KOMBI MBI TË GJITHA

[King_Gentius]

Shqipetaret e asmiluar ne Arabe nga kultura

Varfnjak, ketu po i referohesh nje pakice tmerresisht te vogel te popullit shqiptar.

Ne kete forum ka disa tipa te lajthitur qe kan nacionalitet islamin e qe gjysmen e cdo postimi e shkruajn ne arabisht e smerr vesh njeri cka thon. Per ata ke te drejte 100%.

Por shumica e muslimaneve nuk jane keshtu. Ata jane ne rradhe te par shqiptare. Ne qofte se hidhesh edhe kunder shumices, ti shkakton me shum percarje se sa bashkim. Fanatizmit tend i pergjigjen me fanatizem, kjo eshte normale. Kush je ti te thuash te tjereve cka eshte shqiptari ideal. Leri rehat, e do jene te gjithe shqiptare.

[Kercovari]

horizonti
KUSH JEMI NE?!
Nga: Zekerija Ibrahimi


Ditëve të fundit u bë sebep zefki me Ibrën në Prishtinë, aq më tepër sajgia që me këtë rast ia shtruan kosovarët atij, që në mediat shqipe të hapet edhe një temë për një farë akulturimi të dhunshëm të shqiptarëve duke u vënë në pah me këtë rast ndikimet aq të fuqishme orientale në kulturën shqiptare. Kjo punë pastaj mori edhe përmasa të një ministudimi që përpiqet të dëshmojë se shqiptarët ngadalë po tjetërsohen në oriental, gjë që normalisht dashamirëve të kombit tonë kjo gjë me gjithë mend u pengon. Duke i lexuar ato fakte, si shembulli i dimive që qenkan orientale, për ç’arsye sigurisht ndërmjet rreshtave nënkuptohet se gratë shqiptare duhet t’i flakin (sa keq pa dimi, a?!) që të veshin diçka që ju rri më mirë ose si do të thoshin ata “veshje origjinale shqiptare”, të cilën pas atyre shkrimeve unë e kam vështirë ta marr me mend se çfarë është ajo (mbase aso me kërthizën jashtë?!), fillova të mendoj gjerë e gjatë se si do të dukej shqiptari nëse marrin aksion t’ia heqim të gjitha ato elemente që ndër shekuj i ka marrë dhe i ka përvetësuar nga popujt me të cilat ka qenë në kontakt.

