Citate nga dijetaret islam

[Kosova19]

Fetva: Pastrimi i dhëmbëve me brushë dhe pastë në vend të musvakut


Pyetje:
Allahu ju nderoftë, një grua me inicialet U.M pyet: a e zëvendëson misvakun pastrimi i dhëmbëve me brushë, dhe a është i njëjtë shpërblimi i tij me shpërblimin e misvakut për të cilin ka inkurajuar Pejgamberi (salallahu alejhi ve selem)?

Përgjigje:
Po, përdorimi i brushës dhe pastës e zëvendëson misvakun, bile me këtë pastrimi është më i plotë. Prandaj nëse njeriu e përdorë brushën atëherë me këtë ka praktikuar sunetin, sepse nuk është me rëndësi mjeti por me rëndësi është veprimi, sepse rezultati i përdorimit të brushës dhe pastës është më i madh sesa rezultati përdrorimit të misvakut. Por a mund të themi se përdorimi i brushës dhe pastës duhet të përdoret në çdo rast që është mustehab përdorimi i misvakut, apo mund të themi se ky është një teprim që ndoshta mund të ketë ndonjë ndikim negativ në gojë, kjo duhet të shqyrtohet.

Muhammed bin Salih el Uthejmin
Fetava nurun Ala Derb
Përktheu: Jeton Bozhlani

[GURI SYLAJ]

Postimi origjinal është bërë nga Kosova19

...si u pajtove dhe si nuk u pajtove është njesoje dhe nuk qone peshe se ti as qe din spari me lexua Kurani e sa per tefsir mos te flasim.




...kjo ështe rren se dijetaret nuk kan kundershtime.

O ,pashe krejt cka ki ,mos u ban hore.
Mos me pas dallime nuk i kishim pas disa shkolla po veq nja!
Mos me pas dallime nuk kishin luftu Shitet e Sunite nermejt veti tash e 1700 vjet.
Boll more !!
Kopjo ,se ke ku me kopju boll,po te tjerat lej anash se nuk je per komente!





A duhet me mlu gruja veq koken a edhe ftyren ????

Kjo mjafon me te binde qe ti ....


Nuk din !

[Kosova19]

Postimi origjinal është bërë nga GURI SYLAJ

Mos me pas dallime nuk i kishim pas disa shkolla po veq nja!

...tregom ti qka janë Medhebet?

Postimi origjinal është bërë nga GURI SYLAJ

Mos me pas dallime nuk kishin luftu Shitet e Sunite nermejt veti tash e 1700 vjet.

...Shiat nëper libart e tyre thojne se Kurani është i ndrishuar dhe kështu nuk ka qka flasim për ta.

[Kosova19]

Mosdhënia e trashëgimisë bijës, që të mos i bjerë në dorë burrit të saj

Komisioni i përhershëm për Kërkime shkencore dhe Fetua [16/493]

Pyetje: Disa njerëzi e nuk ua japin trashëgiminë bijave të tyre, nga frika se burrat e tyre do ta marrin atë. A është e lejueshme kjo?

Përgjigje: Allahu i ka përshkruar trashëgimtarët dhe hisen e secilit prej tyre në suren en-Nisa. Në këta trashëgimtarë përfshihen edhe bijat. Allahu urdhëron për dhënien e së drejtës secilit që i takon, dhe pasazhi i parë rreth trashëgimisë mbaron me fjalët:

« … Këta janë kufijtë e vendosur nga Allahu [lidhur me ligjet e trashëgimisë]. Kushdo që i bindet Allahut dhe të Dërguarit të Tij [Muhamedit], do të pranohet në Kopshtet, nën të cilat rrjedhin lumenj, që të banojnë aty. Ky është suksesi madhështor »

« Dhe kushdo që kundërshton Allahun dhe të Dërguarin e Tij [Muhamedin], dhe shkel kufijtë e Tij, Ai do ta hedhë atë në Zjarr, që të banojë aty, ku do të ketë dënim poshtërues » [en-Nisa, 13-14]

Pastaj, Ai, më i larti, e mbaron ajetin e fundit e të njëjtës sure me fjalët:

« Kështu Allahu jua sqaron [ligjin e Tij], që të mos devijoni. Dhe Allahu është i gjithëdijshëm për gjithçka » [en-Nisa, 176]

Kushdo që i heq drejtën e dhënë nga Allahu një bije apo dikujt tjetër, pa pëlqimin e saj, ai ka kundërshtuar Allahun dhe të Dërguarin e tij [salallahu alejhi ue selam], ka ndjekur tekat dhe dëshirat e veta dhe është kapluar nga ndjenjat fisnore dhe injoranca. Vendbanimi i tij do të jetë xhehenemi, nëse nuk pendohet dhe nuk u jep njerëzve të drejtat e tyre.
Dhe Allahu është burim i forcës.

www.mburoja.net

[Kosova19]

Marrja e mbiemrit të burrit
Shejh Sâlih bin Fevzân el-Fevzân
Burimi: Kaseta "Sharh Mandhûmat-il-Adab"
Përktheu: Ergin SHALA

Pyetje: A është e lejuar që gruaja e martuar ta ndërrojë dhe ta marrë mbiemrin e burrit të saj, ashtu siç ndodh në perëndim?

