Teknologjitë që do të ndryshojnë botën

[Zero Cool]

Implantimi digjital




Vizionet, që dikur qarkullonin, për një rrjet global mes qenieve njerëzore, sot janë realitet. Zhvillimi i hovshëm i teknologjisë digjitale ka ndikuar edhe në proceset e shkencës moderne, duke avancuar disa disiplina të saj, që sot kanë bërë ndryshime radikale në shumë sferat relevante të jetës së përditshme. Se sa do të jenë në shërbim të njerëzimit apo dëm të tij këto të arritura shkencore, mbetët të presim rezultatin e faktorit kohë!

Shumë disiplina shkencore, që në një periudhe kanë luajtur rolë të rëndësishëm në proceset e zhvillimin global, sot pothuajse janë margjinalizuar plotësisht, ose më mirë të themi, kanë mbetur vetëm si dekor në mozaikun e përgjithshëm të shkencës moderne. Gjithnjë e më shumë, po avancojnë disa disiplina shkencore e mes tyre: informatika dhe mikrobiologjia, që viteve të fundit e kanë përshpejtuar dhe ndryshuar pothuajse tërësisht rrjedhën e deritanishme të hulumtimeve.

As zbulimet më të fundit të deshifrimit, pothuajse të përgjithshëm, të gjeneve nga shkencëtari Carig Venter, të cilat mendohet se do të hapin një epokë të re për njerëzimin, nuk do të mund të realizoheshin pa ndihën e mikroprocesorëve, pra kompjuterëve, që sot janë pjesë e pashmangshme e çdo lloj procesi aplikativ, e pa ndihmën e të cilëve bota nuk do ta kishte këtë trend të shpejtë të zhvillimeve që e ka sot.

Kjo përparësi po shfrytëzohet edhe nga mjekësia kirurgjike për transplantimin dhe implantimin e organeve ose objekteve tjera për qëllime shëndetësore, estetike, eksperimentale etj., si dhe kohëve të fundit atyre komunikative.

„Unë do ta kisha pranuar me kënaqësi që fëmijut tim t'i implantohet një çip kompjuterik, për të pasur informata të sakta në çdo kohë rreth vendndodhjes së tij" - u tha gazetarëve në Las Vegas në Consumer Electronics Show, pronari i organizatës së njohur për prodhimin e softuerit SUN (është i njohur programi për byro Star Office, që është konkurrent i programit shumë të njohur dhe te shtrenjtë Office të Microsoftit, por për dallim nga ai, ky ofrohet falas) Scott McNealy.

Menjëherë pasuan reagimet nga më të ndryshmet! Derisa disa e përmbanin këtë ide si proces produktiv në shërbim të njerëzimit, të tjerët paraqisnin tezat e tyre rreth mundësisë së keqpërdorimit, jo vetëm nga organet përkatëse, por edhe nga vetë individi ose prindërit, duke cenuar të drejtën elementare të njeriut për veprime të lira dhe të pavarura.

Organizata SUN, pasi nuk pati sukses të konsiderueshme në projektin „Connectd Family", e zvogëloi edhe interesimin e mëtejmë. Mirëpo, në skenë doli organizata amerikane Aplied Digital Solution, e cila parasheh që deri në fund të këtij viti ta krijoj një prototip të këtij çip kompjuterik që implantohet në trupin e njeriut dhe u quajt „Digital hinge"- grep digjital.

Interesimi i shkencëtarëve për komunikime të tilla daton shumë herët, që nga zbulimi i aparateve të para elektronike e sidomos pas atyre me sistem digjital. Baza e sistemit digjital është procesi binar që përbëhet nga dy shifra 1 ose 0, e që u zbulua nga gjeniu gjerman Gottfried Leibniz që në vitin 1666. Por është interesant të cekim se si erdhe deri te ky zbulim, që disa shekuj më vonë, ndryshoi rrjedhat e përgjithshme të shkencës në drejtim produktiv.

