Rrymat ekstreme

[jadore]

Postimi origjinal është bërë nga e-uritura

Kjo shpjegon mjaft gjera ne lidhje me ata qe agjerojne!

jo !
aludova ne ju ..

[e-uritura]

Postimi origjinal është bërë nga jadore

jo !
aludova ne ju ..

Aaaa!

[Zero Cool]

Fundamentalizmi i demaskuar

Kosova si shtet laik, demokratik dhe shoqëri moderne nuk i kufizon të drejtat e besimtarëve. Por, nuk mund të lejojë që të sfidohet nga fundamentalizmi i maskuar në petkun e respektimit të të drejtave të njeriut.


Nga Shkelzen Maliqi më 12 shtator 2011

Kërkesat që i shtrojnë disa parti dhe grupe islamiste, për bartjen e shamisë dhe futjen e lëndës së fesë në shkollat publike, prezantohen si të drejta demokratike dhe, për më shumë, vullnet i shumicës. Në shikim të parë edhe shamia edhe mësimi i fesë, mund të cilësohen si pjesë e të drejtave që i ka çdo individ, të mbulojë kokën dhe të edukohet në frymën e besimit që i takon dhe është edhe si individ i bindur në këtë.

Megjithatë, në këtë çështje duhet të dallohet sfera publike nga sfera private. Në sferën publike, që e kontrollon shteti demokratik, nuk mund të lejohet promovimi i besimeve dhe praktikave fetare që kanë tendencën e uzurpimit të sferës publike. Konkretisht, e drejta e mbulimit të kokës me shami nuk mund t’i mohohet individit që beson se me këtë përmbush një normë dhe urdhër fetar, por kur kërkohet që shamia, ose më radikalisht mbulimi i fytyrës, të legalizohet edhe në jetën publike, në shkollat dhe institucionet publike, kjo e drejtë bie ndesh me parimin e emancipimit të gruas nga format tradicionale të nënshtrimit të saj.

Në diskursin fetar të myslimanizmit radikal mbulimi i kokës ose edhe fytyrës me ferexhe, nuk pasqyrojnë thjesht një botëkuptim relikt për sjelljen e gruas në shoqëri që mund ta konsiderojmë si folklor të padjallëzuar, por zakonisht është një manifestim i qartë i jashtëm i kufizimeve që duhet t’i ketë një grua e që janë krejtësisht të papërputhshme me jetën moderne dhe të drejtat e barabarta të gruas në shoqëri. Privatisht dhe individualisht një grua mund të ketë bindje dhe t’i nënshtrohet regjimit të kufizimeve, por në shtetin demokratik dhe në institucionet publike, nuk mund të lejohet ky lloj i imponimit të kufizimeve të lirisë që gruan e kthen në një skllave paramoderne që duhet t’i bindet për çdo gjë burrit e edhe familjes së tij, dhe i ka tejet të kufizuara mundësitë e zgjedhjes së profesioneve dhe të mënyrës së jetës. Një model të pozitës të këtillë të mbrapsht dhe të trajtimit fundamentalist të rolit të gruas në shoqëri është ai që aplikohet ende në Arabinë Saudite, e në variantet e modifikuara edhe në Iran dhe disa shtete tjera jodemokratike.

Ky imponim i modelit tradicional konservator është sidomos i papranueshëm për femrat në moshën jo madhore. Dhe mu këtë model edhe e kanë sjell në Kosovë disa ideolog dhe praktikues të vehabizmit.

Edhe më fundamentaliste është kërkesa e islamistëve ekstremistë që në shkollat publike të futet lënda e besimit dhe këtë jo si nxënie e diturive mbi fenë ose më saktë mbi fetë (gjë që edhe është prezente në kurikullat aktuale të shkollave publike), por si një lloj introdukte në besim që në instancën e fundit për qëllim e ka indoktrinimin, joshjen e të rinjve që të aderojnë dhe praktikojnë religjionin.

