Kronika e një dashurie në chat.

[Murgesha]

Dashuri në Chat, vodhi 50 mijë USD
Gazmend Janku
[email protected]

TIRANE

Vjedhje me anë të mashtrimit nëpërmjet internetit. Kjo është akuza për të cilën u arrestua Lindita Halilaj, 42 vjeçe me banim në Shkodër. Ajo akuzohet se i ka vjedhur 50 mijë dollarë Neritan Hykës, emigrant shqiptar në Kanada. Vjedhja e pazakontë ka ndodhur edhe pse dy protagonistët nuk ishin takuar asnjëherë me njëri-tjetrin. Interneti ka qenë lidhja e tyre e vetme. Nga hetimet e kryera nga Prokuroria e Tiranës, ka rezultuar se 42-vjeçarja Halilaj, kishte krijuar një lidhje virtuale nëpërmjet internetit me Neritan Hykën, në Kanada. Komunikimet e shpeshta, bënë që Neritani të binte në dashuri me Linditën, e cila pasi e kuptoi këtë fakt, filloi të zbatonte edhe planin e mashtrimit. Duke i premtuar martesën, 42-vjeçarja nuk ka nguruar t’i kërkojë të dashurit të saj virtual, lekët për blerjen e banesës dhe orendive të tjera shtëpiake. Neritani i dehur nga dashuria, i ka dërguar disa herë para, të cilat në total kapnin shifrën e 50 mijë dollarëve. Pas marrjes së sasisë së valutës, Lindita ka ndërprerë komunikimet me Neritanin, i cili vetëm në këtë moment e kuptoi mashtrimin. Pasi kishte humbur 50 mijë dollarë, Neritani lajmëron të afërmit e tij, të cilën bënë edhe kallëzimin penal në Prokurorinë e Tiranës. Duke qenë se të dhënat në faqen e internetit përputheshin me gjenealitetet dhe të dhënat fizike të Linditës, ndaj kësaj të fundit, prokuroria firmosi urdhër-arrestin më 26 dhjetor të vitit të kaluar. Nuk ka vonuar, dhe policia dje ka bërë të mundur arrestimin e 42-vjeçares, ndaj së cilës rëndon akuza e vjedhjes me anë të mashtrimit.

Lidhja
Hetuesit kryeqytetas kanë dalë në përfundimin se lidhja midis emigrantit Hyka me mashtruesen Halilaj ishte krijuar nëpërmjet internetit ku të dy kalonin orët në chat.

Gazeta Shqiptare

[Murgesha]

TIRANE/ Policia arreston 42-vjeçaren nga Tepelena, prej një viti “dashuronte” nga interneti Neritan Hykën

Flirti, i vjedh emigrantit 50 mijë USD

Prokuroria: Lindita Halilaj, e dyshuar për mashtrimin me martesën


marre nga PANORAMA -- Klodiana Kotorri
Një emigrant shqiptar me qëndrim në Kanada, ka rënë pre i një mashtrimi të kushtueshëm gjatë komunikimit në distancë me një 42-vjeçare nga Tirana.

Kjo e fundit, e cila, sipas burimeve zyrtare të policisë, quhet Lindita Servet Halilaj, ka përfituar 50 mijë dollarë nga emigranti, të cilit i kishte premtuar martesë, pas kthimit në Shqipëri. Gjithçka ka filluar me një komunikim të rastësishëm në botën e internetit, i cili më pas është pasuar me një flirt platonik mes shtetasit Neritan Hyka dhe të dyshuarës Lindita Halilaj. Sipas burimeve zyrtare të policisë, 42-vjeçarja e cila ka lindur në Tepelenë dhe është banuese në Tiranë, pasi kishte rrëmbyer zemrën e Hykës, i ka kërkuar atij shumën e parave. Sipas policisë, Halilaj ka premtuar se do t’i vinte në përdorim për hapjen e një dyqani në katin e parë të shtëpisë, ku banonte në kryeqytet. Dyqani, sipas idesë së shtetases së dyshuar, pas kthimit të emigrantit Neritan Hyka, do të përdorej për interesa të dy “bashkëshortëve”. Prokuroria dhe policia e Tiranës, kanë dokumentuar të paktën 30 dërgesa të emigrantit nga Kanadaja në adresë të gruas me të cilën ai komunikonte. Pasi ka përfituar shumën 50 mijë dollarë, e dyshuara, sipas policisë, ka ndërprerë komunikimin me emigrantin. “Ajo nuk më përgjigjej në adresën e internetit dhe në numrin e telefonit”, ka dëshmuar i dëmtuari.

