Mali i Zi ushtron demokracinë

[SantaKruz]

Lidhja Demokratike dhe Alternativa Shqiptare

Leter e hapur
Per presidentin e republikes se Malit te Zi, presidentin e Kuvendit, Presidentin e Qeverise, Ministrin e puneve te mbrendshme, drejtorin e policise dhe per te gjitha informacionet publike

Malesia ne rrethim
Me 9.09.2006 ne ore te hershme te mengjezit kolona e makineve (xhipave), me police speciale te maskuar te armatosur deri ne dhembe i jane drejtua Malesise dhe i kane nxane pozicionet strategjike dhe pastaj jane futur ne shtepija te disa familje te njohura duke i maltretua pervec tjerash femijet dhe pleqet, edhe pertej moshes 80 vjecare.
Keshtu qe rreth ores 6 te mengjezit u futen ne shtepine e Pjeter Zefit Sinishtaj ne qender te Tuzit dhe maltretuan plakun e moshuar, gruan dhe femijet e Antonit Sinishtaj, profesor i gjuhes serbe dhe Viktorit, profesor i historise.
Ne te njejten kohe te tjeret bastisen shtepine e Martin Franit Dedvukaj ne Tuz, Nik Marashit Dedvukaj ne Sukruq dhe Tom Nishit ne Bardhaj. Gjithashtu jemi ne dieni se kane kontrollua shtepite e Sokolit Ivanoviq (Ivanaj), Gjergjit Ivanoviq (Ivanaj), Markut Ivanoviq (Ivanaj) dhe Lekoceviq Nikolles.
Ka informacione se jane bastise dhe kontrolua edhe shume shtepi te tjera, te gjitha nen preteksin se kane vendime gjyqesore per kontrollim edhe pse asnjehere ate se kane deshmua dhe as qe ne kane tregue familjeve para bastisjeve. Kontrollimi i banesave-shtepive eshte be pa mbrojtes dhe pa dy deshmitare. Prej shtepise se Martin Franit Dedvukaj jane heqe flamujt kombtare te cilet kanqe qene te varura ne mure dhe sipas fjaleve te deshmitareve i kane qite per toke. Shenjat nacionale i kane marre duke i shenua ne proces verbal edhe pse me ligje eshte garantua perdorimi i tyre.
Vellezerit Berishaj; Pjetrin, Zefin dhe Leken prej Gurrecit, sipas te dhenave te deshmitareve i kane rreh dhe keqtrajtuar, ua kane thye dhembet dhe duart. Pastaj kane kontrollua shtepine e Sokol Ivanajt, nenshtetas amerikan dhe studentin Ivan Ivanaj.
Ndersa policia ka marre disa persona, ne mes te tjereve ka shtetas amerikan, por deri ne keto momente nuk kemi qene ne mundesi te fitojme emrat e tyre.
Theksojme se nuk jemi kunder aktivitete te rendomta te personelit ye ministrise se puneve te mbrendshme, menyra se si eshte zhvillua akcioni na jep te drejte te dyshojme se ka te beje me aktivitetet te pergaditur , organizuar e ka mbrapavijen politike, per te frikesua qytetaret para zgjedhjeve-votimit.
Sielljet e policeve kete mengjes ne teritorin e Malesise e ka tejkalua cdo mase dhe i perngjet huntes ne rrethin! Jemi te detyruar te theksojme sielljen e policeve qe e kane percjell Pjeter Zefin Sinishtaj, pjesmarresin e LNC dhe deshmitare shumevjecarete gjykates te cilin e kane perciell ne qendren urgjente per ndihme, te cilin e sulmoi fizikisht polici me numer 002882.
Jemi te lire te konstatojme se ne keto momente nuk mund te flasim per zgjedhje te plote demokratike.
Pervec tjerash mu per shkak se jane te burgosur kandidatet per deputet si dhe perfaqesuesit tane legjitime te listave tona zgjedhore.
Me kete nuk duam te perfitojme pike sepse jemi te bindur se pushteti me sielljet e tija kete na e mundesoj me se miri. Ne mendojme se kemi te drejte te ngrisim zanin kunder sielljeve te ketilla dhe te paralajmerojme radikalizimin e situates. Se keshtu mundet dhe mendon pushteti ne kete drejtim tregojne faktet se ne afersi te tregut te bagetive jane stacionuar disa makine ambulance.
Nese ne Malesi egzistojne ata qe kane cenuar ligjin ka kohe qe te kapen. Per kete egziston procedura dhe nuk eshte zgjidhja ne maltretimin e qytetareve te pafajshem ne prag te zgjedhjeve.
Ne per kete do te alarmojme jo vetem informimin vendor por edhe ato nderkombetare, me qellim qe detalisht ti informojme me qendrimin e pushtetit me qytetaret e Malesise, duke shtuar fuqi dhe demostruar force te papare deri tani.
Sigurisht Malesia me as nje gje se ka meritua sielljen e ketill te policise para syve te femijeve, pleqeve te pafuqishem te gjithe qytetare lojal te Malit te Zi.
Me siellje te ketille vandale te policise, eshte vu ne pyetje mbajtja e zgjedhjeve ne kete treve.
Ne shprese se dikush do ta tregoj vullnet dhe kapacitet demokratik per te nderrmarr masa te parapara ligjore qe ketyre trevave ku kthehet qetesia qe kete dite u cenua qetesia dhe siguria personale. Vecanarisht insistojme dhe apelojme qe te gjithe personat e mbajtur ne polici te lirohen nga akuzat e renda sipas nesh te montuara dhe ne kete menyre te krijohen kushte per votime dhe zgjedhje te lira.
Per LD dhe Alternativen Shqiptare.
Nikolle Camaj dhe Vasel Sinishtaj