Shteti laik nuk duhet të lejojë futjen e një lënde të tillë indoktrinuese në shkollat publike. Kjo për arsye sepse doktrinat e të gjitha religjioneve kryesore (krishtere dhe islame) janë dogmatike dhe fundamentaliste, në kuptimin se predikojnë se Bibla dhe Ku’rani janë libra të shenjtë dhe burim i të vërtetave fondamentale, sikundër që edhe sigurojnë shpëtimin e besimtarëve të devotshëm në atë jetën tjetër, pas vdekjes dhe largimit nga kjo botë.

Analizat kritike të Biblës që janë bërë prej kohësh, dhe kohëve të fundit edhe ato të Kur’anit, kanë treguar se këta libra gjithsesi janë vepra dhe krijime të rëndësishme dhe me ndikim enormë, në kuptimin e një lloji të letërsie të bukur dhe të frymëzuar, por që nuk janë assesi burim i të vërtetave fondamentale dhe të paprekshme. Të shkruara para shumë shekujsh nga dora e njeriut por të shpallur si fjala e perëndisë, Bibla dhe Kur’ani dhe nuk japin assesi përgjigje për sfidat e jetës në kohën e sotme. Për disa shtresa fetarësh ato janë ngushëllim dhe inspirim, por nuk e kanë më ndikimin universal, ngecin pas kohës.

Librat e shenjtë sidomos bien ndesh me shkencën kritike dhe të avancuar, e cila jep shpjegime për fenomenet e natyrës dhe të jetës shoqërore për të cilat ‘librat e shenjtë’ nuk kanë pas përgjigje. Por për dallim nga zbulesat mitologjike të ‘librave të shenjtë”, nga ku teologët dhe klerikët me shekuj nxirrnin thesarin manipulativ të të “vërtetave të fundit”, shkenca moderne dhe mendimi shoqëror modern, ka ardhur deri te përfundimi se në të vërtetë nuk ka këso të vërteta fondamentale, që dikujt pastaj i japin të drejtën që të përcaktojë se çka është e mirë dhe çka është e keqe, çka është e drejt dhe çka nuk është e drejtë, çka është e lejuar dhe çka nuk është e lejuar.
Vetëdija kritike moderne ua kufizon të drejtën kastës së interpretuesve të ‘librave të shenjtë’, që i kanë sunduar me shekuj njerëzit në sistemet e ndryshme, qoftë kur kanë thënë se perandorët dhe mbretërit janë sundues “në emër të zotit”, qoftë kur vetë klerikët, në shtetet teokratike, e mbanin pushtetin për vete, siç po ndodh tani në Iran.

Kosova si shtet laik demokratik dhe shoqëri moderne nuk i kufizon të drejtat e besimtarëve. Por, nuk mund të lejojë që të sfidohet nga fundamentalizmi i maskuar në petkun e respektimit të të drejtave të njeriut.

[Zero Cool]