Aventura
Shtetasi që qëndronte në Kanada bashkë me disa të afërm të tij, ka vendosur të udhëtojë drejt Tiranës me qëllimin për të njohur gruan me të cilën kishte komunikuar, të cilës i kishte dërguar paratë. Emigranti ka deklaruar para hetuesve, së të gjitha shumat që ka dërguar në Shqipëri, i ka marrë në formë kredie në bankat kanadeze. Pasi ka mbërritur në Tiranë, Neritan Hyka ka tentuar të kontaktonte me 42-vjeçaren Lindita Halilaj. Kjo e fundit është “zhdukur”, ndërkohë pas një qëndrimi disaditor në kryeqytet, emigranti ka bërë denoncim në polici. Ai ka vënë në dispozicion të hetuesve të gjitha të dhënat e 42-vjeçares, dokumentet e dërgesave dhe vërtetimet e kredive që kishte marrë në Kanada. Dosja hetimore është regjistruar në Prokurorinë e Tiranës, e cila më 26 dhjetor 2005, ka firmosur një urdhër ndalimi ndaj të dyshuarës Lindita Halilaj. Ajo është arrestuar dje në mënyrë të befasishme, pasi kishte filluar lëvizjet e zakonshme, bazuar në informacionet që kishte marrë për rikthimin e emigrantit në Kanada.

Flirti platonik
Ka qenë fundi i vitit 2004, kur Lindita Halilaj, nënë e dy fëmijëve, është lidhur në internet me Neritan Hykën. Ky i fundit, sipas policisë, jeton në Kanada prej vitesh me prindërit dhe vëllanë e tij. Disa muaj pas komunikimeve të para në internet, dy personat pushtohen nga flirti i fjalëve, pa njohur njëri-tjetrin nga pamja fizike. Halilaj i ka premtuar martesë emigrantit. Disa kohë më parë, e dyshuara i ka thënë “bashkëshortit”, se banonte në katin e parë të një pallati dhe kishte dëshirë që një pjesë të apartamentit ta kthente në dyqan. Ideja e 42-vjeçares, sipas saj, kërkonte shpenzime, ndaj duhej që Hyka të dërgonte paratë për të ngritur dyqanin që do të ndihmonte ekonomikisht çiftin e ardhshëm. Një muaj më parë, Hyka i tregon në telefon 42-vjeçares, se do të vinte në Tiranë, dhe do të fejoheshin. E dyshuara, e cila nuk kishte këtë qëllim, ka vendosur të ndërpresë lidhjet me emigrantin. Ajo është zhdukur nga interneti, ndërsa bllokoi edhe numrin e telefonit. “Prokuroria e Rrethit Tiranë lëshoi më datë 26 dhjetor 2005 urdhrin e ndalimit për 42-vjeçaren, pasi dyshohet se është autore e vjedhjes me anë të mashtrimit të shtetasit Neritan Hyka, banues në Kanada, të cilit i ka vjedhur shumën prej 50.000 USD”, thuhet në komunikatën zyrtare të Drejtorisë së Policisë së Tiranës.

[Murgesha]

Liljana apo Lindita apo akoma nuk dihet emri


Liljana Halilaj u kap në Qafë-Thanë, teksa po ikte në Maqedoni. I mori paratë shqiptaro-kanadezit Hyka për të hapur biznes në Shqipëri