DEKLARATE

Me rastin e informatave te TV te Malit te Zi se akcioni i policise malazeze ne oret e mengjezit e zhvilluar ne Malesi ka qene ne bashkpunim me sigurimin e shtetit shqiptare Alternativa Shqiptare e ka njoftuar permes telefonit kryeministrin e Shqiperise Sali Berisha per situaten dhe e ka informuar me informatat qe jane dhane nga medijet.
dr Berisha ka demantua te gjitha keto te dhenat duke i quajtur te paverteta, dhe ka thene se ai personalisht do te angazhohet per te marr informacione me detaje lidhur me kete situate.
Berisha u ka perciell qytetareve te Malesise qe te jene te qete, te mos bien ne provokime eventuale, qe te ruajn qetesine dhe ne zgjedhjet e neserme ne qetesi dhe te permbajtur te kryejn detyren e qytetarit dhe me voten e tyre te vendosin per te ardhmen e vet.
Alternativa Shqiptare
(Perkthyer nga gjuha serbe)



Mali i Zi ushtron demokracinë 09.09.2006

*
Në orët e herëshme të mëngjesit të sotëm, përmbi 300 policë të armadës malazeze, të armatosur deri në dhëmbë, të veshur me antiplumë dhe me maska të zeza mbi fytyrë, hynë në Malësi, bastisën afër 20 shtëpi malësore, maltretuan pleq e fëmijë, madje edhe të sëmurë dhe arrestuan mbi një 20 persona prej të cilëve 5 janë me shtetësi amerikane.
E gjithë kjo u bë vetëm disa orë pas hyrjes në fuqi të heshtjes parazgjedhore për zgjedhjet e ditës së diel e që për herë të parë organizohen edhe për pushtetin lokal të Tuzit.
Do të ju njoftoj se koalicioni i vetëm proshqiptar që synon të marrë pushtetin lokal në këtë mjedis, i formuar nga Lidhja demokratike dhe Iniciativa qytetare, mbrëmë pati konvetntën përfundimtare, ku Malsia haptas i dha besimi këtij koalicioni, çka si duket e ka tërbuar pa masë regjimin e Millo Gjukanoviqit
Edhe pse pushtetarët e Malit të Zi, si preteks për këtë bastisje paraqesin gjoja shtirjen me armë në tubimin e mbramshëm, që nuk ishte as edhe një,* si dhe çarmatimin e malësorëve që sipas inforamtave që gjoja paskan, po pergadisnin akte teroriste, arsyen e vërtetë për këtë sjellje bruatle ne e shohim në faktin se pushtetmbajtësit në Mal të Zi, së bashku me partinë e Ferhat Dinoshës që janë në koalicion, nuk mund të pajtohen me humbjen e votave malësore.
Përndryshe nga shtëpitë e bastisuar deri më tani kan marrë 20 flamuj, disa libra e videokaseta me kujtime familjare dhe disa eksponate armësh-trofe, nga fillimi i shekullit të kaluar por askund armë për të cilat ata bënin fjalë.
Ajo që shqetëson pa masë është fakti se pleq mbi 80 vjeçarë janë mbajtur lidhur me duar pas shpine, e të shtruar me fytyrë në dhe, kurse nënave nuk u është lejuar që të kujdesën për foshnjat që me sjelljen e tyre, xhandarët malazez i kishin trishtuar.
Ne kemi kontaktuar organet kompetente dhe të gjitha institucionet ndërkombëtare në Mal të Zi dhe edhe pse kemi fituar garanci se kjo ekspeditë ndëshkimi në Malësi do të marrë fund,* maskat e zeza ende po ushtrojnë forcën nëpër Malësi, si duket, për meritë që me votën shqiptare formuan edhe shtetin e vet.
Ne këtu në Malësi jemi para një natë plotë ankth, por shpresojmë se* ndërkombëtarët do të ndërmarrin masa që në Malësi të sigurojnë paqën e sigurinë, pasiqe revolta popullore tek malësorët është ngritur deri në atë nivel sa situata mund të shkallëzojnë edhe më keq.

[SantaKruz]