Siç tanimë e dimë, fjala u zu te folklori, madje edhe ai më burimori – i fshatrave dhe maleve, që qenka me aq shumë elemente orientale, për çka dëshmojnë edhe shumë adete (edhe kjo fjalë orientale) të dasmave të Kosovës që z.Xhaferit në shkrimin e tij njëmend i pengojnë. Kështu fillova të mendoj se a ka vërtet aq shumë elemente të huaja në kulturën shqiptare dhe çka të bëhet me to që shqiptarët të puritanizohen e të çlirohen nga gjithë ajo dhunë që iu është bërë. Meqë në një mënyrë kam mësuar pak gjëra nga historia e gjuhës (kam dhënë provim në këtë lëndë gjatë studimeve), fillova të mendoj pikësëpari për huazimet në gjuhën shqipe. Kështu fillova nga huazimet më të hershme greke, fjalët e para që janë futur në gjuhën shqipe nga ndonjë gjuhë që ne e njohim. U desh në këtë moment t’i flakë fjalët lakër dhe mokër (greqizma të greqishtes së vjetër) dhe kështu ta rrëzoj faktin e autoktonisë shqiptare këtu - të kufizimit të shqiptarëve me grekët që në kohën antike. Pastaj u desh t’i heqë gjithë ato latinizma e italianizma në gjuhën shqipe, që ashtu shqipen ta varfëroj për së paku 30% të fjalëve, ndërsa kishën katolike shqiptare ta lë pa thuaja pa asnjë fjalë për komunikim. M’u desh pastaj t’i hedh edhe të gjithë turqizmat që kështu edhe nja 30% shqipen ta varfëroj, ndërsa myslimanët shqiptarë t’i gjymtoj e t’i bëj shurdhmemecë që nuk do të dinë me çka do të komunikojnë në lidhje me kulturën e tyre shpirtërore. Pastaj e kisha patjetër t’i hedhë edhe disa për qind sllavizma e greqizma që po ashtu, sidomos ortodoksët shqiptarë, nuk do të ma falnin. Kur ia vura barazimin kësaj pune, u desh që fjalorin shpjegues të shqipes, me atë që ne krenohemi se i ka rreth 40.000 fjalë, menjëherë ta grisi e ta rrudhë diku deri në 10.000 fjalë që ashtu ta arrij dëshirën time për të pasur fjalor puro-shqiptar. Pasi të mbaroja me fjalorin, do t’i kthehesha veshjes kombëtare që edhe aty të bëja një kërdi. Këtu dimitë menjëherë do t’i digjja si orientale, po ashtu edhe këmishën e dredhtë, fustanellën që grekët aq shumë e trumbetojnë si të tyre, e bile edhe qeleshen që popujt e Kaukazit me aq admirim e xhelozi e mbajnë për të veten. Sa besheret m’u duk shqiptari pa këto gjëra. Dhe, plus, kur mendova se edhe tirqit ka qenë objekt polemikash se a janë greke, sllave apo shqiptare, ose se tirqit janë greke e shiritat shqiptare, vërtet m’u duk se po bëja palaço për cirk. Pasi të kisha mbaruar me veshjen, do t’i kthehesha muzikës. Të parën punë që do të bëja do t’i përjashtoja këngët qytetare pejane që rrinë ulur në sofrën turke, por edhe do t’ua merrja të drejtën për të kënduar, se as ato këngë nuk qenka shqipe. Do ta thyeja çiftelinë se është turke (çifte teli), do ta prishja lahutën se është malazeze, do ta shqyeja defin arab dhe lodrën orientale, ndërsa surlet rome as që do t’i shihte më ndonjë shqiptar me sy. Dhe, gjithë këtë natyrisht do ta bëja për të mirën e kombit tim. Ajo që do ta kisha më vështirë ta bëja do të ishte si ta pastroj gjenin shqiptar. Së pari më ranë ndër mend nipat e mbesat malazeze të Skënderbeut. Ku ta gjeja atë fis dhe si ta rregulloja?! Më duhej ta pastroj mbretin tonë, Lekën I, se edhe ai nuk është puroshqiptar, do të duhej të pastroj me një varg kasabalish Tetove që hanë bukën e shqiptarit (në shenjë qytetërimi) e e flasin gjuhën e pushtuesit, turkut (nuk di pse nuk flasin anglisht e frëngjisht). Në këtë rrëmujë do të duhej të pastroj edhe me shumë intelektualë që kanë lënë fëmijë nëpër Serbi e gjetiu, por t’i gjej edhe pasardhësit jashtë martese të ca shkrimtarëve tanë që kanë jetuar nëpër Evropë e Amerikë, sepse edhe ata më nuk janë gjaku jonë. Kjo punë do të më hidhte gjithandej nëpër Dalmaci (Zarën e Stipçeviqit), në Itali (Kalabri e Sicili), në Morenë e Greqisë dhe në Stambollin e Turqisë. Ndërkaq nëse do të futesha në këtë valle nëpër Maqedoni, do të duhej të bëj kërdi. Kiamet, sa puna është këtu! Dhe, pas gjithë kësaj pune, mbase do të arrija të krijoj një komb me nja 500.000 anëtarë, me një gjuhë me nja 5.000 deri në 10.000 fjalë, komb pa asnjë fe, komb me folklor shumë të paktë, komb thuaja pa këngë e valle, sepse aq shumë janë përfolur të gjithë këto gjëra në Ballkanin, saqë askush nuk do të hezitonte t’i shpallë për të vetat dhe të na i marrë. Kështu do të ishim kombi i vetëm i pastër në botë. Diçka ngjashëm si indianët e Amerikës.

E bëra këtë hyrje paksa të gjatë dhe pak ironizuese për të vënë në pah se sa e dëmshme është ideja për purokomb, për komb pa kurrfarë huazimesh. Me të desha të them se kjo ide le që është e parealizueshme dhe e dëmshme, por madje është edhe raciste. Në botë nuk ka kombe të pastra (mendoj pjesërisht pos indianëve të Amazonit), gjuhë të pastra (në kuptimin që e folëm më sipër), folklor të pastër apo veshje vetëm të një kombi. Kjo do të thotë se njerëzimi duke u shtuar, duke lëvizur, duke u dyndur, duke luftuar, duke punuar e duke jetuar, kanë dhënë e kanë marrë nga njëri-tjetri, ashtu që sot askush nuk ka të drejtë të ngrihet e të thotë se kjo është vetëm e imja, ose se nuk e dua këtë se është e huaja. Megjithatë, ndonëse kështu, ndonëse njerëzit gjatë historisë e kanë parë interesin e tyre së pari fizik dhe i kanë këmbyer gjithë ato sende, prapëseprapë kanë ngelur një varg gjërash që janë të këtij apo të atij kombi, të asaj ose të kësaj kulture e folklori e kështu me radhë, të cilat një komb i ka marrë dikur, i ka modifikuar si i është dukur më mirë dhe kështu i ka përvetësuar. Një sinkretizim të tillë e kemi edhe me shembullin e gjuhëve ballkanike, të cilat ndonëse u takojnë grupeve e bile edhe familjeve të ndryshme gjuhësore, duke qenë në kontakt mes vete kanë zhvilluar aso tipare që janë të përbashkëta vetëm për këto gjuhë, që kështu të formojnë një lidhje gjuhësore që quhet gjuhët ballkanike. Kemi këtu turqishten semite, kemi rumanishten e latinizuar, kemi greqishten dhe shqipen si gjuhë të veçanta indo-evropaine, si dhe maqedonishten, bullgarishten e serbishten sllave. Prof. Shaban Demiraj në Gjuhësinë ballkanike i përmend 12 tipare të përbashkëta të këtyre gjuhëve që nuk i kanë gjuhët e tjera të atyre grupeve a familjeve. Kështu ka ndodhur edhe me gjërat e tjera, si në muzikë, folklor, mite, histori, art figurativ etj. Njerëzit nuk janë makina.

