Lajme aktuale nga vendi !

[Zero Cool]

Katër policë shqiptarë i kthehen detyrës





Pas një kohe të gjatë, në portën numër 1, në afërsi të Leposaviqit, në kufirin Kosovë-Serbi, janë kthyer në patrullim policët shqiptarë.


Burime të “Zërit” nga pjesa veriore e Mitrovicës, kanë bërë me dije se një njësi e Policisë Kufitare të Republikës së Kosovës, e përbërë nga shqiptarë, janë kthyer në patrullim të kufirit Kosovë – Serbi, në lokalitetin Jarinje të komunës së Leposaviqit.

Katër policë shqiptarë që kanë patrulluar rreth gjashtë muaj më parë në portën kufitare Kosovë-Serbi, në Jarinje, nuk janë pritur mirë nga kolegët serbë.

[Zero Cool]

Daci padit Krasniqin dhe Kryesinë e Kuvendit





Ish-kryetari i Kuvendit të Kosovës, Nexhat Daci ka paditur kryetarit aktual të parlamentit, Jakup Krasniqi, dhe Kryesinë e Kuvendit në Gjykatën Supreme të Kosovës për shkak se nuk po ia lejon privilegjet që i takojnë – shërbimi i një veture, një shoferi, një asistenti dhe 70 për qind e pagës së kryeparlamentarit.


Kryetari i Lidhjes Demokratike të Dardanisë (LDD), parti kjo që në zgjedhjet e fundit nuk ia doli të kalojë pragun zgjedhor për tu futur në parlament, është dënuar me kusht para pak kohësh nga Gjykata për rregullimin e dhëmbëve me para të taksapaguesve kosovarë.

Klan Kosova e ka treguar Dacin se si po i sfidon temperaturat e larta, duke ecur këmbë nga zyra e partisë deri tek shtëpia e tij.

[Idealist]

e dhembet i kushtuan. Ketij nuk iu desht nje perfundim i till, kur dihet se ne Kosove vjedhja eshte ne kulm

[Zero Cool]

Surroi kandidat i LDK-së për president?





Burimet brenda Lidhjes Demokratike të Kosovës – LDK kanë konfirmuar për Prishtina Insight se janë duke vlerësuar nëse duhet të kërkohet nga një nga intelektualët më të respektuar të vendit që të bëhet kandidat i tyre për president në zgjedhjet e vitit të ardhshëm.
Këto zgjedhje paraqesin një ndryshim të theksuar të peizazhit politik në Kosovë, ngase presidenti do të zgjedhjet me vota të drejtpërdrejta. Deri tani, presidenti është zgjedhur nga parlamenti dhe është konsideruar kryesisht post ceremonial.

Anëtarë kyçë të partisë së dytë për nga madhësia në Kosovë vlerësojnë se Veton Surroi mund t’ua sigurojë fitoren. Publicisti nuk ka ofruar ndonjë koment lidhur me këtë plan dhe nuk iu është përgjigjur pyetjeve të Prishtina Ingisht sa u përket këtyre pretendimeve.

Surroi u tërhoq nga politika në vitin 2007, pasi që Ora, partia e tij politike, nuk arriti ta kalojë pragun prej 5% në zgjedhjet e përgjithshme dhe rrjedhimisht nuk arriti të hyjë në parlament, transmeton Zëri.

Disa figura të rëndësishme të LDK-së janë të bindura se do të mund ta joshin atë që prapë të hyjë në politikë. 50-vjeçari i ka akuzuar partitë e mëdha politike për vjedhje dhe manipulim të votave dhe për largimin e Orës nga parlamenti pak para shpalljes së pavarësisë së Kosovës në vitin 2008.

Të tjerët fajin për dështimin e partisë së tij e kanë gjetur në imazhin e Surroit si elitist dhe i përqendruar vetëm në Prishtinë.

Surroi mbetet figurë popullore në Kosovë, është aktiv në debate publike dhe i favorizuar nga kori diplomatik.

