Muslimanja

[hasanmehmeti]

esselamualejkum musliman ,

nuk e disha qe thenja ime e mesiperme mbi inorancen po te futka edhe ty brenda ne te , shume e njeriun e njofta ne kete forum me injorance te thelle mbi islamin , pse valle , eshte faji i Islamit apo faji juaj dhe neglizhenca juaj qe te uleni dhe te lexoni mbi te.

te fillojm me shkrimin tende ,

Te pershendes ty hasanmehmeti ,

Ju Faliminderit , pranoni edhe pershendetjet e mia gjithashtu.

Une rastesisht hyra ketu dhe hasa ne nje shkrim se feja islame e barazon femren me mashkullin!!!!!!

shume bukur qe ke hyre dhe ke lexuar nje te vertet nga nje oqean i madhe qe mund ta marrim si sinonim. Dhe te preferoj edhe me tutje te futesh dhe te lexosh edhe me ketu . Se siq thote nje fjale nga nje autor shqipetare: Injoranca nuk zhduket me Top.
Pra ajo po u zhduka vetem me lexim.

Kjo nuk qendron fare se nuk eshte e vertet dhe as qe ka shanse femra islame te jete e barabart kurr me mashkullin vetem nese eshte naj sakat apo diqka e ngjashme se ja hek koken sa ora me ba vaki veq doren me ja pa dikush apo me bo vaki me ja pa dikush floket i shkon koka menjihere.

nuk eshte e vertet , argumente nga Kurani dhe thenjet Profetike te kerkohen per ta bazuar iden tende qe e hudhe ketu.

Perse mbroni nje te keqe qe eshte e kaluar dhe nuk eshte perparimtare.

per ke ke fjalen qun , qdo gje ne islam eshte gjithmon aktuale dhe perparimtare. Por pikeveshtrimi juaj nga i yni si musliman dhe praktikues dallon.

Burri ka te drejt te martohet sa here te don aio dhe sa ka pare me i ble ato.

burri ka te drejte me kushte te rrepta te drejtesis Hyjnore te martohet deri ne 4 gra, dhe nuk i lejohet te bleje , pra meselja e blerjes dhe sa here te doj jashta 4 grave eshte e pavertet, nese eshte e lejuar me ofro argumente nga feja Islame (kur te kerkoj argumente mendoj ne argumente nga Kurani dhe Suneti)

ai ka drejt ato me i rrah sa here qe atij i shkon mendja se ajo e ka kqyer dikan te huja.

nuk eshte e vertet, argumente?

Ajo nuk guxon me ja kthye fjalen edhe nese burri e ka gabim .

nuk eshte e vertet , argumente?

Ajo nuk guxon as te ulet nese burri nuk eshte ule ende ne divan.

nuk eshte e vertet , argumente

Ajo duhet te rri ne kembe dhe e gatshme per qdo gje qe aj kerkon.

nuk eshte e vertet , gatshmeria kerkohet nga te dy palet , madje burrit i shtohet edhe pergjegjesia.argumente?

Ajo eshte e detyruar te mbaje feregje te zeze edhe ne temeraturen +48 grad nese eshte jashte

mbulesa eshte e kerkuar per jashte e jo kur gruaja eshte ne shtepi.Qeshtja e feregjes eshte qeshtje mendimesh ne mes dijetareve Islam , disa thone qe eshte obligim ndersa disa tjere e bejne te preferuar . Por hixhabi eshte obligim nga te gjithe.

Ai Burri per veten e vete ka zgjedh fustan apo kemishe nate per qe e perdor edhe diten por te bardhe dhe me klime.

nuk eshte e thene te jete e bardhe mirpo nese eshte e tille pse jo.

ajo nuk guxon me askend bile as me vellaun te pershendetet me dore.

nuk eshte e vertet , na argumento mbi qeshtjen e vellaut ne kete raste.

ajo nuk ka te drejt te kete foto te saj.

nuk eshte e vertete.argumente

ajo duhet te ndegjoj te gjithe ata meshkuj qe jon ne shtepi dhe nuk guxon tju kthej fjalen.

nuk eshte e vertet , ajo duhet te degjoj burrin e saj dhe baban e vet kete e ka nga obligimet ndersa une jame shume e pajtimit me kete gje , nese nuk me ndegjon gruaja ateher nuk martohem me te hiq.

Ajo per nje gabim te tille nga keta qe nuk vetem keta po ka edhe ma shum asaj i del shpirti nga hudhja e gurve nga te afermit e saj dhe keshtu perfundon jeta sipas sheriatit.

te lutem mos genje mbi qeshtjet e sheriatit , e ke nga injoranca e kuptoj, por mos hyne aq fell kur nuk i njef gjerat mire , na argumento .

a do tjera sa te duash ka.

per keso te paverteta mund te shkruash roman , se nga njerezit jane disa qe i perngjajne fabrikes se prodhimit te duhanit aq shume te paverteta hudhin, kete e gjene me se shumti ne mesin e popullit tone , pertaca karrshi librit ska dyshim qe jemi.

po ma mire te theme se ajo nuk konsiderohet as si njeri por thjesht si robreshe e luftes apo pre gjahu .

nuk eshte e vertet ore qune , na e argumento.

Te lutem meos ma merr per te lige nese nuk te pergjigjem ne te tjera diskutime se nuk kom kohe se kohve te fundit vetem sa per shaka hy ketu dhe jo te diskutoj tema kaq te nxehta.

kush une per te liga a , jo per Zotin asnjeher ,ai qe duhet ta merrni jeni ju qe po tregoni nje injoranc te thelle dhe me ane te kesaj duhet ti beni nje drite te gjelbert qendrimeve tuaja se jan qendrime qe qendrojne krejt gabimisht krahas qeshtjeve fetare e ne kete raste Femres ne Islame.Dhe mendoj se ajo shakaja e kafes se forumit te ka bere te shkruash me nje injorance kaq te thelle , ketu gjerat ne forumin Islam nuk shkojne "me tha dhe i thashte", por tha Kurani , tha Profeti alejhiselam dhe komentuan shoket dhe dijetaret Islam rahmetullahi alejhi .
Pastaj nuk te kerkohet aspak te shkruash shaka , kur te kesh kohe shkruaj mbar e mire .Tema nuk eshte e nxeht , madje eshte mjafte relaksuese , se kur shkruaj per Femren ne Islam , mendoj ne thenjen e Profetit qe njeriu duhet ta kerkoj Xhenetin nen kembet e Emes se tij ndoshta na mundeson edhe neve ta fitojme(edhe pse eshte fatkeqesi qe dikush nuk e ka Nenen gjalle qe te kujdeset per te dhe te fitoj xhenetin permes saj ) , dhunti te madhe i ka dhene femres Zoti , por ata qe nuk kane sy nuk e shofin.


