VIP-at bëjnë banjë me verë

[Dilaver]

Çudia: VIP-atbëjnë banjëme verë

Johnny Depp ka porositur një sasi të konsiderueshme verërash "Chianti" nga kodrat seneze, me vlerë të përafërt me 180 mijë dollarë. Bono preferon një përzierje të verërave "Barbaresco", "Dolcetto d‘Alba" dhe ujë mineral për një shumë prej 500 mijë dollarësh. VIP-at i jepen alkoolit, por jo atij në shishe, por në pishinë. Tendenca e fundit e Hollivudit është në fakt "enonuotata" (banjë me verë), aktiviteti luksoz dhe ekstravagant i ardhur nga Brigjet e Kaltra, qëllimi I pushimeve të divave të mëdha, ku mbizotërojnë vila me pishina, që në raste të veçanta mbushen me verëra të ndryshme origjinale, ekskluzivisht italiane, shumë më të preferuara se ato franceze, duke kërkuar më shumë finesën dhe shijen, të cilat blihen “online” nëpërmjet faqeve “e-commerce” dhe që garantojnë origjinalitetin dhe cilësinë. Për ta bërë publik këtë fakt, ka qenë faqja e internetit "esperya.com", butiku “online” i produkteve italiane, që u nevojitet disa prej yjeve të mëdhenj ndërkombëtarë. Dhe kështu është zbuluar që pirati më seksi i Hollivudit sapo ka përfunduar ndërtimin e një pishine ngjyrë "bordeaux", pikërisht për kënaqësitë e tij. Johnny pëlqen ta bëjë ekskluzivisht me verë italiane, "Chianti", nëse është e mundur, aq shumë sa për ta mbushur një vaskë 36 metra diametër për 226 litra vëllim. Një banjë vere është pikërisht rasti për ta thënë. Jehonë kësaj i ka bërë edhe Bono Vox, këngëtari i grupit “U2”, që pikërisht në Brigjet e Kaltra ka një vilë prej 1.500 metrash kuadrate dhe me një hapësirë të madhe, dedikuar vetëm saunës dhe masazhit, me pishinë termale 840 litërshe, të cilën ai shpesh e mbush me një përzierje “Barbaresco”, “Barolo”, “Dolcetto d‘Alba” dhe ujë të gazuar, për një total prej 150 mijë dollarësh. Komshiu i tij është edhe Elton Xhon, i cili ka kërkuar një banesë në linjë me personazhin, që përfaqëson dhe ku jeton së bashku me bashkëshortin e tij, David Furnish, në një pallat gjigant në malin Boron, në lartësitë e Nicës. Këngëtari anglez ka paguar 6 milionë euro për 600 metra katrorë me një pishinë thuajse olimpike (me një vëllim prej më shumë se 2 mijë litrash), të cilën ai e mbush me verë të kuqe, duke shpenzuar rreth 700 mijë dollarë. Dhe, duke qëndruar brenda rrethit muzikor, "mbretëresha e pop-it", Madona, nuk e tradhton origjinën e saj nga Abruco, duke mbushur pishinën me verë “Montepulciano”, për një shifër "më të ulët", vetëm 500 mijë dollarë. Të shumta dhe të larmishme janë dhe manitë e divave të kinemasë: revista e përmuajshme "Stars" zbulon se Anxhelina Zholi, pas një banje që bëri në Barbera d‘Asti, kridhet gjithnjë në një vaskë me ujë mineral të ngrohtë, të pasuruar me esenca verërash dhe mushti. Sipas një studimi, është zbuluar se verërat toskane janë mjaft të mira për ta kuruar lëkurën e dëmtuar nga makijazhi i përditshëm. Kështu, për t‘u rikthyer e freskët dhe më e re në fytyrë, Xhulia Roberts, Xhenifer Lopez dhe Sugurni Uiver lahen me “Morellino”, bëjnë masazh me “Chianti” dhe terapi “Bolgheri Superiore”. Edhe këtu shpenzimet nuk janë edhe aq të lira, pasi çdo seancë i kushton nga 200 deri në 500 dollarë.

Mbushen me verëra nga më të mirat, ekskluzivisht italiane, shumë më të preferuara se ato francezet..