe videove.

Nuk është kjo e tëra, sepse LG Thrill ka mundësi të shfaqjes së përmbajtjes 3D në ekran, pa syze shtesë 3D, siç munden tashmë Nintendo 3DS apo HTC EVO 3D. Ai duket mjaft bukur dhe mundësitë i ka superiore. Ai punon në procesorin me dy bërthamë Nvidia Tegra 2 me takt pune 1GHz, ekran 4.3 inç të ndjeshëm në prekje WVGA, 1GB RAM, kamerë stereoskopike 3D prej 5MP me flash LED (xhiron video 3D dhe foto 3D), pastaj kamerë 1.3MP anash.

Ka të integruar edhe portin HDMI, përmes të cilit mund të realizoni video 3D në rezolucion HD (720p). Edhe sistemi operues është i veçantë, ndërsa bëhet fjalë për Android "Froyo" 2.2, i optimizuar në mënyrë të posaçme me bërthamë 3D. Momentalisht nuk ka informata rreth çmimit dhe daljes së tij në shitje.

[Zero Cool]

Kompanitë celulare në vendet e BE ulin tarifat e roamingut, “Shqipëria vendnumëro”






Në zbatim me rregullat e BE-së, të vendosura në vitin 2007 dhe të ndryshuara në vitin 2009, operatorët e rrjeteve të telefonisë celulare në BE do të aplikojnë uljen e çmimeve të roamingut.
Kompanitë telefonike celulare në Shqipëri ndonëse e ofrojnë roamingun në partneritet dhe në bashkëpunim me simotat e tyre në vendet e BE-së, nuk kanë njoftuar ndonjë plan për uljën e tarifave të roamingut të cilat si të gjitha çmimet e shërbimeve të tjera konsiderohen më të lartat në rajonin e Ballkanit.
Komisioni europian tha se kompanitë e telefonisë celulare janë të detyruara të zbatojnë tarifat e reja për periudhën deri më 30 qershor të vitit 2012. Gjatë qëndrimit jashtë vendit në kuadër të BE-së, klientët të cilët do të zgjedhin euro tarifë të rregullt, do të paguajnë jo më shumë se 35 eurocent për minutë bisedë në telefonatat dalëse nga numrat e tyre. Po kështu, 11 eurocent për minutë është çmimi që duhet të vendoset për çdo minutë telefonatë e ardhur-hyrëse.
Për vendet jashtë BE-së, çmimet do të llogariten sipas kursit të këmbimit, të shpallur në Gazetën zyrtare të BE-së prej 1 qershorit të vitit 2011.

[Zero Cool]

Facebook do të ofrojë video-biseda, të ofruara nga Skype?





Tashmë është zbuluar sekreti i rrjetit social Facebook. Sipas asaj që është konfirmuar nga një medium i njohur i teknologjisë, rrjeti më i madh social në botë, do ta lansojë shërbimin e saj të ri, platformën për video-komunikim.

Skype dhe Facebook tanimë kanë krijuar një partneritet shumë serioz mes vete, përmes së cilit Skype kishte integruar të dhënat e rrjetit social në shërbimin e saj për klientë. Ndërsa tani pritet që Skype të vijë në Facebook.

Kjo nuk është hera e parë që kemi dëgjuar për mundësinë e shërbimit për video-komunikim brenda Facebook, i cili do të mundësohej nga Skype, mirëpo një funksion i tillë nuk ishte materializuar asnjëherë deri më tani.

Raporti i TechCrunch është i pakët sa i përket mënyrës se si do të funksionojë ky shërbim i ri në kuadër të Facebook.

Ende nuk ka asnjë detaj i cili e sqaron këtë gjë. A do të duhet që përdoruesit e Facebook të instalojnë ndonjë program, a do të ketë mundësi për video-biseda në grup, këto janë disa nga pyetjet për të cilat ende nuk kemi përgjigje për ju.

Lexues të Telegrafi.com, si e vlerësoni ju një funksion të tillë në Facebook? A ju ka munguar një opsion i tillë, në rrjetin social i cili është shumë prezent dhe i përdorur edhe tek ne?

[Zero Cool]

Google rimodelon edhe Gmail





Pas faqes së parë të kërkimit, Google ka rimodeluar edhe faqet e postës elektronike Gmail dhe atë të Kalendarit.

Lajmi është konfirmuar nga zyrtarë të Google, sipas të cilëve, pamja e re nuk është kryer në të gjitha adresat por ndryshimi i saj do të vijojë edhe në muajit e ardhshëm. Ndryshimi vjen në kuadër të një rimodelimi të përgjithshëm, që gjigandi motorrik ka lançuar së bashku me rrjetin social Google+.

Ndonëse ndryshimi do të realizohet në mënyrë automatike, përdoruesit e Gmail dhe Kalendarit do të kenë gjithsnjë mundësinë që të rikthejnë këtë faqe në versionin e saj të mëparshëm.

[Zero Cool]

Kaspersky: Kujdes nga botnet!





Në shumë se katër million kompiutera personalë kanë qënë pre e një programi të sofistikuar “botnet”, i cili identifikon në mënyrë automatike komputerat me sistem sigurie të “brishtë”.

Lajmi është bërë i ditur nga një raport i ekspertëve të Kaspersky, i cili nënvizoi se të paktën 4.5 milion përdorues janë sulmuar nga ky “botnet”.

Bëhet fjalë për një program, i njohur si TDL, i cili në mënyrë automatike kërkon për kompiutera me nivel të ulët sigurie, që ky program i sulmon duke thyer barrierat e duke u fshehur në një dosje të quajtur “master boot record” nga ku vjedh të dhënat e përdoruesve.

Fatkeqësisht, raportojnë ekspertët, këto “botnet” (version i fundit i të cilit është TDL-4) nuk gjurmohen nga anti-virusët e thjeshtë. Raporti evidenton se rreth 28% e viktimave është shënuar në SHBA, 7% në Indi, 5% në Britani dhe rreth 3% e tyre është gjetur në Francë, Gjermani dhe Kanada.