[Zero Cool]

Kërkohet zgjidhje e kërkesës së veteranëve





Deputeti nga radhët e Vetëvendosjes, Rexhep Selimi tha të enjten në seancën plenare se Kryesia e Kuvendit duhet të kontaktojë me veteranët e luftës që gjenden që dy muaj në grevë, në mënyrë që t’i hapet rrugë zgjidhjes së çështjes së tyre.


Ai tha se për dy muaj sa janë në grevë, veteranët kanë pasur vetëm një kërkesë, atë të procedimit të Ligjit për vlerat e luftës, ndërsa sipas tij, për kaq kohë ata morën si përgjigje vetëm injorimin e Qeverisë.

Selimi tha se javën që lamë pas veteranëve i është dhënë një premtim nga Qeveria, se Ligji këtë javë do të procedohet, e që si rrjedhojë u anulua protesta e paralajmëruar prej tyre, mirëpo sipas deputetit të Vetëvendosjes edhe ky premtim i Qeverisë nuk u mbajt.

Deputeti i Vetëvendosjes tha se është për tu admiruar sjellja e veteranëve të luftës. Ai kërkoi që Kryesia e Kuvendit të Kosovës të reagoi ndaj kësaj gjendje dhe propozoi që Kryesia t’i kontaktojë grevistët dhe t’i hapë rrugë zgjidhjes së kërkesave të tyre.

Edhe, Myzejene Selmani nga partia në koalicion, AKR, tha se qeveria duhet të gjejë zgjidhje për këtë çështje.

Ajo pohoi se Qeveria e Kosovës duhet të dalë me gjendje reale të buxhetit, në mënyrë që të gjendet një zgjidhje për veteranët dhe të largohen nga tendat, në të cilat gjenden që dy muaj.

Ndryshe, në kërkim të miratimit të ligjit me të cilin do të njiheshin vlerat e luftës së Ushtrisë Çlirimtare të Kosovës, veteranët e luftës së fundit në Kosovë që dy muaj janë në grevë para ekzekutivit të vendit.

[Neferta]

Krasniqi do te perballet me drejtesine per shkak te deklaratave te tija fyese....
Publikuar: 21.07.2011 - 09:29Prishtinë, 21 korrik – Imami i Xhamisë së Madhe të Prishtinës, Shefqet Krasniqi, ka gjasa të japë llogari para drejtësisë kosovare për fjalët që ka thënë dy vjet më parë për nobelisten shqiptare Nëna Terezë.

[Zero Cool]

Prioritet furnizimi me rrym





Kryeministri Hashim Thaçi në seancën e Kuvendit të Kosovës të enjten ka thënë se janë duke punuar për realizimin e projektit të Termocentralit “Kosova e Re”. Ai tha se synim i Qeverisë së Kosovës është stabilizimi i furnizimit me energji elektrike.
Kryeministri Thaçi pasi është pyetur nga deputetja Donika Kadaj-Bujupi nga radhët e AAK-së se çfarë po ndodhur me projektin për ndërtimin e termocentralit të ri për të pasur një stabilitet me furnizim të energjisë elektrike, ka thënë e ai kur ka ardhur në krye qeverisë më 2007 ka gjetur vendin në terr e tash siç tha ai “vendi është në ditë”.

Thaçi tha se prioritet i tij dhe i Qeverisë është stabilizimi i furnizimit me rrymë prioritet kryesor. “Është rritur për 25 për qind prodhimi rrymës po ashtu edhe prodhimi i linjitit, furnizimi është rritur për 40 për qind”.

