Mbi Kalane E Vjeter Do Te Ndertohet Shtepi E Re-kush Do Te Jene Perfituesit

[ANESTEZIA]

POSTMORTUM 1
23 dhjetor 1989 – 9 dhjetor 2006

E sajuar më 23 dhjetor të vitit 1989, nga anëtarësia e LSPPJ-së dhe LKJ-së, si gjoja një lëvizje masive shqiptare kundër pushtimit serb, zaten kështu paraqitej para popullit. Ajo gjate tërë ekzistencës se saj parazitare mbi kurrizin e popullit e ruajti formën e saj fillestare, ashtu siē u regjistrua dhe u legjitimua në Beograd, pra atë te lëvizës se drejtuar nga njëshi i forte, i shndërruar në mit pas vdekjes edhe fizike të tij dhe që sonte duhej
të zëvendësohej me një pinjoll besnik të tij. Kjo sajesë kishte fatin si të kryetarit të përjetshëm të sajë që lindi dhe ndërrojë jetë në dhjetor . Pse u kacafyten klanet mafioze brenda LDK-së, nuk mund të fajësojnë dike tjetër, pos sëmundjes së saj kronike dhe vështirë të shërueshme, ndërsa epilogu dihet, duhet eliminuar indet kanceroze brenda saj ose të pësojë një vdekje të turpshme politike, të ngjashme me vegjetimin e derisotëm të saj.

Pas një sëmundje të gjatë, me 9 dhejtor 2006 rreth orës 21.30, LDK pësoi një infarkt të rëndë dhe për pasojë kalojë në gjendje kome. Në këtë kohë përfunduan debatet edhe komunikimi me gojë në mes të delegatëve të Lidhjes Demokratike të Kosovës. Ata tani më janë kthyer në gjenezën e tyre dhe në orët e vona kanë filluar komunikim tjetër, atë me të cilin shërbeheshin që shumë vite. Salla e Kuqe në Pallatin e Rinisë dhe të Sporteve në Prishtinë përnjëherë u përmbys dhe u shndërrua në një ring boksi harlemian dhe njëmend nga gjaku që rridhte nga turinjtë e delegatëve ldkëist, si pasojë e dialogimit të tyre “demokratik”, kjo salle mori edhe ngjyrën e kuqe.

Skena e krijuar nga gazi lotsjellës që hodhi njësia speciale të SHPK-së, të kujtonte tetorin e vitit 97, kur polica sllave ndërhynte kundër studenteve të Universitetit të Prishtinës. Por, sot nëpër mjegullën e dendur të këtij gaz qëndronin “burrërisht” ata të cilët nuk i patën përkrahën këto protesta. Është e ditur, se shkaktari kryesor i kësaj përleshje ishte klani fitues i zgjdhjeve, i cili kishte propozuar 70 emrat për anëtar të mundshëm të Këshillit Drejtues, kurse pretekst i shpërthimit të mllefit të humbësve ishin 30 propozimet që u dhanë nga kryetarët e degëve të LDK-së. Doli prognoza e djaloshit të ardhur nga radhët e UÇK-së tani kreu i Partisë Demokratike të Kosovës Hashim Thaçi, që kishte ardhur për t’u vardisur, mos helbete pas përfundimit të kësaj farse “demokratike” të LDK-së, do të
krijonte koalicion qeveritar dhe do t’ia zinte vendin Agim Çekut, pa Ibrahim Rugovën janë më të hendikepuar.
Të pakënaqur nga kjo, krahu i Nexhat Dacit demonstrativisht e lëshuan Kuvendin. Kështu vepruan një pjesë e delegatëve të Ferizajt, Gjilanit, Pejës se bashku me përfaqësuesit e diasporës. Parashikimi i Thaçit doli me se i vërtetë kur Gani Geci po bënte be në zot, se askush nuk do të dalë të votojë për listen e propozuar dhe kur iu kundërvu ministri Veliu, duke iu drejtuar me "hajt dil e ndalna" dhe kur Ganiu i përgjigjet shkurt "mshile gojën bre shpiuni i Ramë Marës". Prej këtij momenti ne sallën e kuqe, filluan grushtimet dhe përplasjen e karrigeve mbi trupat e njëri-tjetrit e qe për fatkeqësinë e tyre, nuk e kishin gjalle presidentin “mitik”, për të kërkuar ndaljen e këtij debatimi demokratik në Kuvendin elektoral të LDK-së. Legjenda thotë: se pas cdo beteje bile një ushtar mbetet i shëndoshë. Kështu ndodhi edhe pas kësaj beteje “demokratike”, kur një delegat doli nga salla duke u shprehur me mllef: "Presidentin Rugova s'e paska vdekur sëmundja, por këta njerëz, që paska pasur përreth".

Mund të shpresohet se një LDK-je sakate nuk do t’i bie ndërmend dhe as që do të jetë e aftë për të imponuar gjëra, si: njëfarë flamuri dardan,himnin,gjuhën ,kombin dhe fenë tregojnë, ngase tani përfundimisht e kanë kuptuar, se e kanë humbë orientimin në hapësirë dhe kohë dhe, se duhet të luftojnë për te mbijetuar. Kjo çka e gjeti LDK-në, mund të konsiderohet se përveç tjerash është pasojë e mallkimit nga gjaku i derdhur nga dëshmorët dhe me sigur do ti ja zërë frymën secilit që tenton të preke në flamurin e shenjtë kombëtar.

Duhet konstatuar, se i vetmi qe nuk ishte në këtë farsë zgjedhore “demokratike”, ishte Albin Kurti, djaloshi me vizione të qarta për të drejtën e patjetërsueshme të popullit për Vetëvendosje, i cili edhe ka dhënë kushtrimin për mbrojtjen e kësaj të drejte. Besoj, se ky kushtrim do të behët lak në fyt edhe për simotra të LDK-së. Në fund një këshillë për liderët e simotrave të LDK-së, është në të mirën tuaj dhe të Kosovës që të konsultohuni me Lëvizjen Vetëvendosje ose përndryshe fat i tillë do të ju përcjellë !