Leibniz, sistemin binar e zbuloi duke u bazuar në librin e vjetër 3000 vjeçar kinez që quhet I-Ging ose në përkthim „Libri i shndërrimeve" (ky libër edhe sot gjen përdorim të gjerë në sferën spirituale) në të cilin Universi me të gjitha fenomenet e veta, paraqitet si një dualitet - ose/ose, si: bardhë-zi, dritë-hije, lartë-poshtë, mashkull-femër etj. Sipas I-Ging-ut, e gjithë materia, qoftë e gjallë apo e vdekur, është e përbërë dhe e përshkuar nga një energji me dy pole: poli pozitiv që quhet „Yang" dhe poli negativ që quhet „Yin". Leibniz-i energjisë pozitive i dha shifrën „1" dhe që reprezantonte për të „Zotin", ndërsa energjisë negative i dha shifrën „0" që simbolizonte „Universin".

Pra, sipas tij, në bazë të „1" dhe „0" u krijua gjithçka. Këtë sistem, më vonë, e përpunoi matematikani britanik, G. Boole që edhe quhet Algjebra e Boole-s, dhe tek disa shekuj më vonë, shkencëtarët bënë kombinimin e formulave të Boole-s me sistemin binar dhe kështu mundësuan krijimin e kompjuterëve digjital të cilët sot ne i kemi në përdorim...

Çip-i kompjuterik „Digital hinge", njësit dërguese dhe pranuese i furnizon me energji elektromekanike. Kështu që mundësohet furnizimi i tij me energji përmes lëvizjeve të muskujve të trupit të personit që e bartë atë. Gjithashtu, duke ju falënderuar sistemit satelitor - Global Positioning System (GPS) , bartësit e këtij çipi janë në çdo kohë të lokalizuar ose edhe të dirigjuar!
Udhëheqësi i grupit, Peter Y. Zhou parasheh zbatime të shumanshme të këtij dërguesi të implantuar në jetën e përditshme e sidomos në kriminalistik dhe në mjekësi.

Para së gjithash, ky çip do të shërbej për interesa mjekësore, thonë krijuesit e tij. Për shkak të ndjeshmërisë së madhe dhe mundësisë së shkëlqyer për kapacitetin bartës të njësive, ky çip do të mund të implantohet tek pacientët me kurime intensive, për të pasur nën mbikëqyrje funksionimin e organeve të tyre vitale e në raste të posaçme edhe ndikimin mbi to.

Gjithashtu, interes të posaçëm ky çip ka zgjuar edhe në qarqet e sigurimeve shtetërore. Ata, përmes këtij çipi të implantuar tek kriminelët që kanë kryer vepra të rënda, do të mund ta kenë në kontroll çdo lëvizje të tyre, e sidomos në raste arratisjeje. Po ashtu, me këtë çip do të pajisen edhe funksionarët e lartë, të cilët në raste kidnapimi, duke ju falënderuar këtij mikrosistemi, do të zbulohen shumë shpjet si dhe do të lokalizohet vendqëndrimi i tyre, e kështu do të mundësohet edhe eliminimi i kriminelëve.

Edhe milionerët i gëzohen këtij çipi, pasi ai u mundëson mbikëqyrje dhe siguri më të madhe se deri më tani. Gjithashtu, interes të posaçëm kanë shfaqur edhe prindërit, të cilët shpresojnë se përmes këtij çipi do të mund t'i kontrollojnë lëvizjet e fëmijëve të tyre, e kështu do të kenë mundësi t'i evitojnë ose dhe eliminojnë sjelljet dhe veprimet e tyre negative etj. Pra, përmes këtij sistemi mundësohet krijimi i një rrjeti global mes qenieve njerëzore, që sot mund t'i përngjaj sistemit telefonik mobil, mirëpo me karakteristika tjera!

