UEFA

UEFA ua ndalon trajnerëve evropianë pirjen e duhanit në terrenet sportive

Që nga sezona e ardhshme, trajnerët e klubeve evropiane në futboll, nuk do të mund të pijnë duhan gjatë ndeshjeve të Kupës së UEFA-së dhe Ligës së Kampionëve.



Ky vendim është marrë nga komiteti ekzekutiv i UEFA-së, i cili i ka përfunduar punimet dyditore.

Një vendim i tillë është një ngacmim, sidomos për trajnerët Marcello Lippi dhe Hector Cuper, të cilët shumë shpesh janë parë duke pirë duhan, jashtë vijës anësore të terrenit.



Gjatë këtyre punimeve, Komiteti ekzekutiv i UEFA-së ka konfirmuar se Gjermania do të jetë nikoqire e kampionatit evropian (U-21), i cili do të mbahet prej 28 majit deri më 8 qershor të vitit të ardhshëm.

Polonia, nikoqire do të jetë në kampionatin evropian të kadetëve (U-19) në vitin 2006.



Për shkak të animit tejet korrekt gjatë gjithë kësaj sezone në Kupën e UEFA-së, tifozët e ekipit skocez “Celtic”, janë nominuar me shpërblimin FAIR-PLAY të FIFA-s.