Lajme - risi

[Zero Cool]

Google ofron vegël për menaxhimin e emrit online





Google ka paraqitur një vegël të re që ju ndihmon në menaxhmin e rezultateve të kërkimit për emrin tuaj. Vegla, “Me on the Web” (Unë në ueb) tani është duke përfshirë panelin e Google në mes të informacionit të llogarisë dhe analitikave. Nuk është qëllimi që të jetë një tjetër çështje për privatësi.
“Identiteti online është i përcaktuar jo nga ajo se çfarë poston, por gjithashtu nga ajo që tjetër postojnë për ju – nëse ju përmendeni në një postim në blog, etiketoheni në foto ose në një përditësim publik të statusit” shpjegon Google.

Paneli i ri ju përkrah juve që të mbani tabe në këto përmendje duke rregulluar lajmërimet e kërkimit për pika të të dhënave të përfshira në profilin tuaj në Google, si emrin tuaj dhe email adresën. Ka qenë e mundur që të bëhet rregullimi i lajmërimeve të tilla duke përdorur seksionin tjetër të panelit, por tani kërkon më pak klikime.

Vegla e re nga Google përfshin lidhjet për burimet për menaxhimin e identitetit online dhe largimit të përmbajtjes së padëshiruar. Një nga hapat e parë që duhet ndërmarrë për të përdorur këtë vegël të Google është “Krijimi i një profili në Google”.

[Zero Cool]

Përfundoi epoka “Facebook”?





I lodhur nga rrjeti shoqëror? Dëshiron të dalësh nga Facebook? Ndoshta ju nuk jeni i vetmi. Të shqetësuar për privatësinë ose ndoshta thjeshtë të mërzitur nga përdorimi i kësaj faqje, 100.000 britanikë janë shprehur se kanë ç’aktivizuar profilin në facebook muajin e fundit.

Të dhënat janë negative për drejtuesit e këtij rrjeti edhe në SHBA, ku 6 milionë njerëz janë larguar prej tij (numri i përdoruesve ka rënë nga 155.2 milion në 149.4 milion).

Afrimi i përdoruesve të rinj është ulur në dy muajt e fundit dhe tashmë facebook do të përqendrohet tek vendet në zhvillim për të arritur objektivin e saj – 1 miliard përdorues.

Më herët, këtë vit drejtues të rrjetit bënë të ditur se në Britaninë e Madhe kishin arritur 30 milion përdorues, pra gjysma e popullsisë.

Kohët po ndryshojnë dhe duket se po vjen ajo që kishin parashikuar ekspertët. Përdoruesit e rrjeteve shoqërore janë të përkohshëm, ata zakonisht mërziten shpejt nga përdorimi i tyre. Një gjë e tillë ka ndodhur edhe në të kaluarën. Numri i përdoruesve ka rënë dhe në Kanada, me 1.5 milion si dhe në Rusi dhe Norvegji me nga 100.000.

Por nuk ka vetëm lajme të këqija për drejtuesit e facebook, pasi në vendet në zhvillim si Meksikë dhe Brazili, numri i përdoruesve vazhdon të rritet.

[Zero Cool]

Google, në maj 1 miliard vizitorë





Google kalon për herë të parë 1 miliard vizitorë unikë në një muaj. Kjo, sipas ComScore, ka ndodhur në maj. BigG (me YouTube, Orkut, Gmail) ka kaluar Microsoft (905 milionë), Faceb00k (713 milionë) dhe Yahoo! (689 milionë).

Google është rritur nga 8.4%, ndaj 14.75% të Microsoft e 10.8% të Yahoo!. Ndërsa Faceb00k është rritur me 30.2% dhe mban rekordin e kohës së kaluar në web nga përdoruesit, 12.7% e minutave në maj 2011 kundër 10.4% të Microsoft, 10.1% të Google dhe 4.8% të Yahoo!.

[Zero Cool]

Facebook tani vlen 87 miliardë dollarë





Facebook e ka ruajtur vlerën e saj prej 87 miliardë dollarëve, bazuar në rezultatin e ankandit të djeshëm në SharesPost me 150.000 aksione, 35 dollarë secili.

Është interesante se si vlera e tenderimit filloi të rritet, menjëherë pasi që drejtori ekzekutiv i Facebook, Mark Zuckerberg u tha gazetarëve se kompania e tij do ta bëjë një "njoftim të mrekullueshëm” gjatë javës.