Çka po ndodh me shqiptarët në Mal të Zi ? 29.09.2006



*
"Policia speciale malazeze mban në bllokadë Malesinë"
*
Implikimet e pushtetit malazias në jetën e banorëve shqiptar, sipas atyre që thuhen nga vetë shqiptarët etnik në Mal të Zi, janë një projekt që ka për qëllim ndikimin dhe kontrollimin e lirive dhe të drejtave, atje. A po harron Podgorica kaq shpejt që me votën e shqiptarëve, arriti të fitoj pavarësinë në Referndumin e 21 majit ?*
*
Fehmi Ajvazi-Prishtine
*
Një qytetar i Tuzit që dëshiron të mbetet anonin, deklaron për gazetën “Focus” se, “më shumë ka forca të polizicës speciale në Malsi dhe në rajonin e Tuzit se në gjithë Malin e Zi”. E gjith ka filluar në prag të zgjedhjeve parlamentare dhe lokale të 10 shtatorit në Mal të Zi: një ditë më përpara, më 9 shtator, sipas një aksioni “antiterrorist” policia speciale malaziase ka arrestuar me dhjetra banorë etnik shqiptarë të Malsisë dhe rajonit të Tuzit. Në komunikatën e policisë, është thënë se, “të arrestuarit janë marrë me veprimtari armiqësore në mënyrë të organizuar, dhe se bëhet fjalë për terrorist. Te të arrestuarit, janë gjetur shumë armë dhe mjete të tjera me të cilat qëllimi ishte që të bëhen aksione të ndryshme në Mal të Zi. Aksioni është organizuar në bashkpunim me shërbimin e fshehtë shqiptar”. Mirëpo, deri sa Tirana zyrtare menjëherë e ka demantuar këtë lajm, aksionet e policisë kan vazhduar dhe gjatë ditëve në vijim, janë arrestuar edhe disa persona të tjerë. *
*
Dhuna dhe arrestimet, janë të parapërgatitura
*
Subjektet e ndryshme shqiptare si Forca, LD në Mal të Zi,IQ,PPD, BDSH etj. kanë shprehur reagimet dhe indinjaten e tyre ndaj provokimeve që qeveria në Podgoricë, u ka bërë dhe po u bën shqiptarëve. Reagimet janë cilësuar si shumë të nevojshme për shkak të insinuative dhe montimeve që segmented e shtetit në Mal të Zi i kanë bërë për ta friksuar popullin në prag të zgjedhjeve, dhe për ta ndalur aktivitetin e kahmotshëm të qytetarëve shqiptar që Tuzi, të bëhet komunë më vete. Në rrethanat e tensionuara në Malsi, policia ka vënë bllokadë që prej 9 shtatorit. Në SHBA, ka reaguar shoqata “Atdheu na Bashkon”, shoqata “Dedë Gjo Luli” me seli në Nju York, pastaj shoqata “Malsia e* Madhe” që tubon shqiptarët e Malesis, dhe kan paralajmëruar një demonstratë të madhe në Detroid që do të mbahet , më 29 shtator. Si rezultat i gjendjes në Malsi, janë takuar përfaqësuesit e shoqatës “Malsia e Madhe” dhe “ Inisiativa Qytetare” dhe në bashkpunim me senatorin Carl Levin, me kongresistin Sander Levini i kan dorëzuar një peticion Sekretares së Shtetit Condeliza Rice në lidhje me trajtimin e shqiptarëve nga qeveria në Podgoricë. Trajtimi që është duke u bërë ndaj banorëve shqiptar, pasohet me provokime dhe dhunë. Gjatë arrestimeve, sipas informacioneve që janë bërë publike policia ka përdorur dhunën dhe ka keqtrajtuar pa pardon, banorët e fshatrave të Malsisë. Dhjetra shqiptar, edhe më tutje vazhdojn të mbahen në burgje. Sipas burimeve tona, të akuzuarit pritet që javën e ardhshme, të dërgohen para gjyqit. Ekziston rreziku që këta të akuzuar, të ballafaqohen me “akuza të rënda për terrorizëm dhe si pasojë, të dënohen