UEFA

UEFA cakton datën e hudhjes së shortit për EURO 2004

Shtëpia evropiane e futbollit UEFA, ka bërë të ditur datën e saktë të hudhjes së shortit për grupet garuese në kampionatin evropian të futbollit, i cili do të fillojë vitin e ardhshëm në Portugali

-Zyrtarë të lartë të shtëpisë evropiane të futbollit UEFA, kanë bërë të ditur se ceremonia e hudhjes së shortit për grupet e kampionatit evropian në futboll

EURO 2004 do të mbahet ditën e fundit të këtij muaji.

Para hedhjes së shortit, kombëtaret janë rënditur nëpër katër grupe klasifikuese, duke pasur parasysh rezultatet e tyre në kualifikimet e botërorit 2002 dhe evropianit 2004.

Në grupin e parë do të jenë skuadrat më të sukseshme: Franca, Suedia Çekia dhe nikoqirët e EURO 2004 Portugalia.

Kurse në të dytin do të jenë: Gjermania, Italia, Spanja dhe Anglia

Grupi i tretë do përbëhet nga: Holanda, Danimarka, Kroacia dhe Rusia.

Ndërsa në të fundit janë: Bulgaria, Zvicra, Greqia dhe Letonia.

Kjo është bërë me qëllim të gritjes së cilësisë së garave në evropianin e vitit të ardhshëm.Katër skuadrat e klasifikuara në një rang, nuk do të mund të jenë në të njëjtin grup të EURO 2004.