BOTA E FSHEHTË: Krijesat e (pa)dukshme - xhinët

[4peace]

vazhdim:









A ËSHTË E MUNDUR QË T’I SHOHIM XHINËT DHE SI?













Mendimi i parë është ai se në lidhje me këtë, është e pamundur fare që të shihen xhinët përderisa të jenë në formën e tyre të mirëfilltë dhe pëderisa ata nuk shndërrohen në ndonjë formë tjetër dhe derisa nuk i marrin vetitë e botës së dukshme materiale. Kjo u ishte mundësuar vetëm pejgamberëve (profetëve) në cilësinë e mu’xhizës (mrekullisë), apo atij të cilit All-llahu xh.sh., ia jep një mundësi të tillë ose edhe atyre të cilët e kanë sjellur vetveten në një gjendje të tillë.









Në mënyrë që mbase dikush të pandehë se unë po vargëroj fjalë pa bazë, ndërsa që bashkëbiseduesi juaj, All-llahun e kam dëshmitar, është pikërisht njëri nga ata, i cili, përkundër të gjitha formave të improvizimit, përfoljeve të pabazuara dhe besimet në fjalët supersticioze – unë do t’i parashtroj argumentet, dhe në mënyrë kritike do t’i rishqyrtoj argumentet e shumta ndaj atyre që pohojnë se nuk është e mundur të shihen (xhinët), dhe këtë – pasi që t’i vë në pah disa veti të xhinit dhe t’i paraqes disa nga mundësitë e tyre e të cilat janë njoftuar, duke iu falënderuar mirësisë dhe mëshirës së All-llahut xh.sh..















PARAGJYKIMET E GABUARA











Shumë njerëz nuk janë në gjendje të kuptojnë se sa janë të pikëlluar xhinët, për shkak të paragjykimeve të gabuara për pamjen dhe formën e tyre.









Kur e kam pyetur xhinin musliman për pamjen e xhinëve, më është përgjigjur në kuptimin siç është deklaruar tashmë, dhe, ka shtuar: “Njeriu ka bindje të gabueshme për shëmtimin e xhinëve. Ai mendon që forma e tyre është tmerruese, se trupi dhe fytyra e tyre është lemeritëse, që i kanë bishtat e gjatë si kafshët, e që janë të këtillë e të atillë... E gjithë kjo është e pavërtetë dhe e pabazë, dhe e gjithë kjo është si rrjedhojë e paragjykimeve njerëzore!!!”









I thashë: “Ndoshta edhe xhinët janë vetë fajtorë për paragjykime e paramendime të tilla e që janë rrënjosur në ndërdijen e njerëzve!!!”









“Si!?”, më tha ai.









“Thjesht, sepse shejtani (satana) disa njerëzve u ishte shndërruar në forma tmerruese e shëmtuese, për t’i frikësuar apo për ndonjë qëllim të pacaktuar fare.”









“Ndoshta edhe e kanë bërë këtë”, tha ai, “ por njerëzit e kanë tepruar në paramendimet e tyre, e përveç tjerash, edhe gënjejnë shumë. Shejtani ka pamje vërtetë të shëmtuar, përkundër xhinit musliman, të cilit All-llahu, ia ka zbukuruar pamjen”.









[b]vazhdon...[/i] vec tjerash edhe me:



FORMA DHE PAMJA E XHINIT