Varferia në shoqerinë tonë shqiptare

[Dilaver]

Duke pas parasysh origjinen tonë të lashtë, dhe ate duke filluar qe nga Ilirët e tutje, populli shqiptar ishte nji popull i cili perjetoi luftëra, okupime e pushtime të ndryshme, atëherë mund të themi lirisht se ky është nji nder faktorët kyq që ka ndikuar në gjendjen e zhvillimit të ekonomisë dhe kushteve e standardit të përgjithshem të vendit tone.



Njerëzit në terë rruzullin toksor sipas ligjit të natyrës apo të Zotit ndahen në të pasur dhe të varfër. Prandaj nji gja e tillë është prezente edhe tek ne në Kosovë.



Sipas konstatimit të Bankës Botërore në bazë të nji ankete hulumtuese në vitin 2000 rezulton se Kosova është vendi më i varfër në Evropë, prognozë e ngjashme është edhe me Shqiperinë. Sipas kësaj ankete 50% e popullsisë së Kosovës jetojnë në varfëri, ndërsa nga ky numer 12% jetojnë në varfëri të skajshme, pra kjo d. m. th se janë në prag të luftës për egzistencë qka len të kuptojmë se nuk kanë mjaft të ardhura materiale as për të permbushur nevojat e tyre per ushqim elementar, apo thënë thjesht, lufta si me siguru nji thes mill, sepse për ëmbëlsira e artikuj që mund të thuhet se janë luks mos të flasim.



Ndërsa grupi tjetër prej 38% nuk kanë të ardhura për të shpenzuar për gjera tjera pos atyre elementare pra ushqimi dhe rryma e sherbimet komunale.



Pra ne si Popull kemi kaluar situata dhe kohë shum të vështira.



Nji nder faktorët që ndikojnë në standardin e ulët dhe në shkallën e lartë të varfërisë në Kosovë është edhe numri i madh i të papunëve, pronësia e vogël mbi tokën dhe mekanizmi i dobët që kanë familjet fshatare për punimin e saj, apo dendësia e madhe e popullsisë, infrastruktura e dëmtuar etj.



Zbutjen e varfërisë e ban mergata shqiptare, të cilët me punen e tyre të palodhshme dergojnë ndihma në të holla familjarevë të cilët janë të papunë dhe pa kurrfar burimesh të të ardhurave materiale.



Varferia është ajo që e detyroi shqiptarin punëtor apo intelektual, të marë rrugen e mergimit, të ndjejë mundimin fizik e shpirtëror, të ndjejë mungesën e komunikimit me njerëzit e afërm dhe mungesën e atdheut, mungesën e gjuhës së nënës etj. Vetëm për t’iu shmangur skamjes e varfërisë, ku kemi raste që bashkatdhetarëve tanë i ka lind femija dhe është bërë 10 vjeq dhe nuk e ka parë babain e vet, e anasjelltas.



Emigrimi i popullsisë shqiptare për fat të keq ka vazhduar me shekuj dhe nuk ka të ndalur as ditet e sotme. Me miloiona shqiptarë janë shkapërderdhë nepër botë dhe pjesa dermuese e tyre e kanë humbur identitetin kombëtar, apo janë asimiluar.



Varferia është një fenomen shumdimensional me pasoja të dëmshme dhe të palakmueshme për individët të cilët gjinden në nji situatë të tillë.



Të ardhurat e ulta apo minimale të një familje të varfër ndikojnë drejtpërsedrejti në emancipimin e familjes si bie fjala në edukimin dhe arsimin e fëmijëve.



Ftoj bashkbiseduesit që të plotësojnë ato qka unë nuk i kam cekur.