Përgjigje: Kjo nuk është e lejuar. Është e ndaluar në Islam që ajo t'i atribuohet dikujt tjetër në vend të babait të saj. Kjo vlen edhe për burrin, edhe për gruan. Ai i cili këtë e bën këtë, bie në kërcënim të rreptë dhe është i mallkuar. Absolutisht nuk është e lejuar që njeriu t'i atribuohet dikujt tjetër pos kujdestarëve dhe baballarëve të tyre.

www.mburoja.net/

[Kosova19]

Ebu Ali Fudejl ibn Ijjad tha:
"Kush i perkufizon fjalet e tij te jene ne perputhje me veprat e tij, do ta zvogeloje te foluren e tij ne ate qe nuk i intereson".

[Kosova19]

Ka thënë Shejkh Albani (Allahu e mëshiroftë): "Rruga për tek Allahu është e gjatë! Ne ecim në të sikur breshka! Nuk është qellimi që te arrijmë në fundë të rrugës! Mirpo qëllimi është që të vdesim në ketë rrugë!"

[Kosova19]

Prezenca e fëmijëve në xhami
Shkruar nga Imam Albani

Imam Muhammed Nasirud-Din el-Albani:

Profeti (sal Allahu alejhi ue selem) dhe selefët tanë, i linin fëmijët që të hynin në xhaminë e Profetit (sal Allahu alejhi ue selem). Transmetohet nga njëri prej sahabeve, se një ditë prej ditësh, kur ata ishin duke e falur namazin e ikindisë pas Profetit (sal Allahu alejhi ue selem), i Dërguari i Allahut (sal Allahu alejhi ue selem) mbeti një kohë të gjatë në sexhde. Sahabiu ngriti kokën e tij për t’u siguruar se Profeti (sal Allahu alejhi ue selem) nuk kishte vdekur. Në vend të kësaj, ai vuri re një gjë të çuditshme. Ai pa një nga nipërit e tij se i kishte hipur në shpinë. Pas përfundimit të namazit, Profeti (sal Allahu alejhi ue selem) u pyet në lidhje me sexhden e gjatë, ai u përgjigj:

“Nipi im ishte mbi shpinën time dhe unë nuk desha që ta shqetësoj atë.”

Ky fëmijë që përmendet në këtë hadith, nuk erdhi në xhami për tu falur dhe se ai nuk ishte aq i mitur.

Nuk ishte prej udhëzimit të tij që t’u thoshte atyre që faleshin me të, burrave e grave, që të mos i marrin fëmijët në xhami. Në fakt, ai e miratonte prezencën e fëmijëve në xhami. Dhe jo vetëm kaq; ai gjithashtu e përshtate namazin e tij me nevojat e nënës së cilës i qante fëmija, duke e shkurtuar namazin e tij vetëm për hir të nënës dhe fëmijës.

Ai shumë lehtë mund të thoshte, atë që shumica e e njerëzve e thonë sot nëpër xhamitë tona:
”Pse po i merrni fëmijët tuaj në xhami dhe po na pengoni duke u falur?”

Ai (sal Allahu alejhi ue selem) nuk bënte kurrë një gjë të tillë. Bazuar në këtë, prindi duhet të lejojë që fëmija të vijë në xhami nëse fëmija dëshiron këtë, edhe nëse shkon për të luajtur në xhami. Që fëmijët të vijnë në xhami do të thotë që ata të mësohen me vendet më të mira e të hajrit siç është xhamia. Nëse fëmija rritet në këtë mënyrë dhe dëshiron të vijë në xhami, këtë duhet ta konsiderosh si një dhuratë dhe një lajm shumë të mirë. Prindërit duhet ta shfrytëzojnë këtë prirje të fëmijës dhe ta marrë atë me vete në xhami; edhe nëse fëmija do të bëjë diçka që në sytë e njerëzve është e pahijshme për xhamitë! Ne mund të mendojmë se çfarë mund të jetë më e pahijshme se sa për të hipur mbi qafën e Profetit (sal Allahu alejhi ue selem).