Shefi i qeverisë tha se për të siguruar furnizim stabil, Qeveria po punon intensivisht për ndërtimi e Termocentralit “Kosova e Re”.

kam mendu qe PDK i ka permbushe premtimet :( 24 ore rryme , thojshin para zgjedhjeve

[Zero Cool]

Kuvendi s’i ratifikon konkluzat, por marrëveshjet


Kryeministri i vendit, Hashim Thaçi para deputetëve të Kuvendit të Kosovës duke folur rreth konkluzave të të dërguarit të BE-së, Robert Cooper, për pajtueshmërinë e arritur gjatë procesit të dialogut ndërmjet Republikës së Kosovës dhe Republikës së Serbisë, tha ato nuk janë marrëveshje dhe si të tilla nuk ka qenë e nevojshme ratifikimi i tyre në Kuvend.
Në seancën e Kuvendit të Kosovës, Thaçi ripërsëriti se Qeveria nuk ka nënshkruar asnjë lloj marrëveshje ndërkombëtare, apo traktat me Serbinë, që do të kishte fuqinë ligjore dhe që do të duhej të ratifikohej në Kuvendin e Kosovës.

Ai tha se konkluzat meqenëse nuk janë marrëveshje nuk janë dërguar në Kuvend për ratifikim, ndërsa siguroi deputetët se çfarëdo marrëveshje eventuale në të ardhmen do të ratifikohet në Kuvendin e Kosovës.

“Delegacioni i Kosovës ka arritur të nxjerrë konkluzione të përbashkëta me delegacionin e Serbisë. Prandaj dëshiroj të theksoj se ato janë konkluzione të përbashkëta dhe jo marrëveshje, dhe çdo marrëveshje që mund të arrihet në të ardhmen për njohjen reciproke, do të ratifikohet në Kuvendin e Kosovës. Pra Qeveria e Kosovës do ta respektojë në tërësi Kushtetutën e Kosovës”, ka thënë Thaçi para ligjvënëse kosovar, duke iu përgjigjur kështu pyetjes rreth kësaj çështjeje të deputetes nga lëvizja Vetëvendosje, Alma Lama.

[Zero Cool]

Thaçi nuk arriti t’i bindë grevistët





Nuk rezultoi me marrëveshje takimi i sotëm ndërmjet ish-luftëtarëve të UÇK-së dhe kryeministrit Hashim Thaçi, ku ishte i pranishëm edhe ministri i Financave, Bedri Hamza. Takimi ishte i mbyllur për media.


Thaçi dështoi t’i bindë ish-luftëtarët e Ushtrisë Çlirimtare të Kosovës të cilët kanë hyrë në ditën e 60-të të grevës, raporton RTK.

Edhe pse një delegacion i grevistëve sot është takuar me kryeministrin, ata janë të pakënaqur me sqarimet që ka bërë kryeministri për vonesën e Ligjit për Vlerat e Luftës.

Përfaqësuesi i grevistëve, Xhevdet Qeriqi tha se zyrtarët e lartë qeveritar kanë kërkuar nga grevistët që të presin edhe disa ditë për procedimin e Ligjit për vlerat e luftës, gjë me të cilën ata nuk janë pajtuar, duke theksuar se greva do të vazhdojë edhe pas ditës së 60-të.

Ata gjithashtu paralajmërojnë protestë gjithëpopullore për nesër në ora 12.00, para ndërtesës së Qeverisë së Kosovës

[Zero Cool]

Shkëlzen Haradinaj u nderua me “Urdhrin Hero i Kosovës”





Presidentja e Republikës së Kosovës, Atifete Jahjaga ka marrë vendim që Shkëlzen Haradinajt t’i jepet “Urdhri Hero i Kosovës”, me motivacion “për trimërinë e treguar gjatë luftës çlirimtare për lirinë dhe për pavarësinë e Kosovës”.


Medaljen dhe dekoratën ajo ia ka dorëzuar babait të dëshmorit, Hilmi Haradinajt.

“Vendimi për këtë urdhër u mor në bazë të Kushtetutës së Republikës së Kosovës, neni 84, pika 28, si dhe në bazë të Rregullores mbi Dekoratat, Urdhrat dhe Titujt e Nderit të Kosovës që i jep Presidentja e Kosovës dhe Procedurat e Dhënies së tyre, nenet 3, 5 dhe 49”, thuhet në njoftimin e Presidencës.

