Lajme nga Mjekesia

[Dijedoni]

Postimi origjinal është bërë nga ARVANITI

Zumba, të dobësohesh nën ritmin e kërcimit

Moda e fundit në botën e fitnesit për atë që është pak dembel dhe jo shume i dhënë pas aktiviteteve fizike, ëshët kërcimi nën ritmet tribale. Nag Zumba tek ajo havajane, nga kërcimi Hilal tek ai afrikan. Për vithe të larta dhe tonike, dmth “braziliane”, mjaftojnë disa ushtrime të "Brazilian Butt Lift" apo "Brazilian Tummy-Tuck", ose ushtrime të Samba Tornado.
Slogani, shumë i gjetur i Zumbës, që në SHBA është e domosdoshme është "it's not a workout, it's a party!" (nuk është lodhje, por festë.) E në realitet bëhet fjalë pikërisht për këtë thotë kush e ka praktikuar;përvec djersitjes, lodhjes, djegjes së kalorive, rregulli për kë kërkon formën e tij më të mirë fizike është qesh dhe kënaqu. Ky kërcim është një kombinim i salsa, merengue e rumba që mësohen nëpërmjet leksioneve të aerobisë dhe bashkon efektet e leksioneve të aerobisë me dinamizmin dhe sensualitetin e kërcimeve jugameriakne, duke tërhequr të gjithë ata që duan të djegin kaloritë e tepërta dhe njëkohësisht të përmirësojën veten me hapa të reja kërcimi.
Prioritet nuk është estetika e pastër por një kompletim i të ndjerit mirë duek u argëtuar. Karakteristika dalluese e kësaj disipline të re aerobike janë variacionet e ritmit që rrisin dhe ulin vazhdimisht frekuencën kardiake duke rritur rezistencën e atyre që e praktikojnë. Rekomandohet për persona të çdo moshe, sepse leksionet e aerobisë praktikohen ne nivele të ndryshme intensiteti. Kështu si pa e kuptuar të gjitha kaloritë e tepërta do digjen dhe ju më shumë sesa lodhur, do jeni argëtuar.

Shumë artkull i qëlluar.Nëse më lejon ,e kam një përmirësim te fjalia IT´S NOT A WORKOUT, IT´S A PARTY ,unë e kisha përkthye kështu: Nuk janë ushtrime por një aheng.work out=ushtrime fizike dhe party=aheng e jo festë.psh aheng mund të organizosh çdo të shtune,mirëpo festa janë data të caktuara psh ditëlindja,dita e flamurit, dita e nënave etj.Të përshendes dhe shkruaj ma shpesh tema të tilla.

[Naki]

Antireumatikët dhe analgjetikët në preventivë ndaj tumoreve

Rezulatet nga studimet e reja, pesëvjecare, tregojnë se përdorimi i antireumatikëve dhe analgjetikëve (NSAR) sic janë ibuprofen, acidi acetilsalicilik mund të zvoglojnë rrezikun nga sëmundja e tumoreve në gji për 71%, ku gjithashtu mund të ndihmojnë në parandalimin e kancerit të prostatës, zorrë së trashë dhe mushkërive. "Ky është studimi i parë i cili tregon se COX-2 bllokatorët kanë efekt kemoproventivë kundër kancerit të gjirit" tha Randall Harris nga Ohio State University.
Në këto studime është hulumtuar veprimi i celokokibës, forekoksiba dhe acidit acetisalicilik në dozë të lartë dhe të ulët të ibuprofenit dhe paracetamolit. Eshtë vërejtur se gratë që kanë përdorë koksibe (celokoksib dhe forekoksib) gjatë dy viteve kanë pasur ulje të rrezikut ndaj sëmundjes së kancerit të gjirit për 71%. Ibuprofen ka ulur atë rrezik për 64% kurse doza e zakonshme e acidit acetisalicilik prej 500 mg ka ulur për 51%.

[Naki]

Lidhja në mes të përdorimit të kompjuterit dhe glaukomës


Përdorimi i shpeshtë i kompjuterit mund të lidhet me rritjen e rrezikut të paraqitjes së glaukomës, posaçërisht tek ata persona shkurtpamës.
Glaukoma është pasojë e dëmtimit të nervit optik, e cila manifestohet me një fushëpamje të mjegullt, dhe e cila nëse nuk shërohet mund të vijë deri te humbja e shikimit.
Hulumtimet të cilat i kanë bërë shkenctarët Japonez nga Universiteti Toho, të cilët kishin përcjellur 10.000 puntorë është konstatuar se personat të cilët përdorin kompjuterin më shumë se 8 orë në ditë kanë më shumë shansë të bëhen shkurtpamës ose largpamës.
Me analizat e mëtjeshme është vërtetuar edhe lidhja e shkurtpamësisë dhe glaukomës.

