iPhone

[Zero Cool]

iOS 6.0.1


Apple sjell mundësi përditësimi(update) në iOS 6.0.1 me anë të Wi-Fi


Apple ka sjellë përditësime për iOS 6 që nga lëshimi në mes të shtatorit. Version 6.0.1, i cili doli si përditësim pa pagesë, rregullon një numër të madh gabimesh, përfshirë dhe mundësi përditësimi me anë të Wi-Fi.

Rregullimi i Apple përfshin dhe instalimin e përditsuesit special “iOS updater” i cili fshihet nga pajisja pas përditësimit në 6.0.1.

Gjithashtu në përditësim përfshihet dhe problemi me “Exchange” i cili mund të fshinte të ftuarit nëpër evente të ndryshme nëse një përdorues nuk pranonte ftesën. Ky problem do të ishte i madh për disa kompani të cilat punojnë me axhenda dhe evente.

Rregullimet janë si më poshtë:

Problemi me përditësimin me anë të wireless.

Problemi me vijat horizontale anash tastierës.

Problemi që nuk u ndalte blici i kamerës.

Rregullon lidhjen e iPhone 5 dhe iPod Touch 5th me rrjete Wi-Fi WPA2.

Rregullon problemin i cili nuk i lejonte përdoruesit e iPhone të përdornin një rrjet celular në disa raste.

Rregullon problemin me “Passcode Lock” i cili ndonjëherë i linte përdoruesit që të merrnin vesh detajet e Passbook pa e hapur ekranin.

Rregullon problemin e eventeve “Exchange” meetings.

Sipas Apple, iOS 6 sjell rreth 200 mundësi të reja. Mes tyre janë dhe aplikacioni i ri i hartave të Apple, rregullime në Siri, dhe integrim i Siri-it me Facebook-un.

[Zero Cool]

Jift kombinon rrjetin Facebook dhe Google+ në iPhone








Përdorimi i më tepër se një rrjeti shoqëror mund të shkaktojë një shqetësim kur ju jeni shpesh duke u zhvendosur brenda faqeve për të mbajtur çdo gjë.

Jift i merr dy nga rrjetet shoqërore më të popullarizuara, Facebook dhe Google+, dhe i kombinon ato në një aplikacion.

Jift punon ashtu siç edhe mund të prisni: kur ju qaseni në të dy llogaritë dhe aplikacioni iu paraqet njoftimet, fotografitë, furnizuesit me lajme, shokë dhe profili juaj duket sikur të ishte një rrjet i vetëm shoqëror.

Secila njësi ka një theksim të vogël të kaltër (Facebook) ose të kuqe (Google+) për të ju lënë të kuptoni se nga cili rrjet vjen ajo njësi. Ju mund t’i ndani ato po ashtu, nëse dëshironi vetëm duke e shkruar emrin e rrjetit shoqëror në ndonjë faqe.

Jift është në dispozicion pa pagesë në iTunes

E meta e përdorimit të një aplikacioni të përshtatshëm si Jift është që merr qasje në informacionet e llogarisë suaj.

Qasjet nuk kryhen përgjatë OAuth dhe përdorimi i rrjetit Facebook me Jift kërkon aprovimin e një aplikacioni në Facebook që ka qasje në çdo gjë në llogarinë tuaj. Natyrisht, këto dy gjëra do të jenë shqetësime për siguri për çdokënd.

Jift është në dispozicion pa pagesë në iTunes, por versioni Pro (për 2 dollarë) i shton disa veçori shtesë si postimi në të dy rrjetet në të njëjtën kohë.

[Zero Cool]

App Store me mbi 1 milion aplikacione






Apple sot ka deklaruar në mënyrë jo-zyrtare se kompania po feston një datë të rëndësishme për shërbimin e saj App Store. Sipas Appsfire, rëndësia e këtij festimi është numërimi i mbi një milion aplikacioneve të shërbimit App Store që nga dalja e saj në treg, në korrik të 2008.
Bashkëthemeluesi i Appsfire Ouriel Ohayon, ka shtuar detaje të reja mbi këtë informatë duke deklaruar se që nga viti 2008, 493,289 aplikacione të kompanisë janë me pagesë ndërsa 158,848 të tjerat janë lojëra interaktive.

Prej 736,247 aplikacioneve që gjenden tani online, 45 për qind e tyre janë me pagesë, kurse rreth 16 për qind janë lojëra. Shitorja online e Apple numëron rreth 400 milion llogari dhe 35 miliard shkarkime që nga data e lansimit të dyqanit online.

Gjatë ngjarjes së lansimit të iPhone 5 drejtori i kompanisë Tim Cook ka raportuar se 90 për qind e aplikacioneve të kompanisë shkarkohen për çdo muaj.

Ndërsa në anën tjetër, dyqani online Play Store i Google me më shumë se 675,000 aplikacione ka dëshmuar rreth 25 miliard shkarkime.