Prof. Stipçeviqi, që na vizitoi para do dite, na the se vetëm biologjia molekulare me nja 30 vjet punë do ta përdëftojë se sa ka gjak iliri te kroatët, te boshnjakët, malazezët e sa te shqiptarët. Ku ta dish çfarë rezultate mund të na japin këto analiza! Këtu ka pasur shumë përzierje dhe është e kotë të gjurmohet origjinalja deri në patologji vetëm me dëshira anormale dhe romantike që çuditërisht të shpiken lidhje amerikano shqiptare e të mohohen lidhjet e shqiptarëve me popujt që me shekuj kanë qenë në kontakte të ndryshme.

Kujtoj se pas gjithë kësaj e kuptuam se sa ka gjasa kombi i pastër dhe a është kjo ide afër mendsh ose jo.

Tani po kalojmë në një çështje tjetër.

Kujtoj dhe jam i bindur se edhe z.Xhaferi dhe gjithë bashkëmendimtarët e tij e dinë këtë logjikë e këto teori, se do të ishte marri të besohet se ata nuk e dinë. Por, atë që ata duan ta thonë e që nuk e thonë se si duket nuk u mban akoma, është si të bëjmë që ne shqiptarët t’i këpusim të gjitha lidhjet që i kemi krijuar me Lindjen, sidomos gjatë pesë shekujve osmane, që ashtu ta bëjmë veten puroevropianë. Kjo ide mbase do të ishte e mirë edhe për spanjollët që të mos pinë më çaj orienti e as mos të ulen më nëpër minderat orinetal, prandaj do të ishte mirë që në këtë frymë t’i ndihmohet pak edhe kryevropianit Havier Sollana.

Mendimtari amerikan, simodos i këtij dhjetëvjetëshi të fundit, Semuel Huntington, në librin e tij “Përplasja e qytetërimeve” e shtron një pyetje që edhe mua më vjen ta shtroj kur gjendem para një dileme që më kanë vënë këta tanët. Ai pyet: “Kush jemi ne?” dhe përgjigjet: “Për t’u përgjigjur në Kush jemi ne? , duhet ta dimë një herë kush nuk jemi ne dhe kundër kujt jemi ne.” Eh pra, për z.Xhaferi dhe për të gjithë të tjerët që si po del puna nuk duan ta pranojnë se kush jemi, ne jemi shqiptarë, sipas të gjitha gjasave me prejardhje ilire, dikur paganë, pastaj të krishterë, e më pas me mbi 70% myslimanë, dikur të pavarur, pastaj nën sundimin romak, më pas nën bizantin, pak më vonë nën sllavë, pastaj në turk, që prapë të kthehemi një pjesë nën sllavë e tjetra e pavarur, gjithnjë në një udhëkryq historik të rrugëve që e kanë lidhur Evropnë dhe Azinë. Këta jemi ne. Ne nuk jemi kundër Evropës, ne jemi evropianë, i takojmë Evropës edhe me territor, edhe me gjuhë, edhe me kulturë, po ne në kulturën tonë kemi edhe një varg elementesh osmane që natyrisht se e kanë pasuruar kulturën tonë (këtu assesi nuk mendoj në piskamat tallave të kohëve tona të biçimit të Ibrës) dhe kemi një fe që e kemi marrë nga këta osmanë që natyrisht se kombin tonë e ka fisnikëruar bashkë me vlerat që ndër ne vazhdimisht i kanë predikuar katolikët dhe ortodoksët tanë. Ne nuk jemi kundër askujt, por si duket të tjerët janë kundër nesh. Ata si duket ia kanë vënë mendjen të na tjetërsojnë, të “na pastrojnë” nga barbaria, të “na shpëtojnë”. Mbase kështu do ta shpëtojnë edhe Sollanën nga ndikimi maur!

Në fund, të këtij shkrimi, më kujtohet përgjigja që poeti jonë dibran, Nexhat Pustina, i cili në një poezi të tij pasi pyet Kush jam unë?, përgjigjet: Gur i qitun n’rrafsh të lamës, djalë i tepërt i nanës.