[Naki]

Mbahet Simpoziumi i Dytë i Nefrologjisë Bashkëpunimi midis Universitetit të Heidelbergut të Gjermanisë dhe Fakultetit të Mjekësisë të Prishtinës, do të jetë afatgjatë dhe ka si qëllim vendosjen e urave të bashkëpunimit të zbatimit të njohurive më të reja në lëmin e nefrologjisë dhe transplantimit në praktikë, u tha sot në hapjen e Simpoziumit të Dytë të Nefrologjisë në Prishtinë. “

Në Gjermani transplantimi i veshkave ka filluar në vitin 1954 ndërsa deri më tani në këtë klinikë janë kryer mbi 2.000 transplantime", tha Nexhat Miftari, mjek në Heidelberg të Gjermanisë. Sipas tij është e pakuptimtë që në Kosovë ende nuk bëhet transplantimi i veshkave. Kirurgët gjermanë janë të gatshëm që të vijnë në Kosovë dhe të ndihmojnë stafin vendorë që të bëjnë transplantimin e veshkave mirëpo për një gjë të tillë duhet krijuar edhe kushte tha Miftari. Martin Zeier, drejtor i Klinikes së Nefrologjisë dhe shef i Qendrës së Transplacionit, në Heidelberg të Gjermanisë tha se në këtë klinikë ka pasur disa pacient nga Kosova të cilët kanë bërë transplantimin e veshkave ndërsa ata sot janë në gjendje shumë të mirë shëndetësore. Dr Zeir tha se ne jemi të gatshëm që të ndihmojmë në shkollimin e mjekëve kosovarë në lëmin e Nefrologjisë dhe Transplacionit. Ky simpozium në të cilin po marrinë pjesë ekspertë të nefrologjisë nga Gjermania, Shqipëria ,Maqedonia dhe Kosova do të vazhdojë edhe nesër kur do të diskutohet kryesisht për dializën dhe transplantimin e veshkave.

[Kodra]

**********
**********
**********

Më se 70 % e sëmundjeve,shërohen nga e ashtuquajtura " Shërim me gjakun tënd " në gjermanisht quhet " Eigenblutbehandlung".
Këtë formë të shërimit,nuk e praktikojnë shumica e mjekëve edhe pse kjo formë ka efikasitet të madh.Mospraktikimi i këtij shërimi nga shumë mjek,vije nga mosdija e kësaj forme të shërimit.

Kjo formë shëruese është shumë efikase,sepse me marrjen e gjakut të personit të sëmurë,ky gjak përzihet me medikamentin përkatës dhe i jepet prapë po atij pacienti si Vaksionim do të thotë direkt në gjak,gjë që është shumë më shpejt se me medikamente pirëse,në kofshë.

Kjo formë e shërimit,ka 10 shërime,çdo javë nga një shërim.


Vetëm mendime pozitive për të sëmuarit nga


Kodra

[Naki]

Me shkencëtarin e ri shqiptar Visar Belegu ne Institutin Kenedi Krieger
Astrit Lulushi
Zëri i Amerikës
23-05-2006

