Shkup, sulmohet me granata stacioni i policisë

ARVANITI · 17-07-05, 19:31

Nga shpërthimi u shënuan dëme të shumta materiale, por jo viktima në njerëz. Policia, vazhdojnë hetimet

Shkup, sulmohet me granata stacioni i policisë

Ngjarja ndodhi në Bit Pazar, pak orë pas miratimit nga parlamenti të ligjit për përdorimin e simboleve etnike

Shkup – Mbrëmjen e së premtes është sulmuar me granta stacioni policor në Bit Paraz të Shkupit në Maqedoni. Shpërthimi, ndodhur në pjesën veriore të stacionit policor, rreth orës 23.30 minuta të mbrëmjes, shkaktoi dëme të shumta materiale, por fatmirësisht nuk u shënuan viktima në njerëz. Sipas deklaratës së Ministrisë së Brendshme, godina 5-katëshe ku ndodhet komanda e policisë, është goditur me dy predha, nga shpërthimi i të cilave janë thyer të gjitha xhamat e stacionit policor duke shkaktuar edhe dëme në pjesën e brendëshme të tij. Menjëherë, në vendngjarje ka shkuar një grup ekspertizë me zëvendës prokuroren e Shkupit, Liljana Misheva shoqëruar nga grupi i anti terrorit. Pas ngjarjes, kryeministri maqedonas Vlado Buçkovski mbajti një takim urgjent me ministrin e Brendshëm Ljubomir Mihallovski dhe ministren e Jashtme Ilinka Mitreva. Burimet zyrtare bëjnë të ditur se qëllimi i këtij takimi ishte marrja e masave konkrete për zbardhjen e ngjarjes dhe zbulimin e autorëve të saj. Po lidhur me këtë incident, partia maqedonase VMRO DPMN i ka kërkuar kryeministrit që ngjarja të zbardhet sa më parë dhe personat përgjegjës të vihen përpara ligjit. Ndërsa forcat policore dhe grupet antiterror janë vënë në lëvizje për zhvillimin e hetimeve, zona e banuar kryesisht nga shqiptarë gjendet e rrethuar nga policia.

Ligji për simbolet etnike

Shpërthimi në Bit Pazar, ndodhi pak orë pasi Parlamenti i Maqedonisë miratoi me shumicë votash ligjin për përdorimin e simboleve etnike. Sipas ligjit të ri, bashkësitë etnike në komunat ku përbëjnë mbi 50 përqind të popullsisë do të mund të përdorin zyrtarisht simbolet e tyre kombëtare. Shqiptarët në 16 komuna të Maqedonisë janë shumica. Miratimi i këtij ligji është përshëndetur nga zyra e OSBE-së në Maqedoni, sipas së cilës ligji paraqet një zgjidhje të balancuar të arritur përmes dialogut. Sipas ambasadorit Karlosh Paish, shef i misionit të OSBE-së në Maqedoni, pritet që ligji i ri të zbatohet në mënyrë të efektshme. Shpërthimi i së premtes në mbrëmje, është rasti i dytë brenda javës që sulmohen stacionet policore. Rasti i parë ishte katër ditë më parë kur rajoni policor i Vranicit në Tetovë i cili u sulmua me minahedhës dhe armë automatike. Ndërkohë që vetëm nje ditë më parë eshtë mbledhur Këshilli i Lartë i Sigurisë nën drejtimin e Presidentit Cervenkovski, i cili analizoi trazirat e vitit të kaluar në Kundovë.

Marre nga "Shekulli"

Fshatari · 18-07-05, 09:26

Kryetari i tanishëm maqedonas e di se si ka mbaruar historia e paraardhësit të tij, diku në Bosnjë!
E di që në vitet 1912 ( para më pak se një shekulli), Manastiri dhe Skupi janë qytete të pastra shqiptare, pa praninë a asnjë sllavi, sepse atëbotë as populli maqedonas nuk ekzistonte.
E di që flamurin me të cilin mburret është ai i Aleksandrit të madh, ilirian i pastër, pa asnjë pikë gjaku grek në damarët e tij!
E di poashtu që Shqiptarët përbëjnë sot atje 30-40% të popullësisë! dhe janë pra popull autokton kurse vetë ai, cervenkovski dhe të gjithë -skit tjerë, janë "muhaxherë"!, të gjithë sllavët e jugut janë "ardhacak" nê ballkan!
Për sa kohë që ky individ vazhdon të trajtojë shqiptarët si "terroristë" nuk mund të ketë kurëfarë marrëveshjeje me ta! Paqeja nuk arrihet ashtu siç mendon kryetari i maqedonisë...

ARVANITI · 18-07-05, 19:27

Ky "ligji per simbolet", nga sa e kam studiuar, eshte i njeaneshem dhe i manipuluar. Nuk do ta kete jeten e gjate.

Pse?

Sepse, sipas tij shqiptaret (dhe etnite e tjera) do t'i perdorin simbolet kombeare ne rastet kur jane mbi 50%, ndersa ne menyre shume te kufizuar kur jane mbi 20%. Nen 20% nuk lejohet. Kjo veln per shqiptaret.

Ndersa per maqedonasit edhe kur ajne 90%, edhe kur jane 0,01% mund t'i perdorin pa problem simbolet e tyre.

Sic shihet eshte i njeanshem, dhe etnite nuk jane te barabarta.

Nuk do ta kete jeten te gjate. Grupet etnike duhet te jene te barabarta nga te gjitha pikepamjet dhe jo maqedonasit te konsiderohen "te privilegjuar".