mbetsh shendosh,


selamualejkum musliman
hasanmehmeti

[gjini]

Citim:
Burri ka te drejt te martohet sa here te don aio dhe sa ka pare me i ble ato.
burri ka te drejte me kushte te rrepta te drejtesis Hyjnore te martohet deri ne 4 gra, dhe nuk i lejohet te bleje , pra meselja e blerjes dhe sa here te doj jashta 4 grave eshte e pavertet, nese eshte e lejuar me ofro argumente nga feja Islame (kur te kerkoj argumente mendoj ne argumente nga Kurani dhe Suneti)

Une te tregova ma pare se nuk kam aq kohe por edhe nuk dua te pergjigjem ne te gjitha ato qe ti ke kerkuar se as qe do te hy aq fell por ato qe une kam shkrua jon veq nje storie e se veretes.e ka edhe ma shum sa nuk kam kohe te shkruaj romane per gjera qe mu nuk me takojne si ateist.
une te tham se Muslimani ne vendet arabe e blene gruan dhe ai qe nuk ka para nuk martohet.

Nuk eshte e vertet se mundet te martohet me 4 gra ai mundet te kete aq gra sa te kete para.

Si shembull e keni profetin tuaj qe ka pasur 12 gra me niqah e ne harem ka pasur mbi 100 gra.
Ato kan qene grate qe i ka marr kur ju kan vdeke burrat tuj luftue per idete e tij.
Pastaj pas qendrimit te tyre tek profeti aj si shpirt mire qe ishte atyperaty ju ka dhan njerzve pa kurrfare shperblimi Gra vejushka dhe ka qene si miqahgji vete.

Disa nga ato qe ju kan vdek burrat i ka ndal per vete.kete mos u mundo ta mohosh.

Po kulmin e asaj qe une nuk kam mund kurr ta besoj por qe kishte pas qene e veret kur e ka fejuar dhe me pas e ka martuar kusheriren e afert te tij qe ka qene hiq ma shum se 9 VJEQE,
Nuk besoj se mundesh me e demontuar kete dhe per kete nuk ka njeri qe ece dhe qe fol qe mundet te me bind se ajo qka ju predikoni eshte morale.

[gjini]

citim yti, hasan mehmeti!!!

burri ka te drejte me kushte te rrepta te drejtesis Hyjnore te martohet deri ne 4 gra, dhe nuk i lejohet te bleje , pra meselja e blerjes dhe sa here te doj jashta 4 grave eshte e pavertet, nese eshte e lejuar me ofro argumente nga feja Islame

Krejt mire po e lam se paska te drejt me i pas 4 gra dhe nuk dyshoj se e ka keq se ka mundesi me u knaq ma shum ne aspektin sexual se sa aj qe e ka vetem nje..

Po perse pra i merr 4 Gra ky i pa njeri. perse ja nxien jeteen asaj te pares qe ka me siguri femije me te dhe ka krijuar nje baze per familje.

Qka do te bente ky fare si insani qe duket po ta merr vesh se njera nga 4 grat ka naj lidje me diken tjeter???
Ketu te ndalemi se qka mundet gruaja me ba ne kete rast? ajo do mbytet me hudhjen e gurve edhe ate nga ata te familjes se vete.
e ky ka te drejt ta mys vete dhe as qe pergjigjet para sheriatit per krimin qe e ka ba,po qe se e embyet ai gruan per nje lidhje te till.
Pra tregom se ku eshte barazia ketu.

Tash kur po i shkruaj keta rreshta po me vjen me vjell nga keto gjeste te muslimanve, dhe behem nervoz pse kam besuar deri para 27 viteve kete fe.

[hasanmehmeti]

selamualejkum musliman


gjini mos u zgjero shume , bjeri argumentet e mesiperme qe ti kerkova , e pastaj dalim tek llafet e tua(pa argumente ) te meposhtme .pra nese don muhabet koti shkojme tek kafja atje , nese don me fole per fe , argumente nga Kurani dhe Suneti .

Nuk te shkruaj me nese nuk i shoqeron fjalet e tua me argumente fetare.


esselamualejkum
hasani
ps/ o gjin ske nevoj me vjelle , ka me te dal vetja boll per Zoten vetem durim, vije koha.

[Lijanna]

FEMRA, PJESËTARE E SHOQËRISË


Islami, gjithashtu, e sheh femrën si pjesëtare të denjë të shoqërisë me përgjegjësitë, të drejtat dhe privilegjet e saj. Si edhe burri, ajo është në ballë të përgjegjësive më e larta e të cilave është të urdhërojë për vepra të mira e të ndalojë nga e keqja, parim mbi të cilin ruhet shoqëria dhe bashkësia nga shthurja dhe denigrimi. Vetë Kur’ani e dëshmon këtë kur thotë: “Besimtarët dhe besimtaret janë të dashur për njëri-tjatrin, urdhërojnë për të mirë, e ndalojnë nga e keqja, e falin namazin dhe japin zekatin, respektojnë All-llahun dhe të Dërguarin e Tij…” (Et-Tevbe: 71)

Çdo thirrje kur’anore apo pejgamberike është e përbashkët. Nëse lexojmë: “O ju që besuat”, apo “O ju njerëz” të jemi të bindur se është si për meshkujt edhe për femrat. Këshut Ummu Seleme dëgjoi Pejgamberin (sal-lAll-llahu alejhi ve selem) të thotë: “O njerëz!” Dhe vrapoi për të dëgjuar ç’po thshte.

Islami me këto ligje i ka dhënë të drejtën si burrit edhe gruas, si dhe i ka mundësuar secilit të punojë punë që i do All-llahu, në shërbim të një shoqërie të pastër, të një familjeje të mbarë, ku femra ka ndjerë më së miri detyrën e të qenit nënë e bashkëshorte dhe mashkulli si baba e bashkëshort, ku secili, para se të kërkojë atë që i takon përmbush atë që e ka detyrë. Kjo e dallon nga qytetërimi perëndimor të cilin e ka mundur interesi e përfitimi material, ku njerëzit edukohen të kërkojnë të drejtat para se të përmbushin detyrat.

Nuk mund të përfytyrohet që në Islam të ketë padrejtësi ndaj femrës, sepse Ai që e shpalli këtë fe nuk është burrë që të tregohet i padrejtë me gratë, por është Zoti i burrave dhe i grave, i Cili krijoi mashkullin dhe femrën dhe që secilit i tregoi atë që i vlen dhe atë që e dëmton në jetë e në besim.