Por, siç dihet, medaljoni i ka dy anë, mu ashtu sikurse sqaron edhe I-Ging-u me sistemin Yang-Yin, pra energjinë pozitive dhe atë negative. Derisa, admiruesit propagandojnë vlerat pozitive dhe të dobishme të këtij mikrosistemi për mbarë njerëzimin, kundërshtarët i mohojnë ato, duke e cilësuar këtë mikrosistem si një kreatur në shërbim të diktatorëve, autokratëve, monopolistëve etj. Me këtë sistem - thonë ata, faktikisht, njeriu bëhet qenie e lokalizuar dhe e kontrolluar sipas nevojës së dikujt tjetër, pa pasur mundësi që të kundërshtoj ose rezistoj.

Ky është vetëm hapi i parë në këtë drejtim, kur dihet se sot ekzistojnë mikrosisteme që mundësojnë miliona e miliarda operacione në sekondë, prandaj shumë lehtë mund të implantohen një sistem i tillë edhe në tru dhe kështu individi të kthehet në një robot, por i përbërë nga mishi e gjaku, e i dirigjuar nga dikush tjetër për nevoja ose shërbime të planifikuara - përfundojnë ata. Pra, pasojat nuk dojnë koment!

Megjithatë, shkenca vazhdon të lëviz rrugës së vetë, drejt procesit të pandalshëm, drejt zbulimeve të reja, pavarësisht nga mendimet, gjykimet apo spekulimet që drejtohen në adresë të saj. Ajo është edhe detyra e saj. Çdo zbulim i ri, normalisht që ka edhe defektet e veta. Prandaj, se sa janë produktive apo destruktive të arriturat dhe zbulimet që bënë ajo, do të na paraqesin rezultate e mëvonshme, të cilat faktori kohë do t'i vlerësoj. Por, shkencëtarët duhet të mundohen, që së paku, mos t'u ndodhin puçe nëpër labore, sepse ato nuk i referohen vetëm një „partie" ose një „shteti", por pasojat e atij puçi mund t'i bartë gjithë njerëzimi!

[Zero Cool]

Një shqiptare krijon kompjuterin që lexon mendjen







Krijohet kompjuteri që lexon mendjen

Kompjuteri që lexon mendjen mund të komunikojë me pacientët në koma: sistemi novator mund të kuptojë përgjigjet për pyetjet e thjeshta përmes skanimit të trurit. Kërkuesja shqiptare, Lorina Naci, udhëhoqi grupin kanadez që bën komunikim me njerëzit në koma.





MARK PRIGG, Daily Mail

Kërkuesit në Kanada, nën udhëheqjen e shqiptares Lorina Naci, arritën të krijojnë një kompjuter që lexon mendjen dhe që mund të ndihmojë në komunikimin me njerëzit në koma.

Kërkuesit në Universitetin e Ontarios Perëndimore përdorën neuroimazhet për të lexuar mendimet e njeriut përmes aktivitetit të trurit në rastet kur ata kërkojnë përgjigje specifike “po” ose “jo”.

Skuadra thotë se kërkimi i tyre mund të sjellë mënyra të reja shumë të rëndësishme në përpjekjen për të komunikuar me pacientët që janë në gjendje vegjetative.

Gjetjet e tyre u publikuan në “Journal of Neuroscience” në një studim të titulluar “Mesazhet e heshtura të trurit: Përdorimi i vëmendjes selektive për të dekoduar mendimin e njeriut për komunikim me bazë trurin”.

Sipas kërkueses kryesore, Lorina Naci, interpretimi i mendimit njerëzor përmes analizimit të aktivitetit të trurit – pa u bazuar te të folurit apo veprimet – është një nga kufijtë më provokativë dhe sfidues të neuroshkencës moderne.

Në mënyrë specifike, pacientët që janë tërësisht të vetëdijshëm dhe të zgjuar, por gjithsesi, për shkak të dëmtimeve në tru, të paaftë për të treguar reagim në sjellje, ekspozojnë limitet e sistemit neuromuskular si dhe nevojën për forma alternative komunikimi.

