Rexhep Qosja Prap tenton ta përqaj Kombin

[Arb]

Postimi origjinal është bërë nga uliksi31-jr.

Shkrimin qe ju ma rekomandoni ta rilexoj, aspak ska te bej me percamje kombetare, por thjesht eshte nje opinjon apo mendim qe ne mund te pajtohemi apo jo.

Edhe kur i pa-njeri shan, e nencmon Popullin, edhe atehere na qenka nje opinion i tij?

Pra kemi te drejt te kritikojm apo vlersojm udh'heqsit politik sepse ata jane ose ish dasht te jen ne sherbim te popullit.

I paska mbete ketij ftyre harapit te na tregoj se a jane apo jo Udheheqesit Politike ne sherbim te popullit? Kush more mendon ky i pa-njeri qe eshte? A akoma mendon se populli degjon zerin e tij? Po te donte te degjonte zerin e tij, do ta votonte ate. Nga i gjithe elektorati i Kosoves mori vetem 4000 vota. Atij populli i tha mshele e mos e qel, nuk duam te degjojme vajtimet tua.

Te akuzohet dikush per percamje kombetare eshte akuze e rend, me vjen keq qe ne menyre aq te paskrupullt trumbetohet per nje akademik sic eshte Qosja.

Duhet te jesh i pa-njeri te konsiderosh akademik nje njeri qe vazhdimisht shan e nencmon Popullin e tij (nese i takon ketij populli).

Akademia e artit dhe shkences eshte istitucioni me i lart arsimor-edukativ i nje shteti apo kombi. Akademiket nuk jane politikan, jane shkencetar dhe krijues ne shume lemi te ndryshme. Keta jane elita e krejt intelektualve. Shume, shume keq kur perdhosen, fyhen, degradohen keta kollos shkencor, ata jane bylmeti yne kombetar.

Mos e shti kete te pa-njeri ne ate grup. Ai ka kohe qe e ka larguar veteveten nga elita e akademikeve. Atij eshte dashur vite me pare ti hiqet titulli akademik.

Cka po ndodh me neve sikur komb, a thua vetdijen dhe ndergjegjen i kemi ne njevel tejet te ulte, sa nuk jemi ne gjendje me kuptur vuajtjet dhe mjerimet qe perjetuam keto 100 vitet e fundit. Kombi yne i shumevuajtur pati sakrifica te pa pershkrueshme, duke u ballafaquar gjenerat mbas gjenerate me bishat serbo-sllave.

Cka ka te bej kjo me fjalorin ofendues te Qosjes ndaj Presidentit Topi, dhe gjithe atyre qe respektuan, mikpriten dhe nderuan ate, gjate qendrimit 3 ditor ne Kosove?

Kur flas per Akademi Shkencore, nuk mund te anashkaloj akademin serbe nga e cila dolen shume elaborate antishqiptare. Aty edhe kasapi i fundit Millosheviq u frymzua ne cfarosje te popullit ton si dhe krejt gjakderdhjet ne territoret ballkanike. Mirpo nuk degjon serbet as ma te voglen kritik te ju bejn akademikve te tyre. Edhe pse dihet se ata jane fajtor (inspirues) per kete gjakderdhje......

Per dallim nga Shkijet, na jemi Shqiptar. Shapit i themi, shap, e sheqerit, sheqer. Me kete nalte don qe ne te imitojme cetniket shkije?

Akademik Qosja nuk mund te jete percares i kombit, kur te gjithe e dijm se ai nga 81-shi e tutje ju kundervu me pend ne dore maqineris vrastore te Millosheviqit. Ai flet pa qime ne gjuhe, sic thot Pupi. Foli edhe at'her kur askush nuk fliste. I dual ne mbrojtje popullit te vet te pambrojtur. Me kujtohet me 82-shin, kur pat shkuar ne Beograd bashk me akademik Idriz Ajetin te diskutojn temen; gjeneza e popullit shqiptar, qe eshte teme problematike per serbet, prejardhja e shqiptarve.

Po tjeter, cka bani Qosja? Ishte Ali Hadri ai qe i dha grushtin e madh shkijeve.

Kjo eshte ajo qe dua te them, e kemi obligim kombetar t'i perkrahim eliten intelektuale, nese asgje tjeter te mos behen shpifje ndaj tyre.....

Qosja nuk eshte pjese e elites kombetare. Ai duhet diferencuar nje here e pergjithmone.

Nuk mund te jete elite kombetare nje njeri qe bekon, dhe i gezohet luftes civile (ne Shqiperi), qe solli mbi 3000 te vrare, e ta konsideroj Revolucion te vonuar Demokratik.

[quoe]Para 25 vjetesh nje plak i urt, bashk-luftar i Mulla Idrisit te Gjilanit, na pat treguar nje pralle: Tha: kur zoti i krijoj kombet, ju ndau teritoret ne planetin toke dhe ju caktoj krejtve kush ku me jetu. Ngelen tha shqiptaret te fundit. Pyeten; o zot po na? Ju, ju tha zoti shkoni mbas qasaj koder. Shkun shqiptaret pas kodret dhe gjeten dreqin atje.............ne vazhdim le ti jap gjithkush kahje ne menyre te vet ksaj mesele sic thot Hasani.
Tash mendoj, a thua paska dijt dicka plaku, a edhe ne kohen e tij na shqiptaret ishim sikur sot qe jem; dikush thumbit e dikush potkonit.....[/quote]

Edhe ti ke zerin e njejte negativ sikur Qosja. Edhe ti sheh Shqiptaret si cak sulmi, ofendimi, e nencmimi. Jo rastesisht edhe mundohesh te mbeshtesesh nje te pa-njeri si ai.

[Arb]

Çfarë shkruan Kadare lidhur me muslimanizmin dhe profetin Muhamet në sprovën e tij "Dantja i pashmangshëm".

Kadare: Pabesia e një polemisti
Vazhdon polemika e ashpër mes Qoses dhe Kadaresë. Shkrimtari i famshëm e quan polemist të pabesë, duke e akuzuar se shkrimi i tij, tepër i gjatë dhe i mërzitshëm, është edhe i pamoralshëm, sepse mbështetet mbi sajesa dhe jo të vërteta

Shekulli

"Me botën muslimane, ai, (Dante Aligieri) ka vetëm një përkitje, për fat të keq, të gabuar. Eshtë, me sa duket, i vetmi gabim i tij në atë pirg madhështor. Në rrethin e tetë të Ferrit, të dy së bashku, Dantja me Virgjilin, takojnë profetin e muslimanëve, Muhametin... Dantja nuk thotë asnjë fjalë të keqe për Muhametin, por vetë vendosja e profetit në rrethin e tetë është e pakuptueshme".

"Dantja i pashmangshëm" , faqe 17-18. Botim i "Onufrit"


Shkrimtari: Mosmirënjohja kur kapërcen çdo kufi dhe kthehet në atë që quhet "mosmirënjohje e zezë

“Duke përmendur fushatën fyese të bërë kohët e fundit kundër profetit Muhamed, Qosja, në mënyrë djallëzore e trajton sprovën time si pjesë e kësaj fushate e të inkurajuar prej saj. Do t'i thoshja atij dhe të gjithë haxhiqamilëve të tjerë, se në jetën time nuk kam fyer kurrë asnjë profet. Në qindra faqet që kam shkruar për universin e perandorisë otomane, nuk kam përmendur kurrë për keq emrin e profetit të muslimanëve”


Shkrimtari i njohur, Ismail Kadare, i përgjigjet polemikës së Qoses në lidhje me identitetin evropian të shqiptarëve në një intervistë për gazetën “Shekulli”.
Duke e akuzuar Rexhep Qosen se e ka përkthyer me pabesi gjithçka që Kadare ka thënë për identitetin evropian të shqiptarëve si kundërmuslimanizëm, Kadare shton se në librin "Identiteti evropian i shqiptarëve" nuk ka as kundërmuslimanizëm e as racizëm evropianist kundër "identitetit të Lindjes muslimane", siç thotë Qosja. Kadare shprehet se teza e Qoses për identitetin e ndarë shqiptar i është dukur gjithmonë me zanafillë të vjetër antishqiptare, kryesisht serbe.