rënd”. Mirëpo, të gjitha këto akuza, sipas banorëve dhe subjekteve relevante në Tuzë e më gjërë, i konsiderojnë këto ngjarje si të fabrikuara që për qëllim kan, detyrimin që shqiptarët në Mal të Zit të heshtin dhe të përulen në rrugën e arritjes dhe avencimit të të drejtave të tyre politike, qytetare, njerëzore etj. “E gjitha është një aventurë qeveritare që do të shkaktojë pasoja. Nuk bëhet fjalë për grupe terroriste, por për dhunë që po merr shteti kundra nesh. Si rezultat, ka qëllim që t’i friksoj banorët e Malsisë që po e kërkojnë komunen e “Tuzit”, thotë S. Pali, banorë nga Ulqini. Në një reagim të shqiptarëve në Slloveni, thuhet: “Dhuna e ushtruar nga ana e regjimit të Gjukanoviqit në familjet malësore vetëm një ditë përpara zgjedhjeve parlamentare dhe locale, kishte një qëllim: ti friksoj malësorët në mënyrë që ata votat e tyre të mos ia japin tjetërkujt por atij. Mirëpo, meqë malësorët ditën e votimit dolën me shumicë dhe votuan sipas ndërgjegjës së tyre, votuan për Inisiativën Qytetare dhe LD në MZ, regjimi e deshifroi sikur shqiptarët i shpallën luftë Malit të Zi , DSP –it dhe dorës së zgjatur të Fehrat Dinoshës me UDSH –në”.
*
Partia e Gjukanoviqit, dikton zgjedhjen e prefektit të Ulqinit
*
Malësia, mbahet edhe sot nën kontrollin e rreptë të policisë. Një qytetar tjetër nga Tuzi, thotë se qeveria në Podgoricë, e mban të rrethuar Malësinë. “Ne nuk do të friksohemi. Kjo që po ndodh në Malësi, nuk do të na ndal që ne t’i mbrojmë të drejtat tona si të gjithë, në Mal të Zi. Qeveria e ka gabim, sepse ne kemi të drejtë dhe jo dhuna e akuzat e paqena policore”, thotë L. Camaj. Koalicioni në Tuz “Të gjithë për komunën – komuna për të gjithë” që përbëhet nga subjektet politike – partiake Inciativa Qytetare (IQ} dhe Lidhja Demokratike në Mal te Zi (LD ne MZ) , ka fituar më shumë se 52 përqind të votave për parlamentin e komunës. Ky realitet, ka shkaktuar nxitur paraprakisht operacionin brutal dhe të dhunshëm të policisë speciale kundër banorëve shqiptar, duke arrestuar me dhjetëra njerëz* dhe duke i akuzuar ata edhe për terrorizëm. Por, a po harron Podgorica kaq shpejt që me votën e shqiptarëve, arriti të fitoj pavarësinë në Referndumin e 21 majit ?* Frika e pushtetit në Podgoricë për fitoret e bllokut shqiptar që vepron jasht partneritetit me partitë malaziase në Podgoricë, ka quar në infiltrimet dhe ndikimet që në Ulqin, të fitoj krahu joparimorë dhe që e ka mbështetjen e DPS –it të Gjukanoviqit. “Shqiptarëve ju dha nga një thes ciment dhe iu premtuan asfaltime të rrugicave në komunë, kurse banorëve romë iu dhanë nga 50 euro. Kështu, blloku UDSH, DPS dhe SDP arriti fitore të ngushtë. Gëzim Hajdinaga, prefekt i Ulqinit arriti fitore në saje të mbështetjes së mbështetjes politike dhe materiale të Gjukanoviqit, dhe e eliminoi bllokun e përbërë nga forcat politike shqiptare që si kandidat, kishin z. Nazif Cungu. Dhe prandaj, nuk është e rastësishme që subjekti si UDSH që udhëhiqet nga Fehrat Dinosha, por edhe ndonjë subjekt e intelektual tjetër në Mal të Zi, nuk kanë denjuar jo të reagojnë, por as të thonë një fjalë të vetme, lidhur me gjithë këtë që po ndodh në Malësi.