Shefqet Krasniqi dhe Zakir Naik


Nga Shkruan Dimal Basha më 23 korrik 2011 në ora 13:02
Nën kthetrat e Islamit radikal gjendet edhe Shefqet Krasniqi, imam në xhaminë e Prishtinës, i cili glorifikon individë që thërrasin për shkatërrimin e Shteteve të Bashkuara të Amerikës.
Ekstremizmi në të gjitha format fshihet pas maskimeve të ndryshme. Edhe ekstremizmi Islam që ka zënë fill në vendin tonë po fshihet pas disa individëve që bartin ‘maska’ për të fshehur qëllimet dhe ideologjitë e tyre urrejtëse.
Të njëjtën “maskë” e bart Shefqet Krasniqi! Predikimet e tij radikale po zgjojnë simpati dhe rrjedhimisht ky dogmatizëm i qytetarëve po thellon injorancën në vendin tonë. Përkrahja e tij për ekstremist që thërrasin për shkatërrimin e Amerikës flet për predikimet e tij të fshehura dhe pasojat që do të rezultojnë nëse lejohet që ky matrapaz të vazhdojë të promovojë ideologjinë talibane në Kosovë!
Shefqet Krasniqi u deklarua se Zakir Naik, predikues i Islamit ekstremist, është një mysliman i mirë dhe foli për punën e tij të shkëlqyer që ai bën në përhapjen e Islamit!
Në të vërtetë, Zakir Naik është mysliman i lindur dhe rritur në Indi, dhe njëri nga promovuesit më të ashpër të Wahabizmit, gjë të cilën e arrin përmes një kanali televiziv të themeluar nga vet ai, Peace TV. Retorika ekstremiste që ai përdor ka rezultuar me ndalimin e tij që të udhëtojë në shumë vende perëndimore si Britania e Madhe dhe Kanadaja pasi që predikimet e tij në këto vende konsiderohen se ekstremiste.
Njëra nga deklaratat më antagoniste u publikua në vitin 2006, kur Zakir Naik u pyet për involvimin e Osama bin Laden-it në sulmet e 11 Shtatorit, Naik u përgjigj, “Nëse kërkoni mendimin tim, nëse doni të vërtetën, nëse ai [bin-Laden] i lufton armiqtë e Islamit, unë e përkrahi atë. Nëse ai i terrorizon terroristët, nëse ai terrorizon Amerikë terroristin, terroristin më të madh, atëherë çdo mysliman duhet të jetë terrorist”.
Në anën tjetër të oqeanit, Shefqet Krasniqi përkrah Zakir Naik-un dhe e quan atë një “mysliman të mirë”. Me 15 Shkurt të këtij viti, gjatë një emisioni të transmetuar në Radio Kosova e Lire, një dëgjues (që paraqitet si Bashkim Fazliu nga Gjilani) e pyeti hoxhën “se a është takuar ndonjëherë me Dr. Zakir Naik-in dhe çka mendon për të?”
Hoxha Krasniqi mohoi të ketë takuar ndonjëherë Zakir Naik-un, mirëpo pranoi të ketë njohur nga afër mësuesin e tij, Ahmed Deedat. Sidoqoftë, hoxha nuk hezitoi që të glorifikoi Zakir Naik duke e quajtur atë si një “kuadër të shkëlqyeshëm.”
Shefqet Krasniqi gjithashtu shtoi se Zakir Naik është një njeri shumë i “zoti” dhe se ai “është duke bërë mundin e vet për të treguar mirësitë e Islamit”. Hoxha nuk tregoi qytetarëve tanë që mirësitë e tija përfshijnë thirrjet për shkatërrimin e Amerikës dhe përkrahjen e Al-Kaides.
“Është një njeri mashallah që po bën një punë të mirë në përhapjen e fjalës së Allahut”, përfundoi Krasniqi.
Kjo është vetëm njëra nga deklaratat e tij të shumta të turpshme që shpalohen nëpër mediat tona dhe na bën të dyshojmë edhe më shumë se çfarë fshihet pas synimeve të hoxhës. Shefqet Krasniqi përkrah haptazi individ si Zakir Naik që është ithtar i Osama bin-Laden-it dhe të njëjtën kohë e quan Amerikën “terrorist”. Shkurt e shqip, ai e quan mysliman të mire një individ si Zakir Naik që thërret në shkatërrimin e Shteteve të Bashkuara të Amerikës, vend ky që është përkrahësi më i madh i pavarësisë së Kosovës dhe aktori kryesor që ndaloi gjenocidin dhe siguroi ekzistencën e popullit tonë para jo më shumë se një dekade.
Habia më e madhe në vendin tonë është se asnjë deklaratë dhe asnjë turp nuk arrin që të ndëshkohet. Andaj, është kruciale që, fillimisht, Bashkësia Islame të marr përgjegjësi dhe ta shkarkoi nga pozita e imamit Shefqet Krasniqin. Nën dy, qeveria duhet që të monitorojë më afër synimet e tija destabilizuese dhe të sfidojë hoxhën në lidhje me deklaratën para se populli te bie viktimë e ideologjisë talibane që Shefqet Krasniqi e promovon. Gjithë kjo duhet të arrihet para se ky hoxhë të dëmtojë rëndë raportet me aleatët më të rëndësishëm, raporte këto që janë jetike për zhvillimin tonë, dhe shtylla e shtetit që ne sot e gëzojmë.