Depresioni i nenave pas lindjes se pare

zana e maleve · 08-11-05, 13:34

Forumiste te nderuar e hapa kete teme ne myre qe te shkembejme te gjithe mendimet tona lidhur me kete teme.Ky problem eshte shume i shfaqur tek femrat qe lindim femijen e pare,duke iu shaktuar mos disonim dhe vullnet per asgje.

Ju mirepres formusite te nderuar qe te shtjellojme kete teme se bashku.

Me nderime zana e maleve

**Naki** · 08-11-05, 15:30

Ndrrimi i rolit në familje nga bashkëshortja në rolin e dyfishtë edhe të nënës sjellë shumë ndryshime në jetë ,që kërkonë përshtatje,njohuri,durimë-në rritjen dhe edukim e femiut.
Për Nënat çë janë në mardhënje pune,Çë kanë para vete Karrieren,Studimet është vështirë çë vetëm të rrisin dhe edukojnë fëmiun.
Në pedagogji Familjare njihen problemet Intrapersonale kur njeriu Ka rolin e dyfishtë dhe pa më dyshje Vetëm eshtë vështirë të Përballohen sfidat.
Lindja e femiut për shoqërin tonë eshtë gëzimi më i madhë në Familje,Fatëkeqësisht shpeshherë Nënat Gjinden të vetmuar në rritjen dhe kujdesin e Femiut dhe në përgjithësi Kanë një barrë te madhe.
Njeriu i Vetmuar,I ndarë nga rrethi shoqërorë i Izoluar mbrenda 4 Murëve është Potencial i Depresioneve.
Kërkohet më shumë nga Bashkëshortët një kalendarë ditorë i obligimeve që kujdesi dhe rritja i fëmiut të jetë i balancuar duke pasur parasysh çë dita i ka 24 orë,dhe nuk mundë të jetë vetem nëna Barra Kryesore e kujdesit të Femiut.

Përshëndetje për Autoren e temës.

Naki

zana e maleve · 08-11-05, 18:24

Ju faleminderit shume mik i dshur per shprehjen e medimit tend.
Depresioni i nenes nuk ka te beje fare me kushtet,por vete psikologjia e femres dhe frika qe nuk do te mund te arrin me te mire per femiun e vet bene qe nena e re te bie ne depresion post natal.
Ky depresion menifestohet tek nenat ne menyra jo te njejta por te ndryshme.
Tek disa femra egziston frika qe mund te them nga asgje dhe nga qdo gje,tek disa te tjera manifaestohet ne ate menyre qe mendojne qe eshte fajotore per gjendjen e tyre vete femiju dhe refuzojne ne dhenjen e gjirit,tek disa te tjera nuk e shohin veten me te vlefshme ne familje.

**Naki** · 08-11-05, 21:18

Kushtet dhe rrethanat Psikosomatike,ndodhitë,Mendimet,Ndjenjat Në fazen e paslindjes mundë të shkaktojnë depresione të lehta.

Në postimin timë Autoktonë duke krahasuar dy shoqëri me mentalitete dhe kushte të ndryshme shoqërore kamë sjelluar përvojat që kamë përceptuar tek Ky grup i pacienteve.
Shkaqet dhe Preventivat si potencial të depresionit ishin në segmentin e debatimit Timë.

Me nderime Naki

e_martumja · 05-02-06, 21:24

Baby Blues

Nje Depression qe ndodh ne disa rrasteve mbasi qe nje nene e lind femijen ska faj gjithe ato ndryshime :lol: :lol: :lol: Por eshte e shkurt por ajo qe don me zgjat pushim mjeksorin e ben Depression te madhe :lol: :lol: :lol: :lol: :lol:

Gentiani · 04-03-06, 02:28

Depresioni i nenave pas lindjes se pare!

Për ti ikur depresionit, duhet ndërmarrë të gjitha masat për përgaditjen e lindjes së dytë

**Murgesha** · 04-03-06, 10:56

Për mendimin tim të rralla janë ato nëna të reja që bien në depresion pas lindjes së parë. Përkundrazi ndjehen krenare për vetë aktin e lindjes si dhe për fëmijën që kanë sjalëë në jetë.

**Naki** · 28-04-06, 13:43

Çka e shkakton depresionin post-natal?

