Refleksion -Meditim

[pasioni_]

24.01.2013
Ditë dimëri. Duke shikuar transmetimin e drejtpërdrejtë të seancës parlamentare të Parlamentit të Kosovës më vërshojnë qindra e mijëra mendime nga më të ndryshmet.Çka po shikoj? Kend po e shikoj? Të krahasohet
seanca parlamentare e organit më të lartë shtetëror, organit kushtetutëdhënës me kooperativat bujqësore të dikurshme është nënçmim i madh për kooperativat. Nëse krahasohen pjesëmarrësit, njeriu mund të gjejë mjaft ngashmëri por edhe dallime të mëdha. Ngjashmëri është niveli intelektual i pjesëmarrësve, kualifikimi shkollor dhe profesional, sjellja në seancë, interesimi, angazhimi dhe serioziteti në punë. Dallimi është se në parlament nuk ka rend dite, rend bisede dhe rend diskutimi. Ka shumë zhurmë e tollovi, ofendime dhe nënçmime, fyerje dhe sharje, rrena dhe premtime, mashtrime dhe vjedhje si dhe deklarime të papërgjegjshme dhe të pavërteta. Poashtu kanë dalluar edhe në realizimin dhe ekzekutimin e vendimeve. Derisa në Parlament vendimet merren në letër dhe kurrë nuk realizohen dhe ekzekutohen, në kooperativa deri dikund janë realizuar dhe ekzekutuar. Shumë ligje mbesin në letër (votohen sa për tu votuar dhe plotësuar disa kushte të bashkësisë ndërkombëtare) dhe kurrë nuk ekzekutohen në praktikë...

Duke shkruar këta rreshta, po e shikoj sallën solemne të parlamentit Odën më të madhe të Kosovës, gjysëm të zbrazët. Më duket sikur një sallë kinemaje gjatë shfaqjes se ndonjë filmi të keq dhe nuk janë shitur të gjitha biletat. Mezi arrihet një përqindje minimale (ligjore) për mbajtje të seancës dhe votim të ligjeve të ndryshme. Shpesh, kryesuesi duhet të ndërmarrë masa, thirrje e apele që pjesëmarrësit të kthehen nga byfeja që të plotësohet numri minimal i votuesve.

Mjerim i madh. Nuk e kemi merituar një parlament të tillë, edhepse e kemi votuar vet.

pasioni_