Zakonisht, një njoftim për një produkt të ri i motivon investitorët të tregtojnë aksionet e tyre, ndërsa nëse ka ndonjë lajm negativ që lidhet me kompaninë, çmimi i aksioneve bie poshtë.

[Zero Cool]

Gabimi kompjuterik i anulon 22 mijë ”Green Card”-a





Një gabim kompjuterik është fajësuar për anulimin e 22 mijë vendimeve për të zgjedhurit për fitimin e ”Green Card”-ës së Shteteve të Bashkuara.

Gabimi kompjuterik u ka sjellë dëshpërim shumë personave, që më herët e kishin marrë informatën se ata e kishin fituar statusin për qëndrim në Shtetet e Bashkuara dhe, praktikisht, i kishin nisur përgatitjet për vendosje në Amerikë.

I riu 26-vjeçar, Ilija Smirnov, i lindur në Siberi, më 1 maj mësoi se ishte ndër personat e lumtur, pasi i ishte dhënë ”Green Card”-a amerikane.

Ilija Smirnov dhe gruaja e tij Olga Ai qëndronte në Shtetet e Bashkuara me vizë të përkohshme dhe kishte konkurruar për programin ”Green Card” në Departamentin Amerikan të Shtetit, program ky që 50 mijë njerëzve u mundëson të jetojnë në Shtetet e Bashkuara.

Ishte gëzim i jashtëzakonshëm për Ilija Smirnovin dhe gruan e tij 20-vjeçare nga Ukraina, Olga Leonova, kur mësuan se ishin ndër të zgjedhurit.

”Ne ishim shumë të gëzuar, nuk kemi fjetur tërë natën. Në mëngjes shkova në punë me sy të skuqur, por shumë i lumtur. E njëjta situatë ishte edhe me gruan time. Ne ishim shumë të lumtur dhe nuk kemi mundur të flemë dy net”, tha Ilija Smirnov.

Ai kishte ëndërruar të vendosej në Amerikë përgjithmonë. Ai e kishte thirrur nënën e tij në Rusi, që ta shiste automobilin dhe banesën e tij në Moskë.

Por, gëzimi i tij nuk zgjati shumë. Dy javë pasi e mori lajmin e mirë, në faqen e Departamentit Amerikan të Shtetit, u paraqit ky mesazh: ”Me keqardhje ju informojmë ju se për shkak të një gabimi programues në kompjuter, rezultatet e programit Diversity Lottery 2012, janë të pavlefshme”.

Ilija Smirnov nuk ishte i vetëm në dëshpërimin e papritur. Ai ishte vetëm një nga 22 mijë njerëzit, që ishin informuar se ata e kishin fituar ‘Green card”-ën, e pastaj u ishte tërhequr vërejtja se ky ishte një gabim kompjuterik.

Ilija Smirnov ishte personi i parë që e kishte paditur Departamentin Amerikan të Shtetit, në një gjykatë federale në Uashington, më 16 qershor, në emër të tij dhe të 35 personave të tjerë, që kishin kandiduar për ”Green Card”, e të cilëve ajo pastaj u ishte anuluar.

Avokati Kenet Uajt, nga firma White&Associates, që ka përvojë të gjatë në ligjin për imigracion, po e udhëheq këtë rast.

”Janë 36 paditës nga 20 vende të ndryshme. Ne do të bëjmë kërkesë në gjykatë për miratimin e aksionit të përbashkët dhe atje janë 22 mijë paditës potencialë. Pra, nëse gjykata thotë - në rregull, ne e konsiderojmë këtë veprim të përbashkët - atëherë të gjithë 22 mijë individët, do të jenë pjesë e procesit gjyqësor”, tha avokati Kenet Uajt.

Departamenti Amerikan i Shtetit, që planifikon mbajtjen e lotarisë së re më 15 korrik, refuzoi të komentojë, por tha se po zhvillohen ”hetime” për atë që ka ndodhur.

Ilija Smirnovi ishte detyruar që ta tërheqë banesën e tij në Moskë nga shitja, por automobilin e kishte shitur me çmim të ulët.

Irina Voropaeva, 33-vjeçare nga Moska, që e kishte vizituar Bregun Perëndimor të Shteteve të Bashkuara dhe menjëherë kishte rënë në dashuri me këtë shtet, tha se ishte e shokuar kur dëgjoi për anulimin.

Irina Voropaeva me familje
”Të premten, më 13 maj, në mbrëmje ne mësuam se rezultatet ishin anuluar. Ky ishte shok. Mora pushim mjekësor nga puna, pasi nuk isha në gjendje të mendoja për asgjë".