Megjithëkëtë Profeti (sal Allahu alejhi ue selem) nuk reagoi ndaj veprës së fëmijës. Në fakt, ai i bëri një veprim të veçantë duke e zgjatur sexhden. Ashtu veproi edhe në rastin tjetër, e kur fëmija qante përderisa ata ishin në namaz, ai e shpejtoi namazin. Në qoftë se kjo do të ndodhte në ditët e sotit, njerëzit në xhami do të bërtisnin:

”Shejkh! Ti po falesh gjatë!” Nëse ai përgjigjet: ”Fëmija më hipi mbi qafë.”
I menjëhershëm do të ishte reagimi: ”Pse po e merr fëmijën me vete?”
Njerëzit brenda xhamisë, nuk e njohin udhëzimin e Profetit (sal Allahu alejhi ue selem) në këtë çështje.

Kontrolloi: Usame Morina
Burimi: Silsilet-ul-Huda uen-Nur (668)

[Kosova19]

MARRËDHËNIET SEKSUALE NË VRIMËN ANALE
Ibn Bazi

Pyetje: Një burrë kërkoi nga gruaja tij që të kryente marrëdhënie seksuale në vrimën anale. A është e lejueshme kjo gjë në Islam?

Përgjigje: Kjo vepër është e ndaluar, pasi transmetohet se Pejgamberi (paqja qoftë mbi të) ka thënë: "Eshtë i mallkuar ai që kryen marrëdhënie seksuale me gruan e tij në vrimën anale." {Trans. Ebu Davudi, Nesaiu dhe të tjerë me sened të fortë}

[Kosova19]

Ska bashkim pa Akide të pastër!
Shkruar nga Shejkh Fauzan

Pyetje: Sot paraqitet në media, ashtu siq ju përmendët, se të thirrurit për të mirë dhe të ndaluarit nga e keqja dhe të sqaruarit e të vërtetës dhe të paralajmëruarit ndaj të kotës dhe të synuarit për bashkim. Të gjitha këto vetëm për të bashkuar myslimanët. Megjithatë, shfaqet një thirrje e re në media dhe thotë se është më e rëndësishme për të ruajtur strukturën e shoqërisë edhe nëse ajo do të përmbante kontradita, se sa të sqarohet e vërteta dhe të ndalohet e kota.

Shejkh Fauzan: Kjo është thënie kontraditore. Struktura e shoqërisë dhe e myslimanëve nuk mund të bazohet në asgjë tjetër përveçse në parime të drejta. Nuk është e mundur pa themelet të cilat gjenden në Kur´an dhe Sunnet dhe të cilat dijetarët i kanë shkruajtur në librat e fesë.

Unitet arrihet vetëm në këtë mënyrë:

"Të gjithë mbahuni fort për litarin e Allahut (Kur´anin) dhe mos u përçani!" 3:103

Ai nuk tha se vetëm të bashkohemi e të mos përçahemi. Ai tha të kapemi për litarin e Allahut e të mos përçahemi. Uniteti dhe struktura shoqërore nuk arrihet pa Kur´an dhe Sunnet, çfarë do thofshin ata! Kjo nuk mund të korigjohet nëse Doktorina e Besimit nuk korigjohet. Kjo është me e rëndësishmja.

Nuk ka tolerim kur është fjala për mosmarrëveshje në Akide, ndryshe nga degëzimet dhe çështjet e Fikhut ku mund te jetë më butë (lehtë). Por kur vjen puna për mosmarrëveshjet në Akide, kështu që nuk është e lejuar me tolerime në këtë çështje. Uniteti kurrë nuk mund të arrihet në këtë mënyrë.

Një idhujtar nuk mund të bashkohet me atë që adhuron vetëm Allahun. Një Sunni nuk mund të bashkohet me një bidatçi. Kjo nuk mund të ndodhë kurrë, sado që të përpiqen ata për këtë.

Përktheu: Zejd Haziri
Burimi: http://www.youtube.com/user/audiosun.../0/7CRECI01Gl0

[Kosova19]

Zekati në aksionet e kompanive
Alifta.org

Pyetje: Nëse personi ka aksione në një kompani dhe s’është qind për qind i sigurt se kompania paguan zekatin për ato aksione, por ai vetëm është i informuar se kompania e bënë këtë dhe, siç e di shkëlqesia juaj, kjo mund të jetë apo të mos jetë e vërtetë. Cili është vendimi mbi këtë?

Përgjigje: Ti duhet të pyesësh kompaninë që ka aksionet tua nëse paguajnë zekatin për to, apo jo. Nëse kompania paguan zekatin ashtu siç autorizohet nga aksionarët, atëherë aksionarët janë të shkarkuar nga përgjegjësia.

Nëse kompania paguan vetëm një pjesë të zekatit, atëherë aksionarët duhet të paguajnë pjesën tjetër.

Nëse kompania nuk paguan zekatin për aksionet, atëherë aksionarët duhet të paguajnë zekatin e plotë për aksionet e tyre.

Ju duhet të keni parasysh që zekati është i obligueshëm për aksionet që janë të caktuara për tregtim dhe që ofrohen për shitje.

