Çka lyp Zef Morina.....?

[Dilaver]

OSCE: MARK KRASNIQI, KRYETAR I PSHDK-së“Ne e njohim PSHDK-në me kryetar z.Mark Krasniqi. Ajo parti ka statusin e vet dhe ne nuk jemi përgjegjës për zhvillimet brenda saj” tha për gazetën “Iliria Post”, z. Sven Lindholm.
Organizata për Siguri dhe Bashkëpunim Evropian – OSCE-, misioni në Kosovë, njeh vetëm një PSHDK, e cila për kryetar ka z.Mark Krasniqin. OSCE-ja merret me regjistrimin dhe dhënien e licencave partive politike në Kosovë. Sipas Sven Lindhom , zëdhënës i OSCE-së nuk mban përgjegjësi për zhvillimet brenda partisë. “Ne e njohim PSHDK-në me kryetar z.Mark Krasniqi. Ajo parti ka statusin e vet dhe ne nuk jemi përgjegjës për zhvillimet brenda saj” tha për gazetën “Iliria Post”, z. Sven Lindholm. Sipas z.Lindholm të gjitha partitë obligohen me anë të rregullores së UNMIK-ut 2004\11 që të kenë statusin e tyre, i cili nuk guxon të bjerë ndesh me rregulloren.Në këtë rregullore të gjitha partitë pasi që të jenë të regjistruar si parti politike detyrohen që në afat prej gjashtë muajve të mbajnë kuvendine parë zgjedhor, pastaj kuvendet duhet të mbahen një herë në vit. Sipas kësaj rregullore nuk lejohet që dy parti politike të veprojnë me emër apo simbol të njëjtë ose përafërsisht të njëjtë (kur vlerësohet se kjo është bërë qëllimisht). Ajo që është e rëndësishme në rastin me PSHDK-në, del se çdo parti detyrohet me anë të rregullores që të njoftojë zyrën për regjistrimin e partive politike për ndërrimin e kryetarit të saj apo ndërrimin e organit më të lartë të saj ekzekutiv.