Shikimi i dobët!

[rilinda]

Disa sëmundje kanë periudha të caktuara të shfaqjes. Alergjia dhe infektimi i syve në të shumtën e rasteve shfaqet me ardhjen e ditëve të nxehta, gjatë stinës së pranverës dhe verës. Tashmë dihet që alergjia shtohet me rritjen e temperaturës, me forcimin e rrezeve të diellit dhe me shtimin e pluhurave në ambient, të cilat shtojnë thatësirën e syrit dhe shtimin e infeksioneve.


Për kurimin e sëmundjeve të syrit, që shfaqen gjatë kësaj periudhe mjekësia popullore vjen në ndihmë me bimët e saj. Një prej bimëve, që përdoret për këtë qëllim, është eufrazia. Eufrazia është bimë njëvjeçare, gjysmëparazite, e cila lidhet te rrënjët e barërave. Lulet janë me ngjyrë të bardhë ose rozë me pika të verdha të ndritshme në qendrën e lules. Shija e bimës është e hidhur. Bimën mund ta gjejmë nëpër livadhe dhe nëpër të gjitha vendet e mbuluara me bar. Në mjekësinë popullore përdoret e gjithë bima në lulëzim. Kjo bimë përdoret për shërimin e sëmundjeve të syve, të konjuktovitisit (qepallës), blefaritisit, iridociklitisit. Përveç efektit të saj në skuqjen dhe infektimet e syrit, ekziston tradita e përdorimit të eufrazisë edhe në sëmundjet serioze të syrit, si katarakti, madje edhe dobësimi i shikimit.

HURMA
Në mjekësinë popullore përdoren pothuajse të gjitha pjesët e bimës, frutat, gjethet, degët, rrënjët etj. Përdorimi i shpeshtë i frutit të hurmës, çon në mosprekjen e sëmundjeve të syrit dhe sidomos të alergjisë.

PATATJA
Patatja i ngjan bukës, ndonëse për nga përbërja e vitaminave dhe kripërave minerale u përngjan perimeve. Ajo përmban sasi të mëdha të kaliumit si element kryesor për organizmin e njeriut. Në mjekësinë popullore ajo përdoret në rastet e alergjive të syve, si dhe kur poshtë tyre janë krijuar rrathë të zinj. Pritet një fetë e vogël patateje dhe më pas e presim në gjysmë. Secila prej fetave vendoset poshtë syve dhe lihen aty për 20 minuta. Ky veprim përsëritet disa herë në mbrëmje.

Trëndafili i majit
Në 100 ml verë zihet 50 gr fletë luleje trëndafili të majit. Me ujin e trëndafilave lahen sytë dhe fletët vendosen në sy për pak kohë. Kjo mënyrë do të çonte në përmirësim të skuqjes së syve. Një tjetër kurë për qetësimin e skuqjes së syve është larja e tyre me lëngun e kamomilit. Larja e syve me kamomil do të zgjasë deri sa mos të ketë më probleme.

Manaferra
Për të përmirësuar shikimin e dobët pihet çdo ditë një gotë me lëng karrote. Për të përmirësuar shikimin gjatë natës përzihen 30 pika lëng manaferrash me 50 gramë ujë. Kjo masë pihet tri herë në ditë. Gjithashtu, mund të pihen dy gota me lëng manaferre në ditë. Për të lehtësuar lodhjen e syve vendosen feta kastraveci mbi qepallat e mbyllyra dhe mbahen për 15 minuta.

Vitaminat
Vitaminat dhe mineralet janë të domosdoshme për funksionimin sa më mirë të syve. Vitamina A përmirëson shikimin natën. Ushqime të pasura me vitaminë A janë perimet e gjelbra, karrotat, spinaqi, por edhe vezët, djathi dhe gjalpi. Vitamina B redukton skuqjen e syve dhe mund të ndihmojë sytë që janë të ndjeshëm ndaj dritës. Ushqime të pasura me vitaminë B1, B2,B3, B6, B12 janë makaronat, buka, qumështi, kërpudhat, peshku ton, arrat, bananet, melçitë. Karoteni ndihmon në forcimin e syve të dobët. Ushqime të pasura me karoten janë karrotat, lakrat dhe bishtajat.

Simptomat
Simptomat e para të alergjisë së syve janë: kruajtja që ndihet, skuqje dhe fryrje e qepallës së syrit dhe shtim i sekrecioneve (lotëve). Në të shumtën e rasteve sëmundja, në periudhën e pranverës, shoqërohet me dhimbje dhe ndjenjën e thatësisë në sy.