Mirëpo, për aksionet e patundshme, që nuk mendohet të shiten dhe janë vetëm për investim, zekati duhet të paguhet për të hyrat e tyre, nëse ato vetë mbërrijnë (sasia që detyron zekatin) ose kur t’i shtohen pasurisë tjetër dhe të kalojë një vit hënor ndërsa ato janë në pronësi të pronarit të tyre.

Allahu na dhëntë sukses. Paqja dhe bekimet qofshin mbi pejgamberin tonë Muhamed, mbi shokët e tij dhe mbi shokët e tij.

Komisioni i përhershëm për Hulumtim dhe Fetwa
Kryetar: Abdul-Aziz ibn Abdullah bin Baz
Anëtar: Abdul-Aziz Al-Shejh
Anëtar: Salih el-Feuzan
Anëtar: Bekr ebu Zejd

www.mburoja.net

[Kosova19]

Zekati i arit që është i përzier me diamante
Shkruar nga Shejkh Uthejmin




Pyetje: Si vlerësohet zekati i arit që është i përzier me diamante?

Shejkh Uthejmin: Specialistët janë ata të cilët duhet ta vlerësojnë atë. Duhet të shkoni tek shitësi i arit në mënyrë që ai të shoh nëse ari arrin shumën e caktuar (nisabin) apo jo. Në qoftë se nuk arrin shumën e caktuar, atëherë nuk duhet nxjerr zekati për të. Por në rast se ajo ka pasuri tjetër prej ari që plotëson sasinë e caktuar, në këtë rast ajo e nxjerr zekatin për të dhe për stolinë e vlerësuar që është e përzier me diamante, paguan zekatin 2,5% të saj.

Burimi: Fetaua Erkanil Islam, fq. 430

[Kosova19]

A është më mirë t’i jepet Zekati njërit apo disa personave?
Shkruar nga Shejkh Bin Baz

Pyetje: Shejkh i nderuar, në lidhje me Zekatin:
A është më mirë që t’i jepet zekati një personi apo t’i shpërndahet disa personave?

Shejkh Bin Baz: Nëse zakati që do të jepet nuk është shumë, është më mirë dhe më parësore për t’ia dhënë atë një familjeje që ka nevojë. Kjo është për shkak se shpërndarja e Zekatit të tillë disa familjeve humb rëndësinë e saj.

Burimi: nga libri Likaa’aati maa’ esh-Shejkhain nga Abdullah et-Tejjar 1/127.

www.perlat-muslimane.com/

[Kosova19]

A duhet të paguajë gruaja zekatin e bizhuterive të saj që ajo i bartë?
Shkruar nga Imam Albani

Pyetje: Duke pasur parasysh se shumica e njerëzve e japin zekatin gjatë muajit të Ramazanit, një motër pyet se a duhet të paguajë gruaja zekatin e bizhuterive të saj që ajo i bartë?

Imam Albani: Është obligim të paguhet zekati për bizhuteri të arit dhe të argjendit.

Burimi:-Silsilat ul-Huda-uen nur (694)
www.perlat-muslimane.com/

[Kosova19]

A duhet ti japim lypsave?
Shkruar nga Shejkh Fauzan

Pyetje: Tek unë vinë njerëz që kërkojnë para dhe gjëra të tjera, a është obligim për mua që t’u jap atyre duke e ditur se unë frikësohem që të mos e fus në praktikë ajetin Kur’anor: “Dhe as lypësin mos e përzë (pa i´a vënë veshin).” (93:10)

Shejkh Fauzan: Po, lypësi e ka të drejtën e vet, dhe ajo është që t’i jepet (kur ai lyp). Lypësi nuk duhet përzënë. E gjithashtu, nuk duhet dhënë hapësirë që ata të lypin. Por nuk duhet harruar se ai ka të drejtën e tij, ashtu edhe siç ka ardhur në hadith:
“Ai ka hak edhe nëse vjen duke kalëruar.”

Pra, lypësit duhet t’i jepet. Por ajo çfarë i jepet atij, dallon nga mundësia e atij që i lypet. Nëse ai ke mundësi që t’i jap atij shumë para apo gjëra të tjera, duke e ditur se ai i meriton të gjitha ato, atëherë i jepet. Mirëpo, nëse ai nuk ka mundësi që t’i ndihmojë lypësit shumë, atëherë i jep atij çfarë të mundet.

Profeti (sal Allahu alejhi ue selem) ka thënë: “Ruaju nga zjarri i Xhehenemit, qoftë edhe me gjysmë hurme, e nëse nuk e ka as atë atëherë me fjalë të mira.”

Përktheu: Usame Morina
Burimi: http://www.youtube.com/user/audiosun.../2/F6lMPvOHbBc