[Lijanna]

Mendoj se kam lindur perseri

Vështroja fletën e zbrazët dhe mendoja se si mund t’i përshkruaja ndjenjat e thella në zemrën time kur pranova besimin: Besimin në një Zot dhe në të Dërguarin e Tij.
Si mund ta përshkruaj gëzimin e njeriut i cili e gjen rrugën e tij në Islam? Mendoj se mund të tingëlloj pak patetike, por vërtet mendoj se kam lindur përsëri. Isha çliruar prej zinxhirëve të mendimeve që më kufizuan mua. Është e mrekullueshme të ecësh rrugës së jetës, të kesh qëllim dhe udhëzim të pastër derisa Allahu është mbi ne dhe Ai na udhëzon neve me mëshirën e Tij gjatë tërë jetës sonë dhe është obligim i yni ta jetojmë atë, në modesti dhe bindje, duke bërë vepra të mira dhe duke falur namazin. Për këtë, ne do të fitojmë shpërblime të mëdha si kompensim.

Unë kam udhëtuar nëpër vende të ndryshme duke shpresuar ta gjej fatin tim, lumturinë, vendin tim në këtë botë dhe nuk e kam ditur se ishte e fshehur në zemrën time duke pritur momentin e duhur për t’u zbuluar. Asgjë nuk krahasohet me qetësinë shpirtërore, dikush e gjen atë gjatë namazit të Sabahut, derisa dielli lind dhe ju përfytyroni madhësinë dhe bukurinë e krijimit dhe Forcën e Krijuesit.

Gjatë fëmijërisë sime, mendimi im për Islamin ka qenë i rremë nga gazetat, televizioni ose mediat e tjera, që shpesh japin informata të mangëta dhe të njëanshme të çështjeve. Megjithatë, si person kureshtar, jam munduar t’i gjej vetes përgjigjet e pyetjeve të mundshme, kështu që kam kërkuar në libra dhe burime të tjera shtesë. Ne kemi lindur me besimin në Zotin, të vulosur thellë në shpirtin tonë. Ky është besimi që na udhëheq neve në kërkimin e përgjigjeve. Kam besuar, por nuk e kam kuptuar. Jam munduar të gjej përgjigjet në shumë kultura dhe popuj, vetëm për të gjetur se filozofitë dhe fetë e tyre ishin të ndrydhura brenda disa grupeve etnike. Kjo nuk ishte ajo që isha duke e kërkuar… Dëshiroja diçka universale, të përjetshme, diçka që nuk është vetëm besim i verbër.

Rruga ime drejt Islamit ishte mahnitëse, plot momente dhe takime vendimtare. Papritmas (nuk e di se si) unë vendosa ta mësoj arabishten. Përderisa ecja nëpër libraritë e Bratisllavës (kryeqytet i Republikës Svollake), duke shpresuar të gjej fjalorë të gjuhës arabe, e gjeta përkthimin çek të Kur’anit. E vështrova atë me një ndjenjë të çuditshme, prej atij momenti diçka donte ta ndryshonte jetën time. Dy muajt në vazhdim ai tekst i Kur’anit kurrë nuk u nda nga çanta ime, vërtet, e studiova atë në stacione të autobusëve, në transport publik, në rrugën deri në punë dhe anasjelltas… Dhe ishte një nga këto momente ‘studimi’ në stacion të autobusëve që
definitivisht e lëkundi jetën time… Por më le të tregoj me rend…

Konsiderohesha e huaj në punë, kështu që nuk fitova agjitacion në vërejtjet e kolegëve në terrorizëm. Vetëm dëshiroja të bëhesha muslimane por nuk e dija se si. Në një të shtune me shi isha duke shkuar në zyre për të bërë detyrat e mia. Isha ulur në tramvaj duke menduar se diku në jug moti mund të jetë shumë më i mirë. Prapa meje dëgjova një grua duke folur me fëmijën e saj gazmor në një fjalor të përzier arabo-sllovak. U ktheva dhe isha e befasuar se shihja një muslimane, me sa dukej sllovake, me një shami në kokën e saj. Ne zbritëm bashkë dhe fatmirësisht ajo më pyeti rreth adresës që nuk mund ta gjente vet. Ne i këmbyem adresat tona dhe pastaj u larguam. Pas tri orëve unë i përfundova punët e mia dhe shkova për tramvaj. Dhe atje e pashë atë përsëri… Në tramvaj ajo më tregoi historinë e saj dhe më ftoi ta vizitoja në shtëpinë e saj. Nuk kisha për të bërë diçka kështu që pranova. Tetë orët vijuese i kalova duke diskutuar me të dhe burrin e saj rreth Islamit. Ishte një ditë para përfundimit të muajit të shenjtë të Ramazanit dhe ditën tjetër ata përgatiteshin për të festuar njërën prej festave më të mëdha të muslimanëve: Fitër Bajramin. Ata më ftuan në xhaminë e Bratisllavës. Gjithmonë e kujtoj me kënaqësi hapin tim brenda asaj xhamie dhe ndjenjat e para… Isha e turpshme por menjëherë e gjeta veten sikur në një familje të madhe, të pranuar ngrohtësisht.

Historitë e grave që i takova ishin të ndryshme: disa të lehta, disa të komplikuara, por ato e kishin një gjë të përbashkët: Islami ishte gjëja më e mirë që kishte ndodhur në jetën e tyre! Isha e mallëngjyer thellë nga historitë e tyre dhe u ktheva në shtëpi me një grumbull librash të cilat i lexova natën vijuese. U zgjova në mëngjes e vendosur në zemër dhe në mendje për ta hapur një kapitull të ri në jetën time. E vura shaminë dhe shkova ta vizitoj shoqen time dhe burrin e saj. Pas pak kohe unë deklarova se besoj thellë në zemrën time qe një kohë të gjatë: 'Dëshmoj se nuk ka Zot tjetër përveç Allahut dhe dëshmoj se Muhamedi është i Dërguari i Tij'

[Lijanna]

Sidra Khan raporton për përpjekjet e Aishe Bhuttas për të konvertuar botën në Islam.
The Guardian (Londër), e enjte, maj 1997 Aishe Bhutta, e lindur Debbie Rogers, është e qetë teksa qëndron në dhomën e madhe të apartamentit të saj, në Cowcaddens, Glasgou (Skoci).
Muret janë të mbushura me ajete nga Kur'ani, ndërsa një orë e veçantë i përkujton familjes kohët e namazit. Fytyra tipike skoceze e Aishes është e mbuluar me kujdes nga shamia
Për një vajzë të mirë të krishterë skoceze konvertimi në Islam dhe martesa me një musliman është e jashtëzakonshme, por Aishja ka shkuar më tej, duke u bërë shkak për konvertimin e prindërve të saj, të pjesës më të madhe të familjes dhe të paktën të 30 miqve dhe fqinjëve.
Aishja e ka takuar atë që do të bëhej bashkëshorti i saj, Muhamedin, që kur ishte 10 vjeçe, pasi ai ishte klient i rregullt i dyqanit të familjes së saj. Shpesh ajo do e shihte atë teksa falej.