[SantaKruz]

Rreth 1500 Shqiptarë të Frustruar Protestuan Kundër Burgosjeve të Kurdisura dhe Brutalitetit Policorë Kundër Shtetasve Amerikan dhe Shqiptarëve nën Mal të Zi 29,09,2006

Sot, Shoqata Shqiptaro – Amerikane “Malësia e Madhe” në bashkëpunim me komunitetet Shqiptare në Detroit, New York, Pennsylvania, Ohio, Illinois, dhe New Jersey organizuan demonstratë për të protestuar trajtimin ç’njerëzor të Shqiptarëve etnik nën Mal të Zi, ku vetëm tre javë më parë, banorët e regjionit të Malësisë kryesisht të dominuar nga Shqiptarët, u bënë viktimë e agresionit brutal shtetëror i paparë që nga koha e konfliktit në Kosovë: dhjetëra familje të torturuara, 20 të burgosur, prej të cilëve 5 u lëshuan pas rrahjeve dhe maltretimeve disaditore dhe pa akuza.
Në protestën e sotme, të gjithë folësit theksuan në mënyrë të qartë se Diaspora Shqiptare nuk do të ndalë protestat e saja përderisa të gjithë të burgosurit politik Shqiptarë të mos jenë liruar. Fatkeqësisht, Mali i Zi është në rrugën e vazhdimit të ngjarjeve historike në këtë shtet gjatë gjithë shekullit të 20-të edhe në shekullin 21. Një gjë është shumë e qartë; pushteti në Podgoricë ka një vizion të qartë për Shqiptarët, vizionin e njëjtë që e udhëheqi Millosheviqin gjatë të 90-tave:

1.Mali i Zi ka krijuar kushtet politike, sociale, ekonomike dhe civile aq të padurueshme për Shqiptarët saqë ata janë të detyruar të lëshojnë trojet e tyre dhe kërkojnë mundësi gjetiu (shembull tipik: në Detroit jetojnë më shumë Malësorë se në Malësi)

2.Çdo mundësi për avancim shoqëror të Shqiptarëve është e lidhur ngusht me dëshirën e tyre për të zhvlerësuar kulturën e tyre dhe të asimilohen si dhe t’i përshtaten mënyrës sllave të jetesës.