"Më ndodh edhe të qaj, pasi nuk e di se si do të përfundojë e gjithë kjo. Kam frikë se mund të mbyllet edhe më keq për ne. Duke i plotësuar letrat e aplikimit, ne i kemi zbuluar synimet tona për imigrim dhe tash, me gjasë, nuk do të kualifikohemi as për viza turistike”, u shpreh Irina Voropaeva.

[Zero Cool]

NATO hakohet për herë të dytë


Një grup hakerësh, i njohur si Inj3ct0r Team, po thonë se kanë depërtuar në një server që i përket NATO-s. Ata kanë postuar dosjet e kompromentuara, që ishin dosje konfidenciale të ruajtura në serverin rezervë, në MediaFire.

Sipas Hacker News, arsyeja Inj3ct0r hyri në NATO ishte për shkak të zhvillimit dhe financimit të armëve nukleare. Ata hakuan Serverin Tomcat 5.5 duke përdorur një shfrytëzim 1337ditësh (ditë zero) dhe duke bërë publike 2,646 dosje si provë. Kjo është hera e dytë që NATO është hakuar që kur vetë Aleanca lidhi grupin Anonymous me Al Kaedan dhe talebanët.

[Zero Cool]

Kompjuteri me i vjeter ne bote





Kompjuteri me i vjeter ne bote daton afro 20 shekuj me pare dhe ngjason me nje makine llogaritese astronomike, shume komplekse.

Kjo aparature mundesonte parashikimin e eklipseve, studimin e levizjeve te shenjave te zodiakut dhe gjithashtu sherbente per te matur levizjen dhe fazat e henes.

Historianet dhe hulumtuesit kane zbuluar se pajisja misterioze eshte ndertuar ne zonen e ishullit te Kretes dhe mendohet te jete shpikur pikerisht ne Sicili. Hulumtuesit thone se kompjuteri i vjeter mund te jete rezultat i krijimeve te matematikanit te njohur te asaj perjudhe, Arkimedit.

Studiuesit tregojne se kompjuteri me antik ishte shume i sakte dhe i sofistikuar dhe ishte i pajisur me dy ekrane. Nje ne pjesen e perparme qe siguronte llogaritjen e levizjes se yjeve dhe nje ne pjesen e pasme qe sherbente per matjen e kohes dhe tregimin e drejtimit te levizjes se tyre.

[Zero Cool]

New-York – Suksesi i saj është në hije, por në fakt është një prej grave më të pasura të Amerikës dhe sigurisht edhe një ndër më të fuqishmet.

Sheryl Sandberg është Drejtorja Operative e Facebook-ut, domethënë truri i vërtetë veprues i rrjetit social, të themeluar nga Mark Zuckerberg. Por Sandberg është edhe një prej objekteve të skandalit, që prej vitesh përballë edhe ligjërisht Facebook-un me Google-n, pasi sipas “New Yorker”, ajo punonte për ta.

Historia i ka fillesat në vitin 2007, kur Mark Zuckerberg kuptoi se krijesa e tij po i shpëtonte nga duart, ndaj kishte nevojë për një ekspert që ta forconte më tej Facebook-un.

Mark takoi Sheryl Sandberg, e cila në atë moment ishte zëvendëspresidente për shitjet online dhe veprimet e tjera të Google.

Sandberg ka bërë një karrierë të shpejtë dhe në 2007 kërkonte dicka ndryshe. Takimi me Mark ishte i duhuri dhe ata nisën të shiheshin gjithnjë e më shpesh derisa Zuckerberg e vendosi të ishte Sheryl, mendja e rrjetit social. E kështu nisi edhe beteja mes Facebook dhe Google.

[Zero Cool]

LinkedIn është rrjeti i dytë më i madh social






Pavarësisht ndyshimit të pronarëve dhe famës së Justin Timberlake, vazhdojnë të vijnë lajme negative nga Myspace. LinkedIn është rrjeti i dytë social më i madh në botë pas Facebook, duke lënë prapa me disa qindra mijëra përdorues Myspace.

LinkedIn ka shënuar 33.9 milion vizitorë në muajin Qershor, rreth 400 mijë më shumë se Myspace, që është vizituar nga 33.5 milionë përdorues. Por ndërkohë rrjeti social i drejtuar nga këngëtari Timberlake ruan vendin e tretë duke lënë pas Twitter me 30.6 milion vizitorë.

