A ka Zot? - Page 7

emine · 01-10-12, 20:35

a o hala beqar ???

Dushku · 01-10-12, 21:15

PO
Ne ( qe besojme) e kuptojm Zotin me ndergjegje, e jo me mendje,sepse me ane te mendjes nuk arrijm dot te kapim ate qe eshte nevojshme, ne kete rast egzistimin e Zotit.
Deshira jone per drejtesi eshte deshmi e egzistimit te se drejtes,ashtu qe sikur eshte etja per uje, deshmi per egzistimin e ujit.

Duke mos u largua nga tema dhe kerkesat e autorit te hapjes se kesaj pyetje per:
A do të mund dëshmohet shkenctarisht një ditë (mos)egzistenca e Zotit?
_________________________________________________
Citim:
Filozofi i njohur gjerman Emanuel Kanti ne vepren e tij Kritika e mendjes së pastër ka zhvilluar idenë se me mendje nuk mund të përfshihet e verteta e pafund. Sipas natyrës së saj, mendja i arrinë vetëm partikularitë ndërsa është e paaftë të kuptojë të ekzistuarit absolut siç është ekzistimi i Zotit. Aristoteli shumë më herët ka shtruar një varg të tërë shkaqesh duke thënë: karrigia është nga druri, druri nga trungu, trungu nga fara, kurse fara është nga mbjellësi, që në fund të tregojë se si numërimi i tillë i shkaqeve medoemos shpie tek shkaku i parë. Shkakun i cili nuk ka nevojë për shkak, lëvizësin i cili nuk ka nevojë për lëvizës, krijuesin i cili nuk ka nevojë për krijues, që i përgjigjet të kuptuarit tonë të All-llahut xhel-le shanuhu.....ose ZOTIT ne shqip.
Marre nga libri :"Dialogu me mikun Ateist"
__________________________________________________ ______________

Zoti ka krijuar natyren ne nje menyre qe nese nje njeri i sinqert kerkon te njoh Zotin,Ai duket qarte ne Univers.

Ps.Nese pyetja ose tema ka te bej me egzistimin e Zotit,ateher ne kete teme nuk duhet me pas vend postimet qe nencmojn,fyejn,ndjenjat e cilit do qofte religjion,sepse fundi-fundit Zoti eshte i te gjitheve.

Artisti · 01-10-12, 21:15

Citim:

Postimi origjinal është bërë nga Edonisi

Jo, assesi! Ka prej tyre, me ba me ua prek hunden t'i ndukin vesht.

Ndegjo, ai qe ka shpirtë të mirë, shpirtë human, mendje te ciltër dhe te shendoshë, ai kur nuk do te devijonë nga kjo rrugë/ky mundet me qenë edhe ateist. Ai qe katandiset dhe ne emer te t'madhit vretë, maskron,nencmon,shkatrronë.Per mua s'është asgje tjeter vecse nje rebel i djallzuar i cili e ka deviju rrugen e mirësisë.

Të falenderoj shumë për mendimin tënd të sinqert dhe real.

Respekt nga

Artisti

**Kodra** · 01-10-12, 22:05

Citim:

Postimi origjinal është bërë nga emine

a o hala beqar ???

**********
**********
**********

Emine, te gjejmë njëherë e pastaj e pyesim!

Idealist · 01-10-12, 22:41

Mendoj se tema anon ne anen e saj te erret. Cmendurin e rradhes po lexoj, pyetja a eshte beqar.
Julutem filloni prej animizmit

premium · 03-10-12, 22:37

Nëse eventualisht jesin në gjendjen e vështirë ( ngusht) e përmendin emrin e Zotit .

Eh se Zoti është Mëshireberës , andaj nuk është macë t'ju grith aty për aty , Por Allahu është plotfuqishëm ,një ditë keni me kuptu se gjithqka është VONë.

jadore · 04-10-12, 09:48

Citim:

Postimi origjinal është bërë nga emine

a o hala beqar ???

Po. shume here takohem me ate parkingjeve ( sheet , mbaje sekret amoni te kofte , mos ju kallxo ketyre xhelozave )

...aq sa ka progresivitet evoluimi i trurit njerzor per te miren e perbashket po aq zhvillohet dhe ne qasjen e gabuar , ky zhvillim intelekti aq ka bastarduar cdo segment qe prek sa qe ne radhe te pare basdardon veteveten ..
fatmiresishte qe ligjet e natyres ndaras neve punojne me pushtet absolut ..

Artisti · 05-10-12, 21:03

Citim:

Postimi origjinal është bërë nga Kodra

**********
**********
**********

Emine, te gjejmë njëherë e pastaj e pyesim!