Vërtet keq me qenë i tepërt (jetim) dhe mos me ditë se kush je!

[Kodra]

Postimi origjinal është bërë nga doGzona

Vorfnjaku:
Nese flasim per temen Kombi mbi te gjitha , atehere nuk e shof te rruges qe te behet thirrje qe dikush ta nderron fen , pamvarsishte se cilen , sepse Kombi eshte Komb e feja fe.

Me nje fjale , shkrimet e tua jo qe me qojne peshe , por edhe sikur te donte dikush te nderronte fen , me ketë shpjegim tendin , se besoj qe dikush do te pranonte ta bene ate, te pakten jo ne bindje te tilla.

**********
**********
**********

Përshëndetje e nderuara doGzona,
është më se e vërtet se,nëse dikush tenton me zor diçka ta imponoj,njeriu bëhet shumë më i kujdesshëm nga ajo rrjedhë.
Unë nuk po i kuptojë ata të cilët e lavdërojnë fenë e tyre,pamarrë parasysh se cila është.Po të ishte njëra e mirë,do ta pranonim të gjithë,por qe se disa mendojnë se ajo e disa kjo fe është e mirë.
Pse nuk u shkatërrua Kombi Shqiptarë ?
Sepse Kombi Shqiptarë është Komb i ndritur,është Komb i pastër.

Për atë edhe


Kombi mbi të gjitha


Kodra

[munti]

