Thaçi e pranon fusnotën me Rezolutën 1244

[Artisti]

Lunacek, e pakënaqur me konkluzionet e Këshillit të Ministrave për Kosovën



Raportuesja për Kosovën në Parlamentin Evropian, Ulrike Lunacek, nuk është e kënaqur me konkluzionet e Këshillit të Ministrave për Kosovën. Dokumenti nuk garanton se të gjitha vendet e BE-së do ta nënshkruajnë Marrëveshjen e Stabilizim-Asociimit, në rast se edhe studimi i fizibilitetit do të rezultonte pozitiv....



Postuar: 11:11:38 / 04.03.2012



Por, sipas saj, nuk mund të pritet më shumë kur njihet qëndrimi i pesë vendeve anëtare të BE-së që nuk e njohin pavarësinë e Kosovës.

Lunacek këmbëngul që Kosova të shfrytëzojë në maksimum marrëveshjen e dialogut të fundit me Serbinë, për të kërkuar vendin që i takon në bashkëpunimin rajonal apo për anëtarësim në organizata të ndryshme.

Në lidhje me pritjet për studimin e fizibilitetit, raportuesja fton autoritetet e Kosovës të punojnë për të merituar një raport pozitiv.
Lunacek vlerëson se procesi do të marrë kohë dhe se qytetarët e Kosovës duhet të kenë durim. Sipas raportueses, vendi duhet të punojë paralelisht për sa më shumë njohje.

Marrëveshjet gjatë dialogut dhe konkluzionet e ministrave do të sjellin ndryshime edhe në rezolutat e Parlamentit Evropian për Kosovën dhe Serbinë, para votimit në seancën plenare gjatë këtij muaji. /tch/


RTK

[Makresh]

Disa ketu, po mendojn qe deputetet evropjan jan "gjeni", te klasës s'par ! E nuk e din qe te gjithe te deshtuarit shkojn dhe zejn nga nje vend ne parlamentin evropjan.

[valiii]

Normal qe e pranon. Jo qe e pranon po edhe vete "a ka mo" se ne te kunderten duhet te jap doreheqje dhe krejt paret qe i ka vjedhe ja hajne seancat gjyqesore e vjen tjetri ne vend te tij e edhe ai jo qe e pranon po vete a ka maaaa hahaah... Ose ja lshojne prap dikin ( e martit ) neper qafe, ka hunda besa... Besa besa edhe ka buzet :))

[Fshatari]

Postimi origjinal është bërë nga Makresh

Disa ketu, po mendojn qe deputetet evropjan jan "gjeni", te klasës s'par ! E nuk e din qe te gjithe te deshtuarit shkojn dhe zejn nga nje vend ne parlamentin evropjan.

Ajka e kretinizmit evropian.