“Urdhri Hero i Kosovës” u jepet figurave historike shqiptare dhe të Kosovës, të kohëve moderne, nga Lidhja e Prizrenit e këndej, si dhe qytetarëve të Kosovës që kanë bërë vepra trimërie për lirinë dhe pavarësinë e Kosovës.

[Zero Cool]

Veteranët e UÇK-së sot protestojnë





Ish luftëtarët e Ushtrisë Çlirimtare të Kosovës, të cilët kanë hyrë në ditën e 61-të të grevës, e që kërkojnë miratimin e Ligjit për Vlerat e Luftës kanë paralajmëruar për sot një protestë para ndërtesës së Qeverisë së Kosovës, me fillim në ora 12.00.


Grevistë një ditë më parë kishin zhvilluar një takim me kryeministrin e Kosovës, Hashim Thaçin, por pas ndonjë rezultat. Grevistë janë shprehur të pakënaqur me sqarimet që ka bërë kryeministri për vonesën e Ligjit për Vlerat e Luftës.

[Zero Cool]

Embargo, Serbia e quan sërish Kosovën “krahinë jugore”





Qeveria e Serbisë e ka shqyrtuar në mbledhjen ese enjetes vendimin mbi ndalimin e hyrjes së mallit siç thuhet nga Serbia qendrore në Kosovë dhe ka vlerësuar se fjala është mbi aktine njëanshëm të pengimit të qarkullimit të mallrave me të cilin shkelet vrazhdë Marrëveshja CEFTA dhe nuk mundësohet furnizimi normal i popullatës “së krahinës jugore serbe”.
Ne kete rast serish Serbia i eshte referuar ne menyre te gabuar Kosoves si krahine jugore pasi Kosova eshte shtet i pavarur. Qeveria në mbledhje ka marrë vendimin t’i paralajmëroj Kombet e Bashkuara (KB) dhe Bashkimin Evropian (BE) për pasojat e mundshme të vendimit të tillë të “Qeverisë së përkohshme në krahinë” dhe të iniciojë procesin e zgjidhjes së problemit pranë Komisionit Evropian (KE) i cili është themelues i CEFTA-s.
”Qeveria e Serbisë vlerëson se Qeveria e përkohshme në Prishtinë ka për qëllim ta mohoj kuptimin e dialogut V mbi Kosovën, të nxis pasiguri të popullatës serbe dhe të pengojë përpjekjet e zgjidhjes demokratike të problemit në krahinën jugore” ka deklaruar shefi i Kancelarisë së Qeverisë për bashkëpunim me mediat Milivoje Mihajloviq në nkë konferencë për gazetarë pas mbledhjes së qeverisë.

[Zero Cool]

Po shtohen presionet që Serbia të njohë Kosovën





Ministri serb i Punëve të Jashtme, Vuk Jeremic ka deklaruar se po shtohen trysnitë kundër Serbisë që ta njohë Kosovën.


“Presionet për ta njohur Kosovën janë të përhershme dhe ato po shtohen. Vendet me ndikim të jashtëzakonshëm po bëjnë atë që po munden dhe po bëjnë presion edhe te vendet tjera që ta njohin Kosovën”, ka thënë Jeremic.

Ai ka vlerësuar se Serbia kundërshton këtë presion “dhe deri më tash, me sukses edhe më të madh sesa dikush ka mundur të presë, e sidomos nga to vende që bëjnë presion", transmeton Blic.

I pyetur se çfarë do të ndodhë nëse drejtpërsëdrejti kërkohet që Serbia të njohë Kosovën në mënyrë që ajo të mund të anëtarësohet në BE, Jeremic ka thënë se është i ditur qëndrimi i tij dhe këtë qëndrim ai e ka paraqitur disa herë.

[Zero Cool]

Prishtinë: Lirohen tre serbë të akuzuar për krime lufte





Një trup gjykues i përzier me gjykatës kosovar dhe të EULEX-it në Gjykatën e Qarkut në Prishtinë i ka liruar Slobodan Martinovicin, Srecko Martinovicin dhe Svetlana Stojanovicin nga akuzat kundër tyre për mungesë të provave të mjaftueshme.
Në njoftimin e EULEX-it thuhet se ata ishin akuzuar për krime lufte kundër popullatës civile.

