Shkelqimi dhe renja e shokut Jakup

[Albodrenicase]

Na ishte njëherë një patriot i shquar drenicas, i cili mbi një dekadë kishte kaluar nëpër burgjet serbe. Drenica i besoi dhe e ngriti në hero.Ai nuk i pëlqente rreth vetes njerëzit që dijnë të mendojnë me kokat e tyre, por as kjo nuk e pengoi Drenicën ta luhas bindjen për këtë "dëshmor të gjallë". Ai do të afroi rreth vetes vetëm ata që me besnikëri do t'i shërbenin atij, sepse vetëm duke i besuar atij mund t'i shërbehej atdheut, edhepse shoku Jakup nuk ishte atdheu.Drenica ngadal po përgatitej për luftë dhe shoku Jakup, si përherë i gatshëm të futej në flakën e revolucionit, sepse " kush e bënë revolucionin e fiton edhe pushtetin pastaj", sipas disa rregullave te pashkruara "envero-staliniste". Shoku Jakup kishte caktuar familjet e besueshme, të cilat vetem edhe gratë nuk do t'i veshin në uniforma e që nesër do t'i qëndronin besnike partisë së shokut Jakup.
Drenica e Epër ishte në aksion gjatë gjithë periudhës së pushtimit serb, por na e deshtëm shokun Jakup dhe nuk deshtëm t'i shohim gabimet e tij, ashtu si dhe të partisë së Mehdi Bardhit, së cilës i takonte edhe shoku Jakup. Nuk dij pse Mehdi Bardhi ka mbetur pa pune dhe askush nuk përkujdeset për të, sepse megjithatë ka bërë shumë për Drenasin, po aq sa edhe shoku Jakup, por le të ngelet kjo në ndërgjegjen e shokut Jakup dhe njerzve te tij qe udhehoqen politiken e tij ne Drenas.
Lufta dhe angazhimi i tij bënë që atij t'i falen të gjitha gabimet e mëhershme, papërvoja dhe mungesa e njohurive politike bashkëkohore në Kosovë, larg të cilave ai kishte ngelur kaherë dhe ende gjërat i shikonte nga prizmi "enverian" dhe revolucionariteti marksist-leninist.
Ai shkatërroi edhe personin e fundit nga Drenica e kuqe, që do të mund t'ia rrezikonte ekspozimin e tij lokalist të pasluftës në politiken e Drenasit, Fadil Demakun, i cili i pat dëshmuar se është shumëherë më i përgatitur në aspektin politik se sa ai në mbledhjen kur ai, shoku Jakup do të zgjidhet kryetar i Degës së LDK-së në Drenas. Nuk e kundërshtuam as këtu shokun Jakup sepse i çmonim meritat e tij patriotike dhe vitet në burgjet serbe. Në atë mbledhje ishte edhe Fatmir Sejdiu, Ramë Buja, Alush Gashi dhe të gjithë në sallë thanë se kjo Konferencë kishte vlerë vetëm nga diskutimi i Fadil Demakut. Të nesërmen "Koha ditore" citonte të gjithë ata që nuk thanë asgjë, përveq Fadil Demakut. Shoku Jakup e kishte cenzuruar fjalimin e tij. Pastaj fillojnë aksionet për ta njollosur atë, madje edhe para nxënësve të tij dhe kudo tjetër ku shtrinin veprimtarinë e tyre "veprimtaret" e shokut Jakup.(Lexoni librin e Fadil Demakut).
Jokreativitetin e tij shoku Jakup do ta tregoj edhe në Ministrinë e Shërbimeve Publike dhe nëpër të gjitha funksionet që do të ushtroj pas luftës në Kosovë. Shpesh harroi idealet e luftës, duke i kushtuar kujdes të veçant meritave personale prej heroi të gjallë, i cili e meriton para të gjithëve secilin funksion të mundshëm në Kosovë. Edhe Skenderbeu dikur kishte thënë "Lirinë nuk ua solla unë, por atë e gjeta mes jush"...ndërsa shoku Jakup në librin e tij por edhe paraqitjet publike gjithëmonë na përkujtoj se ai na e kishte sjellur lirinë.
Për këtë pastaj do ta fitojë të drejten për të manipuluar me fatin e drenicasëve, aty ku partia e tij kishte fituar shumicën. Njerëzit e tij, njëri pas tjetrit do të ulen në fronet e komunës së Drenasit, pa ditur mirëas shkrim-lexim, ose edhe të ditur aq sa për të plaçkitur sa më shumë që të jetë e mundur dhe ndërtuar pallate në kryeqytet, vila në Durrës...Presidenti i pare i Drenasit demokratik, Izet Ibrahimi, pasi vodhi mjaft tash po perpiqet te themeloj parti te re me nje emer te ngjashem me ate te Listave serbe, gadi ky emer edhepse nuk po e dij mire po me duket me i ndershem se sa ai i do partive extreme te majta qe veten e pagezuan me emra demokratik, si ajo e Jakupit, pastaj e Dacit dhe ajo e Sejdiut...te gjitha demokratike!???
Edhe NDSH-ja e dikurshme ishte ne sherbim te Jakupit ne Drenas, por ai nuk u tregua fer fare me te. Nuk e zgjodhi Ismajl Bajraktarin, se pakut udheheqes te Kultures ne Drenas po e zgjodhi nifare profesori nga Gjimnazi, nifare Kastrati , i cili lidhje me kulture nuk ka i mjeri dhe nuk eshte asgje tjeter veqse nje sherbetor i mjere i Jakupit dhe perveq kultures ai din gjithecka tjeter me shume.
Herë vëllau kryeshef, herë kushëriri kryetar i Kuvendit, nuk guxon shoku Jakup të dal jashtë këtij rrethi se mund ta humb elektoratin, nëse dalin në shesh manipulimet e bëra dhe grushtshtetet e tij të organizuara viteve të fundit.
Ju lutem kujt t'i besojmë dhe deri kur do të luajmë "symbyllas" gjatë votimeve në Kosovë e sidomos në Drenas.
Drenicasë, koha ka ardhur ti bejme syte kater dhe te votojme per ata qe na duhen.
Ka ardhur koha që disave t'u themi falemnderit për veprën e madhe të bërë dhe t'u sigurohet nga një pension i mirë.