NATO, në rast nevoje në Kosovë do ndërhyjë nga Serbia

[ARVANITI]

NATO, në rast nevoje në Kosovë do ndërhyjë nga Serbia


BEOGRAD - Sekretari i përgjithshëm i NATO-s Jap de Hoop Scheffer dhe ministri i Jashtëm serbo-malazez Vuk Draskoviq kanë nënshkruar dje në Begrad marrëveshjen për linjat tokësore të komunikacionit nëpërmjet territorit të Serbisë dhe Malit të Zi të trupave të NATO-s dhe KFOR-it, në rast se ato forca do të kenë nevojë që të ndërhyjnë në rajon. Me këtë marrëveshje, siç njoftojnë media serbe, do t'u lehtësohet forcave të KFOR-it që në mënyrë të shpejtë dhe efikase të veprojnë në rast se në territorin e Kosovës përsëritet 17 marsi i vitit 2OO4. Ndërkaq, në një takim me kreun e Unionit serbo-malazez Svetozar Mafroviq, Scheffer ka thënë se serbët e Kosovës duhet të hyjnë në institucione. Scheffer, gjithashtu ka deklaruar dje në Beograd, se nuk përbën kërcënim për stabilitetin në Ballkan, referendumi për ndarjen e Serbisë nga Mali i Zi, pavarësisht se liderët serbë deklarojnë të kundërtën. Scheffer dhe Drashkoviq, vemendje të veçantë i kanë kushtuar edhe situatës në Kosovë dhe arrestimit të të akuzuarit për krime lufte, Ratko Mladiq, për të cilin thuhet se fshihet në Serbi. Pikërisht dje janë parë në Nish grafite të shkruara në mbështetje të Mlladicit si: “Gjeneral Mladic, faleminderit për Srebrenicen”, “Zgjidhja e vetme, pastrimi 1OO për qind”, etj. si dhe është vizatuar kryqi i thyer nazist.


19/07/2005
KATEGORIA: Kosove


Marre nga gazeta "Shekulli"