Projektrezolutë e qeverisë për kthimin dhe integrimin e minoriteteve në Kosovë

[Kalt]

Përfaqësuesit e serbëve ankohen, se projektrezolutat e qeverisë kosovare mbesin shpesh vetëm të shkruara në letër, ndërsa në terren nuk po ndryshon asgjë
Integrimi- Prioritet
Integrimi i pakicave në shoqërinë kosovare dhe kthimi i të zhvendosurve vazhdon të jetë një çështje prioritare për institucionet e Kosovës dhe administratën ndërkombëtare. Në këtë linjë qeveria e Kosovës ka miratuar një projektrezolutë për pakicat me të cilën synohet garantimi i kthimit dhe integrimit të të gjitha minoriteteve në Kosovë.
Qeveria e Kosovës rikonfirmon vullnetin dhe orientimin e saj për ndërtimin e një shteti funksional, ku të gjithë qytetarët do të jetojnë të lirë, në siguri dhe paqe. Në këtë projektrezolutë u bëhet thirrje pakicave në mënyrë të veçantë komunitetit serb, që të tregojnë gatishmëri për të qenë pjesë e proceseve në Kosovë.
Në një deklaratë të qeverisë së Kosovës, thuhet se ekzekutivit kosovar i takon të bëjë një hap të tillë, sidomos duke iu përmbajtur parimeve që vetë i ka përcaktuar. Të tregohet zemërgjerë në qëndrimin ndaj minoriteteve, ndërsa, u takon pakicave në mënyrë të vecantë komunitetit serb që të integrohen në shoqërinë e kosovare dhe të marrin pjesë në institucionet e Kosovës.
Pala serbe e pakënaqur
Nga ana tjetër përfaqësues të serbëve të Kosovës thonë se, projektrezoluta të tilla, po mbesin vetëm të shkruara në letër, ndërsa, në terren sipas tyre nuk po ndryshon asgjë. Udhëheqësi i “Listës Serbe për Kosovë e Metohi”, Oliver Ivanoviq, shprehet për programin e Deutsche Welle-s: “Unë e vlerësoj çdo veprim të qeverisë së Kosovës apo të ndonjë institucioni tjetër që janë në frymën e trendeve politike por në të njetën kohë unë them se rezoluta të tilla mbesin vetëm të deklaruara ndërsa, shumë pak punë bëhet. Unë ju kujtoj se më 14 qeshor të vitit 2004, udhëheqësit kryesorë të institucioneve të Kosovës së bashku me përfaqësuesit e serbëve miratuan një rezolutë të njejtë, mirëpo, që nga ajo kohë është arritur vetëm të themelohet ministria për kthim dhe komunitete dhe asgjë tjetër nuk është bërë në kthimin e serbëve dhe integrimin e tyre në shoqërinë kosovare”, thotë Oliver Ivanoviq.
Sipas tij, e rëndësishme është që në terren të argumentohet se është duke u punuar në integrimin e serbëve dhe po krijohen kushte për kthimin e të zhvendosurve. Oliver Ivanoviq, dyshon se në këtë moment dhe duke u bazuar sipas tij në punën e mëhershme të institucioneve të Kosovës do të bëhet më shumë në integrimin e serbëve dhe kthimin e të zhvendosurve.
Qëndrimi i UNMIKU-t
Por autoritetet e UNMIK-ut, nga ana e tyre, thonë se, integrimi i pakicave në shoqërinë kosovare dhe kthimi i të zhvendosurve duhet të jetë qëllim i përbashkët që duhet arritur dhe kjo cilësohet si një sfidë. Ata thonë se duhet punuar në përmirësimin e gjendjes së sigurisë dhe përgjegjësia për këtë cështjë është jo vetëm e forcave të rendit, por e të gjithë qytetarëve të Kosovës dhe angazhimi i vendeve fqinjë të Kosovës.
Shefi i UNMIK-ut, Soren Jessen-Petersen: “Unë jam thellë i shqetësuar që Beogradi vazhdon me politikën që të inkurajojë serbët e Kosovës të bojkotojnë institucionet e Kosovës dhe të largohen nga këto institucione. Në këtë linjë Beogradi po punon si një opozitë për të penguar integrimin e serbëve në shoqërinë kosovare dhe po pengon poashtu kthimin e të zhvendosurve në shtëpitë e tyre”, thotë Soren Jessen-Petersen. Ai mori shembull vendimin e fundit të “Qendrës Koordinuese Serbe për Kosovë”, e cila u bënë thirrje serbëve që të shkëpusin kontratat e punës me institucionet kosovare dhe mos të marrin pagat nga buxheti i konsoliduar i Kosovës.
Mirëpo, UNMIK-u, ka hartuar një strategji të re për kthimin e serbëve në Kosovë strategji kjo e cila është prezantuar edhe në Beograd. Në planin e UNMIK-ut, thuhet se janë pjekur kushtet që personat e zhvendosur në të ardhmen të mos trajtohen si kategori statistikore. Në fokusin e planit të ri është kthimi i serbëve në komuna, pastaj sigurimi i mbrojtjes së të kthyerve nga diskriminimi, ofrimi i mundësive për lëvizje të lirë dhe qasja në institucione. Në plan ceken edhe pengesat e kthimit ku përmenden pasiguria dhe situata e keqe ekonomike, sepse të kthyerve duhet siguruar edhe ekzistencën. Autoritetet ndërkombëtare thonë se, thelbi i strategjisë së re të kthimit qëndron në zbatim që nënkupton ekzistimin e mekanizmave ligjore për mbrojtjen e të kthyerve nga diskriminimi.

