Takimi i ministrave Haziri - Lonqar në Vjenë!

[Gentiani]

Takohen në Vjenë Haziri-Lonqar Aktuale

Ministri i Pushtetit Lokal të Kosoves Lutfi Haziri dhe homologu i tij serb Zoran Llonqar,sot do të takohen në Vjenë.


Në takim do të bisedohet për decentralizimin në Kosovë si dhe për cështjet e tjera teknike në lidhje me poziten e serbëve në Kosovë, kanë bërë të ditur burimet e UNIMK-ut.


Kai Aide në Vjenë thotë se ka përparime në detajet rreth procesit të decentralizimit Aktuale

Si Prishtina, ashtu edhe Beogradi dhe Bashkësia Ndërkombëtare duhet të ballafaqohen me sfida të rëndësishme , të cilat duhet t’i zgjidhim. Kështu është shprehur sot në Vjenë i dërguari i posacëm i Kombeve të Bashkuara për vlerësimin e standardeve, Kai Eide.


Aide ka shprehur kënaqësi që është organizuar takimi i parë në Vjenë me zyrtarët e lartë nga Prishtina dhe Beogradi për çështjen e decentralizimit. Gjatë një pauze në takimin ndërmjet delegacioneve të Kosovës dhe të Serbisë, që kryesohen nga ministrat e pushtetit lokal, përkatësisht Lutfi Haziri dhe Zoran Llonçar, Aide, që e kryeson këtë takim, ka thënë se fakti se politikanët e Kosovës dhe të Serbisë ulen në një tavolinë dhe bisedojnë për probleme konkrete është zhvillim pozitiv. “Nuk mund të presim që gjatë këtyre pak orëve të bisedimeve, ata të arrijnë marëveshje lidhur me tema shumë të vështira. Po qe se kjo të ishte e mundshme, atëherë i gjithë procesi do të ishte më i shkurtër, por mendoj se është e rëndësishme që të gjitha elementet janë vënë në tavolinë dhe se bisedimet ishin të hapura dhe të sinqerta”, tha Aide. Eide ka thënë se po bisedohet për një çështje shumë të rëndësishme për Kosovën, e kjo është si të shtohet siguria dhe ndërtimi i shoqërisë multietnike. Më pas, Eide ka shtuar se diskutimet janë konkrete dhe të detajizuara, që sipas tij është gjë e mirë. “Po përparojmë dhe po bisedojmë për detajet dhe kompetencat rreth procesit të decentralizimit”, është shprehur ai. Diplomati Eide ka vlerësuar se bisedimet kanë të bëjnë me çështje të rëndësishme dhe rezultatet nuk duhet të priten vetëm nga një takim. N[ anën tjetër, diplomati norvegjez, nuk ka pranuar të paraqes detaje të raportit të tij për Kosovën. Megjithatë ai ka paralajmëruar se nesër udhëton për në Nju Jork, ku do të takohet me sekretarin e përgjithshëm të Kombeve të Bashkuara, Kofi Anan dhe me Grupin e Kontaktit. Ministri serb për qeverisje lokale dhe administratë Zoran Lonçar dhe homologu i tij kosovar Lutfi Haziri, u takuan për bisedime në Vjenë të Austrisë. Ky është takimi i parë i një niveli të lartë politik ndërmjet zyrtarëve serbë dhe atyre shqiptarë. Në qendër të agjendës së këtij takimi i cili u cilësua joformal, ishte çështja e decentralizimit në Kosovë.

__________________________________________________ ___________
*** Ndërsa në muajin e ardhshëm pritet takimi i ministrit të kulturës, rinisë e sporteve dhe çështjeve jorezidente Astrit Haraqia me homologuin e tij!

Eh ç`u kënaqen duke bërë llafe në emër të bisedimeve... Jam shumë kurioz ta dijë se për çfarë munden të bisedojnë ministrat e dyja palëve.

Në takimin e sotëm, Decentralizimi paska qenë çështje bisedimi, "çështje shumë e rëndësishme për Kosovën" sipas atij surrat leshkuqit Aide.

Çështjet e dorës së fundit i nxjerrin të parat për llafosje në emër të bisedimeve, të cilat janë aq formale, sa nuk ja vlenë as bileta e udhëtimit të shkojë njeriu në Vjenë, ose edhe më interesant mundet të jetë takimi i ministrave të Sportit, nëse nuk sjellin ndonjë marrëveshje se duhet filluar bashkëpunimi në fushat e Sportit dhe se priten të organizohen edhe ndeshjet e para në sport mes ekipeve Kosovare dhe atyre Serbe, por të duhet diskutuar në cilën ligë do të zhvillohen :lol: :lol: :lol: kjo duhet ti kontribuoj patjetër plotësimit të standardeve si kusht për përcaktimin e statusit të Kosovës, me një fjalë e gjithë çështja po sillet që duhet pyetur serbët dhe marrë aprovimin e tyre si të definohen raporte e çështje që u përshtaten Serbëve dhe Serbisë për të mundur leshkuqi Aide të vendosë plusa për Kosovën në raportin e tij para OKB.

Është vërtetë pozitë tejet e mjerueshme, poshtëruese dhe fyese për Kosovën, që lejon që një zyrtar si ai Aide i hamamit tu tregojë shqiptarëve se çka duhet të bëjnë, si të sillen dhe të veprojnë, kur ai nuk është asgjë më shumë se një nëpunës që i është dhënë mandat nga OKB, në vend se shqiptarët të mirrnin hapat dhe ti tregonin vendin atij, Petersenave dhe gjithë atyre surrat-kryeaministratorëve, se zgjidhja e çështjes së Kosovës është shumë më e rëndësishme dhe me interes, se mandati tyre i praktikantëve që zhvillojnë në cilësinë e Kryeadministratorëve kur mbesin pa poste ministrash ose ambasadorësh nga vendet që ata vijnë.

Megjithëate nuk është faji i tyre, sa faji i oligarkisë politike të zuzarëve majtas e djathas që Tenderat, kanë rëndësi dhe interes vital për xhepat e tyre dhe pasuritë përmes posteve që janë vendosur.