Kriza Greke

[sherri]

Kazakis, analisti ekonomik më i mirë grek: “Greqia falimenton brenda dy javëve!”
Nga Ilir Konti - Thu Jan 26, 10:08 pm

• Dhimitris Kazakis, ekonomisti dhe analisti më i mirë grek, njëkohësisht dhe pedagog, deklaron se Greqia duhet të kthehet urgjentisht në dhrahmi, përndryshe…!

Ogurzezë e të pa shpresë janë të dhëna e fundit mbi ekonominë greke. Sipas mediave botërore, Agjencive të Vlerësimit Financiar, ekonomistëve dhe analistëve më të mirë në mbarë botën si dhe kohët e fundit dhe shumë ekonomistë e analist grek, e konsiderojë si të “sigurt” falimentim e Greqisë.
Pas deklaratës së fundit nga presidenti i Agjencisë së Vlerësimit Financiar Fich, se Greqia ka shumë gjasa të falimentojë brenda javëve të ardhme, tashmë ky mendim adoptohet dhe nga shumë ekonomitë dhe analistë të këtij vendi duke e deklaruar atë hapur.
“Aktualisht ndodhemi në proces falimentimi. Ka shumë gjasa që Greqia të falimentojë gjatë dy-tre javëve të ardhshme. Lajmi se njëra nga Agjencitë e Vlerësimeve Financiare, do të zhvlerësojë Greqinë, duke e vendosur atë në kategorinë e ‘mbeturinave’ selective defaul (falimentim selektiv), restrict default (falimentim i kontrolluar) ose defaul (falimentim) ka qarkulluar në mbarët tregjet botërore financiare”, deklaroi ekonomisti dhe analisti më i mirë në Greqi Dhimtris Kazakis.
Pamjet tronditëse që u zhvilluan në sheshin qendrorë të Athinës “Sindagma” e të cilat bënë xhiron e botës, ku me qindra qytetarë grek ngjisheshin e shtyheshim, duke ‘luftuar’ midis tyre për të fituar një qeske me perime nga bujqit grekë, të cilit i shpërndanin ato falas në shenjë proteste ndaj sistemit politik dhe gjithçka që ka devijuar dhe ka ndihmuar që të arrijë vendi në këtë katandi, është vetëm një provë e vogël e asaj që do të pasoj në këtë vend.
“Situata tre-katër muajt e ardhshëm do të jetë e pa përballueshme dhe e pa durueshme. Ose do të rrënohet gjithçka, ose do të arrijmë planin e eurozonës për PSI-në, që do të thotë se nuk do të shkatërrohet sistemi bankar, por gjendja do të jetë kaotike dhe e papërballueshme për qytetarët grek.
Tashmë zyrtarisht, të papunët kanë arritur në 1 milionë, ndërsa në 160,000 biznese punonjësit paguhen me shumë vonesë, ose u mbahet rroga nën pretekstin e shumë shkurtimeve të pa arsyetuara. Mbi 3 milionë njerëz kanë probleme serioze me punën ose janë të pa punë, ndërkohë që numri total i të punësuarve në Greqi arrin në 4 me 4,5 milionë”, vijon më tej ekonomisti Kazaki.
Por cila është zgjidhja më e mirë për Greqinë dhe për qytetarët e saj sipas Dhimitris Kazakis?
“Skenari më i mirë për Greqinë është falimentimi dhe rrënimi i saj i menjëhershëm, pasi kjo do të detyronte udhëheqësit europianë, të thyejnë e të këpusin zinxhirët që po i mbysin ata, që të ndalojnë kështu zbatimi i politikave shkatërruese. Populli duhet ta marri situatën në duart e tij, të ndalojë çfarëdolloj marrëveshje të bërë apo që do të merret, si dhe të ndalojë shërbimet e borxheve. Të deklarohet mospagimi i tij dhe këto para, të cilat ishin destinuar për të shlyer borxhet e marra të hidhen në treg me qëllim që të rinisë rimëkëmbja e ekonomisë. Përndryshe, do të vazhdojmë të shikojmë pamje të nën-shkretëtirës së Saharës Afrikane, ku uria do të sharrojë gjithkënd. Unë jam pro kthimit në dhrahmi!”, deklaroi me plot bindjen Kazakis.