FEJA DHE KOMBI


Shkruar nga Muhamed Dërmaku
e premte , 24 mars 2006

Falënderojmë Allahun dhe prej Tij ndihmë dhe falje kërkojmë. E lusim Atë që Pejgamberin ta lavdërojë dhe ta sigurojë.
Çështja e përkufizimit të fesë dhe kombit si nocione shoqërore, në kohën tonë është një temë tejet me rëndësi, për arsye se shumë prej njerëzve kanë rezerva të paarsyeshme ndaj përkufizimit të njërit nocion apo të dyve, dhe jo rrallëherë edhe i ngatërrojnë të kuptuarit e fesë dhe kombit deri në atë shkallë sa fillojnë të mendojnë se feja dhe kombi përballen dhe kundërshtohen njëri me tjetrin. Nganjëherë dikush anon nga njëra përballë tjetrës duke krijuar kështu një betejë mes dy gjërave që ato në realitet nuk atakohen fare.
Feja dhe kombi janë dy çështje të një drejtimi që nuk konfrontohen ndërmjet veti assesi dhe nuk i hy njëra në përmbajtjen e tjetrës në asnjë mënyrë.
Fe është programi i Allahut i zbritur për njerëzit, që u mëson atyre bazat e besimit si dhe mënyrën e jetësimit të atij besimi duke rregulluar raportet e njeriut me Krijuesin e tij, me vetën dhe familjen e tij si dhe me shoqërinë në përgjithësi.
Komb është një bashkësi e qëndrueshme njerëzish, e formuar historikisht në bazë të bashkësisë së gjuhës, të territorit, të jetës ekonomike dhe të formimit psikik, që shfaqet në bashkësinë e kulturës. Kjo që sot mund të jetë si sinonim i fjalës "etni".
Edhe pse nocioni komb bëhet i njohur shumë vonë në histori, domethënia e tij ekziston pas pasardhësve të Nuhut, alejhis selam. Ndërkohë që feja është e njohur dhe daton me njeriun e parë, babën e njerëzimit, Ademin, alejhis selam.
Thash se këto dy nocione nuk përballën njëri me tjetrin. Edhe gjatë historisë një gjë e tillë nuk ka ndodh. Asnjëherë nuk ka ndodh që me emrin e ndonjë feje të ketë qenë për qëllim ndonjë bashkësi popullore e caktuar që flet një gjuhë të caktuar, në një territor të caktuar etj., por gjithmonë me fe është synuar besim i caktuar, me rituale të caktuara të adhurimit, me simbole të caktuara etj. E kundërta ka ndodhur. Me emrin e fesë së caktuar ka raste që njerëzit kanë emëruar edhe kombin e tyre, nga dashuria që kanë pasur për fenë e tyre. Siç është rasti me çifutët që e quajnë kombin e tyre me nocionin e fesë jehude, apo rasti i boshnjakëve që quheshin muslimanë. Në këto dy raste kemi një emër që mund t'i ketë të dy kuptimet; atë fetar dhe tjetrin kombëtar. Pra banori i Bosnjës mund të ishte musliman dhe musliman. Po të kishte besim tjetër p.sh. do të ishte qytetari i Bosnjës ortodoks me fe, musliman me komb. Pra, shihet qartë se nocioni i kombit prapë nuk është ngatërruar me atë të fesë.
Megjithatë feja dhe kombi janë çështje të ndara njëra me tjetrën dhe nuk kanë kundërshti në mes veti. Po ashtu njëri nocion nuk mund ta zëvendësojë tjetrin, pasi që përmbajtja dhe kuptimet janë të ndara.
Në botë kombe ka më shumë se fe. Shumë kombe (etni) mund të kenë dhe praktikisht kanë një fe. Po ashtu brenda një kombi mund të ketë pjesëtarë të feve të ndryshme.
Mund të bëhet një pyetje tani. Si u bë që Krijuesi i njerëzisë të jetë Një i Vetëm dhe pastaj të linden popuj (kombe) e fe të ndryshme? Kësaj pyetje do t'i përgjigjemi në pjesë të veçanta sa i përket feve dhe kombeve.
Së pari:
Krijimi i shumë kombeve, racave, gjuhëve etj. kjo gjë nuk është bërë me rastësi. Gjithçka nga krijesat e Zotit është e krijuar në familje e lloje të ndryshme. Dhe kjo është prej begative që Allahu i krijoi për njerëzimin. Në Kur’an thotë: "A nuk e sheh se Allahu lëshon nga qielli ujë, e Ne nxjerrim me të fruta, ngjyra (lloji) e të cilëve është e ndryshme." [Fatir, 27]
A nuk e sheh mollën p.sh. sa lloje janë të këtij fryti, të cilat kanë ngjyra, madje edhe shije të ndryshme jonatane, delishese, të gjelbër, të egër etj.. Pastaj rrushi i bardhë e i zi, si dhe llojet e tyre. Pra, nga çdo lloj i pemëve dhe i perimeve kemi lloje dhe ngjyra të ndryshme, me shije të ndryshme, speca të gjatë, dollma, pastaj djegës, jodjegës etj.
Allahu në vazhdim të fjalës së Tij të sipërpërmendur thotë: "Edhe nga njerëzit, nga gjallesat, nga kafshët po ashtu ka të ngjyrave të ndryshme." [Fatir, 28]
E gjithë kjo llojllojshmëri nuk është gjë tjetër vetëm se një mjeshtri e përsosur e Allahut, Krijuesit të gjithësisë. Dallimi i njerëzve në pamje, ngjyrë etj. nuk është rezultat i angazhimit të prindërve, ose vullnet i tyre. Si erdhi deri te ndryshimi i gjuhëve kur e gjithë njerëzia është prej një babe dhe prej një nëne? Athua vallë, kanë komunikuar me fëmijët e tyre në më shumë se një gjuhë! Pa dyshim se këtu ka argumente të qarta për njerëzit që të kuptojnë madhërinë e Allahut, siç thotë: "Nga argumentet e Tij është krijimi i qiejve dhe i tokës, ndryshimi i gjuhëve tuaja dhe i ngjyrave tuaja. Pa dyshim në këtë ka argumente për shkencëtarë." [Rrumë, 22]
Tani, llojllojshmëria e kulturave bujqësore është e qartë se është dhunti e madhe e Zotit për të poseduar njerëzit shije të ndryshme. Shtrohet e pyetja, pse të ketë llojllojshmëri në njerëz? A nuk ishte më mirë që njerëzit të jenë një lloj me një ngjyrë, më një gjuhë ose thënë më shkurt që e gjithë njerëzia të jetë një komb? Kësaj pyetje i përgjigjet Allahu në Kur’an kur thotë: "O njerëz, padyshim Ne ju kemi krijuar prej një mashkulli dhe një femre dhe ju bëmë popuj e fise që të njiheni." [Huxhuratë, 13]
Pra, nga gjithë kjo u pa se Allahu ka dëshiruar që njerëzit të jenë kombe të ndryshme me gjuhë dhe ngjyra të ndryshme duke mos favorizuar ndonjë komb mbi një tjetër. Në këtë mënyrë të gjithë njerëzit janë të barabartë te Allahu.
Athua si qëndron puna me fetë, besimet? Përderisa Allahu i ka krijuar njerëzit në kombe të ndryshme a do të thotë kjo se Ai ka zbritur po ashtu programe të ndryshme të besimit dhe adhurimit?
Një gjë duhet ta kemi parasysh se ndryshimi i gjuhëve dhe i ngjyrave të njerëzve nuk erdhi nga njerëzit dhe vullneti i tyre, por kjo ndodhi nga dëshira e Allahut, Krijuesit të gjithësisë.
Andaj çfarëdo vendimi lidhur me fetë, prapë duhet të jetë nga Allahu.

