Kronika e zeze

Arrestohet polici, kanosi me armë kolegun


22-11-2011 11:16 CET


Një zyrtar policor vihet nën kontroll të patrullës policore të stacionit Leposaviq, për kanosje me armë ndaj një zyrtari tjetër të policisë së Kosovës.
Rasti është regjistruar dje në mbrëmje, në fshatin Ravnishte të Soqanicës, komunë e Leposaviqit, ndërsa ankuesi, zyrtar policor në kuadër të stacionit Leposaviq, ka raportuar se i dyshuari, gjithashtu polic i Kosovës, në rroba civile, jashtë detyrës zyrtare dhe dukshëm nën ndikim të alkoolit, ka kanosur atë me armën e vet zyrtare, në afërsi të shtëpisë së tij.
Njësia patrulluese e cila ka reaguar në vend të ngjarjes, ka takuar të dyshuarin, të cilin e ka çarmatosur dhe të njëjtin e ka shoqëruar në stacionin policor për inicim të rastit.
Ndaj të dyshuarit, janë iniciuar procedurat ligjore për vepër penale “kanosje” dhe shkelje të procedurave dhe parimeve të etikës policore.
Me autorizim të prokurorit publik, ndaj të dyshuarit është caktuar masa e ndalimit policor deri në këndelljen e tij ndërsa procesi i intervistimit dhe hetimit të këtij rasti do të zhvillohet nga hetuesit rajonal të Policisë së Kosovës. /qik/
0