Bekim Shehu
Radio Deutsche Welle

[Kalt]

Zonë mbrojtëse për Deçanin
Arber Vllahiu




Përfaqësues të qeverisë së Kosovës kanë thënë se krijimi i një zone të posaçme dhe tė mbrojtur pėrreth Manastirit tė Deçanit, 90 kilometra në perëndim të Prishtinës, nuk cënon interesat e qytetarėve tė Kosovės.
Vendimi për mbrojtjen e një zone prej 800 hektarësh përreth Manastirit, është nënshkruar nga shefi i UNMIK-ut, Soren Jessen-Petersen.
Ministri i Mjedisit dhe Planifikimit Hapësinor, Ardian Gjini ka thënë se qëllimi kryesor i këtij vendimi ishte mbrojtja e trashëgimisë kulturore dhe natyrore e kësaj pjese të Kosovës.
Ndërkohë, drejtuesit e Manastirit kanë thënë se krijimi i zonės mbrojtėse nuk ka prapavijė politike.
Ata kanë shtuar se pavarėsisht nga statusi politik Kisha Ortodokse Serbe angazhohet pėr mbrojtje tė pėrshtatshme institucionale me garanci tė vecanta ndėrkombėtare.
Por vendimi i shefit të UNMIK-ut ka shkaktuar një valë protestash të Lëvizjes Vetëvendosja, që mbledh rreth vetes një numër anëtarësh kryesisht të rinj.
Ata kanë protestuar dy ditë rradhazi në Deçan kundër vendimit për zonën e veçantë përreth Manastirit.


BBC

[laliloli]

Pershendetje

Une shkurt do te pergjigjem .Po shihet se rrespektimi i te drejtave te minoriteteve eshte nje kusht themelore qe Kosova duhet te fitoje pavaresine.Bile po duhet edhe lutur qe te integrohen ne shoqerine kosovare qe besa edhe po krijohen privilegje per ta (serbet)te cilet dihen veprimet e tyre kriminale e gjenocidiale ndaj shqipetareve.
Le te durojme e ti lusim deri sa ta fitojme pavaresine ,ndersa perspektiva e tyre nuk eshte ne kosove sepse ata jane mesuar qe te jetojne ne kurriz te shqipetareve dhe te jene te privilegjuar perhere .Kjo kohe ka perfunduar dhe ata vetvetiu do ta leshoijne Kosoven sepse shumica edhe jane kolone ketu.

Perzemersisht Lali