Fjolla e borës - ortek me bisht


Xhabir AHMETI
Ky muaj duhej të ishte muaji i gëzimit të cilin pritej të na e përgatiste Qeveria e Kosovës për shkak se në shkurt ishte dita e pavarësisë së Kosovës nga Serbia, e pritur rrafsh një shekull. Për fat të keq, Qeveria e z. Hashim Thaçit na befasoi për të keq: e nënshkroi një marrëveshje të turbullt, e cila në fakt ia hap dyert Serbisë të dëshmojë para botës se na paska qenë e drejtë, se na qenka e rëndësishme, se me pavarësimin e Kosovës i është bërë një e padrejtë asaj, kurse për Kosovën kjo marrëveshje bëhet derë hekuri, bëhet mallkim. Sipas kësaj marrëveshjeje Kosova tash e tutje do të përfaqësohet jo si Kosova Republikë, për çka janë bërë gjithë ato sakrifica, jo si Republika e Kosovës, po vetëm si Kosovo, me një fusnotë përbuzëse ku ngjallet fryma e UNMIK-ut. Mo’ Zo’ ma keç! E këtillë është kjo marrëveshje.
Pas axhamillëkut shqiptar dhe pas dredhisë serbe që u bënë bashkë për nënshkrim dhe që u qit në Brukselin që u tregua hileqar, u dëgjuan katër zëra: i Qeverisë së Thaçit me udhëheqjen e Shqipërisë, i serbit Tadiç dhe rrethimit të tij, i opozitës shqiptare në Kosovë bashkë me popullin shqiptar dhe i zëri i të ashtuquajturit faktor ndërkombëtar. Të shkojmë me radhë: z. Hashim Thaçi u mundua të na e mbushë mendjen se kjo marrëveshje po ia hapka Kosovës dyert e Evropës. Negociatorja e qeverisë së z. H. Thaçit Edita Tahiri, e cila është autore e kësaj marrëveshjeje e lansoi një shprehje interesante kur deshi ta cilësojë si të parëndësishme fusnotën e plumbtë të këtij kompromisi – “fjollë bore”, i tha. Me mendime të ngjashme, me lezheritet, doli edhe ministri i Shqipërisë Edmond Haxhinasto. Dhe disa funksionarë të tjerë të Shqipërisë, të cilët nuk tregonin ndonjë shqetësim për dëmin e bërë. Mirëpo menjëherë pas tyre u dëgjuan deklaratat e njëpasnjëshme të serbëve. Homologu i Edita Tahirit, Borko Stefanoviç i ka premtuar dimër të gjatë asaj dhe Kosovës. Pra, në vend të fjollës së bores që e tha Edita, Borkoja premtoi plot ortekë. Në një konferencë shtypi në Beograd pas kthimit nga Brukseli, Stefanovi; ka thënë se Serbia nuk e ka njohur Kosovën e as nuk e ka ndërmend ta bëjë këtë. Duke komentuar deklaratën e zonjës Edita për fusnotën si fjollë bore që do të shkrihet me kalimin e dimrit, ai tha: “Mashtrohen ata që mendojnë kështu. Dimri i pakënaqësisë së tyre nuk do të kalojë, sepse kjo fusnotë nuk do të hiqet”. Nga ana e tij Tadiçi tha:” Me arritjen e marrëveshjes për bashkëpunimin rajonal u konfirmua politika ‘edhe Evropa, edhe Kosova... Kosova, në forumet rajonale, nuk do të përfaqësohet si shtet i pavarur, por në përputhje me Rezolutën 1244 të OKB-së dhe me vendimin e Gjykatës Ndërkombëtare të Drejtësisë... Serbia do të vazhdojë të jetë konstruktive për gjetjen e kompromiseve, në përputhje me Kushtetutën e Serbisë dhe interesat e qytetarëve të saj”... Sipas kësaj nuk është punë “fjolle e borës”, por një goditje e rëndë për popullin shqiptar të Kosovës. Kjo fjollë mund akullnajë me bisht! Mediat serbe, reagimet e zyrtarëve serbë, qëndrimi i popullit serb ndaj çështjes së Kosovës flet qartë se nacionalizmi dhe shovinizmi serb i drejtuar kundër shqiptarëve nuk ka ndryshuar dhe nuk e ka ndërmend të ndryshojë. Në vazhdim janë deklaratat e të ashtuquajturit faktor ndërkombëtar, të cilët u shprehën shumë të kënaqur me kompromisin e turpshëm dhe me koncesionin e dhembshëm të palës kosovare në bisedimet me Serbinë. Në këtë mes, për çudi më i entuziazmuari doli ambasadori amerikan Dell.