Është pritur një reagim prej jush lidhur me polemikën e Qoses. Në Shqipëri është bërë zakon që polemistët nuk presin gjatë për t'u përgjigjur. Ju keni treguar mosgatishmëri për përgjigje…

Është e vërtetë. Madje edhe nëse iu përgjigja kërkesës suaj, e bëra për respekt te lexuesit shqiptar dhe të askujt tjetër. Është një gjë e bezdisshme të marrësh pjesë në një polemikë të pabesë. E tillë quhet polemika kur njëri nga polemistët, ose të dy, e mbështesin zjarrminë e tyre mbi diçka të pavërtetë, diçka të sajuar prej atyre vetë. Kjo është një dredhi e vjetër, kur polemisti sajues shpreson që sajesa e tij, duke u përsëritur, të merret si e mirëqenë.
Pikërisht kjo është bërë prej Qoses, në shkrimin e tij tepër të gjatë, të mërzitshëm dhe po aq të pamoralshëm.
Në këtë shkrim polemizues lidhur me identitetin evropian të shqiptarëve, për të falsifikuar thelbin e çështjes: integrimin e shqiptarëve në Evropë, Qosja përdor pikërisht dredhinë e vjetër, që u përmend më lart. Në sprovën time jam përpjekur të vërtetoj se synimi shqiptar drejt Evropës është jo vetëm i logjikshëm, i natyrshëm e i kahershëm, por është i vetmi shans i ynë.
Çdo polemist ka të drejtë ta kundërshtojë këtë ide, për të parashtruar një tjetër. Por asnjë polemist nuk ka të drejtë që, për të rrëzuar idenë e kundërshtarit, ta ndryshojë e ta kthejë kokëposhtë atë. Qosja ka bërë pikërisht këtë gjë. Gjithçka që kam thënë për identitetin evropian të shqiptarëve, është quajtur prej tij si kundërmuslimanizëm.

A mund ta shtjelloni pak më gjerë, në mënyrë që për lexuesin të jetë më e qartë ku qëndron thelbi i çështjes?

Thelbi është i thjeshtë. Qosja, për shkaqe që i di ai, është në kërkim të një flamuri. Meqenëse flamuri i shëmtuar i "revolucionit të vonuar demokratik më 1997" i ra e, meqenëse në zgjedhjet e fundit në Kosovë i ra edhe flamuri politik, ka menduar se spekulimet fetare janë të përshtatshme për t'u bërë protagonist. Ai ka nisur të valëvitë flamurin e kinse mbrojtësit së muslimanizmit shqiptar. Në kësi rastesh, flamurtundësi, për t'u bërë i besueshëm, shpik një kundërshtar që, sipas tij, valëvit flamurin e kundërt.
Në çdo vend ky do të quhej një mashtrim i rëndë. Në Shqipëri, në kushtet e sotme të problemeve të brishta fetare, mashtrimi merr ngjyrat e një provokimi tepër të rrezikshëm.
Të provokosh e të nxitësh përçarje fetare sot në Shqipëri është krim. Duke e ndier këtë, disa analistë shqiptarë kërkuan, me të drejtë, që kjo kinse polemikë të mos vazhdonte. Për fat të keq, ndodhi e kundërta.
Në sprovën time "Identiteti evropian i shqiptarëve" nuk ka as kundërmuslimanizëm e as racizëm evropianist kundër "identitetit të Lindjes muslimane", siç thotë Qosja. Madje shprehje të tillë si kjo e fundit as që gjenden në këtë shkrim.
Në këtë sprovë, në disa paragrafe është kundërshtuar teza e Qoses se identiteti shqiptar është i ndarë, pra gjysmak. Kjo tezë më është dukur gjithmonë, dhe jo vetëm mua, me zanafillë të vjetër antishqiptare, kryesisht serbe.
Qosja kishte të drejtë të mbrohej e të shtjellonte të kundërtën. Mirëpo ai zgjodhi një rrugë tjetër: përgjigjen e shproporcionuar e të pamoralshme.
Qosja shkon edhe me larg. Duke përmendur fushatën fyese të bërë kohët e fundit kundër profetit Muhamed, në mënyrë djallëzore e trajton sprovën time si pjesë e kësaj fushate e të inkurajuar prej saj. Do t'i thoshja atij dhe gjithë haxhiqamilëve të tjerë se, në jetën time nuk kam fyer kurrë asnjë profet. Në qindra faqet që kam shkruar për universin e perandorisë otomane, nuk kam përmendur kurrë për keq emrin e profetit të muslimanëve. Dhe jo vetëm kaq. Jo vetëm nuk e kam shpërfillur, por, kur ka qenë rasti, kam bërë të kundërtën. Në trajtesën time të fundit "Dantja i pashmangshëm", e cila u shkrua e u botua pikërisht në kohën e fushatës kundër profetit, kam shkruar se i vetmi gabim i poetit tim më të adhuruar, Dante Aligierit, ka qenë pikërisht shpërfillja ndaj Muhamedit. Do t'ju lutesha që përbri kësaj interviste të botoni në gazetën tuaj, qoftë edhe një paragraf të kësaj trajtese, në mënyrë që lexuesi shqiptar të kuptojë se sa larg mund të shkojë monstruoziteti i një shpifjeje.

[Arb]

Duhet te jesh shume i pa-njeri qe te mbrosh figuren e piste te Qoses...

Te mbrohet figura e atij qe bekoj dhe iu gezua revolucionit tregishteror cetniko-grek, qe solli mbi 3000 te vrare ne Shqiperi, eshte pa-njerezi, e marri...

Njeriu qe vazhdimisht shan e nencmon "populllin e vete" nuk mund te konsiderohet elite e intelektualeve te atij populli. Atij duhet ti hiqet titulli akademik, dhe duhet te debohet nga Kosova.

[uliksi31]

O ngadal he "trim", mos u merr me mua se eshte pune mem njoft. Merru me temen, pa emocione.
Une per veti jame i vogel te korigjoj qoft Qosja ose Kadare. Ata te dyte jane ne rang te lart intelektualesh. Asnjehere nuk thash per Qosen sikur politikan, por si shkenctar nuk mund tja mohojsh as ti as une. Bile edhe nga polemikat e tyre na mund te mesojm, ata dijn te kritikohen dhe te mbrojn njani tjetrin.
Ja cka thot Kadare lidhje me polemiken:

Vizita e shkrimtarit Ismail Kadare në Kosovë është parë si një rast nga auditorët ku ai ka folur dhe nga mediat, për të marrë prej tij mendimet e hedhura publikisht në Tiranë për çështjet e ditës dhe të ditëve të shkuara, për tema aktuale dhe tema që kanë ricikluar debate të herëpashershme. Disa prej tyre Kadare i sqaron në këtë intervistë dhënë kryeredaktorit të Televizionit të Prishtinës Koha Vision, Adriatik Kelmendi. Shkrimtari pranon edhe një herë më fort, se ka gabuar kur ka shkruar se me prirjen drejt fesë së krishterë “Kombi shqiptar do të bënte një korigjim të madh historik, çka do të shpejtonte bashkimin e tij me kontinentin mëmë: Evropën”. Ai pohon edhe se debati me publicistin dhe studiuesin Rexhep Qosja do donte të mos e kishte bërë fare.

[Arb]

Postimi origjinal është bërë nga uliksi31-jr.

O ngadal he "trim", mos u merr me mua se eshte pune mem njoft. Merru me temen, pa emocione.