Zëri i më shumë se 1500 demonstruesve, në mënyrë të zëshme i tërheqi vërejtjen Malit të Zi se ka zgjedhë model të rrezikshëm për të ndërtuar shtetin, model për të cilin Europa duhet të ketë kujdes dhe ta adresojë, veçanarisht tani kur jemi dëshmitarë të vizionit të 3-të të Malit të Zi – të brutalizojë dhe keqtrajtojë një popull etnik me qëllim të përhapjes së terrorit, frigës dhe kaosit me ç’rast shteti portretizon vehten si mbrojtës dhe aktor legjitim i qytetarëve. Policia sekrete e Malit të Zi, në mënyrën më brutale ka ofenduar dy vlerat më të shenjëta të Shqiptarit: Familjen dhe Flamurin Kombëtar Shqiptarë.

Me fitoren në zgjedhjet lokale në Tuz, Shqiptarët për herë të parë do të kontrollojnë, në mënyrë të kufizuar, çeshtjet politike, sociale dhe ekonomike. Kjo situatë krijoi kërcënim për Podgoricën zyrtare, sepse deri më 10 Shtator, shteti kontrollonte të gjitha çeshtjet lokale që kan të bëjnë me Shqiptarët, e që kryesisht relflektohej në cënimin e të drejtave socio – politike të respektuara kudo në Europën demokratike. Kjo, sipas analistëve, krijojë mundësi për Podgoricën zyrtare të krijojë kaos ku shteti do të rivendoste kontrollën dhe influencojë të gjitha sferat e jetës në Malësi.

Sot Mali i Zi nuk tregohet i gatshëm të pranojë dhe përmbushë standardet ndërkombëtare për të drejtat e njeriut dhe mbrojtjen e Shqiptarëve etnik.

Shoqata Shqiptaro – Amerikane “Malësia e Madhe” vazhdon të lobojë kongresin Amerikan në vlerësimin e situatës shumë të përkeqësuar në regjion e cila për një kohë të gjatë ka qenë e dominuar nga luftërat, dhe tani me represionin e ushtruar ndaj Shqiptarëve të Malësisë, Mali i Zi rrezikon të aktualizojë ato kohëra ogurzeze.

Apelojmëtek Shtetet e Bashkuara të ushtrojë presion ndaj Malit të Zi dhe kërkojë lirimin e menjëhershëm të viktimave të pafajshme dhe kthimin e tyre pranë familjeve.

Apelojmëpranë Bashkimit Europian që në mënyrë serioze të vlerësojë marrëdhënjet ndëretnike në Mal të Zi para se të fillojë procesi I negociatave për asocijimin e Malit të Zi në familjen Europiane.

Kërkojmënga pushteti malazez të ndërpresë keqtrajtimin e Shqiptarëve etnik dhe të respektojë diversitetin e minoriteteve, duke ja kujtuar se pa votën e saj nuk do të kishte arritur shtetësinë të cilën e gëzon sot.

Dhe në fund, apelojmë tek JU … Shqiptaro – Amerikan dhe aktivist të drejtave të njeriut të Diasporës që të ngritni zërin tuaj, dhe të mos toleroni më reprezaljet dhe se të gjithë së bashku do të vazhdojme përpjekjet tona dhe kërkojmë që trojet tona shekullore të jenë të lira njëherë e përgjithmonë!

Shoqata Shqiptaro – Amerikane “Malësia e Madhe” është vendosmërisht e përkushtuar që në mënyrë të palodhshme të punojë përderisa pushteti i Malit të Zi të ndalojë politikat diskriminuese si dhe terrorizimin e Familjeve Shqiptare, dhe lirimin e të gjithë Shqiptarëve të burgosur.

Shikjo Fotografite:

http://www.malesia.org/ngjarjet/Demo...oit/index.html

[Drinni]

Liria nuk falet, ajo fitohet
Agim Vuniqi, Farmington Hills



Anton Sinishtaj, Gjon Dedvukaj, Sokol Ivanaj, Gjergj Ivanaj, Mark Ivanaj, Kolë Dedvukaj, Rrok Dedvukaj, Pjetër Dedvukaj, Viktor Dreshaj, Zef Berishaj, mbahen ende të prangosur. Është ky çmimi që paguan shqiptarët për pavarësinë e Malit të Zi. Veprim skandaloz dhe aspak dinjitoz për qeveritarët malazez dhe për gjyqësinë malaziase, ata janë duke shembur murin e bashkëjetesës, duke përbuzur kështu shtetin e ndërkombëtarisht të pranuar të Malit të Zi, për të cilin u angazhuan aq shumë shqiptarët.

