Lajme aktuale nga vendi !

Ylli-1 · 21-11-14, 08:23

Bota Sot | 21.11.2014 00:17

“Süddeutsche Zeitung” në tekstin që do të botoj në numrin e së premtes shkruan se koalicioni PDK- LDK i arritur të mërkurën në mbrëmje ndërmjet liderit të PDK-së, Hashim Thaçi dhe atij të LDK-së, Isa Mustafa mund të dështoj për faktin se i pari i PDK-së mund të përballet me drejtësinë.

“Të mërkurën Thaçi u takua te presidentja Atifete Jahjaga me gjoja armikun e tij më të madh, shefin e LDK-së Mustafa. Aty ishte edhe ambasadorja shumë me ndikim e SHBA-ve në Prishtinë, Tracey Ann Jacobson, në rolin e mbretbërëses. Rezultati i takimit: PDK e Thaçi dhe LDK e Rugovës krijojnë një qeveri koalicioni. Ndoshta Mustafa do të bëhet kryeministër i ri dhe Thaçi më 2016 president i ri i Kosovës. Por, Thaçi e mohoi se ka hequr dorë nga posti i kryeministrit”, thuhet ndër të tjera në këtë gazetë, ku testi i plotë pritet të botohet në numrin e së premtes.
Sipas kësaj gazete, koalicioni përkundër animoziteteve, jetëgjatësia e tij varet edhe nga mundësia që Hashim Thaçi të përballet me drejtësinë.
“Se a do të arrihet vërtet koalicioni i synuar (PDK-LDK, v.j.), për të cilin tani po negociojnë grupet punuese, dhe a do të ketë jetë të gjatë mbetet e paqartë – jo vetëm për shkak të shumë animoziteteve. Thaçi për shembull mund të dalë para gjyqit, siç ka ndodhur shumë ish-komandantë të tjerë rajonalë para tij”, thuhet ndër të tjera në paralajmërimin e shkrimit të kësaj gazete, që pritet të botohet në numrin e së premtes.

>>Lajmi në Süddeutsche Zeitung

Dardanesha · 21-11-14, 14:52

Citim:

Postimi origjinal është bërë nga Ylli-1

Bota Sot | 21.11.2014 00:17

“Süddeutsche Zeitung” në tekstin që do të botoj në numrin e së premtes shkruan se koalicioni PDK- LDK i arritur të mërkurën në mbrëmje ndërmjet liderit të PDK-së, Hashim Thaçi dhe atij të LDK-së, Isa Mustafa mund të dështoj për faktin se i pari i PDK-së mund të përballet me drejtësinë.

“Të mërkurën Thaçi u takua te presidentja Atifete Jahjaga me gjoja armikun e tij më të madh, shefin e LDK-së Mustafa. Aty ishte edhe ambasadorja shumë me ndikim e SHBA-ve në Prishtinë, Tracey Ann Jacobson, në rolin e mbretbërëses. Rezultati i takimit: PDK e Thaçi dhe LDK e Rugovës krijojnë një qeveri koalicioni. Ndoshta Mustafa do të bëhet kryeministër i ri dhe Thaçi më 2016 president i ri i Kosovës. Por, Thaçi e mohoi se ka hequr dorë nga posti i kryeministrit”, thuhet ndër të tjera në këtë gazetë, ku testi i plotë pritet të botohet në numrin e së premtes.
Sipas kësaj gazete, koalicioni përkundër animoziteteve, jetëgjatësia e tij varet edhe nga mundësia që Hashim Thaçi të përballet me drejtësinë.
“Se a do të arrihet vërtet koalicioni i synuar (PDK-LDK, v.j.), për të cilin tani po negociojnë grupet punuese, dhe a do të ketë jetë të gjatë mbetet e paqartë – jo vetëm për shkak të shumë animoziteteve. Thaçi për shembull mund të dalë para gjyqit, siç ka ndodhur shumë ish-komandantë të tjerë rajonalë para tij”, thuhet ndër të tjera në paralajmërimin e shkrimit të kësaj gazete, që pritet të botohet në numrin e së premtes.

>>Lajmi në Süddeutsche Zeitung

"Mund te dale para gjyqit" eshte vetem nje supozim idiot apsurd.

Ylli-1 · 24-11-14, 06:42

Ja pasojat e marrveshjeve politike:

Edhe Shtimja po “zbrazet” (Foto)

Publikuar: 1:48 / 24.11.2014

Nuk janë vetëm shqiptarët nga Ferizaj që duan të largohen nga Kosova.

Lexuesit e Telegrafit kanë dërguar fotografi nga Shtimja, ku shihen autobusët tek mbushen me udhëtarët që shpresojnë se do të gjejnë jetë më të mirë në Perëndim. /Telegrafi/

Ylli-1 · 24-11-14, 06:45

Policia kthen mbrapa 300 kosovarë që synonin emigrimin

Publikuar: 19:07 / 23.11.2014

Policia e Kosovës ka ndaluar dhe ka kthyer më shumë se 300 qytetarë të Kosovës, të cilët tentonin të shkonin në shtete perëndimore përmes Serbisë.