Eh tybe as qe me intereson me te njoft. Me ty si Uliks, as qe u mora, e as qe e kam ndermen me u marr. U mora vec me qendrimet e tua ne mbeshtetje te nje antishqiptari...

Edhe s'di ku po i sheh ti emocionet ketu...?

[BE LK]

A ka ndonje qe te me thote ku eshte Perqarja e radhes ketu....?!!!!

Se te gjithe flasin per pune partish, ej jo per perqarje.........!

Ai qe solli tekstin, me duket se nuk e ka lexu, por ja duk ineresant titulli e e ka postu...!

Kaq eshte mos thurni perrala mediokersh.....!

Me te mira BE LK

[get_up]

Arb it
Shoku ne gjitha komentet po i merr gjerat me vrull , Qosja nuk eshte anti-shqiptare , nje njeriu per tia fut kete vule duhesh ta analizosh mire jo vetem pse nuk i pergjigjet ngjyrave tua politike .

Dihet nje pjese e madhe e shqiptareve jemi mysliman por ja qe sa vite me rradh behet propaganda e krishterizmit kudo ne viset shqiptare , dhe ne myslimanet per shkak te rrespektit qe kemi ndaj vllezereve shqiptare katolik nuk e hapim gojen ,, ish KRYETARI I KOSOVES z.IBRAHIM RUGOVA Nderron fe dhe behet katolik dhe mban ne zyre Foton e PAPES , e tash me marr me analizu anen tjeter te madaljonit ateher edhe Rugova esht anti-shqiptare sepse mban anen e krishterizmit ?!?!!?

z.Qosja ne disa raste ka te drejt , duhet te jemi ashtu si jemi jo te lakmojme si derrat .

Ne nje interviste ne RTK ku marrin pjese dy kryefetar te Kosoves ai Mysliman dhe ai i Krishter , ky i krisheri thote qe feja shqiptarit ka qene krishterizmi dhe ju jeni te ISLAMIZUAR ,, ne anen tjeter Myslimani nuk e hap GOJEN nga rrespekti qe ka , ne para TV s tranohemi pse nuk flet .. NE QOFTE SE NE JEMI TE ISLAMIZUAR EDHE TY TA KA SHKERDHYE GJYSHIN ROMAKET APO BIZANTINET , e tani neve na ka shkerdhye perandoria OSMANE , e ndaq tash prap me ta shkerdhye gjith bota , ktheje prapanicen ..
hajt mirembetshi .

[Arb]

Revolucionari i vonuar - Rexhep Qosja

Disa mendime për librin e Rexhep Qoses "Tronditja e shekullit"
Nga KASTRIOT DERVISHI

Pasi u mor për disa kohë me politike me një parti të quajtur Lëvizja e Bashkuar dhe pasi arriti një rezultat të "shkëlqyer" në zgjedhjet e para lokale në Kosovë që nuk e kapërcente shifrën e 1%-it, mbështetësi i përhershëm i të majtës në Shqipëri Rexhep Qosja, iu rikthye fushës së letrave duke botur librin me dy vëllime "Tronditja e shekullit", sipas modeleve kujtimoro-politike të Enver Hoxhës. E themi këtë pasi libri i Qoses ngjan shumë me ditarët e famshëm të "komandantit legjendar", ku shkruhej me detaje situata e brendshme, ajo e jashtmja dhe kushtet atmosferike të ditës.

Këtë herë njeriu i kahmotshëm i letrave, i llastuar nga regjimi komunist qysh gjatë ditëve të tij të lavdishme, nuk merret vesh se çfarë ka dashur të thotë në "ditarin" e vet kujtimoro-politik, këtë sepse në librin e tij herë flitet për ngjarjet e vitit 1999 {lufta e Kosovës} herë flitet për vitin 1997 {"revolucioni i vonuar demokratik" sipas Qoses} dhe në mjaft raste flitet për politikanët e Shqipërisë dhe të Kosovës. Pa dashur aspak të merremi me emocionet e reja apo të vjetra të Qoses do të trajtojmë disa momente nga libri i tij.


- QOSJA KA MBETUR NJE "REVOLUCIONAR I VONUAR"
Rexhep Qosja njihet tashmë botërisht si mbështetës i aksioneve terroriste që shkatërruan Shqipërinë në vitin 1997. Këtë gjë ai e bëri për të mbështetur klasën e majtë politike që ishte vegël e grekëve në vitin 1997.

Në saj të "revolucionit" qosist në Shqipëri u dogjën arkiva, bibloteka, bashki, komisariate, reparte ushtarake, këshilla rrethesh, prefektura, prokurori, gjykata, shkolla, kopshte fëmijësh etj etj.

Të paktën pritej që mendja e "ndritur" e Qoses të bënte një reflektim apo të paktën të mos përmendte budallallëqet e lëshuara me shumicë këto vitet e fundit nga ana e tij. Në vend të që bënte një gjë të tillë, duket që Qosja nuk ka lëvizur nga instikami i tij "revolucionar" i 1997-s dhe aq më keq akoma ka nisur t`i dashurojë deri marrëzisht politikanët e majtë të Shqipërisë. Që Qosja nuk ka kuptuar asgjë nga 1997 kjo gjë duket edhe në këtë fjalë të tij:

"Populli ishte ngritur në këmbë që të përmbyste kryetarin autoritar të paautoritet- siç i quajnë despotët politologët bashkëkohorë- Sali Berishën".

Për të parë standartet e dyfishta të Qoses le të shohim se çfarë thotë ai në vitin 1996 në lidhje me anën revolucionare të marrjes së pushtetit.

Në një intervistë të gjtë që ai i jep gazetës "Zëri" të Prishtinës të datës 15 qershor 1996 e cila ribotohet nga gazeta "Zëri i Popullit" i Tiranës e datës 17- 19 shtator 1996, Qosja i jep këtë porosi opozitës së atëhershme socialiste:

"Opozita shqiptare ndërkaq nuk duhet të përdorë mjetet dhe metodat që ka përdorur dhe po përdor regjimi. Keqpërdorjeve të regjimit ajo duhet t`i përgjigjet me sjellje deri në fund demokratike".Si kuptohet edhe nga këto fjalë ai ka përjashtuar atëherë çdo formë të armatosur të marrjes së pushtetit. Në këtë rast shtrohet pyetja: pse ndryshoi pacifizmi qosist duke u shndrruar në militarist?

Po në këtë intervistë Qosja e quan Shqipërinë e 1996-s në një nivel demokratik me shtete të tillë si Bjellorusia, Serbia, Bosnja, etj. Për Qosen, Shqipëria e vitit 1996 ishte një "El Salvador" në mes të Evropës".

Mirëpo kur socialistët e katandisin Shqipërinë në një koloni greke apo të barabartë me standartet afrikane, Rexhep Qosja jo vetëm hesht por lavdëron politikën e "urtë" dhe "largpamëse" të Tiranës zytare.

Qosja ka mbajtur qëndrime të ndryshme edhe përsa i takon zgjedhjeve në Shqipëri. Ai ka dënuar me shpejtësinë e helikopterit zgjedhjet e 26 majit 1996 dhe ka quajtur të drejta të gjitha llojet e zgjedhjeve të zhvilluara në Shqipëri nga viti 1997e mbrapa, pa pasur parasysh se ato janë zhvilluar me kallashnikovë, autoblinda apo mjete të tjera më pak "demokratike" sa të parat. Kjo do të thotë se Qosja arsyeton me standarte të ndryshme sipas interesave dhe dashurive të vjetra politike.


- ISHTE RASTESISHT QOSJA NE VILEN E ENVERIT?

