Jetë..

[zanaa]

Më merr të lutem.........!

Më merr të lutem sa më parë,
Po jetoj kotë,s'shijoj asgjë.
Më shkuan vitet duke qarë,
Nuk kam çfar pres,kjo jetë s'më nxë.

Në botën tjetër do jetoj mirë,
Do kem pranë vetes familjen time.
Kjo e këtejmia e zezë,mynxyrë,
S'më dha gëzim,më dhuroi dhimbje.

Më prit të lutem engjëllushe e bukur,
Atje,atje do të nis nuse.
Mbi ballë do të qëndis një flutur,
Të arratisesh nga ato puse.

Më merr të lutem Parajsa ime,
Se Ferrin gjallë e pash' me sy.
Të zhytem thellë në përqafime,
Të them dhe unë: Ka Perëndi.......