Dora e gjatë e Amerikës mbërrin deri në Kosovë

[murrizi]

Unë thënë të drejtën pata të vendos mes këtij tiulli që i kam vënë më lartë, dhe: O makresh oooou, mos t'kan zon ej ?

Arrestohet një kosovar për dyshime në lidhje me terrorizëm

Njësia Anti-Terrorizëm e Policisë së Kosovës nën mbikëqyrjen e prokurorit të EULEX-it, nga Prokuroria Speciale e Kosovës ka arrestuar një mashkull kosovar në regjionin e Mitrovicës sot në mëngjes dhe kjo ka qenë një kërkesë për ekstradim nga Shtetet e Bashkuara të Amerikës...
Postuar: 11:59:49 / 17.06.2010 www.rtklive.com

Njësia Anti-Terrorizëm e Policisë së Kosovës nën mbikëqyrjen e prokurorit të EULEX-it, nga Prokuroria Speciale e Kosovës ka arrestuar një mashkull kosovar në regjionin e Mitrovicës sot në mëngjes dhe kjo ka qenë një kërkesë për ekstradim nga Shtetet e Bashkuara të Amerikës, tek organet kompetente të Kosovës. Prokurori Publik i Shteteve të Bashkuara për Qarkun Lindor të Karolinës së Veriut e ka akuzuar të pandehurin për dy vepra: sigurimi i përkrahjes ose resurseve materiale për terroristë, përkrahje për terrorizëm dhe planifikim të vrasjes, rrëmbimit, gjymtimit, ose lëndimit të personave apo dëmtimit të pronës në ndonjë shtet të huaj.

Urdhër-arrestimi dhe bastisja e shtëpisë janë autorizuar nga gjykatësi i procedurës paraprake i EULEX-it në Gjykatën e Qarkut në Mitrovicë. Hetimi i këtij personi do të vazhdojë në Shtetet e Bashkuara të Amerikës, kur edhe do të bëhet ekstradimi i këtij personi.