Pavarësi e kufizuar për Kosovën, autonomi e gjerë për serbët ...!

[Fshatari]

Postimi origjinal është bërë nga Fshatari

7 vjet luftë e paqe për një rezultat të mjerë : një status i pezulluar, i kontrolluar nga spiunjë e sabotues të huaj, i paqartë, pa perspektivë as politike as ekonomike për Kosovën. Këtë pamje do të ketë dokumenti i Ahtisarit i cili do të "lexohet me sy kritik" nga grupi negociator dhe qeveria e Kosovës.
Në këtë kontekst nuk u duhej bërë thirrje shqiptarve të Luginës të Preshevës që të votojnë në zgjedhjet e serbisë por duhej këkuar me ngulm te "bashkësia ndërkombtare" që Luginës t'i sigurohej autonomi e gjerë, me proporcione të njëjta me ato të autonomisë të serbve brënda Kosovës.
Para dy tre ditësh, kryeparlamentari pati deklaruar për median se nuk do ketë kurfarë autonomie për asnjë pakicë brënda kufijve politikë të Kosovës : kjo deklaratë bie ndesh, më sa duket, me dokumentin e Ahtisaarit. Javët në vijim do të na mësojnë se cila palë do të ngadhnjejë : kundërshtarët e "Kosovës të re" (të cilët duhen arrestuar, sipas propozimit të kryetarit të Senatit amerikan, Biden) ose klika e koshtunicës, sollanës, e ndonjë tjetër që ndodheshin mu në shënjestër të Kongresit dhe Senatit amerikan.
Shpresoj se momenti po afron kur Kuvendi i Kosovës do të vërë në praktikë planin B të Ekipit Negociator të Kosovës : shpallja e Kosovës shtet i pavarur dhe sovran ku askush nuk do mund të ingjerojë më në punët e saja të brendshme pa pëlqimin e qeverisë legjitime të saj. E dokumentët e ahtisaarit, propozimet e sollanës për sabotimi e pavarësisë të Kosovës e "pallavra" tjera nuk do të kenë më vlerë dhe do të fshihen përfundimisht nga memorja jonë...!

NATO-ja është e përgatitur për rastin e skenarit më të keq të dhunës rajonale në rast të revoltit të serbëve në veri të Kosovës lidhur me vendimin e shpejtë për fatin e Kosovës, tha sot komandanti i KFOR-it, Roland Kather. "Nëse diçka ndodhë në veri, ne do të kemi diçka sikur një domino-efekt", i tha gjenerali Kather agjencisë Reuters dhe shtoi se "ne do të kemi probleme të njejta në Luginën e Preshevës". Ai mëtutje tha se veriu, ku serbët përbëjnë shumicën dhe po kërcënojnë me ndarjen e tyre, do ta ketë "kujdesin e tij të veçantë". "KFOR-i e ka rihapur bazën e vetë veriore, vitin e kaluar, për të pasur prani më të mirë për çdo gjë që mund të ndodhë", tha gjenerali Kather. Duke folur për statusin e Kosovës, ai u shpreh se "për shkaqe të sigurisë, ne na duhet ky vendim sa më shpejtë që të jetë e mundur, pasi pritjet janë të mëdha".(Radio europa e lirë)30 janar 2007




"F.Tajms": Në OKB Kosovës do t'i lejohet që të shpallë pavarësinë
Londër, 30 janar - Gazeta londineze "Fajnenshëll tajms" vlerëson në një koment se SHBA-të dhe BE-ja kanë vendosur me të drejtë që të shtrëngojnë dhëmbët dhe të nxitojnë procesin e zgjidhjes së çështjes së Kosovës. Plani i tyre që të lejojnë që Kosova të shpallë pavarësinë, me gjithë qëndrimin e Serbisë dhe të Rusisë, është i rrezikshëm, por megjithatë, ia vlen të provohet, sepse mbajtja e gjendjes ekzistuese, si Kosovën ashtu edhe tërë rajonin e ka dënuar për destabilitet të përhershëm, gjë që është e papranueshme, vlerëson gazeta dhe konstaton se Marti Ahtisari për Kosovën propozon de fakto shtetësi, por nuk e përmend fjalën "pavarësi". Veç kësaj, në marrëveshjen e veçantë, që nuk do të thotë se duhet patjetër të miratohet në Kombet e Bashkuara, Kosovës do t'i lehohet që të shpallë pavarësinë, kurse vendet e tjera, në krye me SHBA-të dhe BE-në, do të jenë të lira që atë pavarësi edhe ta njohin. Atraktiviteti i kësaj zgjidhjeje, vlerëson komentatori i gazetës, qëndron në faktin se ajo i mundëson Kosovës që të shpallë pavarësinë, kurse Serbia nuk është e detyruar që ta pranojë. Edhe Rusia mund të rrijë anash, nëse mbështet transferin e kompetencave nga Kombet e Bashkuara mbi BE-në. Këtu bëhet fjalë për krenarinë ruse, ndaj Kremlini nuk guxon të vehet në një skaj. Moskës duhet dhënë të paktën disa javë për të shqyrtuar planin, por ajo në fund duhet të kuptojë se stabiliteti i Ballkanit është në interesin e përgjithshëm, mu sikur edhe i saj, përfundon autori i komentit në "Fajnenshëll tajms".


N’katunet e « gollakut » sot kemi boë e ngrica ; po dridhemi prej t’foftit !
Veç sa iu qita sanë lopëve e dhenve, u ktheva e kalla pc dhe lexova lajmet !
Mu ba qejfi kur pash se komandanti i Kforit nga ni anë, gazeta britanike me za , nga ana tjetër, paskanë mendime të afërta me të miat ! Pavarësia, më sa po duket, duhet me u shpall zyrtarisht nga parlamenti i Kosovës, e pastaj shtetet ndaras do ta njohin shtetin e pavarun e sovran të Kosovës e jo ndryshe e jo siç kanë mendue disa se nuk di kush « po e imponoka pavarësinë », e shumë pallavra tjera që nuk hahen me kurgjo hiç… !