"Veprimet e tij ishin plot qetësi dhe paqe. Ai më tregoi se ishte musliman dhe unë e pyeta se çfarë është një musliman", tregon Aishja. Më vonë, me ndihmën e tij ajo nisi ta merrte në konsideratë Islamin. Ajo vendosi të konvertohej në moshën 16-vjeçare.
"Kur thashë shehadetin, ishte si të hiqja nga shpatullat një barrë të rëndë. U ndjeva si një foshnjë e porsalindur."
Në moshën 17-vjeçare ajo kishte lexuar tërë Kur'anin në arabisht. "Çdo gjë që jetoja, kishte kuptim", thotë Aishja.
Me gjithë konvertimin e saj, prindërit e Muhamedit ishin kundër martesës së tyre. Ata e shihnin atë si një vajzë perëndimore që do t’i jepte familjes një emër të keq. Babai i Muhamedit besonte se ajo ishte "armikja më e madhe".
Megjithatë, ata u martuan, edhe pse babai i tij nuk ishte dakord. Me kalimin e kohës, Aishja u bë pjesë e familjes. Gjashtë vjet më pas, Aishja i hyri një misioni për të konvertuar prindërit e saj dhe pjesën tjetër të familjes në Islam (me përjashtim të së motrës). "Bashkëshorti im dhe unë u morëm me prindërit e mi dhe u treguam atyre për Islamin."
Babai i Aishes ishte një “kockë e fortë”, prandaj ajo kërkoi edhe ndihmën e nënës së saj, që sapo e kishte pranuar Islamin.
"Mamaja ime (e cila tashmë ka vdekur nga kanceri) dhe unë i flisnim babait për Islamin dhe një ditë ishim ulur në sofanë e kuzhinës kur ai tha: "Cilat janë fjalët që thuhen kur pranohet Islami?"

Tre vjet më vonë, vëllai i Aishes e tha shehadetin "në telefon". Pas tij e pranuan Islamin gruaja dhe fëmijët e tij, të ndjekur nga djali i motrës së Aishes. Por ajo nuk u ndal me kaq. Pas konvertimit të familjes së saj, Aishja e përqendroi vëmendjen te Cowcaddens.

Çdo të hënë, për 13 vitet e fundit, Aishja ka mbajtur kurse për Islamin për gratë skoceze. Deri tani ajo ka ndihmuar në konvertimin e mbi 30 grave me formime kulturore të ndryshme. Trudy, për shembull, një mësimdhënëse në Universitetin e Glasgout dhe një ish-katolike, e ndoqi kursin e Aishes sepse i duhej për një kërkim të sajin, por pas gjashtë muajsh u konvertua në Islam, por nuk e ka veshur hixhabin dhe nuk i ka treguar ende familjes së saj.
Kursi i Aishes sot ndiqet edhe nga vajza muslimane të tunduara nga idetë perëndimore, nga muslimane praktikuese të fesë, të cilat duan një forum për të debatuar, si dhe nga gra të interesuara për Islamin.

[Shqiptare]

Burri im i dashur!


Mbase ndonjëherë do të mendosh se ke bërë një gabim që më ke zgjedhur për bashkëshorte të jetës, dhe kjo mund të të pengojë në bashkëveprimet ditore që kemi. Me kohë frikohem se dashuria jote do të shndërrohet në urrejtje, durimi yt do të kalojë në zemërim dhe situata e qetë mes nesh do të zbehet.

Burri im i dashur!

Ndoshta kur jeta kalon në fazën e ndezur me tensione dhe gjen veten i zënë me shumë punë, ndodh që nuk do të kesh kohë për mua dhe kohën që do duhej ta kaloje me mua do humbiste. Me një sinqeritet do të jap aq sa mundem që të të bëj të lumtur në jetë. Por a nuk është e drejtë që edhe unë të kem përkujdesjen tënde? Do të shikoj të jem e vëmendshme, por kam frikë se në sytë e tu mund të duket e padrejtë dhe e gabuar. Pra, më fal dhe më buzëqesh, ashtu siç e përshkruante të Dërguarin (a.s) nëna e besimtarëve Aisha (r.a).
Dhe në këtë mënyrë, shpresoj se do të më vlerësosh për virtytet e tjera që kam. Allahu në Kuran, Ai, i Cili na bashkoi në martesë dhe vendosi dashurinë në zemrat tona:
“O besimtarë! - nuk ju lejohet të bëheni përdhunisht trashëgimtarë të grave dhe mos i pengoni ato me qëllim që t’ua merrni një pjesë nga dhuratat që ua keni dhënë, përveç nëse bëjnë gabime sheshazi. Jetoni e silluni mirë me to! Në qoftë se ato nuk ju pëlqejnë aq shumë, (duroni!) sepse është e mundur që juve të mos ju pëlqejë diçka, por që Allahu në atë do t’ju sjellë shumë të mira.” (Nisa: 19)
Po ashtu, i Dërguari i Allahut (a.s) ka thënë: “Besimtari me besim më të plotë është ai që e ka karakterin më të mirë, kurse më i miri prej jush është ai që është më i mirë për gruan e tij.” (Tirmidhiu)
Burri im i dashur!

Duhet ta dish se nuk ka krijesë njerëzore që nuk gabon, vetëm Allahu, i Përjetshmi, është i Përkryer.
Nuk është e drejtë për ty apo për mua që thjesht t’ia marrim gabimet dhe të metat njëri - tjetrit në llogarinë tonë, derisa të metat tona t’i lëmë anash. Do të mundohem të jem një bashkëshorte besnike ndaj teje dhe të dëgjoj gjithmonë, por shpresoj se do të më falësh dhe harrosh kur gaboj.
I kam lënë prindërit, vëllezërit e motrat e dashura që të jem me ty. Dua që të ma mbushësh zemrën me dashuri. Të më dashurosh si një rrebesh shiu. Nuk dyshoj aspak që të kam zgjedhur bashkëshort. E çmoj devotshmërinë tënde çdo ditë dhe devotshmëria jote të bën të dukesh si njeriu më i mirë për mua.
Më kujtohet ngjarja e shokut të Profetit (a.s), Ali bin thalib (r.a), kur është pyetur nga një njeri: “Kam një vajzë, me kë ta martoj?”
-Aliu (r.a) iu përgjigj: “Ajo duhet të martohet me njeriun që ka devotshmëri në zemrën e tij. Nëse ky njeri e do, ai do ta bëjë të lumtur, e nëse nuk e do, nuk do ta lëndojë asnjëherë.”
Ne fakt ti je ky. Elhamdulilah, burri im i dashur, dashuria jote më bën të ndihem si gruaja më e lumtur në botë.
Ndoshta kur ndodhemi para një situate të vështirë, për shkak të gabimeve të mia, dhe në këtë moment ti do të dëshiroje të kishe një grua më të mirë, të lutem bëhu i ndërgjegjshëm, egoizmi dhe moskujdesi yt mund të më drejtojë në sjellje jo të mira. Të lutem, m’i përmirëso gabimet e mia me butësi dhe mirëkuptim, mos u bë i ashpër ndaj meje.
Nëse sheh ndonjë të metë në anën time, kujtoje mesazhin e Profetit (a.s) drejtuar neve.
“Le të mos e urrejë besimtari besimtaren. Nëse ndonjë gjë nga ajo nuk i pëlqen, ndoshta mund t’i pëlqeje diçka tjetër.” (Muslimi)