Ai me zërin e vet personal, jo të popullit amerikan me siguri, opozitën shqiptare të Kosovës e quajti jo më pak se antiamerikane. Cila ishte arsyeja? Vetëm ai mund ta dijë. Si do që të jetë deklarata e tij është e dhembshme, sepse as në botë, as në Evropë, se më për Ballkan jo se jo, nuk ka popull më proamerikan se shqiptarët, pa marrë parasysh përcaktimin partiak. Kështu, deklarata jodiplomatike dhe gjithsesi joamerikane e Dellit ia shtoi hidhëtinë këtij dështimi politik që na ndodhi e të cilin me të drejtë e kundërshtoi opozita shqiptare e Kosovës, duke ngritur zërin fuqishëm kundër nënshkrimit të këtij kompromisi të pakripë, të dëmshëm. Me këtë rast do t’i kisha lutur shërbimet e ambasadorit Dell t’i shfletojnë faqet e shtypit serb, t’i bëjnë analizë makinerisë propagandistike televizive serbe për tridhjetë vjetët e fundit e ta shohin sa janë proamerikanë serbët dhe sa na qenkan antiamerikanë shqiptarët. Le ta shohin historinë e Serbisë që nga themelimi e deri në ditët e sotme e nuk do ta kenë vështirë ta shohin se çfarë do të thotë nacionalizëm ekstrem dhe njëherësh do ta shohin se me gjithë këto serbët vazhdimisht shpërblehen, kurse shqiptarët proamerikanë, liridashës e demokratikë gjithmonë ndëshkohen. Përveç kësaj, e kam edhe një lutje të vogël: le t’i përkthejnë dy shprehje. Të parën e thonë dhe e përdorin serbët: spava kao zaklan! Të dytën e thonë dhe e përdorin shqiptarët: fle si qengj! Në këto dy shprehje janë përmbledhur dy psikologji të ndryshme. Dhe, po ta ndjekim me kujdes ëndrrën e keqe të kompromisit ose më mirë të themi të marrëveshjes së turpshme që e nënshkroi zonja Edita Tahiri në emër të Qeverisë shqiptare të Kosovës, na vërtetohet fabula e njohur e ujkut dhe qengjit, ku qengji, në rastin tonë populli shqiptar, ndonëse në pjesën e poshtme të rrjedhës së ujit ia turbullon ujin ujkut i cili është në pjesën e sipërme të rrjedhës, në këtë rast qeverisë serbe. Pra, kësaj radhe shumë vrazhdët u demonstrua ligji i forcës që kërkon jo pak sakrifica prej nesh, por gjunjëzim, nënshtrim, i cili na e hedh në baltë dinjitetin.
Në këto ditë pikëllimi që duhej të ishin ditë gëzimi e feste edhe për shënimin e pavarësisë së Kosovës, por edhe për njëqindvjetorin e pavarësisë së Shqipërisë, ne në vend se të festojmë duhet të ulemi e t’i shpalojmë dështimet e shumta, disfatat në luftë e në paqe që i kemi pësuar për shkak të kompromiseve të ndryshme, për shkak se politikanët tonë nuk ditën një herë, një të vetmen herë për njëzet vjet e sa të ndryshimeve politike në botën komuniste të ulen dhe ta hartojnë një strategji kombëtare e cila do të përputhet me interesat e Evropës dhe, në radhë të parë të SHBA-ve, por që më së shumti do të kujdeset për interesat tona kombëtare, një herë nuk e panë të udhës t’i shfrytëzojnë përvojat e Izraelit dhe të marrin mësim prej tyre, sepse si ne si Izraeli rrethimin e kemi të ngjashëm. Madje rrethimi ynë është më agresiv. Bota politike e kërkon pragmatizmin për të pasur suksese, jo ideologjitë, e kërkon bashkimin e forcave, jo inatet e tipit somalez ose eritrejas. Në mungesë të këtyre virtyteve neve na paraqiten bajraktarë të këtij tipi të cilëve mund t’u bëjë shantazh çdo nëpunës aventurier ballkanik e jashtëballkanik, por që janë “të fuqishëm” dhe “të pushtetshëm” vetëm mbi fatkeqësinë tonë. Po, në hall jemi. Neve na mbetet vetëm mjekra e mustaqet për t’u krenuar, të tjerëve suksesi, fëmijëve tonë e ardhmja plot pikëpyetje. Kurse liderët politikë shqiptarë do të vazhdojnë fesatet për hesape personale... Ne do të vazhdojmë të mbetemi të harruar të shikojmë si lazdrohen liderët politikë me zënkat e tyre të ndërsjella dhe me sukseset e Kornizës së Ohrit që është një emër kuptimi. Ka droje që ortekët e borës nga Serbia të na dalin edhe nga ekrani e të na godasin, se për të ardhur konkretisht do të na vijnë në grupe policore si forma bashkëpunimi... Vlerëso tekstin

Krasniqi thotë se nuk është dashur të pranohet fusnota në dialog
Kryetari i Kuvendit të Kosovës, Jakup Krasniqi, ka thënë se në asnjë variant nuk është dashur të pranohet fusnota kështu siç është pranuar.
Në një intervistë për “Epokën e Re”, Krasniqi ka thënë se po të kishte biseduar klasa politike në mes vete për këtë çështje do ta kishim një zgjidhje më të mirë.
Krasniqi ka thënë se ekipi dialogues i Kosovës nuk i ka kapacitetet e mjaftueshme për ta udhëhequr këtë dialog.
“Kam pasur edhe kam rezervat e mia se në këtë dialog kemi hyrë të papërgatitur si duhet, pa i planifikuar çështjet që dëshirojmë t’i bisedojmë. Në këtë dialog kemi dërguar një ekip që ka treguar se nuk i ka njohur teknikat e dialogimit. Delegacioni i Kosovës duhet ta ndryshojë qasjen ose të ndryshohet i tëri”, është shprehur Krasniqi.
Duke folur për veriun, Krasniqi ka thënë se Pakoja e Ahtisaarit e arritur në bisedimet e Vjenës është dokument kompromisi. “Çdo dalje përtej kësaj pakoje rrezikon pakon në tërësi”, është shprehur Krasniqi.
Në këtë kontekst, ai u ka bërë thirrje liderëve politikë të kenë një komunikim ndryshe për veriun.