Shumë vite më parë kur regjimi i Enver Hoxhës e kishte rrethuar me tela e gjemba vendin dhe rrallëkush mund të vinte e të vizitonte Shqipërinë, Rexhep Qosja ishte njeri nga ata që e kishte çarë këtë bllakadë dhe vinte sa herë t`i tekej. Atij regjimi ia falte edhe atë lloj mjekrre "atëhere krejt të zezë," pa pasur frikë se mund të infektonte "njeriun e ri" socialist. Në këtë mënyrë regjimi komunist kurrë nuk kërkoi ta bëjë qose mjekrrën e Rexhep Qoses. Kjo është disi e çuditshme pasi atëherë brisku e gërshëra vepronin mbi leshrat e çdo turisti që dëshironte të vizitonte Shqipërinë komuniste. Në rast të kundërt turisti nuk lejohej të hynte në territorin shqiptar.

Ndërsa në vitet e para të pluralizmit pas një periudhe të shkurtër falsiteti Rexhep Qosja u shfaq si mbështetës i zellshëm i të majtës shqiptare. Në një intervistë dhënë gazetarëve Mexhid Mehmeti e Sevdail Hyseni të botuar në gazetën "Zëri i Popullit" të datës 21 tetor 1992, Qosja ndër të tjera thotë:

"Unë nuk kam nevojë të luftoj kundër komunizmit të vdekur, sepse me punën time mendore ia kam bërë varrin sa ishte gjallë...Unë mund të predikoj pa kompleks politik, ideologjik a moral, idenë e pajtimit të të gjithëve, sepse me punën, me veprën , me mendimin, me jetën time kurrë nuk jam vënë në anën e politikave dhe ideologjive të ditës, sepse....gjithmonë jam vënë në anën e interesave historike të popullit shqiptar. Unë jam intelektual-zotri që ballëhapur e kqyr të kaluarën dhe të ardhmen".

Ndërsa në faqen 315 të librit të parë Qosja thotë se Enver Hoxha ka pasur "qëllime të mëdha", ka dashur "ta bëjë Shqipërinë shtet të fortë", "t`i bashkojë shqiptarët e ndarë në kufinj të padrejtë" etj. Gati sa Qosja nuk na thotë se Enver Hoxha është burri më i madh i kesaj toke. Në këtë mënyrë Qosja ka mohuar edhe atë që ka pohur vetë në Konferencën "Probleme Politike të Pavarësisë së Shqipërisë në vitet 1908-1914" të zhvilluar në Tiranë më 25-26 nëntor 1992, ku ndër të tjera ka thënë:

"Fitorja e ideologjisë komuniste në jetën shqiptare, domethënë dështim i ideologjisë kombëtare. Ideologjia komuniste e regjon çështjen shqiptare në çështje klasore ".

A mund të ketë shtet të fortë shqiptar paralel me dështimin e idesë kombëtare ?-Natyrisht që jo dhe as që mund të mendohet që mund të ketë. Studiuesi Qosja bën një gabim të madh kur patjetër kërkon të shfajësojë Enver Hoxhën për tradhëtinë e tij ndaj Kosovës duke thënë:

"E akuzojnë fjala vjen se ka shitur Kosovën ! Kjo nuk është e vërtetë: dëshmitë historike e thonë të kundërtën. Komunistët dhe çetnikët serbë askënd nuk kanë urrejtur më shumë sesa Enver Hoxhën".

E si për të mos mjaftuar këto Qosja thotë se qëndrimi i Enver Hoxhës ka qenë gjithnjë "atdhetar" dhe "historik" ndaj Kosovës. Nuk e ka mundësi që Qosja të mos ta dijë që karrierën e tij politike Enver Hoxha ia dedikon jugosllavëve Miladin Popoviç e Dushan Mugosha. Falë tyre Hoxha u ngrit në krye të PKSH-së dhe e futi Shqipërinë në dy vitet e fundit të Luftës së Dytë Botërore në një luftë të përgjakshme civile.

Jo vetëm që Kosova u shit nga Enver Hoxha "kujtojmë që një pjesë e madhe e saj i ishte bashkuar Shqipërisë qysh në prill 1941," por u rrezikua vetë qenia e shtetit shqiptar.

Kongresi komunist i Përmetit i mbajtur në maj 1944 ishte një imitim i trashë jugosllav që në fund shprehej për një federalizëm komunist ballkanik. Qosja duhet ta dijë se ishte Enver Hoxha ai që nënshkroi bashkimin doganor me Jugosllavinë dhe marrëveshjet ekonomike kundër Shqipërisë.

Qosja duhet ta dijë se ishte Enver Hoxha kryeministër kur u bë masakra e Tivarit. Qosja mundet të mos të dijë por ishte Enver Hoxha ai që ia dorëzoi dokumentet e Zyrës Sekrete të Shqipërisë tek jugosllavët, duke zbuluar kështu të gjithë rrjetin e agjentëve shqiptarë në Kosovë të ngritur qysh në kohën e Mbretit Zog.

Nëse nuk e di, Qosja duhet të mësojë se Enver Hoxha ishte edhe në prag të ndarjes me Nexhmijen pasi do të martohej me balerinën e parë të Beogradit, sipas porosisë së Titos.

Prandaj edhe djali i parë i Enverit ka lindur në vitin 1949, kur çdo lidhje e mundshme e Enverit me balerinën Jugosllave kishte marrë fund.Vetëm një ndarje e nxitur nga sovjetikët nuk e ndau Enverin nga Nexhija dhe nuk e bashkoi përfundimisht Shqipërinë me Jugosllavinë.

Me politikën e tij Enver Hoxha i shërbeu si asnjë tjetër Jugosllavisë në këto drejtime: shkatërroi familjet e mëdha që ishin shtylla të nacionalizmit shqiptar, shkatërroi inteligjencën shqiptare, shkatërroi bazën ekonomikë të nacionalizmit shqiptar, u dha pushtet familjeve të njohura si serbofile [sa për shëmbull po përmendim Haxhi Lleshin], rriti në maksimum antikosovarizmin në Shqipëri etj.

Do apo nuk do ta dijë Qosja është fakt që regjimi komunist nxiste antikosovarizmin në rrugë dhe forma të ndryshme, ndërsa mjaft kosovarë në Shqipëri survejoheshin jo më pak sa në Jugosllavi nga Sigurimi i Shtetit. Gjithashtu Enver Hoxha është krijuesi i "njeriut të ri" që është modeli më i ndyrë i krijuar ndonjëherë në Shqipëri.

E si për të jetuar me andrallat e Enver Hoxhës duket që Qosja e ka pëlqyer vendosjen në vilën e Enver Hoxhës në Tiranë në vitin 1999. Duke përfituar nga kjo ai i ka bërë një avokaturë të panevojshme edhe "fukarallëkut" të shokut Enver, në formën e konstatimit dhe qarjes së hallit. Më hapur kurrë nuk e ka shpallur enverizmin e tij Rexhep Qosja.


- ANTIGJERMANIZMI KOMUNISTO-LINDOR I QOSES

Ndër sulmet më të pakuptueshme dhe më të panevojshme të Qoses në librin e tij vlerësohet edhe sulmi ndaj ish-ambasadorit gjerman në Tiranë Hans Peter Dizdorf. Duke mbetur ideolog dhe idhtar i të ashtuquajturit "revolucion demokratik të vonuar", Qosja e sulmon ambsadorin gjerman për shkak të kundërshtisë së tij ndaj rrebelimit komunisto-grek të 1997. Vini re rreshtat e mëposhtme të shkruara nga Qosja:

"Kur e kisha parë ambasadorin e Republikës Federale të Gjermanisë, Hans Petër Dizdorf, duke i vënë shtylla politike dhe ekonomike kryetarit autoritar, që po tundej nga tërmeti popullor, bash isha i tmerruar: a është e mundshme që ambasadori i një shteti të madh, me traditë të madhe shtetërore, nuk kupton se në Shqipëri po ngjan një revolucion i vonuar demokratik? Dhe a është e mundshme edhe një shkelje e këtillë e parimeve demokratike? Dhe në artikullin me titullin "Autoktratët" kisha shprehur befasinë për një sjellje të tillë të ambasadorit gjerman,i cili kaq pak po tregonte për vullnetin e popullit shqiptar".