[munti]

-vazhdim-

Së dyti:
Sa i përket ekzistimit të shumë besimeve duke qenë një Krijues i Vetëm, nuk është kjo çështje sikur që ishte me kombet. Pa marr parasysh shijet e ndryshme që i kanë fruta të caktuar të një familjeje, madje të një lloji, të gjitha janë krijuar për një qëllim, e ai është që njeriu si krijesë më e privilegjuar të ketë ushqime të mjaftueshme me shije jo monotone, por të llojllojshme. Ose pa marr parasysh llojllojshmërinë e kafshëve të ndryshme, të gjitha Allahu i krijuar në shërbim të njeriut si mjete bartëse, produkte ushqyese etj.. Pra, të gjitha krijesat e krijuara përpos njeriut janë krijuar për t'i shërbyer njeriut. Kështu qëndron puna edhe me njerëzit. Pavarësisht nga dallimet e njerëzve në baza gjinore, racore, etnike etj. të gjithë janë krijuar për një qëllim të caktuar e ai është jetesa duke e njohur dhe adhuruar Krijuesin Absolut, Allahun e Lartësuar. Siç thotë në Kur'an: "Unë nuk i krijova xhinët dhe njerëzit për tjetër pos që të më adhurojnë." [Dharijatë, 56]
Muxhahidi (komentues i njohur i Kur’anit nga gjeneratat e para) ka thënë se fjala "adhurojnë" në ajetin kur'anor të përmendur ka për qëllim "të më njohin Mua".
Në këtë kontest duhet të përmendim se Allahu i Madhërishëm asnjëherë nuk ka zbritur për njerëzimin në asnjë kohë fe tjetër dhe program tjetër të besimit pos Islamit. Ai nuk i ka dalluar njerëzit me besim të ndryshueshëm në qenien e Tij e as në jetën e pasvdekjes, në Ringjallje, kur dihet se këto gjëra janë të pandryshueshme dhe nuk mundet që për një popull të ketë paraqitur vizion tjetër të ringjalljes, llogarisë, xhenetit, xhehenemit etj. në krahasim me popujt të tjerë, bie fjala, kur dihet se të gjithë njerëzit përnjëherë do të ringjallën dhe në një vend. Prandaj, edhe do t'i përjetojnë të njëjtat momente. Kështu qëndron edhe çështja e vetë Allahut. Nuk ka mundësi, që dikush të ketë lajme jo të njëjta për Krijuesin e tij si dhe raportet që duhet t'i ketë krijesa me Të, nga dikush tjetër, kur dihet se Krijuesi i të gjithëve është Një i përbashkët. Kjo madje do të ishte e padrejtë. "E Zoti yt nuk i bën padrejtësi askujt." [Kehf, 49]
Pra, Allahu gjithmonë ka zbritur një besim, një fe, edhe nëse kanë ndryshuar format e praktikimit, duke qenë të njëjtat baza të adhurimit.
Ekzistimi i shumë feve sot në botë, nuk është fakt se Allahu i ka zbritur apo miratuar të gjitha ato besime. Ato fe janë rezultat i pjellës së mendjes së njeriut, në të shumtën e rasteve, por edhe ndërhyrje e mendjes së njeriut në mënyrë të padrejtë në shtrembërimin e fjalës së Zotit, e cila edhe ashtu më vonë u shfuqizua me zbritjen e Kur'anit, siç është rasti me jehudizmin dhe krishterimin. Në këto mënyra erdhi çdo besim, përveç besimit islam, i cili erdhi i zbritur nga Allahu dhe origjinaliteti i tij mbeti i garantuar nga Allahu deri në fund. Për këtë arsye Allahu ka thënë sa i përket Islamit: "Vërtetë fe te Allahu është Islami." [Ali Imran, 19]
Pra, fe të cilën e njeh, e konsideron, me të cilën veprat i pranon, me të cilën adhurohet Allahu është vetëm Islami.
Me gjithë këtë që u tha vijmë në përfundim se ekzistimi i shumë kombeve, është prej begative të Allahut, por nuk është kështu edhe ekzistimi i feve. Pra, Allahu i krijoi njerëzit në kombe të ndryshme, ndërsa ata i pranon me të vetmen fe të zbritur nga Ai, me Fenë Islame. Ai thotë në vazhdim të ajetit ku tregoi qëllimin e ndarjes së njerëzve në popuj e fise: "O njerëz, padyshim Ne ju kemi krijuar prej një mashkulli dhe një femre dhe ju bëmë popuj e fise që të njiheni e s'ka dyshim se tek Allahu më i ndershmi ndër ju është ai që më tepër i përmbahet dispozitave. Allahu është shumë i dijshëm dhe hollësisht i njohur për çdo gjë." [Huxhuratë, 13]