Burri im i dashur!

Të lutem të kërkosh riskun në hallall, sepse burri duhet të marrë përgjegjësinë mbi familjen e tij të dashur. A nuk na ka mësuar i Dërguari (a.s), kur Muavije ibn Hajde (r.a) ka pyetur të Dërguarin se çfarë detyrash ka secili prej nesh ndaj gruas së vet?”
(Pejgamberi tha: “Ta ushqesh kur të ushqehesh vetë, ta veshësh kur këtë e bën për vete, mos ta mallkosh dhe mos ta lësh vetëm askund përveç në shtëpi.” (Hadith hasen, transmeton Ebu Davudi i cili thotë: “Mos e qorto” e ka kuptimin, mos i thuaj “Allahu të shëmtoftë”) që do të thotë se burri duhet të përmbushë nevojat për familjen e tij.
Mos u bë i ashpër ndaj meje, sepse Profeti (a.s) nuk ka qenë asnjëherë i ashpër ndaj grave të tij.

Burri im i dashur!

Më kujtohet një hadith nga profeti Muhamed (a.s):“Kjo botë është dëfrim, kurse dëfrimi më i mirë i saj është gruaja e ndershme.”. (Muslimi)
Do mundohem të jem thesari yt më i madh, ashtu si unë e ndiej se ti je thesari im më i madh.

Burri im i dashur!

A e di shpërblimin që do të marrësh nga Allahu në ahiret? A e di se cili është shpërblimi për ata që sillen drejt ndaj grave të tyre? Shiko me sy, zemër dhe kuptoje këtë hadith: “Ata që janë të drejtë, në Ditën e Gjykimit do të marrin fronin prej drite. Ata janë njerëz të drejtë, me dëlirësinë e tyre ndaj grave të tyre dhe njerëzve për të cilët janë përgjegjës. (Muslimi)
Lus të jesh njëri prej tyre dhe unë të jem mbretëresha në pallatin tënd të bukur. Po mundohem të jem thesari yt më i çmueshëm në këtë botë dhe në tjetrën. Kur të jesh i lirë, më mëso me diturinë që Allahu të ka falur. Nëse nuk ke kohë, më lejo të përfitoj diturinë e Islamit në ndonjë mënyrë tjetër.
Sidoqoftë, unë nuk do harroj përgjegjësinë që kam si grua, që më vonë të jem një mësuese për djemtë dhe vajzat e tua. A nuk është nëna mësuesja e parë për djemtë dhe vajzat e saj?

Do dëshiroja t’i mësonim fëmijët tanë se bashku, që të jenë bartës të flamurit dhe të jenë në mesin e të devotshmëve. Dua të jem një grua besimtare, që ta sjell familjen time në xhenet.


O Allah, i Vetmi që nuk ke shok, Ti je dëshmitar në këtë lidhje martesore. Kam rënë në dashuri me bashkëshortin tim. Bëje këtë dashuri ndaj tij, ashtu që të përforcoj dashurinë ndaj Teje, por, lutem po ashtu, që dashuria ime ndaj tij të mos e kalojë dashurinë ndaj Teje. Bëje këtë dashuri kuptimplote. Më mbro zemrën time, që të mos të të harroj kurrë. Bëje këtë dashuri për mua, që të mos kalojë dashurinë që ai ka ndaj Teje, dhe bëje dëshmor për hirin Tënd. Bëje dashurinë dhe lutjen e tij ndaj meje të tillë që ai të mos e harrojë xhenetin. Nëse dashuria ime ndaj tij më bën që të harroj, më përkujto dhe më udhëzo, mos më bë prej të humburve.


O Allah i mbushur me dashuri, që dhuron butësi, Ti e di nëse zemrat tona janë në pajtueshmëri dhe se mund ta duam njëri - tjetrin. Na bë njerëz të dëgjueshëm ndaj Teje. Na bë që ta mbrojmë së bashku ligjin Tënd. Bëje këtë lidhje të fortë. Bëje këtë dashuri të përhershme. Na udhëzo në rrugë të drejtë. Na i mbush zemrat me dritën Tënde, e cila asnjëherë nuk shuhet. Na i zgjero zemrat me besim dhe zbukuroje të dorëzuar në rrugën Tënde. Gruaja jote.


Dina Istova

[Shqiptare]

Më shumë do të doja të ndihmoj një motër nga feja, kur i nevojitet ndihma ime, se të qëndroj në xhami një muaj duke bërë ibadet.
Sa e rëndë është jeta e injorantit i cili e zvarritë bëmirësinë dhe ik prej saj!

