Ahtisari do të propozoj Pavarësi të Mbikqyrur

[Arb]

Ahtisari nga fillimi i shkurtit do të propozojë pavarësinë e mbikëqyrur

Vjenë, 5 janar - Kryenegociatori për statusin e Kosovës, Marti Ahtisari nga fillimi i shkurtit do të propozojë pavarësinë e mbikëqyrur si zgjidhje për statusin e Kosovës shkruan e përditshmja vijeneze "Prese".

Për këtë zgjidhje më 26 janar në Vjenë do të duhej të harmonizonin qëndrimet vendet anëtare të Grupit të Kontaktit, ndërsa vendimi i Këshillit të Sigurimit të Kombeve të Bashkuara do të pasonte në mars vë në pah kjo gazetë austriake.

Gazeta citon ndihmëssekretarin amerikan të Shtetit, Daniel Frid të ketë thënë se SHBA-të duhet të mendojnë për alternativat në rast se zgjidhja për Kosovën nuk do të jetë e mundur brenda Kombeve të Bashkuara.

QIK-u

[Arb]

Shnajder sqaron se "pavarësi e mbikqyrur" do të thotë pavarësi pa kushte

Londër, 5 janar - Autori i tekstit në gazetën vjeneze "Prese" Viland Shnajder, gazetar dhe ekspert për Ballkanin, duke sqaruar dallimin mes "pavarësisë së kushtëzuar" dhe "pavarësisë së mbikqyrur", thekson pikërisht mosekzistimin e kushteve.

"Më duket se dallimi është në atë se pavarësia e Kosovës vetvetiu nuk do të pengohet me çfarëdo kushtesh. Me fjalë të tjera, bashkësia ndërkombëtare vetëm do të mbikqyrë implementimin e gjithë asaj që është arritur me marrëveshje dhe që në Kosovë duhet të zbatohet në vepër.

Kjo do të thotë se vetëm institucionet e Kosovës dhe ministrat e Kosovës, e jo ndonjë organ tjetër ndërkombëtar, do të qeverisë me Kosovën", tha për BBC-në Shnajder.

Duke u mbështetur në burimet e tij, Shnajder thotë se BE po bën presion në atë drejtim meqenëse Unioni do të jetë ai që do të jetë përgjegjës për implementimin e marrëveshjes.

"Bashkimi Evropian do të zëvendësojë UNMIK-un në Kosovë dhe ai dëshiron që më parë të dijë se çfarë do të jetë Kosova e re".

Për Shnajderin do të jetë me rëndësi ajo që do të ndodhë në Këshillin e Sigurimit në muajin mars dhe nëse Rusia do ta pranojë propozimin e Ahtisarit ose do ta refuzojë, dhe nëse SHBA-të dhe BE në atë rast kanë ndonjë plan B që individualisht të njohin pavarësinë e Kosovës.

[Arb]

Koshtunica i "befasuar" me deklaratën Ahtisarit për një "pavarësi të mbikqyrur" të Kosovës

Beograd, 5 janar - Kryeministri serb Vojisllav Koshtunica ka deklaruar se është "befasuese dhe plotësisht e pashpjegueshme" deklarata e të dërguarit të posaçëm të Kombeve Bashkuara Marti Ahtisari për një pavarësi të mbikqyrur të Kosovës. Koshtunica thotë se Ahtisarin plot gjysmë viti askush nga Beogradi nuk e ka parë, ndërsa flet për negociatat që kanë përfunduar. Sipas tij, negociatat për Kosovën në Vjenë kanë qenë një shfaqje me regji të keqe teatrale, dhe se "Serbia në atë shfaqje nuk do të ketë rolin e statistit", ka thënë sot Koshtunica para gazetarëve.

Gazeta vjeneze "Prese" të enjtën njoftoi se Ahtisari më 26 janar në takimin e Grupit të Kontaktit do të propozojë "pavarësi të mbikqyrur" për Kosovën.

QIK-u

[Fshatari]

Zëdhënësi i kryeministrit serb, javier sollana, gjatë një vizite të papritur në Washington, shrehu shqetësimin e qeverisë dhe kryesisë serbe para bashkëbiseduesve amerikan. Ai u kërkoi që të shtyhet prap propozimi i ahtisarit për statusin e Kosovës (sëpakut deri pas formimit të qeverisë serbe) për t'ia bërë qejfin kryetarit tê vetë , Tadiçit. Sollana saktësoi, poashtu, se kryeministri i tij, koshtunica, "ishte befasuar shumë" me propozimin e Ahtisaarit.
Bashkëbiseduesit amerikan ia bënë të qartë porteparolit të koshtunicës, sollanës, se nuk lejohet më kurfarë shtyrje afatesh dhe se statusi do të jetë pikërisht pavarësia.
Pas kësaj disfate katastrofike të kryediplomatit serb , sollana, janë shtuar zërat se ky njeri është debil i madh, i pa suksesshëm madje edhe për vetë popullin e vetë(serb), e kjo fiasko mund të çojë deri te dorëheqja e tij.
Punët të shkojnë ma mirë se deri tani....

[GURI SYLAJ]

Nje propzim i tille eshte shume real dhe i mirepritur dhe nese kemi guximin qytetar dhe kombetar ,shume leht mund te vijm ne perfundim, se neve edhe nuk kemi tregu deri tash se meritojme me shume.
Por edhe ketu nuk merr fund gjithecka .Pikrisht ketu nise roli i vendoreve per te bere nje shtet te mirfillt ,te pranueshem per faktorin nderkombetare dhe te sukseseshem per qytetaret e vet keti shteti.
Nuk ka dyshim se Kosova i ka te gjitha mundesite per te bere dicka ne kete drejtim.
Mjafton nje organizim dhe nje pergjegjeshmeri qytetare e kombetare dhe punet do te vejne mbare!