Gjeje ti unë e pyes

.

emine · 05-10-12, 22:36

shyqyre qe ni pyetje e budallme jau paska nal turrin,se perpak koket kan ka kapni zotin per dore

jadore · 05-10-12, 22:49

Citim:

Postimi origjinal është bërë nga emine

shyqyre qe ni pyetje e budallme jau paska nal turrin,se perpak koket kan ka kapni zotin per dore

e vren pra , sa budallakine e ekspozon pa menduar ..!

emine · 05-10-12, 23:04

Citim:

Postimi origjinal është bërë nga jadore

e vren pra , sa budallakine e ekspozon pa menduar ..!

BINGO

**Zero Cool** · 08-10-12, 10:08

Kongresisti amerikan: Evolucioni dhe Shpërthimi i madh janë rrena

New York, 07.10.2012

Evolucioni, embrionologjia dhe teoria e Shpërthimit të madh “janë rrena që kanë ardhur drejtpërdrejt nga humnera e ferrit” në mënyrë që njerëzit të binden se nuk kanë nevojë për shpëtimtarin, deklaroi republikani Pau Broun, i cili është anëtar i Komitetit për shkencë, hapësirë dhe teknologji në Dhomwn përfaqësuese të Kongresit amerikan.

Broun, i cili me profesion është mjek, ka thënë kështu në një fjalim të mbajtur në kishën baptiste (sekt i fesë katolike) nga fundi i shtatorit.

“Fjala e Zotit është e vërteta. Këtë e ka kuptuar, të gjitha gjërat që i kam mësuar për evolucionin, embrionologjinë dhe teorinë e Shpërthimit të madh, të gjitha ato janë rrena që vijnë direkt nga humnera e ferrit. Dhe të gjitha këto rrena janë bërë për të na bindur mua dhe të gjithë njerëzit se nuk na nevojitet shpëtimtari”, ka thënë ai.

Sipas tij, Toka është e vjetër rreth 9 000 vjet dhe se ajo është krijuar për gjashtë ditë.

Zëdhënësja e tij tha se ai është incizuar derisa ka biseduar jo zyrtarisht me anëtarë e grupit kishtar lidhur me pikëpamjet e tij për bindjet fetare. Por, agjencia amerikane e lajmeve AP pohon se tubimi në kishë ka qenë i reklamuar, kurse incizimi është publikuar në ueb faqen e kishës.

Broun ka kandiduar sërish për anëtar të Kongresit të SHBA-së, kurse në zgjedhjet e 6 nëntorit në qarkun e tij nuk do të ketë kundërkandidat nga radhët e Partisë Demokratike.

ATLANTIS55 · 31-10-12, 06:12

Une mendoj se pyetjes se a ka zot apo jo me se miri eshte me ju pergjigjur me -Nuk e dije- se ne momentin qe thua po atehere flet ne emer te tije-zotit, qe eshte gjesti me i keq qe ben njeriu, e nese thua jo , nuk e deshmon dot qe nuk ka keshtu qe me nje nuk e dije do te jesh ne rregull sepse eshte pergjegjeje e sakte personale e pa influencuar nga ideologjite qe njerzit i kane krijuar e vazhdojne ti krijojne.

AmonRa · 05-05-13, 11:18

Para se me qenë qielli e toka, ka ekzistuar një Qenie, veç e përsosur. E amshueshme, pa formë, e vetme, e pandryshueshme, e gjithandejshme, e pashpenzueshme.
Mund ta konsiderojmë si nënë të gjithësisë. Nuk e di sesi quhet.

**Zero Cool** · 04-03-19, 17:04

A ekziston Zoti?
Për njerëzit besimtarë, kjo pyetje nuk shtrohet fare, por për shkencën? A mundet “shkenca”, siç e kuptojmë sot, të hetojë këtë fushë – dhe të arrijë të na japë një përgjigje? Çështja nuk është e re, dhe nuk është rastësi që ndër shekuj, filozofët dhe mendimtarët e çdo besimi dhe pale, kanë derdhur lumenj boje për të treguar mendimet e tyre. Ajo që ne propozojmë këtu, është vetëm një fragment i vogël i këtij diskutimi të pafund, se si shkenca dhe shkencëtarët, mund të arrijnë në një hipotezë të përbashkët të ekzistencës ose mos-ekzistencës së Zotit.

Kohët e fundit, ideja se shkenca është në gjendje t’i japë një përgjigje kësaj pyetje, ka rifituar popullaritet, ndihmuar ndoshta nga zbulimi i Higgs Boson, e ashtuquajtura Grimca e Zotit, që dëshmon ekzistencën e fushës Higgs, që përshkon të gjithë universin, dhe me të cilën ndërveprojnë të gjitha grimcat. Dhe duke vepruar kështu, ata fitojnë masën e tyre.

Përtej fizikës, ky është një zbulim intrigues që e justifikon emrin. Grimca e Zotit, shmanget si një sëmundje epidemike nga shkencëtarët, por jo nga “burra”, që kanë qenë gjithmonë në kërkim të diçkaje trashendentale. Deri në ç’masë shkenca mund të dëshmojë ekzistencës ose mos-ekzistencën e Zotit?