Lindja e fëmijës është kohë kur bëhen ndryshime të mëdha. Nënat përjetojnë ndryshime biologjike, fizike, emocionale dhe sociale. Mund të ndodhë se depresioni post-natal shkaktohet nga përzierja a tëgjitha ndryshimeve. Edhe ndodhitë tjera të vështira në të njejtën kohë mund të kontribojnë.
Ndryshimet biologjike

Lindja e fëmijës sjell ndyshime të hormoneve në trupin tuaj. Depresioni post-natal mund të jetë i lidhur me këto ndryshime. Por edhe pse kjo mund të jetë shkaku dëshmitë sygjerojnë se hormonet nuk janë shkaktar të vetëm. Rrethanat tuaja individuale dhe sociale janë poashtu me rëndësi.
Megjithatë, ilaqet kundër depresionit dhe ilaqet e tjera mund të ju ndihmojnë. Bisedoni me mjekun për këto.
Ndryshimet fizike

Lindja e fëmiut është rraskapitëse dhe ndonjëhere mund të shkaktojë probleme fizike p.sh. nëse keni lindur fëmiun me operacion, dhëmbjet pas operacionit. Shërimi pas operacionit nuk është gjithmonë i lehtë. Kujdesi për foshnje e bënë të vështirë që ju të pushoni dhe të fleni sa duhet. Nëse keni fëmijë të tjerë ata mund të reagojnë duke kërkuar nga ju vemendje më të madhe. Kjo mund të ju bëjë më të lodhur.
Ndoshta ju nuk keni oreks të mirë dhe nuk hani sa duhet. Kur kjo ndodh është shumë lehtë të lodheni pa masë. Disa femra poashhtu ndjehen të pa sigurta dhe jo-atraktive përshkak se forma e tyre e trupit ndryshon dhe nuk kanë kohë të kujdesen për veten. Në të njejtën kohë disa femra të cilat vuajnë nga depresioni post-natal kujdesen për veten dhe foshnjen e tyre posaqrisht më shumë për të fshehur ndjenjat e dështimit që ndjejnë për shkak të depresionit. Kjo shkakton më shumë lodhje fizike.
Ndryshimet emocionale

Femrat shpesh nuk i përjetojnë ndjenjat që i kanë paramenduar kur lindin foshnjen. Kur ato marrin në duar foshnjen e tyre për të parën herë, një numër i madh i tyre nuk ndjenë atë emocione të nxituar të ‘dashurisë së nënës’. Ato vetëm ndjehen të lodhura dhe pak të shkëputura. Kjo është normale. Disa nëna e duan fëmijën në shikim të parë por disa mësohen ta duan fëmijën gradualisht.
Por kryesorja është që mos të brengoseni apo të zghënjeheni nëse lindja e fëmiut nuk është si e keni paramenduar. Dhe është e vërtet se shumë femra thonë se pas lindjes së fëmiut ndjehen më të emocionuara kështu që kur gjërat nuk shkojnë mirë atëhere duken shumë më keq se zakonisht.
Ndryshimet sociale

Lindja e fëmiut mund të shkaktojë shumë ndryshime. Nevojat e foshnjes vështërsojnë vazhdoni jetë aktive shoqërore. Poashtu mund të shkaktojë tendosje në marrëdhëniet e prindit sepse është vështirë të kalojnë kohë së bashku si çift.
Për shkak se shumë njerëz nuk jetojnë afër anëtarëve të familjeve të tyre, prindët mund të ndjehen të izoluar dhe nënat nuk kanë ndihmë nga njerëzit e tjerë. Posaqërisht ato të cilat nuk i kanë nënat e tyre afër të ju ndihmojnë gjatë kësaj kohe të vështirë. Edhe ato që kanë familjet afër mund të kenë vështërsi të kërkojnë ndihmë praktike.
Gazetat, revistat dhe programet televizive thonë se të lind fëmijë është përvojë e mrekullueshme por shpesh nuk përmendin pjesët e vështira. Për shkak se çka dëgjojmë nga mediat dhe se çka njerëzit tjerë tregojnë për lindjen e fëmiut, femrat ndonjëherë ndjehen se kjo kohë duhet të jetë e përkryer. Ato mendojnë që çdokush tjetër ia del mbanë të lind fëmiun në mënyrë natyrale dhe lehtë dhe menjëhere bëhet nënë e përkryer. Kjo ndikon të keni vështirë të kërkoni ndihmë.
Por ky mit për amësinë është larg nga e vërteta për shumë njerëz. Lindja e fëmiut mund të jetë shumë e vështirë dhe të bëheni nënë është rol i ri që mësohet në jetë.
Femrat këto ditë kanë më shumë kërkesa se nënat e të kaluarës. Ato ndoshta janë mësuar të dalin të punojnë dhe tani ndjehen të izoluara në shtëpi dhe i mungon takimi me kolegët e tyre. Por nëse vendosin të kthehen në punë ato mund të ballafaqohen me shumë mundime.
Ndodhitë e vështira jetësore

