Nexhat Daci në "LDK" apo me Parti të re?

[GjIlAnAsI_cSi]

Fraksioni i kryesuar nga ish-kryetari i Kuvendit Nexhat Daci do të dalë nga Lidhja Demokratike e Kosovës (LDK) në pushtet dhe do të formojë parti të re.

Këtë sot e transmetojnë mediumet e Prishtinës, duke iu referuar qarqeve anonime të afërta me Dacin. Sipas burimeve të njëjta, formimi i partisë së re është e sigurtë, pasi që udhëheqësia e LDK-së refuzoi negociatat për zgjidhje kompromise me fraksionin e Dacit. Në këtë drejtim interpretohet edhe vendimi në seancën e sotme të Këshillit kryesor të LDK-së në të cilin është zgjedhur kryesia e re e partisë, pa asnjë anëtar të fraksionit të Dacit.

Organet e reja të zgjedhura nga Këshilli i Përgjithshëm i Lidhjes Demokratike të Kosovës (LDK), për ekipin e akademik Nexhat Daci janë jolegjitime. Vetëm pak minuta pas përfundimit të mbledhjes së këshillit, Adem Salihaj, njeri nga njerëzit me të afërt të Dacit, në një prononcim për Kosovapress nuk e përjashtoi mundësinë e krijimit të një partie të re politike, pas të gjitha përçarjeve që kanë ndodhur brenda LDK-së pas Kuvendit të VI-të Zgjedhor.