Si do te mbaron vaji im????

[Albanam]

Përshëndetje për ty Anila!

Ajo që ke përshkruar rreth gjendjes tënde momentale është një situatë që di nganjëherë të ngërthejë njerëzit, e sidomos të rinjtë. Pra, lehtësimi i parë është se kjo nuk po të ndodh vetëm ty.
Pastaj, një rrethanë lehtësuese për ty është edhe fakti se, siç u shprehët në postimin tuaj, e ke të mbjellur në shpirtin tënd BESIMIN NË NJË ZOT, kurse kjo është shumë me rëndësi për përballimin e gjendjeve të tilla. Të mbetet vetëm që ky besim të thellohet akoma më tepër në vetëdijen tënde, të meditosh edhe vetëm pak më tepër rreth Krijuesit tënd dhe të gjithë asaj që të shohin e nuk të shohin sytë, të kënaqesh me atë që të dha Ai ty dhe bukuritë e natyrës që të rrethon, ta falënderosh Atë për çdo dhunti dhe për faktin se nuk të mungon asgjë, ashtu siç u shprehe ti në postimin tënd, veçanërisht në këto kohëra kur shumë njerëz tjerë nëpër botë nuk kanë atë që kemi ne, por jetojnë në skamje e varfëri, nën kërcënimin e luftërave dhe rrezikut për jetë, nën kthetrat e alkoolit, drogës e prostitucionit...
Pra, Anila, ka edhe më keq!
Ndërsa gjendja jote është e momentit... ajo gjithsesi do të kalojë, me ndihmën e Zotit Një, Atij i qofshim falë, Atij të Cilin besimtari e falënderon kur është në rehati dhe të Cilit besimtari i drejtohet me lutje kur është në vështirësi.
Të këshilloj poashtu që të lexosh pjesë nga Kur'ani Fisnik apo të dëgjosh ndonjë audiokasetë me këndimin e pjesëve të tij, ngase ky libër i Zotit është qetësues i zemrave dhe rehatues i shpirtërave.
Shpresoj që kështu të kthehet sërish lumturia jote dhe të përfundojë vaji yt! Uroj që kjo të ndodh sa ma shpejt, kurse unë do të lutem për ty, e besoj që këtë do ta bëjnë edhe forumistët tjerë.

Paqa dhe mëshira e All-llahut qoftë mbi ty!

Me respekt,
Vëllau yt,
Albanam