Po t'i hidhet një vështrim historisë së emigracionit shqiptar, veçanerisht atij në Amerikë vihet re, se 100 vjet më parë shqiptarë mund të gjeje në çdo rrugë kryesore të qyteteve të mëdha duke punuar si shitës frutash e pronarë kjoskash, ndërsa sot ata mund të shihen duke punuar edhe në institucionet më të rëndësishme qeveritare, politike, arsimore e shkencore kudo në Shtetet e Bashkuara. I tillë është Instituti Kenedi Krieger në Baltimor, ku shkencëtari i ri shqiptar Visar Belegu, punon si neurolog pranë kesaj qëndre të njohur botërore në fushën e kërkimeve shkencore.
Doktor Belegu emigroi nga Kosova në Amerikë para 12 vjetëve. Në atë kohë, vendlindja e tij ndodhej në një udhëkryq dhe Visari, i cili sapo kishte mbaruar shkollen e mesme të sistemit paralel të arsimit, dhe duke e parë gjendjen në Kosovë ashtu siç ishte, e zymtë e pa asnjë perspektivë, vendosi të merrte rrugën e mërgimit.
“Gjithmonë kam pasë dëshire t’i vazhdoj studimet e larta, që të kryej një shkollë për të patur një pune sa me të suksesshme, që të kem një ndikim më vonë në jetë, prandaj kam qënë i motivuar. Kur erdha ne Amerikë kam pasë shume fat që m’u dha mundësia për të vazhduar studimet e larta”.
Tani Visar Belegu mban titullin profesor-doktor dhe prej dy vjetësh merret me punë kërkimore-shkencore në fushën e neurologjisë në Qëndrën ndërkombëtare për trajtimin e dëmtimeve të shtyllës kurrizore, pranë Institutit Kenedi Krieger në Baltimor të shtetit Meriland.
“Projektet me te cilat jam duke punuar”, thotë doktor Belegu, “kanë të bëjnë kryesisht me studime në fushën e qelizave fillestare (embrionale) si përdorim për terapi të boshtit të dëmtuar kurrizor dhe studime rreth një një terapie që ka të bëjë me përdorimin i aktivitetit për të rigjeneruar sistemin nervor të personit me shtyllë kurrizore të dëmtuar. Kjo terapi ka filluar kur profesor Xhon Makdonald, me të cilin unë puno,j e aplikoi për trajtimin e aktorit të njohur Kristofor Riv dhe pastaj e vazhdoi me pacientë të tjerë. Deri tani kjo terapi është treguar shumë efikase, është 70 përqind efikase tek personat, të cilët janë në fazën 2 vjet pas lëndimit të shtyllës kurrizore. Tek këta pacientë përtëritja është vënë re jo vetëm tek muskujt dhe eshtrat por edhe tek sistemi nervor, gjë që ka qënë një gjë shumë e veshtirë të arrihej”.
Doktor Belegu thotë se shtylla kurrizore është një prej organeve më të vështira për t'u rigjeneruar apo per t'u sheruar pas dëmtimit dhe deri më sot shkencëtarëve u kane munguar mjetet per klasifikimin e këtyre dëmtimeve përsa i përket aspektit molekular.
“Studimet që tani jemi duke berë, duke përdorur rezonancën magnetike po na ndihmojnë, veçanërisht në klasifikimin e shkallës së dëmtimit të shtyllës kurrizore. Rigjenerimi është nje aspekt tjetër, por që fillon me klasifikimin e lëndimeve”.
Megjithëse i larguar prej vitesh nga Peja e Prishtina, doktor Belegu mban lidhje të ngushta me vendlindjen dhe ofron ndihmën e tij kur mundet.
“Në Kosovë ka njerëz me lëndime traumatike dhe jo-traumatike të boshtit kurrizor. Është një rast aktual, një i ri me emrin Valon i cili u lëndua menjëherë pas luftës në bazenin e Prishtinës. Ai ka dëmtim të rëndë të boshtit kurrizor, po ka perspektivë per rigjenerim. Mbi të gjitha ai beson se do të shërohet”.
Doktor Belegu dhe kolegët e tij amerikanë po përpiqen pranë administratës ndërkombëtare UNMIK dhe qeverisë së Kosoves për të siguruar mjetet e nevojëshme që Valonin të vijë për terapi në Qëndrën ndërkombëtare për trajtimin e shtyllës se dëmtuar kurrizore, pranë institutit Kenedi Krieger.

[Naki]

Mrekullia e antibiotikëve, dhe sa mund të zgjasë?

