Shqiptarët dhe Fëlliqedonia (!?)

[Bajlozi i Zi]

Një ngjarje e shëmtuar ka ndodhur në kryeqytetin e
Maqedonisë, Shkup, ku janë rrahur barbarisht 15
nxënës shqiptarë.

Ngjarja ndodhi në autobusin që
transportonte nxënësit e fshatit
Çiflik, ku në automjet hynë 20
persona të maskuar të cilët kanë
qenë autorët rrahjes së fëmijëve.
Nga raportimet e para bëhet e
ditur se 3 prej 15 nxënëseve
ndodhen në gjendje të rëndë në
spital.
Ngjarja ka ndodhur në orët e pasdites së të
mërkurës.
Ndërsa nga Ministria e Punëve të Brendshme të
Maqedonisë, ende nuk ka pasur asnjë reagim zyrtar.
Kjo ngjarje vjen fill pas një tjetër episodi me
karakter etnik në vendin fqinj, ku vetëm pak ditë më
parë mbetën të vrarë dy shqiptarë të cilët u qëlluan
nga policia maqedonase në qytetin e Gostivarit.
Ngjarje kjo që shkaktoi reagimin e popullatës
shqiptare.
Reagon “Zgjohu”: Të dënohen autorët
Menjëherë pas ngjarjes së rëndë në Maqedoni, ku u
rrahën barbarisht 15 fëmijë shqiptarë nga persona
të maskuar, ka reaguar lëvizja qytetare “Zgjohu”.
“Jemi të trishtuar nga incidenti ku 15 nxënës
shqiptarë u rrahën brutalisht. Solidarizohemi me
familjet e fëmijëve dhe kërkojmë zbardhjen e
ngjarjes sa më shpejt. Të dënohen kriminelët që
sulmojnë nxënës të pafajshëm dhe të pambrojtur”,
thuhet në reagimin e lëvizjes, ndërsa theksohet se
“Ngjarja ndodh pikërisht në ditën kur shqiptarët
festuan 125 vjetorin e shkollës së parë shqipe”.