iPhone

[Zero Cool]

App Store me mbi 1 milion aplikacione






Apple sot ka deklaruar në mënyrë jo-zyrtare se kompania po feston një datë të rëndësishme për shërbimin e saj App Store. Sipas Appsfire, rëndësia e këtij festimi është numërimi i mbi një milion aplikacioneve të shërbimit App Store që nga dalja e saj në treg, në korrik të 2008.
Bashkëthemeluesi i Appsfire Ouriel Ohayon, ka shtuar detaje të reja mbi këtë informatë duke deklaruar se që nga viti 2008, 493,289 aplikacione të kompanisë janë me pagesë ndërsa 158,848 të tjerat janë lojëra interaktive.

Prej 736,247 aplikacioneve që gjenden tani online, 45 për qind e tyre janë me pagesë, kurse rreth 16 për qind janë lojëra. Shitorja online e Apple numëron rreth 400 milion llogari dhe 35 miliard shkarkime që nga data e lansimit të dyqanit online.

Gjatë ngjarjes së lansimit të iPhone 5 drejtori i kompanisë Tim Cook ka raportuar se 90 për qind e aplikacioneve të kompanisë shkarkohen për çdo muaj.

Ndërsa në anën tjetër, dyqani online Play Store i Google me më shumë se 675,000 aplikacione ka dëshmuar rreth 25 miliard shkarkime.

Google dhe Apple vazhdimisht garojnë ngushtë me numër të aplikacioneve. Sidoqoftë, me sistem më të rreptë kontrollimi, duket se App Store ofron aplikacione më kualitative se sa rivali i saj.



ps: Zanzi a e ke gjete jailbreak per iOS6 ?

[Dardanesha]

Per ata qe kane deshire mund ta gjejne mburojen e muslimanit edhe ne iPhone

apple store mburoja e muslimanit.jpg

app store mburoja 2.jpg

app store 3.jpg

[Zero Cool]

Aplikacioni i ri i Gmail vjen në iOS




Google sapo ka lansuar versionin më të ri të aplikacionit për shërbimin e saj të famshëm të emailave, Gmail, i cili tani është në dispozicion për platformën mobile të Apple, iOS.



I ri-krijuar tërësisht, versioni 2.0 i aplikacionit të Gmail vjen me dizajn dhe pamje të re, për të cilën Google shpreson se do ta shpejtojë shërbimin e emailave për përdoruesit si dhe ta bëjë më të lehtë përdorimin e emailave nga pajisjet mobile.

Funksionet e reja në aplikacion përfshijnë animacionet e reja, rrëshqitje të pafundme të emailave dhe listave, dhe fotografive në mesazhe.

Aplikacioni i ri gjithashtu mundëson sugjerime të plota gjatë kërkimit, si dhe mundëson përgjigje në ngjarjet në Google Calendar, dhe pëlqimin e postimeve në Google+ brenda aplikacionit.

Gmail në iOS është në dispozicion në AppStore, dhe tani për shkak të popullaritetit tejet të madh, disa përdorues tashmë janë duke raportuar probleme në shkarkim të aplikacionit, ndërsa Google sugjeron që të provohet më vonë.

[Zero Cool]

iTunes 11 lëshohet sot gjatë ditës?





Sot (29.11.2012) gjatë ditës është thënë se Apple do të lansojë versionin e ri të shërbimit të saj të famshëm, iTunes.
Raporti i botuar në Wall Street Journal i cili e citon Eddy Cue, zv. presidentin e Apple për softuerët e internetit dhe shërbimet tjera të lidhura, merret si shumë i besueshëm, dhe në ndërkohë është bërë lajmi kryesor i ditës në mediat globale.

Gjatë përshkrimit të iTunes 11, thuhet se versioni i ri është më i integruar me iCloud dhe i përshtatur për pajisjet mobile.
Sipas gazetës, thuhet se përdoruesit e iTunes 11 do të mund të ngarkojnë muzikë, filma, emisione televizive dhe shumëçka tjetër, nga një pajisje e Apple në tjetrën.

Kjo mund të bëhet përmes shërbimit sinkronizues të iCloud, dhe nuk do t’i detyrojë përdoruesit që të ri-shkarkojnë përmbajtjet, thuhet më tej në njoftimin e WSJ.

[Zero Cool]

Raportohet se versioni i lirë i iPhone-t mund të kushtojë 99 – 149 $


Ditët e fundit kanë filluar të qarkullojnë intensivisht në internet lajmet mbi një version më të lirë të iPhone. Sipas raportimeve të fundit, ai mund të kushtojë mes 99 dhe 149 $.

Pajisja, siç thuhet deri tani në Bloomberg, mund të debutojë minimalisht në fund të 2013-s dhe do të ketë për qëllim të tërheqë sa më shumë konsumatorë nga vendet në zhvillim. Mes tyre Apple po synon veçanërisht edhe Kinën.

Dhjetorin e kaluar, shefi ekzekutiv Tim Cook u shpreh se ky shtet është “një treg shumë i rëndësishëm për ne”. Në atë kohë, Apple kishte shitur mbi 2 milionë njësi të iPhone në Kinë, duke vendosur edhe një rekord shitjesh gjatë fundjavës së parë (iPhone 5).

Një version më i lirë i iPhone do ta ndihmonte kompaninë të konkurronte me telefonët Google Android, të cilat janë të disponueshëm në një sërë çmimesh.

Aktualisht, iPhone 5 prej 16 GB fillon me një çmim 199 $ në SHBA me kontratë dy vjeçare. Modelet 32 GB dhe 64 GB kushtojnë përkatësisht 299 $ dhe 399 $. Sipas burimeve të Bloomberg, kompania është duke zhvilluar një version më të përballueshëm të iPhone-t që prej shkurtit 2011.