Pranvera Bino*


Kur Aleksandër Flemingu zbuloi në vitin 1929 penicilinën, antibiotikun e parë, të paktë qenë ata që parashikuan se për shkencën moderne ky zbulim shënonte fillimin e një mrekullie. Në saje të antibiotikëve, shumë infeksione u kthyen nga vdekjeprurëse në të kurueshme. Por sot, mrekullia e antibiotikëve po zbehet me shpejtësi. Mikrobet po evoluojnë në varietete rezisente ndaj antibiotikëve dhe këtyre të fundit po u bie vlera njëri pas tjetrit. Shkencëtarët e kompanisë globale farmaceutike Merck sapo kanë zbuluar një antibiotik të ri që, nëse funksionon siç mendohet, do ta zgjasë dhe ca mrekullinë e luftës kundër baktereve.
Antibiotikët që ekzistojnë deri më sot funksionojnë pothuajse në të njëjtën mënyrë. Ata pengojnë shtimin dhe shumëfishimin e baktereve ose duke paralizuar sintezën e ADN-së, ose duke penguar disa proteinave që të formojnë me njëra-tjetrën komplekse të caktuara të domosdoshme për formimin e membranës qelizore, murit mbrojtës të çdo qelize. Për fat të keq, edhe përdorimi më i kujdesshëm i antibiotikëve mund bëhet shkak që bakteret, në luftën e tyre për të mbijetuar, të pësojnë ndryshime që mund t’i shndërrojnë ato në rezistente ndaj antibiotikeve. Dhe meqenëse baktereve ju duhen vetëm njëzet minuta për t’u riprodhuar, formimi i një kolonie bakteresh rezistente, qoftë dhe nga një qelizë e vetme rezistente, është krejt i mundur. Këto ndryshime apo mutacione të baktereve që çojnë rastësisht në rezistencë ndaj antibiotikëve, hasen më dendur kur antibiotikët përdoren pa shkak apo kur doza dhe kohëzgjatja e marrjes së antibiotikëve nuk respektohet. Kështu pra, sa herë që e ndjejmë veten më mirë e mendojmë se s’na duhen më ilaçet, nuk bëjmë gjë tjetër veçse krijojmë dhe një varietet të ri baktereje që kur të na sulmojë përsëri, do ta kemi të vështirë ta mundim. Të mos harrojmë se në jetën e përditshme kemi me dhjetëra e dhjetëra mundësi që bakteren e modifikuar gjenetikisht që sapo krijuam, fryt i padijes dhe neglizhencës sonë, t’ua përcjellim miqve, të njohurve, e perse jo, edhe fëmijëve tanë. Është pikërisht kjo arsyeja që mrekullia e antibiotikeve po zhduket, duke qenë se antibiotikët funksionojnë në mënyrë të ngjashme, kur një lloj baktereje arrin t’i rezistojë efektit shkatërrues të një antibiotiku të veçantë, shanset që kjo baktere t’u rezistojë edhe antibiotikëve të tjerë janë të mëdha.
Produkti i ri, i sapozbuluar nga grupi i S. Singh, në laboratorët kërimorë të kompanisë Merck, bllokon një tjetër mekanizëm qelizor të baktereve, sintezën e disa lipideve, të tjerë elementë të rëndësishëm për formimin e membranës së baktereve. Duke qenë se sinteza e lipideve është një proces i ngjashëm në të gjitha bakteret, është tepër e mundshme që antibiotiku i posagjetur të mund të luftojë një grup më të madh varietetesh, duke përfshirë këtu edhe ata rezistentë!
Antibiotiku i ri gjendet në një lloj këpurdhe të quajtur Streptomyces platensis dhe u izolua rastësisht nga kampione dheu të marra nga Afrika e Jugut. Nga 83 mijë ekstrakte të përgatitura prej këtyre kampioneve dhe të analizuara veçanërisht, vetëm njëri ishte në gjendje të pengonte shumëfishimin e varieteteve të ndryshme bakteresh, duke përfshirë dhe stafilokokun, një nga bakteret më të përhapura në infeksionet e hasura në spitale dhe rezistent ndaj shumicës se antibiotikëve të njohur. Në eksperimentet e bëra te minjtë, platensimycin, kështu quhet antibiotiku i posazbuluar, kuroi me efikasitet disa infeksione bakerale pa shkaktuar asnjë efekt anësor.
Për aprovimin e përdorimit të antibiotikut të ri si mjekim te njeriu do të duhen sigurisht të tjera eksperimente. Sidoqoftë, rezultatet e arritura janë tepër inkurajuese. Por shkaku i vërtetë i inefikasitetit të antibiotikëve është përdorimi i tyre pa kontroll, ndaj dhe antibiotiku i ri rrezikon të ndjekë fatin e paraardhësve nëse shoqëria jonë vazhdon të jetë indiferente ndaj shpërdorimit të antibiotikëve. Nëse mrekullia e antibiotikëve nuk përdoret me masë, të kurosh infeksionet e baktereve me një antibiotik të ri është njësoj si të pretendosh të kurosh alkoolizmin duke i ofruar të dehurit tjetër gotë me uiski!

Pranvera Bino është Inxhiniere gjenetiste, Washington DC

</SPAN>