Mashtron biznesmenin nga Kanadaja, i merr 50 mijë euro


Dashamir Biçaku

TIRANE- Mashtroi një biznesmen shqiptaro-kanadez duke i marrë 50 mijë euro, përfundon në pranga 42-vjeçarja. Liljana Halilaj po tentonte të largohej në drejtim të Maqedonisë, nëpërmjet pikës së kalimit kufitar të Qafë- Thanës në momentin që është arrestuar nga policia me akuzën e vjedhjes nëpërmjet mashtrimit, në bazë të një urdhër-arresti të firmosur nga prokuroria e Tiranës. Neritan Hyka, rreth 60 vjeç, biznesmen shqiptar i lindur në Kanada, ka denoncuar Halilajn se e kishte mashtruar, duke i marrë 50 mijë euro me argumentin se do t’i hapte një biznes në emrin e tij në Shqipëri. Sipas kallëzimit, paratë janë tërhequr prej 42-vjeçares nëpërmjet transfertave që Hyka kishte bërë nga Kanadaja në Shqipëri, nëpërmjet “Uestern Union”. Pas ndalimit të saj në pikën e kalimit kufitar në Qafë- Thanë është njoftuar policia e kryeqytetit për kapjen e të kërkuarës. Të martën në mbrëmje, gruaja e ndaluar për vjedhje me anë të mashtrimit i është përcjellë drejtorisë së policisë së Tiranës, ku edhe i është komunikuar urdhri i arrestit. “Vjedhje nëpërmjet mashtrimit në shuma të mëdha”,- kjo ka qenë akuza që i kanë komunikuar hetuesit Liljana Halilajt, e cila nga ana e vet nuk ka pranuar të ketë kryer një mashtrim të tillë.

Mashtrimi

Sipas burimeve të policisë, historia ka filluar rreth një vit më parë, kur e ndaluara, nëpërmjet një të njohuri të saj në Kanada, ka mundur të gjejë një investitor, i cili ishte i gatshëm të hidhte para për ngritjen e një biznesi në vendin tonë. Zgjedhjen e sektorit të biznesit, investitori Hyka ia kishte lënë gruas që i kishte marrë përsipër t’i kryente investimin në Shqipëri. Pasi kishin përfunduar marrëveshjen, Hyka kishte nisur dërgimin e parave në Shqipëri me këste. Burimet e policisë pohuan se e arrestuara kishte mundur të tërhiqte nëpërmjet agjencisë “Uestern Union” shumën prej 50 mijë eurosh, në 7 këste. Burimet e policisë sqarojnë se shumat e kësteve varionin nga 3 deri në 15 mijë euro. Kësti i fundit mësohet të jetë tërhequr prej Halilajt në muajin nëntor të vitit të kaluar, rreth 5 mijë euro. Që prej asaj kohe, Halilaj i kishte prerë komunikimet me “bosin” e saj përtej Atlantikut, për ecurinë e biznesit që ajo duhej të kishte hapur. Tentativat e tij për t’u lidhur apo për të komunikuar me sipërmarrësen e tij kishin shkuar kot. Kjo gjë e ka detyruar Hykën të udhëtojë në drejtim Shqipërisë dhe stacioni i tij i parë është bërë Drejtoria e Policisë së Tiranës, ku ai ka kallëzuar Halilajn për vjedhjen e 50 mijë eurove nëpërmjet mashtrimit.

Arrestimi

Të martën, Lindita Halilaj është nisur për të kaluar në Maqedoni për një vizitë private, nëpërmjet pikës kufitare të Qafë-Thanës. Gjatë kontrollit në pikën e kalimit, emri i saj ka rezultuar mes emrave të shpallur në kërkim nga policia shqiptare. Sistemi i elektronik i instaluar në këto pika ka nxjerrë të dhënat e plota të saj dhe veprën penale për të cilën akuzohej. Menjëherë Halilajt i janë vënë prangat, duke e ndaluar për disa orë në komisariatin e policisë së Pogradecit. Edhe pse ajo është përpjekur të argumentojë se nuk kishte probleme me drejtësinë apo me policinë, blutë e qytetit juglindor kanë njoftuar kolegët e tyre nga Tirana të cilët më pas i kanë komunikuar akuzën. Burime të policisë së kryeqytetit pohuan dje në mbrëmje se ata kishin mundur ta identifikonin gruan e kërkuar për mashtrim nëpërmjet fotove që kishin mundur të siguronin, ndërsa gjatë ballafaqimeve për njohje me punonjësit e sporteleve të agjencisë së transferimit të parave, këta të fundit kanë pohuar se ishte pikërisht ajo që kishte tërhequr në 7 herë shumën prej 50 mijë eurosh.

50 Mijë euro ka mundur t’i marrë biznesmenit shqiptar nga Kanadaja Liljana Halilaj. Kjo e fundit kishte marrë përsipër të ngrinte një biznes në emër të Neritan Hykës në Shqipëri, por pasi kishte tërhequr paratë e kishte ndërprerë komunikimin me të

7

Liljana Halilaj është paraqitur në sportelet e agjencisë “Uestern Union” 7 herë përgjatë një viti. Ajo tërhiqte shuma parash që varionin nga 3-15 mijë euro. Policia pohoi se këstin e fundit, Halilaj e kishte tërhequr në muajin nëntor të vitit të kaluar




06/01/2006
KATEGORIA: Kronike nga Tirana

Marre nga SHEKULLI ON LINE

[turisti]

Nuk eshte faji i saj. :lol: Kush i ka fajet ati erifit....... :lol: :lol:

[Murgesha]

Postimi origjinal është bërë nga turisti

Nuk eshte faji i saj. :lol: Kush i ka fajet ati erifit....... :lol: :lol:

Edhe unë po qeshem ka po i sjell këto tekste këtu.