Sikur që tregoi në ajetet ku përmendi llojllojshmërinë e krijimi të frutave, kodrave, njerëzve, gjallesave dhe kafshëve, pasi i përmendi të gjitha këto, Allahu vazhdoi të thotë: "Po Allahut ia kanë frikën (i përmbahen dispozitave të Tij) nga robërit e Tij, vetëm dijetarët. Allahu është mbi gjithçka dhe është mëkatfalës." [Fatir, 28]
Vetëm dijetarët që e njohin realitetin e krijimit të tyre dhe raportet që duhet ndërtuar me Krijuesin e tyre, vetëm ata dinë t'i kenë frikërespekt të merituar Allahut Fuqiplotë. Pra, të gjithë njerëzit para Allahut janë të barabartë në baza kombëtare apo etnike, por jo edhe fetare. Të pranuarit te Allahu në baza fetare janë ata që dinë t'i përmbahen dispozitave të Tij, modalitetet e të cilave janë sqaruar vetëm në Islam. Pejgamberi, lavdërimi dhe paqja e Allahut qofshin mbi të, ka thënë: "Nuk ka merita arabi mbi joarabin, e as joarabi mbi arabin, as nuk ka merita i kuqi mbi të ziun e as i ziu mbi të kuqin, përveç me devotshmëri." [Transmeton Ahmedi nr. 22391]
E gjithë kjo që u tha është e mjaftueshme për të kuptuar se Allahu nuk i pranon besimet e kota, të cilat nuk kanë baza të origjinalitetit se janë të zbritura nga Krijuesi i gjithësisë edhe pse ato përmbajnë program të besimit e të adhurimit. E çfarë është çështja me emërtime se një komb të jetë fe, i cili si komb madje fare nuk përmban asnjë element që t'i përngjajë ndonjë besimi qoftë edhe i rrejshëm? Si p.sh. të thotë dikush se feja e shqiptarit është shqiptaria. Shqiptaria apo shqiptarizmi nuk është fe dhe askush nuk ka pretenduar se ai të jetë i tillë. Shqiptaria është një tërësi kombëtare, të cilës i takojmë ne si komb, dhe krenohemi se jemi të tillë.
Një proverb arab thotë: Kush e mohon bazën e tij ai është fare i pabazë.
Shqiptaria si etni, nuk paraqet ndonjë vizion fetar se si të besohet, si do të jetë jeta e fundit, si është Krijuesi i gjithësisë etj.
E sa i përket thënies së Pashko Vasës, i cili ka thënë: "mos shiko kisha as xhamia se feja e shqiptarit është shqiptaria", kjo thënie është politike subjektive, assesi objektive. Me këtë thënie i përmenduri ka pasur për qëllim që të mos bëhen fetë shkak për përçarjen e kombit shqiptar. Ai ka qenë i ditur se shqiptaria, si dhe asnjë etnitet tjetër në botë, nuk e ngop ndjenjën fetare as të atyre që kanë fe dhe ideologji njerëzore, e lëre më të muslimanëve të cilët kanë esnafori në këtë drejtim.
Pra, të jesh shqiptar i mirë e i devotshëm dhe vetëm i tillë, kjo gjë nuk të ndihmon asgjë para Allahut pasi që të mungon adresa e drejtë e besimit. Ndërkaq, të jesh musliman i mirë, me automatizëm do të jesh edhe kombëtar i mirë, cilësdo etni t'i takosh, madje kjo gjë nuk të atakon me etni të tjera dhe si i tillë do të jesh shumë paqësor. Nëse dikush thotë se edhe feja të atakon pra me fe të tjera edhe nëse je paqësor me kombet të tjera! Ne i themi se feja Islame nuk nxit konflikte as në baza të besimit. Por, nëse një gjë të tillë e kërkon nevoja, atëherë ia vlen të atakohesh me fe të tjera kur të rrezikohet feja islame, sepse Allahu nuk të pranon me besime të tjera, por vetëm me Islam, ndërkohë që Allahu të pranon me çfarëdo kombi.
Nuk guxon njeriu i thjeshtë e aq më pak ndonjë intelektual që t'i krijojë vetës një komoditet duke u mbështetur se është një atdhetar i mirë dhe kjo gjë do t'i mjaftojë edhe për Botën Tjetër. Besimi the feja të bën të qëndrosh i rehatuar edhe në këtë botë, edhe nëse i takon ndonjë kombi të përbuzur. Andaj kujdes të veçantë në këtë çështje para se të bëhet vonë.

