Teknologjitë që do të ndryshojnë botën

[Zero Cool]

Tobii Gaze


Ndërfaqja “Gaze” lejon komandimin PC-së përmes syve


Premtimi i Tobii Gaze është t’ju mundësojë të komandoni dhe kontrolloni tabletin apo kompjuterin tuaj desktop vetëm nëpërmjet syve.

Bëhet fjalë për një ndërfaqje eksperimentale (për momentin) e cila përdor “gjurmimin e syve më të avancuar në botë”. Pikërisht, ky gjurmim i syve zëvendëson gishtin apo mousin.

Ajo ju tregon përdorimin më efiçent të shikimit për të komanduar pajisje me prekje apo kompjuterin.

Kompania ka shfaqur edhe një video ku transmetohet se si mund të kontrollosh tabletin përmes shikimit. E gjithë kjo teknologji, iu jep mundësi përdoruesve të punojnë në pajisjet e tyre pa përdorur fare duart.

Mjafton të përqëndrosh shikimin tek një opsion, objekt apo link në ekran për ta aktivizuar apo klikuar atë. Tobii i ka kërkuar DoCoMo dhe Fujitsu-t të ndërtojnë një tablet prototip po ashtu edhe një PC.

Të gjitha këto do të demonstohen në panairin CEATEC këtë javë në Japoni, ndërsa më të detajuara do të shfaqen në CES, në janar 2013. Ende nuk ka asnjë informacion se kur mund të jenë të gatshme për tregun këto lloj pajisjesh.

[Zero Cool]

Roboti i parë shqiptar






Tiranë, 10.10.2012

Kjo krijesë e vogël informatike është e aftë të marrë komanda nga sistemi qendror, nëpërmjet të cilit lidhet me wireless: “Kjo është një pjesë e sistemit të menaxhimit implementuar tek një aparat i vogël. Realizon detyrën e furnizimit automatik në pikat e shërbimit.”

Që në një projekt më madhor mund të përkthehej në një robot, i cili do të marrë detyrën e furnizimit të rafteve të supermarketit me produkte, momentin që ato do të shiten.

“Roboti do të realizojë funksionet që kemi bërë në simulim. Si fillim e kemi ndërtuar në mënyrë që të shmangë përplasjet. Më pas e kemi ndërtuar që të kapë objektet e t’i lëshojë ato. Në të ardhmen do të jetë navigimi”, shprehet Gabor Vasmatics, i cili është inxhinier informatike dhe ka punuar veçanërisht për vënien në jetë të këtij aplikacioni. I dashuruar me krijesën e vogël modifikuar prej tij, Gabor thotë se prototipi është blerë dhe mbi të është punuar idea e një roboti-agjent që do të zëvendësonte edhe punonjësin më të devotshëm në një supermarket gjigand. Pajisja ka qenë e kompletuar me sensorë dhe krahë, por i mungonte truri.

Sigurisht që ky nuk është një qenie perfekte me sjellje inteligjente informatike. Por për Evën tanimë janë marrë prova të sigurta per nje projekt më madhor: “Punon normalisht edhe pse me disa kufizime.”

Roboti i parë i programueshëm në botë është krijuar më 1954 nga George Devol. Ai iu shit kompanisë General Motors në 1961, ku u përdor për transportin e pjesëve të nxehta metalike gjatë prodhimit të makinave në Nju Xhersi. Prej atëherë robotika është zhvilluar me ritme marramendëse, por në Shqipëri kjo fushë preket në shekullin e 21-të, me një krijesë që edhe pse ende foshnjore, premton shumë.

Gabor thotë: “Ishte bukur kur realizuam komunikimin me ëireless se këtu kjo gjë nuk ishte bërë më parë.”

[Zero Cool]

IBM tenton të thyejë ligjin Moore në prodhimin e çipeve


IBM ka arritur të krijojë një çip kompjuterik bazuar në teknologjinë e re “carbon nanotubes”, i cili ka mbi 10 000 transistorë.

Edhe pse kjo shifër duket larg mikroprocesorëve të sotëm me silikon, të cilët përmbajnë miliarda transistorë, mund të thuhet se është në fakt një hap i rëndësishëm në demonstrimin e realizueshmërisë së kësaj teknologjie.

Ndoshta mund të keni dëgjuar për ligjin Moore, sipas së cilit numri i transistorëve që vendosen në një çip kompjuterik dyfishohet çdo 18 muaj. Ky “ligj” ka rezultuar i vërtetë për katër dekada, duke parashikuar në mënyrë të saktë evolucionin e kompjuterëve dhe smartfonëve.