Ruajuni tash e tutje, se bashkë me zemrën po mundka me të humb edhe pasuria. :lol:

Për mua senzacion kjo ngjarje.

I lumtë Linditës apo Liljanës, por po më vjen keq që qenka arrestuarr.

Për mua kjo nuk është vjedhje, pasi ai erifi vetë ja paska dërguar të hollat.

:lol: :lol: :lol: :lol: :lol:

[turisti]

Postimi origjinal është bërë nga Murgesha

Edhe unë po qeshem ka po i sjell këto tekste këtu.

Ruajuni tash e tutje, se bashkë me zemrën po mundka me të humb edhe pasuria. :lol:

Për mua senzacion kjo ngjarje.

I lumtë Linditës apo Liljanës, por po më vjen keq që qenka arrestuarr.

Për mua kjo nuk është vjedhje, pasi ai erifi vetë ja paska dërguar të hollat.

:lol: :lol: :lol: :lol: :lol:

Me siguri ashtu eshte,sepse vet i ka dergue.Personalish mendoj qe nuk do te denohet shume,perveq per mashtrim.....( po qfare biznismeni koka kon ai,papapapapapapapa,me mire mos te mirret me biznes.... :( :lol: :( :(

[Urata]

Hyka dreq djale!!!! Shqiptare Shqiperie ketu kane gjetur menyren tjeter speciale per tu pasuruar shpejte dhe veq me pak mund...
Po futen ne kredina, po i nxjerrin te gjitha parat dhe pastaj po bankrotojne...vetem 7 vite do kene rekord te keq ne kredit byro dhe pastaj mund t'kapin prap biznise e ku ta di une...
Ai i eshte dashte ti nxjerr dollaret ne ate menyre duke i terhjekur nga kartat ha,ha,haaaaaaaaaaaaaaaaaaaaaaaaaaaaaaaaaaaaaaaaaaa a...
I shkreti sa puna i paska dale me ate kredi!!!!!!!!!

Vjedhja(se kjo menyre e kredive eshte vjedhje/mashtrim) thone nuk te sjellin fat, ashtu i paska ndodh ketij turumuzit!

cfare gomarie!

[Arb]

Heeeu Neritan Hyka he hajvan!

PO gjynah qe paske le mashkull bre...

Budallakia jote e lakmia (e pa moralshme) e ksaj rrospijes, e paskan qit ne drite nje tregim te mire...

[jadore]

no comment!
(aq sa jeton- aq degjon !(jo meson,-ska qka te mesohet ketu?))

[doGzona]

Mendja e njeriut!!

[e_martumja]

shume interesant cka nuk arrit njeriu me dashuri, kam qeshur at dite kur e kam lexu :lol: :lol: :lol: :lol:

[halla e madhe]

Mendja..sermaja e njeriut...fjale popullore

[Gentiani]

Më mirë që i ka marrë 50.000 dollarë ajo shqiptarja, se ndonjë tjetër :lol: :lol: :lol: së fundit kanë shkuar drejt vendlindjes - kontribut për vendlindjen :lol: :lol: :lol:

[Psikologu]

Dashuria ne chat është vetem për njerezit e semurë të cilet vuajnë nga komplekset e tyre personale, dhe bashkë me keto komplekse ,, krijojnë një lavdatë për veten e vetë, e ne fakt , janë mashtruesit më të medhenjë të kesaj bote.
Ka shumë expert të cilet / cilat , ketë e kan berë si hobi dhe jetojnë me maskë ne kokë duke u marrur me ketë stil dhe veprim.
Me vjen keq për ata/ato.

[Reana]

Postimi origjinal është bërë nga Arb

Heeeu Neritan Hyka he hajvan!

PO gjynah qe paske le mashkull bre...

Budallakia jote e lakmia (e pa moralshme) e ksaj rrospijes, e paskan qit ne drite nje tregim te mire...

Haj medet, ishalla po rehatoshesh edhe ti ....