Prokuroria u përfaqësua nga një prokuror kosovar i Prokurorisë Speciale të Kosovës. Më tej thuhet se afati për ankesë është 15 ditë.

[Neferta]

Kosova u detyrua të vendosë masa të ndërsjella me Serbinë tha Kantrimen

Zëvendësndihmës sekretari amerikan i shtetit, Thomas Countryman, tha se vendimi i qeverisë së Kosovës për ndalimin e importeve nga Serbia, ishte rrjedhojë e bllokadës së mëhershme tregtare që Serbia kishte vendosur kundruall Kosovës. Në një intervistë për Zërin e Amerikës, Countryman tha se Shtetet e Bashkuara do të dëshironin të shihnin një qasje legale të të dyja palëve ndaj kësaj çështjeje.
“Na vjen keq që qeveria e Kosovës ishte e detyruar të vendosë masa të ndërsjella në marrëdhëniet tregtare me Serbinë. Nuk do të dëshironim të shihnim një qasje të tillë. Në të njëjtën kohë duhet të shohim të vërtetën se Serbia ka filluar një bllokadë të tillë ndaj mallrave të Kosovës para më shumë se dy vjetësh. Edhe ajo bllokadë është jolegale kundruall marrëveshjes për tregti të lirë në Evropën qendrore, të cilën Beogradi e ka nënshkruar vjet më parë dhe nuk lejon bllokadë të tillë as nga ana e Serbisë e as nga ana e Kosovës. Duam të shohim thjeshtë një qasje legale të të dyja palëve”, tha Countryman.
Ai tha se edhe shtyrja e bisedimeve ndërmjet Kosovës dhe Serbisë për muajin shtator, ka të bëjë me çështjen e bllokadës. Vendimi për të anuluar bisedimet e kësaj jave ishte rrjedhojë e mosgatishmërisë së qeverisë së Serbisë që të heq bllokadën ndaj mallrave të Kosovës dhe për këtë arsye nuk kishte mundësi për marrëveshje të reja gjatë kësaj jave.
“Megjithatë, ne jemi optimistë se edhe Serbia edhe Kosova, mund të gjejnë zgjidhje praktike për çështjet e jetës së përditshme. Ky është një shembull i mirë. Nëse do të jetë e mundur që të ketë një treg të lirë ndërmjet Kosovës dhe Serbisë atëherë mund të kemi sukses edhe për çështjet më të mëdha të këtyre bisedimeve”, tha Countryman.
Ai nënvizoi se është shumë e rëndësishme që Beogradi të përmbushë reformat e brendshme dhe të ketë marrëdhënie sa më të mira më fqinjët, por, sipas tij, po aq e rëndësishme është për evropianët që një vend që synon statusin e kandidatit për anëtarësim në Bashkimin Evropian të përmbushë detyrimet e tij. Ai e vlerësoi si shembull të mirë që Beogradi përmbushi detyrimin ndaj Gjykatës së Hagës, duke arrestuar të akuzuarin për krime lufte, Goran Haxhic. Por, ai tha se ishte shembull shumë negativ që Beogradi tash e dy vjet e gjysmë shkel detyrimet ndaj CEFTA-s, pa arsye legale. Ai ritheksoi rëndësinë që kanë bisedimet aktuale ndërmjet Kosovës dhe Serbisë.
“Ky dialog nuk duhet të krijojë kompromis të madh politik as nga ana e Beogradit as nga ana e Prishtinës, por duhet të sjellë dobi për të dyja palët. Të gjithë ata që e kritikojnë qoftë opozita në Serbi qoftë opozita në Kosovë, tha Countryman, këtë e shfrytëzojnë vetëm nga qëllimet politike dhe nuk shohin se çfarë mund të jetë pozitive dhe që mund të ndihmojë një jetë më të mirë edhe të serbëve edhe të shqiptarëve në Ballkan”.