Gjithsesi, ai nuk është një ligj i mirëfilltë, si për shembull Ligji i Bojlit, i cili është një parim i pathyeshëm nga ana fizike. Ligji Moore jep më tepër një parashikim dhe mund të bjerë poshtë në të ardhmen me zhvillimin e transistorëve dhe zvogëlimin e madhësisë së tyre. Çfarë do të ndodhë më pas?

IBM ka në fakt një përgjigjje. Bëhet fjalë për një teknologji të re: “carbon nanotubes”. Secili tub është i hollë sa një atom dhe shumë të tillë formojnë një cilindër (si në foton e poshtë). Nanotubet e karbonit e përcjellin elektricitetin më mirë se silikoni dhe kanë formën e përkryer për të funksionuar si transistorë. Më e rëndësishmja, janë më të vegjël. Megjithatë, është shumë e vështirë të punosh me to.

Prandaj asnjë kompani nuk është marrë me to deri tani. Arsyeja konsiston në faktin se ato duhet të vendosen në mënyrë jashtëzakonisht të saktë dhe të mos përmbajnë papastërti metalesh (që ndodh zakonisht).

Nuk parashikohet që kjo teknologji do të hyjë në prodhim masiv

IBM ka punuar suksesshëm kundër këtyre sfidave, jo vetëm duke krijuar një procesor me 10 000 transistorë të bazuar në nanotubë karboni, por duke e realizuar këtë me teknika standarde gjysmë konduktorësh.

Kjo do të thotë se, nëse kompanitë që prodhojnë çipe do të vendosin të kalojnë tek kjo lloj teknologjie, nuk do të kenë nevojë të shpenzojnë miliarda për të krijuar mjete të reja dhe lehtësi për ndërtimin e produkteve të tyre. Kjo do të thotë gjithashtu se Ligji Moore do të jetë i pazbatueshëm në këtë lloj teknologjie.

Megjithatë, nuk parashikohet se kjo teknologji do të hyjë në prodhim masiv për të paktën edhe një dekadë.

[Zero Cool]

Hakerët mund të marrin sekrete nga valët e trurit tuaj





A është vallë e mundshme që hakerët mund të marrin detajet tuaja bankare, PIN kodet duke lexuar trurin tuaj?

Po, është e mundshme thonë shkencëtarët me anë të EEG headset sikur Emotiv's Epoc, që kushton vetëm 299 $.

Këto nuk janë pajisje të popullarizuara, por njerëzit i përdorin për të luajtur lojëra dhe për të kontrolluar pajisje si karriget me rrota, të cilat janë të lidhura me trurin me anë të kësaj pajisjeje.

Ivan Martinovic, nga Universiteti i Oxfordit, eksploroi idenë në fjalimin e tij në Simpoziumin Usenix të Sigurisë i cili u mbajt në Seattle më herët këtë muaj.

Ekipi i cili kreu kërkimin kishte dhe disa anëtarë nga Universiteti i Kalifornisë dhe ai i Gjenevës. Dhe ky studim ka treguar se është e mundshme sulmi me një pajisje që e lidh trurin me kompjuterin, jashtë mjekësisë, fushës në të cilën këto pajisje janë përdorur me dekada.

Teknologjia EEG është përdorur dhe në lojëra, ku iu ka mundësuar përdoruesve që të kontrollojnë opsionet e lojës Arena.

Zakonisht në këto pajisje mund të përdoren mimikat e fytyrës për të kapur komanda.

Valët e trurit janë më të komplikuara për tu kapur, dhe shumë para procesim kërkohet për të gjetur një sinjal nga zhurma.

Gjithashtu pajisjet EEG Emotiv, nuk janë optimizuar ende për sinjalet P300.

Por gjithsesi, një ditë hakerët e trurit mund të jenë në gjendje që të përdorin sinjalet pa bashkëpunimin e subjektit.

Dhe kjo gjë me të vërtetë do ta cenoj privatësinë e njerëzve.

[Zero Cool]

Lytro, a është kamera revolucionare





Kompania Lytro po zhvillom një lloj kamere e cila në mënyrë dramatike e ndërron fotografinë për herë të parë që nga viti 1800. Së paku kështu thuhet në njoftimet zyrtare të kësaj kompanie. Por sa ka të vërteta në këtë “revolucion”?

