NBA

Richard Jefferson me 30 pikë ishte lojtari më i mirë i New Jersey Nets, në fitoren 94:76 kundër Philadelphia 76ers, ndërsa më i kënaquri ishte trajneri i ri i Netsëve Lawrence Frank, i cili që nga dje ka marrë detyrën e kryetrajnerit, pas shkarkimit të Byron Scott.

Frank (33) ka qenë asistenti i parë i Byron Scott, ndërkaq emërimi i tij si kryetrajner, sikur “ka zgjuar nga gjumi” kampionët e lindjes, të cilët mbërëmë qysh në pjesën e parë ishin në epërsi prej 21 pikësh. Së bashku me Richard Jefferson, paraqitje të mirë kanë pasur edhe Jason Kidd (13 pikë dhe 10 asisitime) dhe Kenyon Martin (13 pikë).
Sixers kanë luajtur pa koshashënuesin më të mirë në ligë, Allen Iverson dhe kanë pasur 23 topa të humbur.