Gazeta shton se ata kanë folur gjithashtu edhe me një sërë kompanish telefonike në SHBA. Raportimet e hershme lidhur me këtë temë shkruajnë se iPhone me çmim të lirë do të ngjajë si ai aktual, por do të jetë i prodhuar me materiale më të lira.

Polikarbonati do të zëvendësojë mbështjellën prej alumini ndërsa komponentët e tjerë do të adaptohen nga modelet më të vjetra të iPhone.

[Zero Cool]

Miqtë e Facebook-ut pa pagesë përmes Messenger


Tashmë mund t’i telefononi miqtë e Facebook-ut pa pagesë, nëse jeni përdorues i iPhone.

Kompania ka shtuar një karakteristikë të re në SHBA që u mundëson përdoruesve të aplikacionit Facebook Messenger të bëjnë telefonata me zë tek miqtë e tyre përmes rrjetit social dhe Wi-Fi ose planit tarifor me kompaninë telefonike.

Karakteristika ka filluar të përhapet që prej të mërkurës në SHBA dhe gjendet tek butoni “free calling” në aplikacionin ekzistues. Përdoruesit nuk kanë nevojë të bëjnë përditësim të aplikacionit, pasi opsioni i ri shtohet automatikisht.

Në mënyrë qe t’u telefononi miqve, ata duhet të kenë të instaluar aplikacionin Messenger të Facebook-ut në celularin e tyre.

Nëse nuk e kanë, ikona “Free Call” do t’ju shfaqet e paklikueshme, me ngjyrë gri. Telefonatat kanë të njëjtën pamje në ekran si ato të zakonshmet qe bëhen me iPhone.

Kjo karakteristikë ka filluar testimin që muajin e kaluar në Kanada.

Funksionaliteti i saj u prezantua së bashku me opsionin e ri të aplikacionit për Android dhe iOS, ku përdoruesit mund t’u lenë miqve të tyre mesazhe të shkurtra zanore.

[Zero Cool]

Jailbreak iOS 6.1 ne iPhone 5 dhe te Gjitha iOS Paisjet e Tjera


Jailbreak për iOS 6 deri në 6.1 tani më është realitet. Paisjet e përkrahura janë të gjitha llojet e iOS paisjeve përfshire edhe iPhone 5. Vetëm Apple TV nuk është i përkrahur:

iPhone 5
iPhone 4S
iPhone 4
iPhone 3GS
iPad 4
iPad 3
iPad 2
iPad mini
iPod touch 4
iPod touch 5
Firmware verzionet e përkrahura janë iOS:

6.0,
6.0.1,
6.0.2,
6.1;
Kërkesat:

Kompjuter që ka të paktën Windows XP apo më shumë;
Një iOS paisje me verzion 6.0, 6.0.1, 6.0.2, 6.1;
USB kabëll për të lidhur paisjen tuaj me kompjuter;
Shënim:

Është e rekomandueshme që t’i bëni backup paisjes tuaj përmes iTunes apo iCloud para se të vazhdoni me hapat e mëtejshëm.
Nëse keni paisje me procesor A4 dhe të cilës i keni bërë tethered jailbreak iOS 6.1, lajmi i mire është se të gjithë këtë mund ta bëni vetëm duke instaluar “evasion 6.x Untether” nga Cydia.

Hapi 1:
Shkarko Evasi0n Jailbreak veglën në kompjuterin tuaj.

Për Windows shkarko këtu.
Për Mac shkarko këtu.
Për Linux shkarko këtu.


Hapi 2:
Shkarko iOS 6.1, dhe përditëso paisjen tuaj duke shfrytëzuar iTunes.

iPhone 5 GSM
iPhone 5 CDMA
iPhone 4S
iPhone 4 GSM
iPhone 4 CDMA
iPhone 3GS
iPad mini (GSM, CDMA, Wi-Fi)
iPad 4th-generation (GSM, CDMA, Wi-Fi)
iPad 3rd-generation (GSM, CDMA, Wi-Fi)
iPad 2 (GSM, CDMA, Wi-Fi)
iPad 2 16GB (new)
iPod touch 4th-generation
iPod touch 5th-generation


Hapi 3:
Sigurohuni që nuk keni të aktivizuar ndonjë paskod në paisjen tuaj. Nëse po, atëherë deaktivizoni duke hyrë në: Settings -> General -> Passcode Lock -> Off.




Hapi 4:
Sigurohuni që iTunes dhe Xcode (nëse vec e keni të instaluar) i keni mbyllur.

Hapi 5:
Hape veglën e jailbreak Evasi0n në kompjuterin tuaj.




Hapi 6:
Lidhe paisjen tuaj iOS me kompjuterin tuaj përmes USB kabllos.

Hapi 7:
Zgjedhe opsionin Jailbreak dhe relaksohuni derisa programi të performojë hapat e duhur në prapavijë për të bërë jailbreak paisjen.





Hapi 8:
Keni durim, mos prekni asgjë në paisjen tuaj dhe në kompjuterin tuaj gjatë procesit të jailbreak.

Hapi 9:
Kur të përfundoj procesi, hapeni iOS paisjen tuaj dhe do të shihni një aplikacion të quajtur “Jailbreak”. Hapeni këtë aplikacion dhe ekrani juaj do të bëhet i zi për ca qaste. Pas pak, do të kthehet në gjendje normale.




Hapi 10:
Pjesa e mbetur e procesit është e automatizuar, dhe kjo përfundon kur në programin në kompjuter ju shfaqet “Jailbreak complete!“. Pas pak paisja juaj do të restartohet disa herë në mënyrë që të përfundojë procesin. Kur kjo të përfundoj ju do të keni Cydia në paisjen tuaj.





Hapi 11:

Luj Pou, pa lekë .......:P