[experti_lu]

a i keni marr hala sakicat mu pre e mu myte!!
qysh doni bani KOMBI MBI TE GJITHA.

[Artisti]

KOMBI MBI TE GJITHA

edhe kjo teme ish dashte me kane si ngjites mas nalti


.

[Studenti1]

Po folni shka po ju konvenon ju.

[Savior]

Feja mbi te gjitha.

[Psikologu]

Pêr shqiptarin dhe atë qe ka gjakë shqiptari ka qenë dhe do të mbete kombi mbi të gjitha , ndersa për të tjeret , lajkataret dhe besimtaret e rrejshem ehste feja mbi të gjitha.
Nji fe qe lexoj ketu nga shumë kush se si dhe sa besimtarë janë ata , nuk kan mundesi të jen për komb , sepse ne gjirn e kombit ka pasur burra dhe burreresha , e pjese e ketyre nuk mundeni të jeni ju aspak , sepse keni një kapacitet të vogel edhe shpirterorë , edhe mendorë, pra:

KOMBI MBI TE GJITH

[Savior]

Postimi origjinal është bërë nga Psikologu

Pêr shqiptarin dhe atë qe ka gjakë shqiptari ka qenë dhe do të mbete kombi mbi të gjitha , ndersa për të tjeret , lajkataret dhe besimtaret e rrejshem ehste feja mbi të gjitha.
Nji fe qe lexoj ketu nga shumë kush se si dhe sa besimtarë janë ata , nuk kan mundesi të jen për komb , sepse ne gjirn e kombit ka pasur burra dhe burreresha , e pjese e ketyre nuk mundeni të jeni ju aspak , sepse keni një kapacitet të vogel edhe shpirterorë , edhe mendorë, pra:

KOMBI MBI TE GJITH

Keto dite eshte hera e pare qe nuk ndihem si shqiptar por si i Krishter. Feja mbi te gjitha.
Vdekje pabesimtareve. Nje porosi per pabesimtaret: Shihemi ne beteja.

[Murgesha]

Postimi origjinal është bërë nga Savior

Keto dite eshte hera e pare qe nuk ndihem si shqiptar por si i Krishter. Feja mbi te gjitha.
Vdekje pabesimtareve. Nje porosi per pabesimtaret: Shihemi ne beteja.

Hajde de, na lindi edhe një trim neti.....

[Espresso]

Postimi origjinal është bërë nga Savior

Keto dite eshte hera e pare qe nuk ndihem si shqiptar por si i Krishter. Feja mbi te gjitha.
Vdekje pabesimtareve. Nje porosi per pabesimtaret: Shihemi ne beteja.

Mos je njeri prej ketyre mjekrrullacave qe shtihet si i krishtere? Ose je nje injorant i pa him n'kish? Kshtu JU thojme ne qiftave tu.

[Psikologu]

Postimi origjinal është bërë nga Savior

Keto dite eshte hera e pare qe nuk ndihem si shqiptar por si i Krishter. Feja mbi te gjitha.
Vdekje pabesimtareve. Nje porosi per pabesimtaret: Shihemi ne beteja.

Paske arritur rekordin e Genisit duke berë një tranzicon kaq të shpejtë.
Cdo here ka qenë dhe do të mbetet qe ai qe flet shumë kryen punë pak , pra edhe ti ketu , paske folur shumë për betejat e endrrave të tua , mirpo qeshtje dhe stili i yt propagandues , eshte vetem pjesë e vorferis se trurit tënde të ri , që nuk mbanë ne veti zgjidhje tjeter përpos dhunes , por edhe pse ska nevojë qe të kemi zgjidhje nder fetare ( fal asaj qe skemi konflikt ) ti mendon qe me shkrimin tendë qe nuk e ndin veten shqiptar por të krishterë, mendon qe na benë qe të merzitetmi ndoshta për ty , por sdioqoftë, cilit do soji të jesh , me vjen keq me të vertet për koridorin tendë të erretë qe nuk shifet asnjë llojë drite e ti udheton aty me sy të qelur por ne erresirë.
E ndjen si e ndjen ti veten tende, ne ketë menyrë , stë pranon as kisha e as xhamia , as tyrbja e as tempulli, e më e keqja se nuk të pranon as rrethi shqoerorë e as rrethi i metutjeshem për një jetë të harmonizuarë.
Ndjeje veten shqiptar sepse si të krishterë s´te identifikon askush për kah përkatesia kombtare.

[Tomori]

Postimi origjinal është bërë nga Savior

Keto dite eshte hera e pare qe nuk ndihem si shqiptar por si i Krishter. Feja mbi te gjitha.
Vdekje pabesimtareve. Nje porosi per pabesimtaret: Shihemi ne beteja.

Te lumte orr i krishteri, spaktit je me i sinqerte se vllezrit tu krishter..!
ke thene te verteten por dallimi qendrone se te krishterit tjere shtrihen se gjoja kombi eshte mbi kryqyn,
-Sa injoranta qe jane se e verteta eshte krejtesishte ndryshe, Kryqyn e kane mbi te gjitha e sa per kombin mvaret prej rethanavet te interesit...

Tung Savior nga une Tomori, je i nderuar se ke thene realitetin si krishter qe je..qe kryqi eshte mbi te gjitha per ju..! kalofshe bukur kudo qe te jeshe o kryqali-Saviori