Njeriu do të pyetët për të gjitha shpenzimet e tij që i ka bërë, pra oj motër e dashur dhe e nderuar, ke kujdes për veprat tua dhe pasurinë ku e harxhon. Kujdes në cfarë gjendje do të dalësh para Krijuesit tënd. Ki kujdes nga ndalesat e All-llahut xh.sh. sepse do te jesh e devotshme.
Kënaqu me të mirat që të ka dhënë All-llahu xh.sh. sepse do të jesh e shpëtuar në ahiret dhe e nderuar dhe e respektuar në dunja.
Nuk do të arrini atë që e dëshironi përderisa t’i plotësoni pasionet trupore, ndërsa nuk do t’i realizoni shpresat tuaja përderisa të mos jeni të përmbajtura në vuajtje.
Mos të harrojmë se durimi është thesari i xhennetit dhe mund ta arrijmë nëse përmbahemi pak. Nuk është e thjeshtë vlera e arritjes dhe e kënaqësisë te All-llahu, sepse me këtë mundet t’i përballoni të gjitha sprovat. Për këtë kemi ajetin kur’anor ku All-llahu xh.sh. thote: “Kush bën durim dhe falë s’ka dyshim se kjo është virtyti më i lartë.“ (42:43)
Motër e nderuar, kurrë nuk mund të bashkosh besimin dhe pabeseinë. Si mund ta quhesh besimtare, kur i anashkalon shumë vargje kur’anore dhe fjalë profetike?! Vallë a nuk ka deklaruar i Dërguari alejhisselam se: ”Nuk ka besim ai i cili nuk i besohet, dhe as fe ai i cili nuk i kryen premtimet“
Mos të harrojmë për premtimet që na i ka thënë All-llahu për ruajtje nga shejtani dhe zjarri i xhehennemit nëse posedojmë këto katër cilsi:
-të përmbajturit në frikë,
-të përmbajturit në nxitim,
-të përmbajturit në zemërim dhe
-të përmbajturit në lakmi.
Të edukojmë vehtën që të vrapojmë pas cilësive dhe gjërave të mira, sepse vetëm posedimi i tyre na zbukuron para se të na vije dita e zbukurimit, ato janë: të vrapojmë pas diturisë më shumë se pas pasurisë dhe trashëgimisë, të posedojmë edukatë, që të kemi fytyrë të ndritur, të jemi të devotshme sepse është siguri për ne, të jemi adhuruese sepse do të jemi fituese, të kemi mendjen udhërrëfyese në të mirë, sepse atëherë posedojmë edhe sjellje të mirë dhe shoqëri të shëndoshë, të kemi butësi, sepse posedojme ndihmen me të madhe, ta përkujtojmë vdekjen sa më shpeshë sepse është predikuesi më i mirë.
Besimtarja e mencur dhe mendjemprehtë e shton frikën e vet ndaj denimit të All-llahut xh.sh. sa herë që All-llahu xh.sh. ia shton të mirat.
Motra ime besimi i vërtetë është ai që është skalitur thellë në zemër dhe cilin e dëshmojnë veprat e mira.
Oj motër e nderuar, bëhu shumë e kujdesshme, ngase njeriu shpesh konsumon ushqim që nuk i lejohet, futet atje ku nuk e ka vendin dhe rrin në shoqëri e cila e ndryshon, dhe kështu pak nga pak, ik besimi e që ti nuk e vëren fare .
Duke medituar rreth këtyre vargjeve, po ndeshemi me ushqimin, vallë aq rëndësi paska se cfarë ne konsumojme?! Do të thotë që mvaret besimi ynë këtu? Si është halli yt që t’i konsumon duhanin? A e ke pyetur vetën tënde ndonjëherë, pse pi duhanin? Cka përfitoj prej tij? A është i lejuar apo i ndaluar? Kush e ndaloi e kush e lejoi? A më ka hije të veproj këtë vepër? A është lëmoshë nga pasurija ime apo mëkat që do të më revanshohët nj ditë?!
Motër e dashur dhe e nderuar, oj ti e cila gjindesh në këtë gjest të ulët femror, përpiqu për ta gjëtur përgjigjen e cila është e gjallë dhe e freskët në vargjet e arta “Cdo gjë që bën dëm në organizëm është haram“, a thua vallë mos e ke të ngulitur në kokën tënde se e ke të lejuar?!
E nderuar motër në fjalë, mos e gënje vehtën dhe të tjerët se gjoja ke halle dhe derte dhe po i shuan me konsumim te duhanit.
Mos kërko kënaqësi dhe prehje në të ndaluar, sepse nuk ka dhe nuk gjen. Kënaqësia dhe prehja është në tri gjëra:
-në namaz,
-në lexim dhe meditim të Kur’anit dhe ne
-dhikër.
Nëse nuk gjen kënaqësi këtu, dije se dyert i ke të mbyllura, andaj përpiqu t’i hapësh.
Pejgamberi i All-llahut alejhisselam ka thënë: ”Në këtë botë njerëzve nuk u është dhënë gjë më e mirë se besimi i fortë dhe shendeti i mirë.
Luteni All-llahun xh.sh. t’u dhuroje besim të fortë dhe shëndet në jetë!“
Sa madhështor është ky citat profetik për atë që din të mendojë. A nuk vijmë te një konkluzë e shëndosh dhe e fortë që, kush ka iman te fortë, është durimtar në vuajtje dhe aktiv në vepra fetare. Ndërsa shëndeti është një e mirë prej të mirave të All-llahut mbi ne.
Atëherë e nderuara motër, oj ti e cila e shkatëron shëndetin tënd me atë tym të zi, kujdes për këtë mëkat dhe mundohu të jesh nën hijën e kësaj duaje të pranuar, që të jesh në mesin e atyre të cilët i përfshinë shefati i këtij burri fisnik dhe i cili është më i dashuri tek Krijuesi ynë dhe i gjithsisë.

E lusë All-llahun që të na i bëj të urrejtura edhe neve gjërat të cilat i urren Ai, dhe të na i bëj të dashura gjërat të cilat i don Ai, me shpresë që ta fitojmë dhuratën më të madhe që ka përgatitur për robërit e Tij besnik e të sinqertë që ta shohim Nurin e Tij. Amin!

[Shqiptare]

Pas shumë viteve me mund, pa u ngopur gjumë, dhe pa qenë e lirë nga streset e provimeve, erdhi dita e shumë pritur e diplomimit. Ditë vërtetë e gëzueshme, ditë që duket sikur shëndritë më shumë së ditet e tjera, ashtu të bie në mend së pas çdo vështiresie vie lehtësimi, së pas errësires vjen drita, së pas lodhjes vjen pushimi.

Kjo u shpreh edhe nga të afermit e ngushtë të familjes, gjithashtu edhe nga fëmijet, të cilët sikur në rastin e festës së Bajramit, shfrytëzova rastin t’i veshja në këtë ditë. Kishte kaluar kohë e gjatë të cilet nuk i ishin gëzuar një dite më nënën e tyre, si të ja bëjnë, kështu e paska kur ke nënën shumë ambicioze. Sa për bashkëshortin, ai tërë atë që ka kuptuar nga martesa është se studenteja duhet studiuar, së studimi është prioritet dhe se tjerat vijnë pas. Edhe tek ai shihej një lloj gëzimi, por jo edhe aq ngazëllyes, sigurisht së nënkuptonte se më pas do të pasonte shkalla tjetër e sfidës. Sepse diploma duhet “paguar”, dhe nuk ja vlenë gjithë ai mund me kot. Si do të ja bënte i shkreti, ose të duronte ose të linte fëmijët pa nënë.