Në studim, pjesëmarrësve iu kërkua të përqendrohen te një përgjigje e pastër “po” ose “jo” për pyetje të tilla si “A jeni i martuar?” apo “A keni vëllezër dhe motra?” dhe vetëm duhej ta mendonin përgjigjen, pa e thënë atë.

“Kjo metodë novatore u lejoi individëve të shëndetshëm t’i japin përgjigje pyetjeve nën skaner, thjesht duke i kushtuar vëmendje fjalës që ata donin të thoshin. Duke parë në aktivitetin e tyre të trurit, ne ishim në gjendje të dekodojmë me korrektësi përgjigjet për secilin individ”, tha Naci, një studente postdoktorante në Institutin Perëndimor për Trurin dhe Mendjen.

“Shumica e vullnetarëve i përmblodhën përgjigjet e tyre brenda tri minutave skanim, një dritare kohe që është shumë mirë e përshtatshme për komunikimin me ndërfaqen e kompjuterit të trurit”.

Naci dhe kolegët e saj Rhodri Cusack, Vivian Z. Jia dhe Adrian Owen tashmë po përdorin këtë metodë për të komunikuar me pacientët pa përgjigje në sjellje, të cilët mund të jenë diagnostikuar gabim si njerëz në gjendje vegjetative.

“Avantazhi i kësaj teknike, veçanërisht lehtësia e përdorimit, fuqia dhe detektimi i shpejtë, mund të maksimizojë shanset që çdo pacient i tillë të jetë në gjendje të arrijë komunikim me bazë trurin”, tha Naci.

Si e bën?

Në studim, pjesëmarrësve iu kërkua të përqendrohen në përgjigje të thjeshta “po” apo “jo” për pyetje të tilla si “A jeni i martuar?” apo “A keni vëllezër dhe motra?” dhe vetëm ta mendonin përgjigjen e tyre, jo ta thoshin me fjalë.

Duke analizuar aktivitetin e trurit të tyre, skuadra ishte e aftë të lexojë saktë përgjigjet e tyre për një seri pyetjesh.

Diçitura 1

Skanimet e trurit që mund të zbulojnë se çfarë po mendojmë: Skuadra zbuloi se aktiviteti i trurit mund të nxjerrë përgjigje për pyetje të thjeshta dhe se mund të përdoret për të komunikuar me pacientët në koma.

Diçitura 2

Skuadra shpreson se ky kërkim mund të udhëheqë rrugën që një ditë të arrihet komunikimi i drejtpërdrejtë me pacientët në gjendje vegjetative.

[Zero Cool]

Në vitin 2045 arrihet pavdekësia digjitale





Brenda 30 vjetësh njerëzit do të jenë në gjendje të ruajnë të gjithë mendimet në kompjuter dhe të bëhen digjitalisht të pavdekshëm. Ky është përfundimi që u arrit në 'Global Futurs 2045 International Congress'.

Ray Kurzweil, drejtor i inxhinierisë në Google, gjatë konferencës sqaroi se pjesët biologjike të trupit tonë do të zëvendësohen me pjesë mekanike dhe kjo pritet të ndodhë brenda vitit 2100, transmeton BW.

Konferenca “Global Futurs 2045 International Congress” u organizua nga multimilioneri rus, Dmitry Itskov, ku ekspertët kanë diskutuar për perspektivat e botës deri në vitin 2045.

[Zero Cool]

Volvo prodhon veturën që parkohet vetë









Makthi më i madh i shoferëve, sidomos atyre të rinj në timon, është parkimi. Shpesh në kryeqendra urbane është e vështirë të gjesh vend, por edhe kur e gjen atë, ndonjëherë hapësira duket aq e vogël sa duhet të jesh i përpiktë për të mos dëmtuar mjetet e tjera. Por kompania suedez e prodhimit të automjeteve, Volvo ka menduar gjithçka. Ajo ka kryer me sukses testimin e një veture që parkohet vet. Mjafton të shtypëss një buton në telefonin tënd. I gjithë sistemi është ngritur mbi një aplikacion që instalohet në telefonat inteligjentë.