Shqiptarët shprehën identitetin qytetar, duke ua zgjatur malaziasve dorën e shpëtimit, duke ua mundësuar shtetësinë, por jo vetëm për ta, ngase shteti demokratik është i të gjithë qytetarëve, herët a vonë këtë do ta kuptojnë edhe malaziasit, por a do të jetë vonë atëherë ? E them këtë me një bindje të plotë, e them me bindjen e shqiptarit, me bindjen e qytetarit amerikan, e flas këtë ngase isha i shkelur si shqiptar nga regjimi fashist i Serbisë, e flas se jetoj tash i lirë dhe krenar, jetoj nga puna dhe djersa ime, dhe shumë lirë mbaj plisin shqiptar, jam krenar që jam shqiptar dhe që jam amerikan.

Unë dhe familja ime kuptojmë vuajtjet e të burgosurve të ndërgjegjes së shtetit malazias, jemi të solidarizuar me kërkesën e të gjithë atyre që për çdo ditë angazhohen për lirimin e tyre, solidarizohemi me dhembjen e më të dashurve të tyre, bashkëfamiljarëve. Atyre u duhet solidariteti dhe përkrahja e të gjithë shqiptarëve. Ata herët a vonë do të lirohen, por pasojat do të jenë të mëdha, të pa riparueshme. Prandaj më mirë të lirohen më herët, sa nuk do të bëhet vonë, më vonë.

Kosova po ecën me hapa të sigurt drejt pavarësisë, të rinjtë e burgosur janë brenga dhe dhimbja e Kosovës, ia kemi borxh njëri-tjetrit, dhe gjaku nuk është ujë, ata janë shqiptarë siç janë shqiptarët e Kosovës, Shqipërisë, Maqedonisë, Luginës së Preshevës, Çamërisë, Turqisë, Evropës, Zelandës së Re, Australisë, Amerikës, janë të njëjtë, janë vëllezër si ata që jetojnë në Mal të Zi. Shqiptarë janë popull bujar, të sinqertë, ata e duan lirinë më shumë se jetën, se pa liri nuk ka as jetë. Thomas Jefferson thoshte: “Kur qeveria i frikohet popullit, aty është liria, ndërsa kur qeveria frikon popullin, aty është tirani”, janë fjalë profetike të shkencëtarit amerikan, hartuesit të deklaratës së pavarësisë amerikane, dhe ajo ditë e lirisë nuk është larg për shqiptarë.

Prandaj e them me plot të drejtë se Anton Sinishtaj, Gjon Dedvukaj, Sokol Ivanaj, Gjergj Ivanaj, Mark Ivanaj, Kolë Dedvukaj, Rrok Dedvukaj, Pjetër Dedvukaj, Viktor Dreshaj, Zef Berishaj, janë ikona e lirisë. Angazhimi dhe puna e tyre janë fanarë që duhet t'ua ndriçojnë mendjen malaziasve dhe të gjithë atyre shqiptarëve që mendojnë se liria është vetëm dëshirë, ngase liria është vetë jeta, se pa liri nuk ka jetë, ashtu siç e kishte thënë patrioti amerikan Patrick Henry "Give me freedom or give me death" (më jep lirinë ose më jep vdekjen).

Paçin jetë të gjatë burrat e Malësisë dhe ata burra të prangosur për çmimin e shtrenjtë të lirisë, se liria nuk falet, ajo fitohet, ashtu siç shkruan në pllakën përkujtimore në Washington DC, "Freedom is not free", që u dedikohej ushtarëve amerikanë që dhanë jetën për demokracinë koreane, dhanë jetën për të ardhmen dhe ëndrrën e të gjithë popujve të shtypur, për lirinë, që aq shumë u mungon shqiptarëve.

[Drinni]

Shqiptarët jan popull të durueshëm dhe liridashës, por edhe Durimi ka limitin e vetë!
Patrick Henry "Give me freedom or give me death" (më jep lirinë ose më jep vdekjen).