Forum i mbytur nga keqperdorimi i gjuhes shqipe!

[napoleoni]

I nderuari Kalt,
unë vetëm morra një shembull. Këtu kemi të bëjmë me perceptime të ndryshme që rrjedhin nga përdorimi i një sintakseje të dobët. Por edhe një gjë: nëse të gjithë anëtarët e forumit do të shkruanin gjuhën ashtu siç e shkruani ju, padyshim se do të kishte një pasqyrë më mirë e cila do të inspironte lexim të këndshëm. Jo rastësisht u përgjigja në temën e hapur nga ju duke ndarë idenë e përbashkët se gjuha shqipe e përdorur në këtë forum është e sakatosur. Një nga postusesit paraprak, cek gabimet teknike që bëjmë gjatë shtypjes së testaturës të cilat janë lehtë të identifikueshme dhe si të tilla nuk duhet të mirren si gabime. Mirëpo ajo që brengos në këtë drejtim janë barbarizmat e panevojshme, përdorimi jo korrekt i foljeve, sintaksa të huaja ( në këtë forum hasim në bollëk sintaksash sllave por me fjalë shqipe ) Mendoj se gjuha e rrjedhshme duhet të ketë ritëm origjinal që përcaktohet nga rregullat sintaksore. Nga ky këndvështrim nuk janë më shumë se 4 apo 5 anëtarë që e shkruajnë bukur gjuhën shqipe duke iu përmbajtur sintaksës së saj. Nuk di pse kur flitet për gabime aludohet në fjalë të shkruara gabimisht të cilat mendoj se secili mundet shumë lehtë t`i përmirësoj ato. Kujdesi duhet të përqëndrohet tek sintaksa, kompozimi i saktë i fjalisë, mospërsëritja e fjalës së njejtë në një fjali, kohët e foljeve, fjalët e huaja, etj etj.

Respekt !