Google dhe Apple vazhdimisht garojnë ngushtë me numër të aplikacioneve. Sidoqoftë, me sistem më të rreptë kontrollimi, duket se App Store ofron aplikacione më kualitative se sa rivali i saj.



ps: Zanzi a e ke gjete jailbreak per iOS6 ?

[Dardanesha]

Per ata qe kane deshire mund ta gjejne mburojen e muslimanit edhe ne iPhone

apple store mburoja e muslimanit.jpg

app store mburoja 2.jpg

app store 3.jpg

[Zero Cool]

Aplikacioni i ri i Gmail vjen në iOS




Google sapo ka lansuar versionin më të ri të aplikacionit për shërbimin e saj të famshëm të emailave, Gmail, i cili tani është në dispozicion për platformën mobile të Apple, iOS.



I ri-krijuar tërësisht, versioni 2.0 i aplikacionit të Gmail vjen me dizajn dhe pamje të re, për të cilën Google shpreson se do ta shpejtojë shërbimin e emailave për përdoruesit si dhe ta bëjë më të lehtë përdorimin e emailave nga pajisjet mobile.

Funksionet e reja në aplikacion përfshijnë animacionet e reja, rrëshqitje të pafundme të emailave dhe listave, dhe fotografive në mesazhe.

Aplikacioni i ri gjithashtu mundëson sugjerime të plota gjatë kërkimit, si dhe mundëson përgjigje në ngjarjet në Google Calendar, dhe pëlqimin e postimeve në Google+ brenda aplikacionit.

Gmail në iOS është në dispozicion në AppStore, dhe tani për shkak të popullaritetit tejet të madh, disa përdorues tashmë janë duke raportuar probleme në shkarkim të aplikacionit, ndërsa Google sugjeron që të provohet më vonë.

[Zero Cool]

iTunes 11 lëshohet sot gjatë ditës?





Sot (29.11.2012) gjatë ditës është thënë se Apple do të lansojë versionin e ri të shërbimit të saj të famshëm, iTunes.
Raporti i botuar në Wall Street Journal i cili e citon Eddy Cue, zv. presidentin e Apple për softuerët e internetit dhe shërbimet tjera të lidhura, merret si shumë i besueshëm, dhe në ndërkohë është bërë lajmi kryesor i ditës në mediat globale.

Gjatë përshkrimit të iTunes 11, thuhet se versioni i ri është më i integruar me iCloud dhe i përshtatur për pajisjet mobile.
Sipas gazetës, thuhet se përdoruesit e iTunes 11 do të mund të ngarkojnë muzikë, filma, emisione televizive dhe shumëçka tjetër, nga një pajisje e Apple në tjetrën.

Kjo mund të bëhet përmes shërbimit sinkronizues të iCloud, dhe nuk do t’i detyrojë përdoruesit që të ri-shkarkojnë përmbajtjet, thuhet më tej në njoftimin e WSJ.

[Zero Cool]

Raportohet se versioni i lirë i iPhone-t mund të kushtojë 99 – 149 $


Ditët e fundit kanë filluar të qarkullojnë intensivisht në internet lajmet mbi një version më të lirë të iPhone. Sipas raportimeve të fundit, ai mund të kushtojë mes 99 dhe 149 $.

Pajisja, siç thuhet deri tani në Bloomberg, mund të debutojë minimalisht në fund të 2013-s dhe do të ketë për qëllim të tërheqë sa më shumë konsumatorë nga vendet në zhvillim. Mes tyre Apple po synon veçanërisht edhe Kinën.

Dhjetorin e kaluar, shefi ekzekutiv Tim Cook u shpreh se ky shtet është “një treg shumë i rëndësishëm për ne”. Në atë kohë, Apple kishte shitur mbi 2 milionë njësi të iPhone në Kinë, duke vendosur edhe një rekord shitjesh gjatë fundjavës së parë (iPhone 5).

Një version më i lirë i iPhone do ta ndihmonte kompaninë të konkurronte me telefonët Google Android, të cilat janë të disponueshëm në një sërë çmimesh.

Aktualisht, iPhone 5 prej 16 GB fillon me një çmim 199 $ në SHBA me kontratë dy vjeçare. Modelet 32 GB dhe 64 GB kushtojnë përkatësisht 299 $ dhe 399 $. Sipas burimeve të Bloomberg, kompania është duke zhvilluar një version më të përballueshëm të iPhone-t që prej shkurtit 2011.

Gazeta shton se ata kanë folur gjithashtu edhe me një sërë kompanish telefonike në SHBA. Raportimet e hershme lidhur me këtë temë shkruajnë se iPhone me çmim të lirë do të ngjajë si ai aktual, por do të jetë i prodhuar me materiale më të lira.

Polikarbonati do të zëvendësojë mbështjellën prej alumini ndërsa komponentët e tjerë do të adaptohen nga modelet më të vjetra të iPhone.