Ne gjithashtu njohim se njerëzit të cilët kanë përjetuar apo perjetojne jete me ndodhi të mundueshme mund të ju shfaqet depresionin post-natal pas lindjes. Për shembull, abortimet spontane në të kaluarën, vdekja e nënës, probleme financiare, vështërsi me banim. Përfundimisht është me rëndësi të mbani mend se njëra prej shkaqeve më të zakonshme të stresit janë ndryshimet në jetë, dhe asgjë më shumë se lindja e fëmiut nuk e ndryshon jeten.
Çka mund të ndihmon?

Mos harroni se ndihma ekziston dhe ka mënyra se si ju mund t’i ndihmoni vetës.
Hapat e parë

Pranoni se diçka nuk është në rregull
Bisedoni me partnerin/burrin tuaj ose me ndonjë shok/shoqe apo ndonjë nga anëtarët e familjes për ndjenjat që i përjetoni
Mos harroni se ju do të bëheni më mirë
Bisedoni me mjekun apo infermjeren e shëndet

Po tretman tjetër?

Studimet vërtetojnë se terapija konsultuese është tretman shumë efektive për depresionin post-natal. Infermjerja e juaj e shëndetit është përsoni me të cilën mund të bisedoni, ajo mund të ketë trajnim në shkathtësi të konsultimit. Mjeku mund të ju drejtojë te një konsultues në klinikën lokale apo te psikologu, infermjerja psikiatër nga komuniteti. Konsultuesi juaj mund të shqyrtojë me ju çështjet nga e kaluara, të cilat ju mendoni se kanëlidhshmëri me ndjenjat që i përjetoni tani.
Si ta ndihmojë vetën?

Mund te merrni disa hapa praktike të cilat ju bëjnë të ndjeheni më mirë.

Të bisedoni për ndjenjat tuaja është me rëndësi. Ndoshta ju duket vështirë të bisedoni me partnerin/burrin tuaj por nëse i mbani gjërat në vete tërë kohën ai mund të ndjehet i lënë anash. Kjo posaqërisht është e vërtet nëse nuk dëshironi të keni marrëdhënie seksuale, gjë që ndodh shpesh te njerëzit me depresion.
Mundohuni të mos kaloni kohën vetëm çdo ditë. Bëni përkjekje që të takoheni me shoqe/shokë apo të takoheni me nëna tjera. Infermjerja e juaj e shëndetit mund të ju tregojë për grupet lokale ku mund të njoftoheni me femra të tjera. Ndonjëhere mund të ketë grupe ku japin përkrahje të cilat mund të ju ndihmojnë shumë. Poashtu ka edhe anëtarë nga organizatat vullnetare të cilt mund të ju ofrojnë përkrahje praktike dhe emocionale (Shikoni adresat në fund të kësaj fletushke).
Çdoherëpranoni ofertat për ndihmë praktike. Mos të ju vjen keq të kërkoni ndihmë apo të ndiheni keq për ta pranuar ndihmën. Gratë të cilat përjetojnë depresion të rëndë është e mundur se kanë të drejtë për ndihmë me mbikëqyrje të fëmijve dhe punë shtëpiake.
Mos u mundoni të bëheni amvise e përsosur. Nuk është me rëndësi a e keni shtëpinë e pastër apo të papastër. Bëni sa më pak punë që është e mundur.
Pushoni sa më shumë sepse lodhja e keqëson depresionin.
Hani ushqim të shëndoshë.
Gjeni kohë për vetën. Kjo mund të jetë joreale por nëse p.sh. kaloni një kohë të gjatë në vaskë, bëni shetitje të shpejtë apo vetëm nëse e lexoni një revistë për gjysmë ore ju ndihmon të qetësoheni.
Ushtrimet fizike posaqrisht janë shumë të dobishme.

Marrë nga multikulti, Naki