Lajme

[euro]

Hakan Sukur shënoi dy herë, në fillim dhe fund të pjesës së dytë për t’i siguruar Galatasarajit fitoren e dytë në grupin D dhe mundësinë për të luftuar për pjesëmarrje në garat e mëtutjeshme.



Juventusit i është dashur vetëm një pikë për ta siguruar vendin e parë në këtë grup dhe për t’i ikur reagimeve pas humbjes shokuese në shtëpi nga Interi 3-1 në kuadër të ligës italiane Serie A.



Megjithate, Marcello Lippi bëri ndryshime të mëdha në ekip, duke lënë jashtë tij Alessandro Del Pieron, Lilian Thuramin, Gianluca Zambrottën dhe Paolo Monteron të cilët nuk udhëtuan fare në Dortmund, derisa Pavel Nedved, Gianluigi Buffon dhe David Trezeguet qëndruan në bankën e rezervistëve.



Kjo edhe i kushtoi strategut italian, i cili me ekip të dytë arriti të krijojë disa raste, por mungoi konkretizimi, e në anën tjetër ekipi turk shfrytëzoi për bukuri rastet e tyre dhe tash janë dy pikë pas Real Sociedadit në vendin e dytë, me të cilin edhe takohen me 10 dhjetor në xhiron e fundit.