Ndërkohë kryesimin në këtë listë e mban Facebook me 130 milion përdorues aktivë. Mbetet për t’u parë, roli që do të luajë rrjeti i ri që japo ka dalë në qarkullim Google +.

[Zero Cool]

Hakersat vjedhin 90 mijë e-maile të kontraktorit të ushtrisë amerikane






Hakersat kanë lajmëruar se kanë vjedhur 90.000 adresa e-maili dhe passworde pas një sulmi që i është bërë një kontraktori të ushtrisë amerikane. Ata lajmëruan se kanë arritur të deportojnë sistemin e sigurisë së “Booz Allen Hamilton” dhe të mund të përvetësojnë detajet e sipërcituara. Të dhënat kanë qenë versione të kriptuara të passëordeve të e-maileve, 53.000 prej të cilëve mbanin prapashtesën e domainit “.mil”.

[Zero Cool]

Internet Explorer vazhdon te humbe shfrytezues





KALIFORNI - Renia e popullaritetit te web browserit te Microsftit, perkunder ndryshimeve pozitive ne versionin 9 dhe atyre te paralajmeruara per versionin 10, po vazhdon dhe, sipas te dhenave te Net Applications, ne qershor te ketij viti perqindja e shfrytezimit te tij ka rene nga 60,32 per qind sa ishte ne te njejten periudhe te vitit te kaluar ne 53,58 per qind ne nivelin global.

Internet Explorer po afrohet rrezikshem tek renia nen gjysmen e tregut.

Hisen e humbur nga IE e kane “marre’ Google me Chrome, popullariteti i te cilit nga 7.16 per qind sa ishte vitin e kaluar eshte ngritur ne 13,1 per qind, nderkohe qe ka pasur rritje edhe te Safarit nga 5,09 per qind ne 7,48 per qind, ndersa Firefoxi thuhet se ka shenuar nje renie te vockel te popullaritetit.

ps: une ju referoj Google Chrome

[Zero Cool]

Google eleminon 11 milion faqe web





Google ka eliminuar 11 milion faqe interneti nga motori i kerkimit, duke i konsideruar te rrezikshme sepse shperndajne programe malinje.

Sipas Oliver Fisher, pjesetar i grupit kudra programeve malinje te Google, motori i kerkimit eliminoi te gjitha faqet me mbarese co.cc, qe i perkasin nje kompanie koreane, e cila i jepte falas keto “subdomain”.

Google ka sisteme mbrojtese qe bllokojne programet malinje, por vendimi u mor sepse ne keto faqe perbenin nje rrezik me te larte se normalja.

[Zero Cool]

Gruaja qe ben te zihet Google dhe Facebook



Punon ne hije, por eshte nje nga grate me te pasura ne Amerike dhe padyshim nje nga me te fuqishmet.





Sheryl Sandberg, Chief Operating Officer (drejtore operative) e Facebook, qe eshte mendja e vertete operative e rrjetit social te themeluar nga Mark Zuckerberg.

Por Sandberg, eshte mbi te gjitha, nje nga guret e skandalit, qe prej vitesh shef Facebook duke u perplasur, edhe ligjerisht, kunder kolosit Google.

Sepse me pare, sic tregon New Yorker, ajo punonte per ta.

Historia nis ne 2007, kur Mark Zuckerberg, kupton se krijimi i tij po i shpetone nga duart dhe qe do te kishte nevojen e dikujt, ekspert per te rritur Facebook ne drejtimin e duhur.

Cfare mundesie me e mire se ajo e festes se Krishtlindjeve ne Silicon Valley, do te ishte per te gjetur personin e duhur?

Dhe ketu takon Sheryl Sandberg, qe ne ate kohe ishte zevendespresidente e shitjeve online dhe per veprimet ne Google.

Sandberg, 38 vjece ka bere nje karriere te shpejte dhe tashme(ne 2007) deshiron dicka ndryshe.

Ajo dhe Zuckerberg kane biseduar gjate gjithe nates dhe vendosin te takohen perseri. Takimet behen shume me te shpeshta, gjithmone ne shtepine e Sandberg dhe vazhdojne deri vone, saqe bashkeshorti i saj, Dave Goldberg, nje tjeter guru teknologjie, ben shaka duke i quajtur “takime te nxehta”.

Keshtu vijme ne vitin 2008 dhe Zuckerberg vendos: Sheryl Sandberg, eshte personi i duhur per te.