Kështu jemi ne njerëzit, kur marrim tëposhtëzën sikur guri që rrokulliset posht një kodre, në çdo moment shpejtësia vetëm vjen e shtohet. Por edhe pse rrokullisemi mendojmë se ja vlen kështu, derisa të mos na lëkund drita e së vërtetës e të zgjohemi dhe të këndellemi.

Edhe kësaj dite ju afrua muzgu i mbrëmjes, të lodhur nga një ditë e lëvizshme të gjithë i zëri gjumi, por unë sikur doja që kjo ditë të zgjatej edhe më shumë e bashkë me të edhe gëzimi im. Shikoj drejtë femijeve të mi, dhe duke marrë frymë thellë, me bindje se tani edhe atyre u kishte ardhur koha të ishin më të lumtur së më parë, dhe më pas më paraqiten skenat e jetës së tyre të deri atëhershme. Sa herë isha detyruar t’i dërgoja te fqinjet, duke i lërë të qajnë, dhe gjithnjë duke u thënë: mami kthehet shpejt, mami kthehet shpejt! Sa herë kishte ndodhur që kur provimi ishte afër t’u britja të gjthëve, dhe i kisha bërë fëmijët që të mos e duan as librin. Nganjëherë edhe i vendosnin lodrat e tyre sipër librit, kurse unë u kërcënohesha së ishin të paedukatë, të pa kuptueshëm…

Ata nuk e kishin pasur rastin që nëna tyre t’u ofronte një jetë më dinjitet, me përkujdesje, por tërë atë që kishin mësuar ishte së nëna tyre ishte e zënë. Shumë rrallë kishin përjetuar që nëna e tyre të i gëzonte duke u përgaditur ushqim shtëpie pos atyre të shpejta nga qyteti, ose ushqime të ftohta. Shumë rrallë u kishte treguar nëna e tyre tregime-edukuese, të cilat i kishte zëvendësuar me programe, e me filma vizatimor televiziv. A ishin ata fajtor së nëna e tyre nuk kishte diplomuar para martesës, a ja vlenë që ambicia ime e sëmur të paguhej në shpatullat e tyre të njoma?


Pastaj më u kujtua bashkëshorti, i cili përkundër të gjitha mundimeve, kur i vinte ne fyt puna ime më thoshte: “Nuk jam martuar për ta shkolluar një studente, për t’u ber nënë dhe baba, mos më detyro të bëhëm i keq ndaj teje,…”, por pastaj i kalonte dhe bënte durim, vetëm më qellim që të mos shkapërdedhej familja.

Me u kujtua se kur është pyetur Omeri, radijallahu anhu, se cilat janë obligimet e babait ndaj fëmiut, të parën e ka përmendur: "t'i gjejë një nënë të mirë", meqë nëna e mirë di si ta edukojë fëmijën e saj.

A nuk ka ndoj menyrë tjetër që do të mi shuante ambiciet të cilat po i paguaj në shpinden e familjes? Sikur të kisha ambicie të pastërta sigurisht se nuk do veproja kështu! Sikur të kisha ambicie për hirë të Allahut sigurisht se do të gjeja një balancim, sepse dija për hirë të Allahut nuk qendron mbi themele të dëmtimit të shtepisë, të familjes, por duke i dhënë përparësi dhe të drejtë sëcilit ashtu sicc e meriton.

Pastaj me u kujtua hadithi i Pejgamberit, salallahu alejhi ve sel-lem: ”Secili ka hak ne ty, … si dhe hadithi "Burri është bari në kopenë e tij dhe përgjegjës për familjen e tij. Dhe gruaja është bareshë në shtëpinë e burrit të saj dhe përgjegjëse për familjen (fëmijët)" (Buhari, Muslim).

Cila bareshë isha unë, për çfarë u përkujdesa deri më tani?

Pastaj bahkëshorti u zgjua dhe pasi kuptoj se kisha qajtur, i habitur me pyeti se çfarë kishte ndodhur ?! A dëshiron të aplikosh për punë apo ta lësh mësimin, apo si është puna?! Jo i thash, nuk dua ta lë mësimin, por dua ta lë gabimin, nuk dua të ja kthej shpinden institucionit më të dashur dhe më të shtrenjtë për mua e t’i drejtohem institucionit në të cilin as që kam ndonjë vlerë pos po pati përfitim nga unë!
Dua të jap maksimumin tim ndaj jush që pastaj nësë gaboj, të kam të drejtë që të e kerkoj hallallin nga ju, ti ndoshta më kupton por a më kuptojnë këta voglusha, a më falin, apo ende janë të gatshëm të sakrifikojnë për mua,!…

---------------

Te gjithe duhet menduar per gabimet tona dhe te themi "Askush nuk na ka faj, nese...."

[Murgesha]

Përshëndetje Shqipe.
E lexova deri në fund rrëfimin e kësaj "nëne" që paska gjet më në fund ngushëllimin e vuajtjeve të studimeve, e e paska parë "gabimin" deri në pendim.
Nëse do të ishte kjo e vetmja nënë që paska pas fatin të shkollohet e i paska vuajtë familja kaq shumë për te do ta kuptoja e arësyetoja.
Raste të studimeve të nënave gjen me miliona e po të ishte se u dashka pendimi e të cilësohet gabim marrja e dijes ku do të përfundonte njerëzimi?

Si duket ajo nuk ka mundur ta ndaj kohën në mënyrë racionale por ju paska përkushtuar vetëm mësimit e i paska lënë anash të gjitha e tash ne u dashka të marrim mësim prej saj.
Të lutem Shqipe shiqoji pak këto gjëra nga një tjetër kënvështrim. Shiqo shembujt e tjerë kur gruaja e arrin suksesin në mësim e është edhe nënë e bashkëshorte e devotshme.
Shiqo vetëm në vendlindjen tënde sa gra të shkolluara ke, e më thuaj se a janë ato të gjitha nëna e bashkëshorte të dështuara.

Më vie keq për ty Shqipe që nuk arësyeton e gjykon me një logjikë të shëndoshë.

Ps. Kam lexuar prej teje diku se ti nesër e shef veten vetëm si nënë të mirë e duke u përkujdes për fëmijët e bashkëshortin deri në përkushtim.
Nuk ka gjë të keqe nëse vepron ashtu, se kjo është bazë e jetës edhe te shumë nëna tjera pavarësisht nëse shkollohen apo jan në marëdhënie pune.

Murgesha!

[ATEIST]

[ATEIST]

nje menyre efikase qe perdoret ne vendet islamike per te vene ne dukje barazine midis burrit dhe gruas. ajo cka shkruan libri interpretohet ne kete menyre nga te gjithe burrat arabe. nuk besoj se te gjithe gabojne ne interpretim.