Në këto fjalë plot helm të Qoses ka një kompleksitet akuzash të ngritura prej që në fakt janë pseudoakuza, por edhe njëtrajtshmëri mendimi të tij me ato të propagandave antishqiptare.

Qosja ose nuk arrin të dallojë ose nuk do të pranojë se në vitin 1997 nuk kishim kurrfarë shprehje të "vullnetit popullor", por një kryengritje tipike zografiste si ajo e vitit 1914 të cilën Qosja, ndonëse profesor, nuk para duket se ka ndonjë njohuri. Nëse ëshë fjala për të quajtur "revolucion të vonuar demokratik" djegien e shtetit shqiptar dhe të famshmen "autonomi" zografiste të "Vorio-Epirit" të vitit 1997, Qosja le të na e thotë se qenka kënaqur nga një gjë e tillë dhe mos të zgjasë më tej përrallat letraro-historike të tij.

Por më të papranueshme janë sulmet ndaj ambasadorit gjerman Disdorf,vendi i të cilit qëndroi aleat i shqiptarëve edhe në ditët më të vështira të tyre. Edhe shqiptarët nuk duhet t`i harrojnë miqtë e tyre që i dolën në krah në ditët e tyre më të vështiara të marsit 1997, pavarësisht se tani na del një goxha profesor më mjekërr ca të bardhë e ca të zëzë me emrin Rexhep e na thotë ca variante të tjera antigjermane të tij.

.....

[Arb]

- MEGJITHESE NANO E POSHTERON, PRAPE QOSJA ESHTE I "BUTE" ME TE
Nga leximi i librit marrim vesh se Fatos Nano as që e ka përfillur Rexhep Qosen kur ky i fundit ka ardhur në Tiranë. Megjithë poshtërimin që i ka bërë Nano, Qosja është i duruar dhe nuk goxon ta lëndojë sadopak. Madje ai arrin deri aty sa të thotë:

"Në biseda dhe në shkrime, me të partishëm e të papartishëm, e kam mbrojtur Fatos Nanon prej urrejtësve në jetën politike shqiptare, sidomos në Kosovë natyrisht jo shumë sukseshëm. Në Shqipëri ka kush ta mbrojë të vërtetën"{faqe 172- 1}.

Jo për ndonjë gjë por duhet thënë se Qoses i ka humbur fare burrëria në këtë rast. Nga poterexhi i madh ai me heshtjen e tij ka pranuar të poshtërohet prej Nanos, i cili sipas Qoses as ka denjuar të takojë atë dhe për ta përcjellë ka ngarkuar zëdhënësin e tij të atëhershëm Ben Blushi.

Qosja pretendon se e ka mbrojtur Nanon për "hir të vërtetës", pa na e thënë se ku e ka provuar ai këtë të vërtetë. A nuk ishte Nano që takoi Millosheçin në Kretë më 3 nëntor 1997 ? A nuk ishte Nano që deklaroi më 11 shtator 1998 në Lisbonë se "kryeqytet i Kosovës është Beogradi" ? A nuk ishte Nano që ka qënë përkrahësi më i madh i protektoratit grek në Shqipëri ?

Përveç këtyre gjërave, Nanon nuk di ku ta akuzosh më parë. Çdo gjë mund të jetë Nano por vetëm pro-shqiptar nuk mund të jetë. Asgjë e bardhë nuk gjendet tek ky njeri. Në një realitet të tillë natyrisht të hidhur, zëri i "profesorit" titist Rexhep Qosja jo vetëm nuk është ndjerë dhe nuk ndjehet por ai ka marrë përsipër siç e thotë edhe vetë rolin e avokatit vullnetar të Nanos. Sepse nuk ka si shpjegohet ndryshe fakti që fill pas ardhjes së socialistëve në pushtet Rexhep Qosja vlerësoi maksimalisht rolin e Tiranës zyrtare në dobi të çështjes së Kosovës në një kohë që ky rol nuk dukej gjëkundi.


- QOSJA DARKON EDHE ME KRYETAR SHIK-u
Nëse lexon librin e Qoses pyetja e parë që do t`i bësh vetes është se cili është roli i Rexhep Qose në ngjarjet e vitit 1999, përderisa ish-partia e tij nuk ka pasur kurrfarë ndikimi në jetën politike kosovare. Pse duhej pritur dhe përcjellur me protokoll të veçantë Qosja në Tiranë, kur ai nuk përfaqësonte asgjë përveç vetes së tij.

Kështu që "puna" e tij e madhë ka qenë vetëm vënia në dispozicion të Tiranës zyrtare për diversitet të faktorit shqiptar në Kosovë. Ndërsa kohën më të madhë Qosja e ka kaluar nëpër restorantet e shtenjta të Tiranës. Në një nga drekat dhe darkat e shumta që Qosja ka pasur rastin të shijojë, është edhe ajo me kryetarin e SHIK-t Fatos Klosi, kryeparlamentarin e Kuvendit Skënder Gjinushi etj, në lokalin "Mbretëresha" në Tiranë ku siç thotë edhe vetë Qosja kishte "pak vendosmëri për tejkalimin" e gjendjes së krijuar. A përbën kjo ndonjë lidhje me shërbimin sekret shqiptar ? A ka pasur ndonjëherë lidhje Qosja me shërbime sekrete ? Natyrisht për këtë mund të përgjigjet vetë Qosja.


- MIQTE DHE ARMIQTE E QOSES
"Revolucionari i vonuar" Rexhep Qosja, ndërsa është kritik dhe llahtarisht arrogant me një grup të caktuar polikanësh në Tiranë, është krejt miqësor dhe elegant në marrëdhënie me disa të tjerë që kurrë nuk kanë folur mirë për çështjen shqiptare në përgjithësi dhe atë të Kosovës në veçanti.

Në grupin e politikanëve që Qosja i ka quajtur dikur "lisa" , ai duket se ka një simpati të veçantë ndaj Neritan Cekës dhe Frrok Çupit. I pari njihet si një njeriu që në vitin 1995 deklaroi se ishte i gatshëm të lironte krevatin e djalit të tij për një refugjat serb nga Bosnja dhe që në vitin 1997 ishte avokat i tresimbolit serb.

Po ky politikan nuk u pa ta bëntë një thirrjen e 1995-s të tillë në kohën kur në Shqipëri erdhën vëllezërit tanë nga Kosova. Gjithashtu duket se Qosja ka dashur ta shfajësojë Cekën për vizitën e bërë në vitin 1993 në Beograd.
Miku tjetër i Qoses me emrin Frrok Çupi nuk ka lënë gjë pa thënë kundër Kosovës, aqsa njëherë e ka pas reduktuar çështjen e Kosovës në atë mënyrë saqë të lihej përshtypja se nuk ekzistonte. Për Çupin nuk kishim çështje të Kosovës sepse burra të Kosovës ishin martuar me gra serbe dhe gra nga Kosova ishin martuar me burra serbë.

Po ashtu Çupi ka nxitur integrimin e shqiptarëve në jetën politike të Serbisë në mënyrë që të sabotohej Republika e Kosovës. Çupi ka qenë një ndër ideologët rrebelimit "vorio-epirot" të 1997 dhe mik i afërt i "heroit të popullit" Myteza Çaushit.

Mirëpo këto gjëra {që i thamë sa për shembull}duket që nuk e kanë shqetësuar Qosen, përderisa ai thotë për Cekën dhe Çupin se janë "dy mendje brisk, dy mendje diamantore, në fjalën e të cilëve mund të pritet secili që nuk e peshon mirë fjalën e vet para se ta shqiptojë".

Për Çupin, Qosja thotë se ndaj tij ka mbajtur gjithnjë qëndrim të "theksueshëm miqësor" edhe pse në bisedën e fundit të tyre, ai "me përtesë merr pjesë në bisedë".

