Filloi gjykimi i Fatmir Limajt, Haradin Balës e Isak Musliut

[GASHI75]

Postimi origjinal është bërë nga MemphiSx

O mir se u ktheve nga Shtepia permirsuese e Shtimjes :D :D :D

Ti be daj garant je cmend,po kush i tha more Fatmirit me shku ne Hagë.ncncncn,se kush do te del tradhetar ne ket rast shum shpejt do t'shihet ;)
Na vjen mir qe nuk eshte denu nje Shqiptar,kurse per t'bamat qe jan ba dikush do t'jap pergjegjsi ;)
Mos e privatizo UCK-se sepse ajo ka lind nga gjiri i Popullit,jo nga kriminelet ;)

Fjala e Fatmir Limës - Komandant Çelikut drejtuar qytetarëve nga të gjitha viset e Kosovës dhe trojet etnike shqiptare, të cilet ishin tubuar para Fakultetit Filozofik ne Prishtine me 1 dhjetor 2005





Të dashur vëllezër shqiptar nga mbarë rruzulli tokësor,


Më lejoni që t`iu them: Mirë se ju gjetëm, mirë se ju gjetëm bashkëluftëtarë tanë, mirë se ju gjetëm familje të dëshmorëve, mirë se ju gjetëm invalid të luftes çlirimtare, mirë se ju gjetëm veteranë të Ushtrisë Çlirimtare të Kosovës, mirë se ju gjetëm rinia shqiptare, mirë se ju gjetëm pensionerë, mirë se ju gjetëm fshatar, mirë se ju gjetëm arsimtarë, mirë se ju gjetëm punëtorë shëndetësor, mirë se ju gjetëm studentë e nxënës në Kosovën e lirë demokratike.

Të gjitha keto janë shtresat e Kosovës, por mbeta papërmendur: Mirese ju gjetëm femijët tanë të dashur, e ardhmja e Kosovës.


Të nderuar qytetarë - vëllezër dhe motra,


Kjo është partia e Kosovës!


Sot, ne jemi ardhur paksa me zemër të thyer sepse populli i dashur në kthimin tonë mungon bashkëluftetari yne Haradin Bala. Shpresojmë dhe jemi shumë të bindur se mbrojtja e zotit Balaj shumë shpejt do t`i paraqes faktet plotësuese dhe ai shumë shpejt do të kthehet i lirë, në Kosovën e lirë.


Liria jonë është fitorja juaj !


Ne u liruam sepse, para së gjithash, Ju kishi besim në pafajësinë tonë.


Siç e dini, në kohën e ngritjes së aktakuzës ne shprehëm bindjen tonë në pafajesinë tonë. Ajo më e rëndësishmja për neve ishte, dhe ajo që përcaktoi fatin tonë ishte se populli i Kosovës nuk e humbi besimin në ne dhe na besoi se jemi të pafajshëm. Dhe, më në fund, më në fund, këtë e vërtetoi edhe drejtësia ndërkombëtare!


Të nderuar vëllezer dhe motra,


Në ditën e aktakuzës Ju sigurisht e dini fjalën time që e pata thënë dhe tani dua ta përseris : Asnjëherë në jetën time me asgjë, asgjë nuk kam tëntuar t`i marrë Kosovës përveç që t`i jap çdo gjë, në qoftë nevoja edhe jetën!


Mirepo, për dy vite e ca na u cungua kjo e drejtë dhe tani, ashtu e shkruajti Zoti, unë ende jam i gatshëm për t`dhënë për Kosovën. Ashtu siç jeni Ju, ashtu siç është i gjithë populli i Kosovës për të ndërtuar, po e them përseri, për të ndertuar një shoqëri demokratike, një Kosovë ku çdo qytetar i sajë të jetë i lirë dhe i barabartë me plot kuptimin e fjalës i barabartë para ligjit. Nje Kosovë të cilën do ta ndertojmë dhe ajo Kosovë padyshim do të jetë Kosova e pavarur dhe demokratike!


Qytetarë të nderuar,


Populli i Kosovës, dua ta shfrytezoj rastin, pasi që në kemi ardhur, ashtu ka dasht fati, gati në përfundim të festave tona të mëdha t`iu uroj: Festën e Flamurit, Ditëlindjen e Komandantit Legjendar Adem Jashari dhe daljen publike të Ushtrisë Çlirimtare të Kosovës !


Vëllëzer dhe motra,


E shfrytezoj këtë rast t`iu bëj një thirrje si vëlla, si prind, si djalë, sido që ta merrni Ju të nderuar qytetarë : Ju ftoj që këto gëzime që na erdhën në Festën e Nëntorit t`i festojmë me dinjitet, ashtu siç na ka hije. E, mbi të gjitha, ftoj çdo familje të Kosovës, çdo prind, çdo burrë, çdo djalë, çdo student, nxenës - mos lejoni të përçaheni në momentet më vendimtare për Kosovën. Asgjë më të rëndësishme nuk ka se sa ndërtimi i realitetit të ri !


Ju ftoj, ju ftoj të nderuar qytetarë, Vëllezër dhe motra, ju ftoj që tani në këtë moment e deri në ndërtimin e vendit tonë vetëm të mendojmë për Kosovën dhe si shqiptarë të Kosoves ta ndertojmë shtetin tonë se bashku me të tjerët !


Tani edhe njëherë ju falenderoj për mikëpritjen:


Ne na liruan, Ju jeni ata që na keni liruar dhe që na keni kthyer në atdhe!


Ju falenderoj të gjithëve nga zemra. Gezuar!