Kamera Lytro Light Field ngjanë në diçka që ka rënë nga gjithësia e Lego – e vogël, katrore dhe me ngjyra të ndritshme.

Shtëpiza është e ndërtuar nga aluminiumi dhe vjen në pesë ngjyra. Vetë fotografia zhvillohet në një slider dhe një shkrepës, kurse shumicën tjetër të opsioneve mund ta ndërroni përmes ekranit të vogël (1,5 inç) por cilësor.

Pse janë fotografitë më ndryshe? Kjo kamerë kap tërë fushën e dritës në vend të vetëm një rreze të dritës kështu që fotografive është e mundur t’u ndërrohet në mënyrë softuerike fokusi dhe perspektiva. Tashmë nuk ka më nevojë për “sesionet e gjata të autofokusimit” sepse momentet tani incizohen menjëherë.

Bateria dhe memoria (8 GB dhe 16 GB) janë të integruara në vetë aparatin, kurse çmimi është, varësisht nga sasia e memories në dispozicion, prej 399 $ deri 499 $.

Pavarësisht faktorit cool të kësaj pajisjeje, shumë dyshojnë në suksesin e kamerës Lytro te fotografët “hardcore” të cilët i duan aparatet e tyre të mëdhenj dhe të shtrenjtë DSLR.

[Zero Cool]

Kjo është arma më e re e Forcave të Armatosura të SHBA-së





Uashington, 22.02.2013
Forcat Ajrore të Amerikës kanë zbuluar një robot-insket që mundë të përdoret për vëzhgimin dhe likudimin e objektivit.

Këta robotë mund të zbresin deri në fushëbetej dhe mund të marrin informacione dhe objektiva të qarta të cilat do ti transmetojnë ato në kohë reale.

Përveç monitorimit këto kanë edhe funksione luftarake, domethënë, robotët janë në gjendje të shpërthejnë
nëse ato urdhërohen.

Mangësia e këtyre robotëve është se shpenzojnë shumë energji, dhe mund të qëndrojnë në ajër vetëm disa minuta, megjithatë ekspertët thonë se në dy vitet e ardhshëm do të zgjidhen këto probleme.

[Zero Cool]

Gorilla Glass






Për të gjithë ata që përdorin telefoninë mobile gjithsesi janë të njohur me termin – Gorilla Glass.

Gorilla Glass, përkatësisht qelqi Gorilla është produkt i kompanisë Corning, i cili kryesisht shërben për mbrojtjen e ekraneve të pajisjeve portative nga gërvishtja dhe plasaritja. Qelqi Gorilla është shumë i hollë dhe për këtë arsye nuk e zvogëlon ndjeshmërinë e ekraneve me prekje, e duke pasur parasysh që është po ashtu edhe shumë i lehtë nuk ndikon në peshën e pajisjeve.

Cilat janë të veçantat rreth qelqit Gorilla dhe cilat janë dallimet mes prodhimit të kompanisë Corning dhe qelqit të thjeshtë – mësoni në vazhdim të tekstit.

Historia

Corning është kompani e themeluar në mes të shekullit 19. Me qelq të përforcuar filluan të merren ne vitet 60-të të shekullit të kaluar, ndërsa prodhimi i parë i këtij lloji u quajt muscled glass (xham muskuloz).

Në këtë drejtim ata u zhvilluam veçanërisht nga fillimi i vitit 2005 kur Motorola e prezantoi modelin e vet të parë RAZR. Duke parë se si në këtë model ekrani është bërë nga qelqi, e cila ishte në interes të kompanisë, filluan të investojnë në zhvillimin e teknologjisë së tyre në mënyrë që prodhimeve të ardhshme t’u ofronin qelq edhe më të mirë. Corning formoi grupin e ekspertëve dhe filluan të zhvillonin qelqin me emrin kodues – Gorilla Glass.

Pas një viti Apple zbuloi se prototipi i tyre i iPhone-it gërvishtet në rast se gjendet në xhep së bashku me psh çelësat. Drejtori i atëhershëm i Apple-it Steve Jobs kontaktoi kompaninë Corning për të pyetur në lidhje me muscled glass-in.

Pasi i thanë se janë duke punuar në teknologjinë e re (atëherë me emrin Gorilla Glass), Jobs-it i pëlqeu ideja kështu që qelqi i tyre u përdor në gjeneratën e parë të iPhone-ve të cilët u paraqitën një vit më pas.