Sipas Qoses, Ceka i paska thënë se Berisha, Rugova dhe Bukoshi çështjen kombëtare e përdorin në funksion të pushtetit. Ky "konstatim" i avokatit të tresimbolit e ka detyruar Qosen ta quajë rrugën e Rugovës "rrugë e kuislingu". Si duket kjo është pritur me mjaft kënaqësi prej Cekës.

Si ta kuptojmë "kritikun" e madh dhe "atdhetarin" e flaktë Rexhep Qosja në këtë raste. E çfarë vlere mund të kenë kritikat e ashtuquajtura me vlerë "kombëtare" në rastet e tjera ?

Ndër miqtë e tij në Tiranë merret vesh se qenka edhe Ylli Popa, përndryshe Kryetar i Akademisë {gjumashe} të Shkencave të Shqipërisë. Ky i fundit njihet edhe si këshilltar i hirë-zisë së tij Anastasios Janullatos, i cili para 11 vjetësh kur erdhi në Shqipëri premtoi se do të ishte i përkohshëm këtu. Siç merret vesh në faqen 277 {1} të librit Qosja paska biseduar me Popën për "politikën e Greqisë në Kosovë". Merreni me mend se ç`mund të ketë katranosur Popa me Qosen për këtë gjë.

Për Qosen të gjithë majtistët e Tiranës janë burra të mençur pavarësisht se e bëjnë shkrumb e hi këtë vend. Sipas këtij parametri ai quan miq të tij Rexhep Mejdanin, Skënder Gjinushin, Namik Doklen, Pandeli Majkon etj.

Ndër miqtë e tij ai ka renditur edhe ish-Ministrin e Rendit Publik Petro Koçi, të cilit nuk ia di as emrin kur e quan Pandeli Koçi. Me Petron, Qosja paska udhëtuar edhe me helikopter.

Nga ana tjetër të gjithë armiqtë politikë të Qoses janë nga opozita e sotme, të cilët ndryshe nga shokët e tij nuk kanë ngritur ndonjëherë tre gishtat për djegien e Shqipërisë.

Në faqen 33 {2} të librit të tij ai thotë edhe këto fjalë: "Kurrë s`kam arritur ta kuptoj gjuhën e Sali Berishës". Ndërsa është për t`u kujtuar se gjuhën e majtistëve të Tiranës e ka kuptuar përhere fare mirë edhe kur ka qenë gjuhë e qartë antishqiptare.


- GAFAT HISTORIKE TE QOSES
Si profesor që është Rexhepit nuk i falen disa gafa të karakterit historik që ai ka bërë në librin e tij, duke treguar kështu se ka mangësi të dukshme në drejtim të njohjes së historisë së Shqipërisë. Këto duken më shumë në kapitullin "Tëgjitha përdorimet dhe keqpërdorimet e fjalës tradhtar", kapitull që qenka nxitur nga një artikull i Koço Danajt në shtyp. Për Qosen "tradhëtarët" ndahen në disa palë.

Ai thotë se "pala e Nolit quante tradhëtarë Ahmet Zogun, Xhaferr Ypin, Sulejman Delvinën, Turhan Pashën, Esat Toptanin" dhe se Noli ishte vetëm për ndëshkimin "moral" të "tradhëtarëve" {faqe 220-2}.

Këtu është për t`i kujtuar Rexhepit se Sulejman Delvina nuk ka qenë kundërshtar i Nolit sepse në qeverinë e tij ishte Ministër i Jashtëm dhe pas dështimit të saj u largua bashkë me të jashtë atdheut. Ndërsa sa për ndëshkimin moral duhet thënë se kjo nuk është ashtu siç thotë Qosja pasi njihen ndëshkimet në kohën e qeverisë noliste apo për gjyqet politke të saj.

Po në faqen e sipërcituar Qosja thotë se "pala e Zogut quante tadhëtarë Fan Nolin, Luigj Gurakuqin, Bajram Currin, Avni Rustemin, Koço Kotën, Et`hem Toton, Ismet Toton".

Sipas Qoses Zogu i ndëshkonte "tadhëtarët" me "vrasjen e tyre". Për sa thotë Qosja më sipër mund të thuhet se gjatë kohës së Zogut cilësimet "tradhëtarë" për personat e sipërpërmendur janë të kufizuara për të mos thënë që nuk ekzistojnë. Ndërsa nuk e kuptpjmë pse Qosja ka shpallur armik të Ahmet Zogut dhe e ka dënuar vdekje edhe kryeministrin e monarkisë Kostaq Koota. Ky i fundit asnjëherë nuk ka qenë kundërshtari i Ahmet Zogut, e aq më tepër nuk mund të dënohej prej tij.

Qosja ka vizituar në Tiranë edhe godinën e Akademisë së Shkencave për të cilën thotë se ka qenë godinë e "qeverisë së lavdishme të Fan Nolit".

Së pari Qosja gabon në cilësorin "e lavdishme" kur dihet fare mirë se vetëm e lavdishme nuk ishte qeveria e Fan Nolit.

Së dyti asnjë ditë nuk ka qenë qeveria e Nolit në godinën e sipërpërmendur, por ka qenë në atë vend ku ka një pllakë përkujtimore sot.

Qosja as që di ta mbrojë Fan Nolin për atë që ai ka të vlefshme. Ai mjaftohet vetëm në anë revolucionare të tij. Në intervistën që i ka dhënë gazetës "Zëri" më 15 qershor 1996, Qosja periudhat pushtetore në Shqipëri i ka ndarë në tri kohë. Në të parën ai ka vlerësuar kohën e "prijësit të revolucionit demokratik Fan Noli", në të dytën kohën e Enver Hoxhës dhe në të tretën periudhën e pluralizmit.

Qosja nuk para e ka të qartë as konceptin e figurës së tradhtarit në Shqipëri. Për të të gjithë ata që realisht janë shfaqur tradhëtarë të këtij vendi dhe që fatkeqësisht rezultojnë miq të tij, janë "burra të mirë".

Qosja tradhëtarët i kërkon patjetër tek emrat e "kalaboracionistëve" të Luftës së Dytë Botërore dhe tek ata që nuk i cilëson miq të tij. Ai i kundërshton zërat që thonë se ka shumë tradhëtarë në Shqipëri. Natyrisht mund të ketë ekzagjerime, por gjendja e sotme e Shqipërisë është treguesi më i mirë se nuk kemi numur të vogël tradhëtarësh.

Tek viktimat e "propagandave të shfrenuara", Qosja plot dëshirë ka futur veten e tij dhe avokatin e tresimbolit serb Neritan Ceka. Për të armik dhe tradhëtar i barabartë me Esat Toptanin është Ibrahim Rugova {shih faqe 229-2}.

Kur vjen puna për të thënë të vërtetën për organizatën terroriste serbe "Dora e Zezë"{faqe362-1}, Qosja nuk e thekson se edhe Isa Boletinin ka bashkëpunuar me këtë organizatë, por justifikon edhe marrjen e armëve nga Serbia për të luftuar Turqinë në vitin 1912.

Ndërsa tek figurat e shquara Qosja krahas Kostandin Kristoforidhit fut edhe "revolucionarin demokratik" Dritëro Agolli, që njihet ndër të tjera edhe si një tjetër ideolog famëkeq i 1997. A mund të shkojë Kristoforidhi në një krah me Dritëro Agollin ?


- NJE VEPER QE I SHERBEN MASHTRIMIT DHE GENJESHTRES

Për fat të keq rreth 800 faqet e ditarit politiko-letrar të Rexhep Qoses, kanë për ta kujtuar këtë të fundit si një njeri të pareformueshëm që nuk reflektoi në asnjë rrethanë për gafën e rëndë të "revolucionit të vonuar demokratik të 1997". Çdo gjë mund t`i falet një njeriu si Rexhep Qosja, por kurrënuk mund t`i falet mbështetja me vetëdijë e aksioneve terroriste që u zhvilluan në Shqipëri në vitin 1997 në emër të "çlirimit të Vorio-Epirit".