Ketu lind kapitulli i fundit i luftes mes Facebook dhe Google.

Mountain View (Google), fillimisht kerkoi te mbaje Sandberg, por kerkesat e menaxheres bien ndesh me vullnetin e krereve te Google, ne moszgjerimin e metejshem te kabines se pilotimit, ku ulen themeluesit Larry Page, Sergey Brin dhe CEO Eric Schmidt.

Madje disa i kujtuan Sandberg se as Facebook nuk do te kishte ne dore komanden e operimeve, po pergjigjja e saj ishte “Facebook eshte i shtyre nga mardhenie njerezore dhe jo nga pushteti”. Nje fraze qe nenkupton se per Google mardheniet njerezore nuk jane prioritet.

Po kur Sheryl u be operative ne rrjetin social konfrontimi behet i eger.

“Menaxherja”, nuk ka asnje problem te peshkoje ne kompanine e saj te vjeter, persona qe mund te ndihmojne ne aventuren e saj te re.

Gjate muajve dhe viteve, ka kaq shume mendje te ndryshme qe nga Google kalojne ne Facebook, duke sjelle me vete nje pervoje te cmuar te akumuluar ne Mountain View.

Ne pak kohe, ai qe ishte nje site i suksesshem, por qe nuk sillte fitime, kthehet ne nje web gjigand.

Facebook, edhe ne saje te punes se Sheryl Sandberg, behet me te vertete global dhe fillon te prodhoje fitime. Sandberg eshte nje vendimtare, por i pelqen te konfrontohet me koleget. P.sh vendimi per te mos u paguar nje abonin per perdoruesit dhe te perqendrohet tek reklamat vjen nga propozimi i saj, por eshte miratuar ne menyre kolegjiale.

Suksesi i Facebook, nuk i pelqen Google, qe tani e sheh Sheryl si “person i padeshiruar”.

Sic u permend “menaxherja”, ka mbushur duart plot me punojesit e Google, por mbi te gjitha (kjo akuze vjen nga Mountain View) ka shfrytezuar njohurite e saj mbi metodat e punes te Google per te perfituar Facebook.

Nje akuze mjaftueshem qesharake, sepse kushdo qe kalon nga nje kompani tek nje tjeter sjell me vete nje pervoje te jetuar dhe shpesh zgjidhet per faktin se ata “e njohin armikun”.

[Zero Cool]

Toshiba me laptopin e parë me 3D pa syze





Toshiba ka prezantuar Qosmio F750 3D, të parin laptop komercial i cili mund të paraqesë pamjet 3D pa pasur nevojë për të përdorur syze. Për më shumë, F750 3D përkrah paraqitjen edhe të 2D edhe të 3D – pra nëse ta zëmë, shfrytëzuesi dëshiron që në një dritare të hapë browserin ose tekst editorin, ndërësa në tjetrën ndonjë përmbajtje 3D.

Po ashtu në këtë laptop është integruar edhe kamera HD e cila përcjell pozitën e fytyrës së shfrytëzuesit dhe në këtë mënyrë i mundëson kënd të gjerë të shikimit.

Qosmio F750 3D ka karakteristika harduerike impresive dhe është ndërtuar rreth procesit Intel Core i7 Quad-Core, dhe mes tjerash ka edhe 8 GB memorie RAM DDR3, kartelë grafike GeForce GT 540M me 2 GB memorie dhe drajv optik për incizim të Blu-ray disqeve. Peshon diç më shumë se një kilogram, vjen me ngjyrë të kuqe ose të bardhë. Në Evropë do të gjendet në shitje në çerekun e tretë të këtij viti, gjegjësisht deri kah fundi i shtatorit.

[Zero Cool]

Bilanc fantastik për Google






Gjigandi motorik Google ka njoftuar njërritje të jashtëzakonshme të ardhurash dhe përfitimesh, shumë herë më të larta nga pritshmëritë.


Përfitimet neto për tre muajt e fundit, pa llogaritur këtu Korrikun, pësuan një rritje me 36% krahasuar me të njëjtën periudhë të një viti më parë. Xhiroja e përgjithshme e gjingandit motorrik ka qënë 9 miljardë dollarë, ndërsa përfitimet bruto të arritura përllogariten në 2.5 miljardë dollarë.

Ky është suksesi i parë i shefit të ri ekzekutiv të Google Larry Page, i cili zëvendësoi në Prill Eric Shmidt. Page ishte iniciatori për lançimin e rrjetit social Gogle +.