Keshilla per muslimanet

[hasanmehmeti]

Sheikh Abdulmuhsin ibn Muhammed El-Kasim

(Imam dhe ligjërues në xhaminë e Pejgamberit alejhis-selam)


Falenderimet i takojnë Allahut, falja dhe përshëndetjet qofshin mbi të Dërguarin e Allahut, mbi familjen e tij, shokët e tij dhe ata që i pasojnë ata deri në ditën e Kijametit.

Feja islame është feja që sjell lumturi dhe siguri. Allahu i madhëruar ka urdhëruar që ta përhapim atë nëpër horizonte. Me dritën e saj ndriçohen arabët dhe joarabët. Allahu ua ka bërë detyrë gjithë popujve që ta pranojnë atë dhe çdo fe tjetër veç saj nuk është e pranuar. Allahu i Madhëruar ka thënë:
“E kush kërkon fe tjetër përveç Islamit, atij kurrsesi nuk i pranohet dhe ai në botën tjetër është nga të dëshpëruarit.” (Ali Imran: 85)

Rrugët që ndihmojnë në udhëzimin e njerëzve që në kohën e Pejgamberit alejhis-selam kanë qenë nga më të shumtat, këshilla, letrat, hytbja dhe në këtë kohë është shumë e lehtë që fjalën ta çosh në cepat më të largët të tokës në një kohë shumë të shkurtër në të cilën më parë nuk mund ta çoje atë fjalë as në cepat e fshatrave apo qyteteve. Islami bëri që muslimanët të bashkohen në festën e përjavshme, në të marrin udhëzimet e fesë së tyre dhe urdhërat e ligjit të tyre, në një një fjalim (hytbe) me fjalë të shkurtëra që përmbajnë kuptim të madh dhe që kanë një ndikim të rrallë. Hytbet e dy Haremeve të Shenjta zënë një vend shumë të madh në zemrat e muslimanëve, arabët i njohin dhe kuptojnë fjalët e tyre ndërsa të tjerët heshtin dhe i dëgjojnë me vëmendje dhe zemrat e tyre përpiqen që t`i kuptojnë me sa të kenë mundësi. Muslimanët në gjithë botën janë vëllezër edhe pse janë larg njëri-tjetrit. Prandaj me qëllim që t`i kënaqim ata, t`i bashkojmë mendjet e tyre dhe që ta shuajmë etjen e tyre po ju dërgojmë atyre çdo ditë të xhumaje përkthimin e hytbeve të dy Haremeve që ata t`i kuptojnë ato dhe të punojnë sipas udhëzimeve që ka në to.

Lusim Allahun që t`i njësojë rreshtat e muslimanëve dhe ta bashkojë fjalën e tyre në të vërtetën. Me të vërtetë Ai është i mundshëm për këtë gjë. Falja dhe përshëndetjet qofshin mbi pejgamberin tonë, Muhammedin, mbi familjen dhe gjithë shokët e tij.