E për të mos u mjaftuar me kaq Qosja nuk ka hequr dorë nga tifozeria e tij për të majtën shqiptare ndonëse kjo shfaqet më kozmopolite se kurrë. Nuk mund të përcjellësh "tronditjen e shekullit" tek lexuesi duke i paraqitur drejtuesit e të majtës shqiptare krejt ndryshe nga sa janë.

Tronditja e shekullit ka përmasa krejt të tjera nga sa e paraqet Rexhep Qosja. Dhe kjo do ta kujtojë në histori Qosen gjithnjë jo për mirë. Aq më tepër që Shqipëria që ka vuajtur nga Rexhepi i saj do të kujtojë për keq edhe adashin e tij në Kosovë.

AC

[Arb]

Diferenca mes Bamir Topit dhe Rexhep Qosjes

Nga Mero Baze

Presidenti i Shqipërisë, Bamir Topi, është vënë para kritikash konfuze rreth protokollit dhe qëndrimeve të tij gjatë vizitës së fundit në Kosovë, për shkak të neglizhimit që ai i ka bërë njohjes paraprake të terrenit të minuar politik atje.

I nisur rëndom nga ideja se është president i Shqipërisë dhe më tej akoma i ndjekur nga një superdelegacion formal, shumica e të cilëve e shihnin Kosovën për herë të parë si turistë, ai ka prodhuar pa dashje një sulm publik ndaj tij, prej një prej emrave më të njohur të publicistikës politike në Kosovë, prof. Rexhep Qosja.

Pres që ky sulm të vazhdojë dhe më tej në formë thashethemesh, anekdotash dhe shkrimesh të tjera nga autorë më periferikë. Është tipike ajo që ngjet në raste të tilla.

Nuk dua të merrem me gjithë shfrimin e dufit të prof. Qosjes ndaj presidentit Topi. Ky i fundit është i paqëm në distancën që ka nga ngjyrat e brendshme të shoqërisë së Kosovës, saqë, po t’ia kishte rekomanduar Sabri Godo, mund ta fillonte vizitën në Kosovë dhe me takimin me Rexhep Qosjen.

Me formatin e një politikani të ri nga Shqipëria, që nuk e ka lidhur puna të jetë i azhornuar me zhvillimet e imëta politike në Kosovë, Bamir Topi ka qenë realisht në një fushë të minuar nga hile të vockla shqiptare, që nga protokolli i shtetit tonë e deri te mysafirët e tij në Kosovë.

Unë i kuptoj të gjitha këto dhe, duke njohur mirë dhe presidentin Topi, jam shumë i qartë në pafajësinë e tij në çdo detaj që mund t’iu jetë dukur i gabuar në Kosovë dhe në çdo detaj që mund t’i ketë mrekulluar ata.

Nuk kam asnjë drojë të them se Bamir Topi e do Kosovën, por nuk e njeh aq mirë, sa të gjejë stilin e të shprehurit të kësaj dashurie që t’iu pëlqejë të gjithëve.

Ka politikanë të tjerë në Shqipëri që e njohin këtë teknikë dhe dinë ta përdorin shumë mirë.

Por dua të ndalem te thelbi i sulmit të prof. Rexhep Qosjes. Sipas tij, Bamir Topi me qëndrimet e tij kishte ndërhyrë në punët e brendshme të Kosovës dhe kishte rishkruar historinë e Kosovës sipas brumosjes së tij politike.

Argumente natyrisht nuk kishte, por kishte aq shumë mllef, sa kishte arritur të mbushte një faqe me fyerje. Duke mos pasur argumente për çfarë kishte gabuar Bamir Topi në Kosovë, prof. Qosja merrej me çfarë kishte gabuar Bamir Topi në Shqipëri.

Ky njeri, i cili ankohej pse Bamir Topi shkoi në parlament të Kosovës e nuk përmendi luftëtarët, që shkoi në universitet dhe përmendi vetëm marksistë-leninistët e 1981, që shkoi në institucione shkencore dhe përmendi mësues katundi, pra ky kritik i rreptë, si kryeargument për sjelljen e Topit, kishte faktin që Bamir Topi ka shkarkuar Sollakun, ka dekretuar ligjin për akademinë dhe ligjin për TVSH e librit që shtypet jashtë Shqipërisë.

Një nonsens më të madh se kaq nuk kam lexuar kurrë nga ndonjë njeri që merr mundimin të sulmojë presidentin e një vendi. Të thuash se Bamir Topi po ndërhyn në punët e Kosovës dhe të merresh me gjithë punët tona në Shqipëri, vetëm një mendje inatçore dhe tërësisht e ideologjizuar mund ta bëjë.

Së pari, shkarkimi i Sollakut nuk është më një çështje që shqetëson as të majtën në Shqipëri dhe s’ka pse shqetëson Rexhep Qosjen në Prishtinë.

Së dyti, ligji për akademinë u pranua dhe presidenti Topi u falënderua nga akademikët e Tiranës dhe nuk ka pse mërzitet një akademik i Prishtinës.

Dhe së treti, më skandalizoi TVSH e librit që shtypet jashtë Shqipërisë, e cila është një çështje tërësisht financiare dhe spekulative që nuk ka të bëjë as me çështjen shqiptare, as me PD dhe as me PS. Bilé atë skandal e kanë pas bërë ministra të PD dhe e kanë mbrojtur po lobe financiare të PD dhe jo të PS. Minimalisht kjo çështje nuk ka të bëjë fare me ish-nënkryetarin e PD, Bamir Topi, që tashmë është president.

Ai ka dekretuar një ligj që mbron lirinë ekonomike dhe tregun e lirë të Shqipërisë dhe për këtë duhet përgëzuar nga ne që jetojmë në Shqipëri dhe ku ka fuqi vepruese ky ligj. Marrëzia për të gjykuar punët tona në Tiranë me syrin e një majtisti ekstrem nga Kosova dhe përpjekja për ta shitur këtë si histori kombëtare është mungesë e madhe dinjiteti.

Problemi i dytë që ngre prof. Qosja dhe që ka të bëjë me rishkrimin e historisë në Shqipëri është dhe më i rëndë. Ia kam përmendur njëherë vite më parë, se në ndryshim nga ne, në ndryshim nga historianët tanë që kanë qenë të detyruar të gënjejnë për çdo gjë, historianët dhe shkencëtarët e Kosovës nuk e kanë pas këtë fat të keq, kur vinte puna për letërsinë shqipe dhe vlerat e saj për shembull.

Ne kemi pasur fatin e keq që historinë e letërsisë të na e shkruante Dhimitër Shuteriqi, i cili deri më 1948 mburrej që ishte me origjinë serbe, deri më 1960 që ishte me origjinë ruse dhe pastaj që ishte dashamir i Kinës. Dhe për këtë shkak ai na rreshtoi në historinë e letërsisë sonë me vlera ta barabarta Naim Frashërin, Çajupin, Asdrenin, Migjenin, Memo Meton, Shefqet Peçin, Shefqet Musarajin, Ismail Kadarenë etj.

Na zhduku nga çdo libër Fishtën, Konicën, Koliqin, Pipën, Camajn, na zhduku studimet e Mustafa Krujës dhe Mitrush Kutelit, na zhduku Lasgush Poradecin dhe Skënder Luarasin.

Rexhep Qosja që shkruante po historinë e letërsinë shqipe në Kosovë mund ta ndalte këtë masakër. Mund t’i thoshte jo barbarisë që zhdukte vlera kombëtare dhe mbillte ferra në vend tyre.