Pyetja ndoshta mund të zgjidhet me logjikë, por e ashtuquajtura provë e madhe nuk është gjetur ende. Çdo minutë në botë vdesin së paku 100 njerëz: 55.3 milionë tokësorë largohen çdo vit nga kjo botë, kryesisht për shkak të hemorragjive celebrale dhe ishemive.

Deri në vitin 2011, kishin jetuar dhe vdekur në Tokë 108 miliardë njerëz:pra ata që mbeten gjallë, përbëjnë vetëm 6.8 për qind të gjithë njerëzimit. Një shembull. Emily Thomas (filozofe në Universitetin e Durhamit në Britani) shkroi disa muaj më parë, se pafundësia e hapësirës është dëshmi e qartë se “Zoti nuk ekziston”.

“Universi ka më shumë se 13 miliardë vjet, Toka është rreth 4 miliardë vjet e vjetër, dhe njerëzit kanë evoluar rreth 200.000 vjet më parë … pra e barazvlefshme me një pulitje sysh, në krahasim me kohën e gjithësisë”, thotë ajo.

E megjithatë, zoti i feve është gjithmonë “antropocentrik”, i përqendruar tek qeniet e gjalla. “Si mund ta shpjegojmë këtë? Përgjigja më e thjeshtë, është se Zoti nuk ekziston”. Pra a mund te jemi shkencërisht të sigurt, se Zoti është një krijim njerëzor?

Për besimtarët, ekzistenca e Perëndisë nuk ka nevojë për prova ose justifikim: është një akt besimi, dhe ekzistenca e tij është e njohur tek krijimi. Për më tepër, qenia hyjnore zbulohet vetëm për ata që janë të predispozuar ta pranojnë atë. Edhe në këtë rast, disa shkencëtarë reflektojnë, ndërsa mund të ndihmojnë disa konsiderata historike.

Sot ne e dimë me siguri, se kur njerëzit filluan të pyesin veten për misteret, shpirtrat dhe hyjnitë. Gjetjet nga periudha e Paleolitit (periudha e parë të parahistorinë: korrespondon me epokën e akullnajave, përkatësisht nga 2.5 milionë deri në 10 mijë vjet më parë), sugjerojnë se të afërmit tanë të largët, adhuronin subjekte të ndryshme.

Besohet se ideja e “perëndive të mëdha” – e qenieve të veçanta që janë në gjendje të dënojnë ose shpërblejnë, veçanërisht në jetën e përtejme – filluan të dalin pikërisht 2.5 milionë vjet më parë, me qëllimin për të shpjeguar, por edhe për të forcuar, bashkuar, frikësuar dhe kështu me radhë.

Ideja e një çmimi, një “parajse”, ndihmon individët të jenë më bashkëpunues, dhe komunitetet të përparojnë.

Sidoqoftë, historizimi i lindjes së feve, nuk mjafton për të treguar se Perëndia është një shpikje njerëzore. Para shpikjes së stetoskopit, varrosjet e parakohshme qenë një problem i zakonshëm, siç shihet nga testamentet e lëna nga shumë njerëz në gjysmën e dytë të shekullit XIX.

Rregulli kërkonte që kufoma të mbahej nën vëzhgim për 3 ditë. Në shekullin e XIX, Evropa kishte akoma “spitale për të vdekurit”, ku infermieret kontrollonin trupat, në pritje të shenjave të dekompozimit.

Në të njëjtën mënyrë, kjo nuk konfirmon as tezën e kundërt, që pretendon se ka pasur përvoja pranë vdekjes, dhe që kanë përjetuar për një kohë të shkurtër një jetë të përtejme plot dritë dhe qetësi. Përkundër asaj që ata tregojnë romanet dhe filmat, kjo gjendje në kufijtë e vdekjes, është duke u hetuar nga shkenca, sepse shpallja e një vdekje është shpesh më komplekse se sa mund ta mendoni, dhe studimet bëjnë përgjegjës përdorimin e substancave haluçinogjene – çka duket se nxit përvoja të ngjashme me gjendjen klinike të para vdekjes.

Romanet dhe filmat luajnë shumë me këtë aspekt, por e vërteta është se asnjë prej këtyre hulumtimeve, nuk ka ëndërruar asnjëherë të hetojë një jetë të përtejme hipotetike, apo t’i përgjigjet pyetjes së madhe që shtruam në fillim.

Asnjë shkencëtar nuk ka qenë në gjendje të konfirmojë një mrekulli: historikisht shumica e atyre që janë përkufizuar si “mrekulli”, janë shpjeguar në dritën e njohurive të reja (dhe ajo që ende nuk mund të shpjegohet, mund të jetë e shpjegueshme në të ardhmen).

Atëherë? Asgjë, jemi pikërisht në pikën e fillimit. Duhet t’i japim të drejtë Friedrich Nietzsche, që shkroi një shekull më parë: “Në fakt mes fesë dhe shkencës së vërtetë nuk ka afërsi, as miqësi dhe as armiqësi:Thjesht ata jetojnë në planete të ndryshme!”.