Sapo jep komandën për t’u parkuar, automjeti lëviz në mënyrë të pavarur në kërkim të vendit të parkimit. Automjeti është i pajisur nga sensorë që paralajmërojnë kur distanca nga një objekt tjetër i lëvizshëm ose jo, është e rrezikshme.

Kur kjo distancë shkelet, aplikacioni ndërhyn duke ndaluar ose ndryshuar drejtimin e automjetit. Testimet e para, thonë inxhinierët e kompanisë suedeze, kanë qenë të suksesshme, por sërish duhet shumë punë, sigurisht edhe certifikimi nga autoritetet, për ta nxjerrë në treg këtë risi…dhe për t’i dhënë fund vuajtjeve rreth parkimit.

[Zero Cool]

Shkencëtarët mbushin baterinë e telefonit me vetëtimë








Në kë artikull do të njiheni me arritjen e shkencëtarëve të Universitetit të Southamptonit, të cilët kanë arritur të mbushin baterinë e smartfonit Nokia 925 me anë të vetëtimës.

Nokia e ka rekrutuar një skuadër të udhëhequr nga Neil Palmer, që është menaxher i Laboratorit të Tensionit të Lartë Tony Davies për ndërmarrjen. Duke përdorur pajisjen e laboratorit, skuadra ka krijuar shishe shkëndija vetëtimash, që janë kapur, zbutur dhe janë kanalizuar në baterinë e smartfonit.

“Duke përdorur një rrymë alternative, të udhëhequr nga një transformues, mbi 200,000 voltë janë dërguar përgjatë një boshllëku prej 30mm, duke dhënë nxehtësi dhe ndriçim të ngjashëm me një shkëndijë të vetëtimës,” shpjegoi Palmer. “Sinjali më pas ishte larguar në një transformues të dytë kontrollues, duke na e mundësuar që ta mbushim telefonin.”

Ajo që ndodhi më pas ishte një befasi, tha shkencëtari. “Ne ishim të mahnitur me të parë që qarku i Nokia-s disi stabilizoi sinjalin e zhurmës, duke i mundësuar baterisë që të mbushet në vetëm pak sekonda.”

Sipas Palmer, ky eksperiment dëshmon që një pajisje mund të mbushet me një rrymë të transportuar me rrugë ajrore. Sidoqoftë, ne nuk rekomandojmë që të rrimë në një stuhi me vetëtima dhe që ka mundësi të na mbysë teksa e mbajnë një sinjalizues të semaforit të çmendur.

Në fakt – vetëtima, më saktë, vetëtima atmosferike është ende mjaft e rrezikshme dhe e paparashikueshme për përdorim në eksperimente, pa marrë parasysh aplikimet praktike. Më poshtë mund të shihni eksperimentin.

[Zero Cool]

Në maj të 2014-ës të gjitha bebet me mikroçip







Bruksel, 24.01.2014


Të gjitha bebet që do të lindin nga muaji maj i vitit 2014, do t’u vendoset nga një çip nën lëkurë, dhe kjo do të jetë e detyruar. Ky lajm do tu njoftohet të gjithë klinikave publike në Evropë.

Ky lloj çipi do të kontribuojë për të ditur numrin e saktë të lindjeve si dhe për ndonjë hetim të mundshëm. Çipi do të pajiset me një bateri, e cila vendoset vetëm në klinikë, një herë në dy vjet, dhe do të lidhet me një satelit, që do t’i monitorojë.

Vënia e çipeve të tillë do të bëhet në maj të 2014-ës, por me një datë të konfirmuar më parë, që do të jetë deri në dhjetor të 2016-ës, raporton portali “The Truth”.