Nuk e bëri kurrë. Historia e tij e letërisë shqipe është një fotokopje e sistemit të vlerave që na ka ofruar Dhimitër Shuteriqi, i cili ka dhe njëfarë arsyeje të justifikohet se e ka shkruar nën regjimin e Enver Hoxhës.

Liria e Rexhep Qosjes na ka ofruar të njëjtin produkt dhe në raste të tilla është mirë që njeriu të heshtë. E di që falje s’kërkon dot, se nuk e lë sedra e sëmurë, por heshtjen mund ta përdorë si mburojë në këto raste.

Dhe, së treti, ky njeri ka një problem me të jetuarit si njeri i njohur në Shqipëri dhe i papërfillur në Kosovë.

Ka plot personazhe të tillë të botës shqiptare. Ka politikanë e gazetarë dhe emra të botës akademike që i çmojnë më shumë në Kosovë ose në Shqipëri dhe anasjelltas. Rexhep Qosja është thjesht një idol i së majtës shqiptare, por i së majtës së vjetër, nacionalkomuniste me plot retorika për Kosovën.

Aq banale është kjo, sa disa vite më parë, kur socialistët ishin në apogjeun e pushtetit të tyre në Tiranë, ndërsa shkoja në vendlindjen time në Tepelenë pashë një lapidar të rregulluar dhe me tufa lulesh. Lapidari përkujton një betejë me italianët, por që është shoqëruar me një histori të dyshimtë vrasjeje për një ushtarak karriere të shkolluar në Itali, Asim Zenelin, të cilën s`e ka zbardhur askush deri sot. U çudita, kur më thanë se në ceremoni kishte qenë Rexhep Qosja nga Kosova me shoqatën “Labëria”.

Është një investim i fortë dhe personal të vish në malet e Jugut të Shqipërisë në emër të respektit ndaj historisë që nuk duhet të shkruhet kurrë siç është. Unë jam rritur me historinë e Asim Zenelit dhe vrasjen e tij. Të gjithë ata që kanë qenë rrotull tij e tregojnë sesi është vrarë. Jo nga italianët, jo nga pushtuesit, por nga shqiptarët.

Ne duhet ta themi një ditë këtë dhe lapidarin mund ta lëmë prapë aty ku është, por krimi duhet zbardhur. Prof. Qosja, që drithërohet nga ideja se historia mund të rishkruhet, akuzon Bamir Topin pse s`ka përfillur tekat e tij në Kosovë dhe vetë është simbol i përzierjes deri në imtësi në gjithë historitë e pista të komunizmit në Shqipëri, së paku sipas dokumenteve zyrtare që nga viti 1978.

Jam i gatshëm dhe të pranoj se ai e ka bërë nga idealizmi dhe dëshira për të ndihmuar Shqipërinë edhe pse komuniste, por së paku tashmë që është në fund të jetës, ose të thotë ndonjë të vërtetë, ose të heshtë dhe të dëgjojë dhe palën tjetër që ka të vërtetat e saj.

Bamir Topi ishte në Kosovë si President i Shqipërisë dhe është sjellë si i tillë. Është e vërtetë se ai nuk di gjithçka për Kosovën, nuk njeh klanet dhe prapaskenat e shoqërisë atje, nuk njeh kulisat e politikës dhe ngjyrat që ka çdo fraksion, por dhe nuk ka pse i njeh të gjitha.

Rexhep Qosja ka përparësi ndaj tij, se njeh çdo pisllëk të Shqipërisë, çdo skutë të saj dhe e përjeton historinë e Shqipërisë si një militant socialist i traumatizuar nga ideja që u zgjodh Bamir Topi president.

Kjo është e vetmja diferencë mes tyre. Por Bamir Topi konkurron dhe jeton në Shqipëri. Aty votohet, aty drejton, aty ndëshkohet dhe nderohet. Njësoj dhe Rexhep Qosja në Kosovë. Bamir Topi nuk i ka zënë hisen e diellit, duke e lënë me 1 për qind të elektoratit të Kosovës.

28.01.2008

TemA

[Guri i madh]

Postimi origjinal është bërë nga BE LK

A ka ndonje qe te me thote ku eshte Perqarja e radhes ketu....?!!!!

Se te gjithe flasin per pune partish, ej jo per perqarje.........!

Ai qe solli tekstin, me duket se nuk e ka lexu, por ja duk ineresant titulli e e ka postu...!

Kaq eshte mos thurni perrala mediokersh.....!

Me te mira BE LK

po themeli i perqarjeve nder shqiptar e ka ber rexhep qosja apo ma mir me të at pun qe e ka bae Anton qeta per pajtim e bashkim kombtar ky qosiqi i jon e ka hudh

gjithmon duke menduar se në ket mynyr do ta udh,heq kosoven

[MemphiSx]

Rexhep Qosjes iu ka dhan rasti me tregu veten ne vitin 1989,ateher kur intelektualet dhe akademiket deshironin qe te ndryshonin rrjedhen e historis ne Kosove,ateher kur deshironin qe ta luftonin pushtetin serb ne Kosove!

Por Reshepi si Rexhep,lojal qe eshte,dhe i etshem per karrierizem,nuk e pranoi detyren qe iu ngarku nga intelektualet dhe Akademiket,dhe u terhoq,ket detyre madhore e mori Ibrahim Rugova,njeriu qe me menquri e udhehoqi at detyre e qe me shum suskse e qoi deri ne fund!
Keshtu qe Rexhep Qosja,i ka sjell shum dëme popullit Shqiptar!

Dikush ketu tha se Qosja ka vlera si akademik e jo si politikan!

Ateher pse Qosja u perzi ne Politik?Pse Qosja u mashtru nga Thaqi,qe ky i fundit beri marreveshje me te ne Tirane,qe ta emeroj Kryetar te Kosoves pas luftes ne QPK!

Dmth nese nje akademik mashtrohet nga nje njeri i pa shkoll,vetem e vetem qe ta shkaterronte Ibrahim Rugoven,ateher besoni se ksaj i thojn jo patriotizem,por njeri sahanlepires,qe vrapon pas karrierizmit!
Gjitha keto gjera qe i beri Qosja,populli i mbajti mire ne mend,dhe gjithmon ia dha denimin e merituar!

[Jim Belushi]

MOS vet perneve qe kesi Nanonista e Enverista e THaqista mban kjo tok.

[get_up]

Nanonistat e Enveristat e Thaqistat me i fut me ni thes eshte sikur me than qe Ti je shqiptar e baben e ki serb , kurse gjyshin maxhup . Nano ka trathtu enverin e Thaqi ska lidhje me Nano , qysh ka pas lidhje Rugova me Millosheviqin .. Kush hamamin ia u fut keto vula keshtu .
Hajt shko granu kive pash zotin se smirreni vesh ne politik e as ne element ma te thjesht ne JETE .

[BE LK]

Postimi origjinal është bërë nga Guri i madh

po themeli i perqarjeve nder shqiptar e ka ber rexhep qosja apo ma mir me të at pun qe e ka bae Anton qeta per pajtim e bashkim kombtar ky qosiqi i jon e ka hudh

gjithmon duke menduar se në ket mynyr do ta udh,heq kosoven

I deruar........

Ju Nga kosova po kishte kap nje kenaqei e mae uke ha jeri tjetrrin, spo e i se cfar do fito duke krijuar armiq me njeritjetrit....?!

Te quah tradhetar nje njeri si Qosja, i binka me e qujt Rugoven Serb.... Kjo lloogjike dhe fryme serbe dhe ant hqipetare qe paraqisni ju nuk i ben dobi askujt perveq se serbeve u sje ujin ne mulli...

Nuk kemi koke me sqaru e me gjyku ne ata qe kane horizont tjeter e diapazone tjeter. Ne te mesojme me shkrujt mire shqip, do ishtte shume me e peqyer dhe e dobishme per ne...!


Me te mira BE K