Pas kësaj, Corning filloi të shpërndante prodhimin e vet edhe shumë kompanive tjera.

Prodhimi

Është pak e njohur se qelqi nuk është vetëm prodhim industrial, por ai gjendet edhe në natyrë. Shkëmbinj të caktuar dhe minerale shëndrrohen në xham pas kontaktit me temperatura shumë të larta. Kjo zakonisht ndodh në zonat ku vullkanet nxjerrin llavën apo në vendet ku rrufetë godasin në tokë.

Përveç fenomeneve natyrore, njerëzit me shekuj kanë prodhuar qelqin edhe vetë. Mënyra e prodhimit është e bazuar në të njëjtin parim të cilin përdor edhe natyra – me shkrirjen e shëmbinjëve të caktuar në temperatura të larta. Përsa kohë është ashtu e shkrirë dhe në formë të lëngshme është e mundur ti jepet forma e dëshiruar.



Bërja e qelqit – hedhja në kallup



Prodhimin i Corning përbëhet nga tri komponente kryesore: rëra, karbonat natriumi dhe gëlqere. Përveç tyre shtohen edhe disa kimikate para procesit të shkrirjes, për shkak të cilave rezulton që prodhimi i qelqit përmban alumin, oksigjen dhe silicium.



Tri komponentet kryesore prej të cilave përbëhet qelqi



Pas shkrirjes së qelqit në formën e saj të lëngshme derdhet në kallepe dhe me lazer prihet në format e dëshiruara. Rezultati është qelq i hollë vetëm gjysmë milimetri. Ky lloj qelqi është shumë i ndjeshëm në thyerje, e ajo se çfarë e bën në të vërtetë Gorilla Glass shumë të fortë ndodh në hapin tjetër.

Ashtu i prerë qelqi zhytet në kalium bikromat i cili në kombinim me elementet e hapit të parë që përmendëm më lartë shkakton reaksion shumë të fortë në qelq përmes të cilit i jep fuqinë të cilën qelqi i thjeshtë nuk e ka. Gjithashtu, është me rëndësi të përmendet se qelqi Gorilla është plotësisht i pranuar për mjedisin ekologjik, sepse mund të reciklohet në tërësi.

Gorilla është në qelq

Corning nuk është e vetmja kompani e cila prodhon qelq të forcuar kimikisht, megjithatë është më e njohura në treg. Pse?

Qelqi Gorilla nuk mund të blihet në ndonjë dyqan, por Corning ka lidhur kontrata ekzkluzive me prodhuesit e celularëve, televizorëve dhe pajisjeve tjera për të cilat Corning e bën qelqin sipas specifikimeve duke hequr markën e vet dhe duke vendosur markën e prodhuesit.

Për këtë arsye Corning nuk guxon të zbulojë se në cilat prodhime gjendet qelqi i tyre, përveçse kur prodhuesi i pajisjes nuk e lejon mos deklarimin.






Testimi në Gorilla Glass



Përveç versionit të parë të qelqit Gorilla, Corning ka prezantuar edhe Gorilla Glass 2 në fillim të vitit 2012. Atëherë ata pretenduan se qelqi është 20% më i hollë se paraardhësi i tij duke ruajtur të njëjtat karakteristikat, me përmirësim të shtuar të precizionit ne ekranët me prekje.

Jo shumë kohë më parë në panairin CES u prezantua edhe produkti i fundit nga Corning – Gorilla Glass 3. Nga kjo kompani premtojnë se ky prodhim i ri është edhe më i fortë dhe se është madje tri herë më rezistent ndaj gërvishtjeve se sa paraardhësi i tij.

Përdorimi

Kështu sipas informacioneve në dispozicion nga faqja zyrtare e kompanisë Corning celularët me qelq Gorilla të integruar janë Lumia 920, 900, 800 dhe 710, shumica e modeleve të Motorola-s, celularët e fundit dhe tabletët e HTC-së, Samsung Galaxy S3, modelet e reja nga LG, smartfonët dhe tabletët e Asus, televizorët nga Sony dhe notebookët e Dell-it.

Ardhmëria

Corning ka disa kohë që po punon në versionin fleksibël të produktit të vet, kështu që me paraqitjen e ekranëve fleksibël ata do të jenë të mbrojtur nga gërvishtja dhe plasaritja.



Eksperimentët me qelq fleksibël



Mirëpo, për produktet e para me ekran fleksibël do të duhet të presim edhe pak kohë.