[pirro]

Guri Sylaj.

Nuk ka koment.

[E_Zjarrta]

Une di shum pak por nje ua them o do te jet nje pamvaresi o nuk do te ket pamvaresi se pamvaresi te pergjysmuar nuk ka asnje shtet ne bote more

[sunshine]

Postimi origjinal është bërë nga E_Zjarrta

Une di shum pak por nje ua them o do te jet nje pamvaresi o nuk do te ket pamvaresi se pamvaresi te pergjysmuar nuk ka asnje shtet ne bote more

Shume mire paske thene se di pak! Edhe rri me ate dijen tende se puna e Pavaresise se Kosoves eshte bere boze! Genjeshter mbi genjeshter qe nje dekade!
I mjere populli qe pret nga te tjeret te ua zgjedhin problemet!

[Arb]

A.Merkel: Statusi i ardhshëm i Kosovës "nuk do të jetë më pak se pavarësi"

Berlin, 8 janar - Kancelarja gjermane Angela Markel ka deklaruar se nuk do të ishte në rregull të prejudikojë zgjidhjen se statusit të Kosovë, por ka theksuar se rezultati "gjithsesi nuk do të jetë më pak se pavarësi".

Në një intervistë për Televizionin gjerman ZDF, Merkel nuk ka dashur të saktësojë sesi e sheh të ardhmen e Kosovës, duke theksuar se i dërguari i posaçëm i Kombeve të Bashkuara Marti Ahtisari ende nuk ka publikuar propozimin e tij për statusin e ardhshëm të Kosovës. "Është me rëndësi, nga një anë, që dëshirat e kosovarëve për pavarësi më të madhe të përmbushen, por jo edhe me çmimin që për këtë shkak të krijojmë një situatë problematike në Serbi dhe të dobësojmë demokracinë në të", ka thënë kancelarja gjermane.

Ajo ka theksuar se për të gjitha do të vendoset pas zgjedhjeve në Serbi dhe pasi që Ahtisari të paraqesë propozimin e tij për statusin e ardhshëm të Kosovës.

QIK-u

[Arb]

Papa kërkon mençuri dhe fleksibilitet në zgjidhjen e statusit të Kosovës

Vatikan, 9 janar - Papa Benedikti XVI ka kërkuar dje nga të gjithë pjesëmarrësit e procesit në gjetjen e zgjidhjes së statusit të Kosovës urtësi, fleksibilitet dhe maturi, në mënyrë që zgjedhja e këtij problemi serioz të përmbushë pritjet e njerëzve dhe respektimin e të drejtave legjitime të të gjithëve.

"Tani kur po afrohet momenti i definimit te statusit të Kosovës, Selia e Shenjtë kërkon nga të gjithë ata që janë të përfshirë në proces edhe më shumë mençuri, fleksibilitet dhe maturi për të gjetur zgjidhjen që do të respektonte të drejtat legjitime dhe pritjet e të gjithëve", ka thënë Papa duke iu drejtuar anëtarëve të korit diplomatik të Vatikanit.

QIK-u

[Arb]

Xhonson: Nuk do të ketë mistere rreth përmbajtjes së propozimit të Ahstisarit për statusin e Kosovës

Pragë, 9 janar - Analisti amerikan Ros Xhonson nga Instituti Huver, shprehu mendimin se nuk ka shumë mistere rreth përmbajtjes së propozimit për zgjidhjen e statusit të Kosovës që Marti Ahtisari do t'ia bëjë Këshillit të Sigurimit të Kombeve të Bashkuara.

"Mendoj se do të jetë ajo që është diskutuar gjatë tërë vitit të kaluar, një formë e pavarësisë së kufizuar, kushtëzuar apo të mbikqyrur për Kosovën. Dhe megjithë dëshirat që ekzistojnë për një arritjen e një pajtueshmërie midis Prishtinës dhe Beogradit mbi këtë propozim, fatkeqësisht kjo nuk do të ndodhë", tha Xhonson për Radion Evropa e Lirë, duke shtuar se për këtë çështjen e Kosovës do të vendosë komuniteti ndërkombëtar.

Duke komentuar disa zëra që thonë se propozimi i Ahtisarit ndoshta nuk do ta përcaktojë qartë statusin e Kosovës, Xhonson mendon se "faktet në terren flasin se gjithnjë e më shumë përgjegjësi janë duke u bartur nga UNMIK u tek Qeveria në Prishtinë" dhe se UNMIK u tashmë gjendet në procesin e mbylljes.

Xhonson thekson se "zhvillimet flasin për një të ardhme, rreth së cilës ka folur së fundi edhe kancelarja gjermane Merkel, duke thënë se Kosova nuk do të jetë më pak e pavarur".

Sipas Xhonsonit, Rezoluta 1244 e Këshillit të Sigurimit duhet të modifikohet. "Se a do ta ketë kjo rezolutë fjalën pavarësi brenda saj, mua nuk më duket edhe aq e rëndësishme. Ajo që më duket e rëndësishme është fakti i realitetit në terren dhe fakti se Kosova do të jetë edhe më pak pjesë e Serbisë", shprehet ky analist amerikan.

QIK-u