[Oqeani]

Eshte dashur, nuk eshte dashur !

Eh çmenduri !

Eshte dashur qe Thaçi tejet kryeminister, nuk eshte dashur !

Eh çmenduri !

Eshte dashur qe te dalim ne zgjidhje, nuk eshte dashur !

Eh çmenduri !

Eshte dashur te mendohet me heret per kete - Eh kokë shprazeti !!!

Nuk pranoi Thaçi - Pranoi - POPULLI !!!


Eh çmenduri !

Hasani: Fusnota mund të ketë pasoja
19-03-2012 13:02 CET

Kryetari i Gjykatës Kushtetuese, Enver Hasani, dha një vlerësim për përfaqësimin e Kosovës me fusnotë, por në cilësinë e njohësit të marrëdhënieve ndërkombëtare. Hasani i tha RTK-së se përfaqësimi i Kosovës me fusnotë në nisma rajonale, mund të ketë pasoja edhe për statusin e Kosovës.

“Politika është dashur të shikojë në një dinamikë se çfarë pasojash imediate mund të ketë fusnota sa i përket statusit të Kosovës. Në qoftë se pajtohemi se në Kosovë çdo problem duhet të zgjidhet me mjete politike, mendoj se nuk duhet të çuditemi për asgjë”, tha Enver Hasani.

Ndërkaq, duke folur rreth marrëveshjeve që janë arritur midis Kosovës dhe Serbisë, Hasani tha se ato edhe mund të mos ratifikohen në Kuvendin e Kosovës.

Kryetari i Gjykatës Kushtetuese, Enver Hasani, tha se për ndryshimet që po bëhen në dokumentin e Kushtetutës, do të bëjnë vlerësimin e kushtetutshmërisë së amendamenteve të propozuara.

“Do të shikohet kapitulli i dytë që ka të bëjë me të drejtat dhe liritë themelore, dhe në qoftë se ndryshimet e propozuara janë në harmoni me këtë kapitull, atëherë mund të procedohen në Kuvendin e Kosovës”, tha Hasani. /rtk/

[Kercovari]

Postimi origjinal është bërë nga Artisti

Lunacek, e pakënaqur me konkluzionet e Këshillit të Ministrave për Kosovën



Raportuesja për Kosovën në Parlamentin Evropian, Ulrike Lunacek, nuk është e kënaqur me konkluzionet e Këshillit të Ministrave për Kosovën. Dokumenti nuk garanton se të gjitha vendet e BE-së do ta nënshkruajnë Marrëveshjen e Stabilizim-Asociimit, në rast se edhe studimi i fizibilitetit do të rezultonte pozitiv....



Postuar: 11:11:38 / 04.03.2012



Por, sipas saj, nuk mund të pritet më shumë kur njihet qëndrimi i pesë vendeve anëtare të BE-së që nuk e njohin pavarësinë e Kosovës.

Lunacek këmbëngul që Kosova të shfrytëzojë në maksimum marrëveshjen e dialogut të fundit me Serbinë, për të kërkuar vendin që i takon në bashkëpunimin rajonal apo për anëtarësim në organizata të ndryshme.

Në lidhje me pritjet për studimin e fizibilitetit, raportuesja fton autoritetet e Kosovës të punojnë për të merituar një raport pozitiv.
Lunacek vlerëson se procesi do të marrë kohë dhe se qytetarët e Kosovës duhet të kenë durim. Sipas raportueses, vendi duhet të punojë paralelisht për sa më shumë njohje.

Marrëveshjet gjatë dialogut dhe konkluzionet e ministrave do të sjellin ndryshime edhe në rezolutat e Parlamentit Evropian për Kosovën dhe Serbinë, para votimit në seancën plenare gjatë këtij muaji. /tch/


RTK

Lere ore ti Lunaceket po na trego ti se cka bere qe krahasove Gjermaninen me Kosoven duke e pranuar fusnoten.A u be Gjermania teatri i kukullave me artist si ti apo Kosova?