Ferizaj është qyteti i radhës nga ku po ikin qytetarët të shumtë drejt Evropës. Vetëm ditëve të fundit nga Ferizaj janë nisur dhjetëra autobusë përplot njerëz për, siç thonë, në kërkim të shpresës për një jetë më të mirë.
Mbrëmjen e së shtunës, Policia e Kosovës ka kthyer gjashtë autobusë me qytetarë të Kosovës, të cilët kishin për këtë synim.
KTV-ja merr vesh se në pikën kufitare në Merdarë janë ndaluar më shumë se 500 kosovarë.
Autobusët ishin nga Prishtina, Prizreni dhe Ferizaj.
Ndërkohë, gjatë 48 orëve të fundit, qindra banorë të Ferizajt janë larguar nga Kosova, duke marrë fillimisht rrugën për në Hungari përmes Serbisë.
Kjo valë e largimit të qytetarëve të Kosovës, sidomos e atyre të Ferizajt, nuk ka të ndalur.
Ata, që po largohen thonë se fajin për ikjen e tyre nga vendi e ka Qeveria.
Fillimisht qytetarët mblidhen afër një pompe benzine në magjistralen Ferizaj-Prishtinë dhe aty futen në autobusë për të marrë rrugën për në Bashkimin Evropian.
Ata paguajnë shifra shumë të mëdha, që të shkojnë fillimisht në Bujanoc, Beograd e Suboticë, e më pas në Hungari.
Shumica prej këtyre qytetarëve bëjnë shpenzime të jashtëzakonshme, duke shitur shtëpitë e tyre, duke hyrë në borxhe të mëdha e duke marrë kredi nga banka të ndryshme.
Ndërsa, nuk përjashtohen edhe rastet kur gjatë përpjekjeve për të kaluar ilegalisht në zonën kufitare të shtetit të Hungarisë, qytetarët bien në duar të autoriteteve doganore dhe policore hungareze, përcjell Koha.net. E, më pas detyrohen të vuajnë edhe dënime me burgim dhe të ngujuar nëpër kampe të ndryshme në qytetet hungareze.

**Zero Cool** · 15-12-14, 17:21

BeH votë kundër që Kosova të bëhet pjesë e Kartës së Adriatikut

Prishtinë, 15.12.2014

Kosova ka dështuar të bëhet pjesë e Kartës së Adriatikut, me votën kundër të Bosnje e Hercegovinës.

Në takimin e Komisionit të Partneritetit në nivel të Ministrave të Punëve të Jashtme të Kartës SHBA-Adriatik A5, që u mbajt në Tiranë, Bosnje-Hercegovina si një prej 5 shteteve pjesë të Kartës A5 i ka thënë jo Kosovës, transmeton ornanews.

Kërkesa e Ministrit të Jashtëm shqiptar Bushati për pranimin e Kosovës ka sjellë edhe përplasjen e radhës diplomatike me Serbinë, e cila ishte në cilësinë e vëzhgueses në këtë takim bashkë me Kosovën.

Ka qenë ambasadori serb në Tiranë i cili sapo ka artikuluar Bushati kërkesën, ka braktisur sallën e takimit.

Këtë veprim të Ambasadorit, Bushati në daljen e tij për mediat e cilësoi një qëndrim të palës serbe. Ai deklaroi se është mandatuar për të mbrojtur interesat e Shqipërisë dhe jo ato të Serbisë.

“Është qëndrim i palës serbe. Jam i mandatuar për të mbrojtur interesat e Shqipërisë e jo të Serbisë. Secili e di mirë si e sheh raportin me NATO-n. Thënë shkurt e troc ne si Shqipëri do të dëshironim një gjithëpërfshirje. Sa më shpejt ta ndajnë mendjen që kjo është rruga e vetme dhe më e qëndrueshme aq më e mirë është në mënyrë që të mos krijohen boshllëqe në këtë pikëpamje. Kosova kishte dorëzuar një kërkesë formale që u miratua nga të gjitha vendet pjesëmarrëse përfshi dhe SHBA, por pala boshnjake kishte probleme. Do të donim që Kosova të ishte partnere ,por jo statusin e vëzhguesit, por kjo nuk e pengon Kosovën të ulet në tryezën e A5, as Serbinë”, tha ai.

Samiti i sotëm në kuadër të Kartës së Adratikut, përbën një marrëveshje ndërmjet Shteteve të Bashkuara dhe vendeve të Ballkanit si një “paradhomë” politike për anëtarësimin në Aleancën e Atlantikut Verior-NATO.