[Preshevar]

Postimi origjinal është bërë nga ATEIST

nje menyre efikase qe perdoret ne vendet islamike per te vene ne dukje barazine midis burrit dhe gruas. ajo cka shkruan libri interpretohet ne kete menyre nga te gjithe burrat arabe. nuk besoj se te gjithe gabojne ne interpretim.

Edhe Shqiptart jan shumica musliman, por kush dul me i rrah grat në publik ?!

*Afganët nuk jan arabë.

[Preshevar]

Femra shqiptare përballë modernitetit ballkanik

Prof.dr.Ruzhdie QAFMOLLA



Femrat, për vetë përgjegjësinë e tyre shumëdimensionale, janë të përfshira në menaxhimin e të gjithë hallkave kryesore të shoqërive. Ato ndikojnë veçanërisht në procesin e ngritjes dhe mbajtjes së familjes, dhe po ashtu, ndonjëherë marrin role vendimtare në dinamikat që ka zhvillimi i vendit.
Femrat mund të veprojnë edhe si drejtuese në momente kritike. Në mënyrë që roli i tyre kryesues të kryhet sa më mirë në menaxhimin e çështjeve, ndihmesa e tyre është një domosdoshmëri. Por gruaja, përpara se të pranojë këtë përgjegjësi, duhet të jetë edukuar dhe pajisur shpirtin e saj me morale të pastra dhe kulturë sa më të lartë. Kjo sjell një funksionim të plotë të qenies së saj, lidhur me fushat kulturore, sociale, politike etj, edhe në kushtet më kritike, në të cilat mund të kalojë një shoqëri.
Fusha më e rëndësishme që duhet prekur thellësisht nga femrat është ajo e edukimit, arsimit e kulturës. Ajo që duhet pasur parasysh në menaxhimin e së ardhmes është që femrat të shihen si leva të forta në këto fusha.
Ndërkohë që në planifikimin e një të ardhme më të mirë për femrat shqiptare duhet të merren parasysh karakteristikat e një menaxhereje, një nëne ose një femre në udhëheqje të detyrave që ngarkon shteti. Duke u bazuar në studime, rezulton se femrat zotërojnë karakteristika dalluese të vetat. Por këto vlera, që Zoti i dha femrës, shfaqen dhe rrezatojnë plotësisht vetëm atëherë kur një femër pajiset me dituritë e nevojshme dhe kulturën e fesë e të besimit, që është shkalla më e lartë e përkushtimit dhe ngritjes morale të çdo qenieje njerëzore.
Femrat, nga ana tjetër, për vetë ndjeshmërinë, të dhuruar nga Zoti, ndihen të detyruara t’i mbajnë përgjegjësitë e tyre më me maturi. Një studim, i kryer me 20 gra të suksesshme, tregon se ato në përgjithësi kanë vendosur një marrëdhënie të fortë me kolegët e tyre, kanë qenë të përgatitura nga ana profesionale dhe kanë qenë prej atyre që e besojnë Zotin dhe ndjekin rrugën e moraleve të pastra. Ky do të duhej të ishte edhe shembulli i femrës shqiptare.
Nga ana tjetër, që të arrihet kjo te ne, femrat duhet të ndihen të sigurta, të gëzojnë të drejtat e tyre, që ua ka dhënë Zoti, duhet të ndjekin shembuj qëndrueshmërie emocionale, që e kemi të prezantuar më së miri në shëmbëlltyrën e Hz.Hatixhes, gruas së profetit Muhamed (a.s). Gjithashtu, këtë shëmbëlltyrë e hasim edhe tek shumë femra, në periudhat kur kultura islame arriti kulmin e saj, si në lindje, ashtu edhe në perëndim.
Karakteristikat e lindura të grave i kanë bërë ato më të suksesshme në disa fusha. Kështu, nëse karakteristikat e tyre menaxhuese bashkohen me dije dhe aftësi të përshtatshme, atëherë ato mund të gjejnë zbatim dhe në shumë fusha të tjera sociale dhe politike, si p.sh: veprimtaritë sociale, shëndetsore dhe artistike. Përveç kësaj, studimet psikologjike e nxjerrin imazhin e gruas si shumë të ndjeshme dhe të brishtë, në rast të ndonjë tensioni apo shqetësimi. Në këtë mënyrë shohim se në menaxhimin e krizave në shoqëritë përkatëse shpeshherë ka nevojë për një bashkërendim të çështjeve edhe me burrat.
Eskilson (1976) beson se menaxheret femra solidarizohen me tepër nga burrat me anëtarët e grupit të tyre. Përhapja e solidaritetit, ndër anëtarët e një shoqërie, krijon një lloj harmonie dhe bashkimi, që u jep hov veprimtarive të tyre.
Përforcimi i grave, përveç të tjerash edhe me besimin islam, është një nga detyrat e rëndësishme të grave elitare, të menaxhojnë krizën që ballafaqohet jo vetëm në shoqërinë shqiptare, por edhe atë kosovare e kudo qoftë. Vetëm duke u pajisur me kulturë Islame, femrat do të kenë forcë që të vendosin dhe të përballojnë si duhet gjithçka që u del para.
Kjo që po themi merr vlera edhe më të mëdha në Kosovë, Bosnjë e disa vende tjera të Ballkanit, ku femra dhe familja u godit më së shumti nga makineria gjakatare serbe. Duke rritur besimin te Zoti, duke e pasuruar atë me kulturën islame, femrat kosovare dhe të tjerat, do jenë në gjendje të japin më shumë ndihmesë për gratë, në zonat ku kanë ndodhur fatkeqësi. Kështu, ne mund të përgatisim një terren më të përshtatshëm për bashkëpunim me familjet e tyre, por edhe me vet viktimat që kanë mbijetuar. Procesi i dhënies së ndihmës duhet, së pari, të konsistojë në gjetjen e mënyrave për forcimin e bindjeve fetare, mbulimit të disa nevojave njerëzore të tyre etj.
Nëse përforcimi i grave shqiptare me besimin islam mund të zbatohet si duhet si një instrument aktiv, atëherë do të zbulohej një faktor shumë i rëndësishëm për zgjidhjen e shumë krizave, me të cilat ballafaqohet femra sot. Përveç kësaj, duhet të vihet në dukje se edukata familjare luan një rol shumë vendimtar në arritjen e përforcimit të karakterit të gruas. Duke u mbështetur në kulturën islame dhe edukatën e shëndoshë familjare, dilema sociale dhe morale e viktimës mund të zgjidhet shumë më shpejt. Është e qartë, se sa më shumë shtohet kultura njerëzore, aq më e madhe është mundësia e sigurimit të mirëqenies.