Shkaqet
Shkaktarët e alergjisë janë disa lëndë, që gjenden në mjedis, si pemët, pluhuri, kafshët shtëpiake, barërat, parfumet. Këta shkaktojnë reaksion me konjuktivën e syrit, që përmban qeliza si basophili dhe mastcellsi, që sjellin sekretimin e lotëve.
Alergjitë
Një lloj alergjie është ajo që shkaktohet në sy nga përdorimi i lenteve të kontaktit, i pikave që hidhen në sy dhe i lëndëve kozmetike. Një lloj tjetër është alergjia që shkaktohet nga faktorë të mjedisit. Faktor është edhe nxehtësia dhe dielli.

[rilinda]

Syzet optike të rrugës, të dëmshme

Shumica e pacientëve me probleme të syve, i blejnë syzet optike në rrugë.

Syzet që shiten në rrugë janë të dëmshme për personat, që i përdorin. Alarmin e japin mjekët okulistë, të cilët theksojnë problemet e mëdha që shkaktojnë këto lloj syzesh. Mjekja okuliste Suzana Shkurta, vë në dukje se syzet optike që tregtohen në çdo cep të qytetit të Tiranës, nuk kanë xhama organikë dhe si rezultat sjellin pasoja te pacientët. Pasojat më të mëdha shfaqen te fëmijët. Mjekja Shkurta thekson se “te moshat shkollore, që kanë lindur me anomali, ndikojnë keq për fëmijën prandaj për ta duhet pasur një kujdes i jashtëzakonshëm, për atë se çfarë duhet të përdorë për sytë”. Prindërit duhet që për fëmijët e tyre, duhet të këshillohen me okulistin dhe të drejtohen në dyqanet e syzeve optike, për të shmangur zhvillimin e anomalive. Sipas mjekes, shumica e pacientëve i blejnë syzet në rrugë. Kjo ndodh, jo nga dëshira e tyre, por kushtet ekonomike i çojnë drejt një zgjidhjeje të tillë. Të moshuarit janë blerësit më të mëdhenj të tregut të rrugës. Pasi te të moshuarit nuk vihen re dëme të mëdha nga syzet, krahasuar me fëmijët. Në përgjithësi, të moshuarit i përdorin syzet për afër dhe problemet me shikimin i kanë më të mëdha, prandaj rezultati është se shohin disi më mirë se me sytë e tyre. Besim Maro, tregtar i syzeve shprehet se syzet i marrin nga pikat e shumicës, të cilat e bëjnë furnizimin në Kinë. Për më tepër, ato kanë shumë shitje, të cilat arrijnë në 15 copë në ditë. Ato janë të përbëra nga xham plastikë dhe një skelet jo cilësor. Blerësit më të mëdhenj të tyre janë të moshuarit, sepse sipas tij, ato kanë një kosto më të ulët dhe kushtojnë 5 mijë lekë. Ky çmim është i përballueshëm, për ta. Çmimet e syeve optike, të këshilluara nga mjeku okulist dhe që blihen në dyqane të posaçme, kanë një çmimet janë shumë të larat. Ato fillojnë nga 12 mijë lekë, deri në 30 lekë, e madje dhe më tepër. Hajrie Hita, 60 vjeçe, pohon se është blerëse e rregullt e syzeve që tregtohen në rrugë. Pasi, ato përveçse nuk kanë xhama cilësor, kanë skelet me material tepër të dobët. Kështu ajo është e detyruar që pasi kontrollon numrin e syzeve te mjeku, i ble përsëri në pamundësi të syzeve origjinale. Një pjesë e madhe e qytetarëve shmang vizitën e herëpashershme te mjeku okulist dhe përdor syze me numër që nuk është i këshillueshëm, por që duke i provuar, atyre u duket se është numri i duhur. Mjekët theksojnë se vitet e fundit është vënë re një rritje e madhe e personave që kanë probleme me sytë. Kjo ndodh nga përdorimi me orare të zgjatura i kompjuterit dhe nga shikimi i televizorit. Prandaj për këtë kategori rekomandohet përdorimi i ilaçit me pika, ose siç quhet ndryshe “lot natyral”. Ky ilaç tregtohet jo vetëm në farmaci, por edhe në markete.

[rilinda]

Sekretet për t'i ruajtur sytë

Bëhet fjalë për jogën e syve, duke mbajtur kokën drejt, filloni duke përplasur qepallat. Merri frymë thellë dhe zhvendosni bebet e syve në skajin sa më djathtas, sa më të majtë, pa u sforcuar Pastaj, lart dhe poshtë. Ushtrimi duhet përsëritur afërsisht 10 herë, në fillim ngadalë, pastaj shpejtë.Sy të kuq dhe dhimbje koke? Kush lexon, shkruan apo shikon shumë televizor, e ka provuar se ç'janë këto dhimbje. Zhvillimi teknik ka bërë që të shtohen shkaqet për të vuajtur nga sytë. Fëmijë që luajnë me orë të tëra me lojëra elektronike, studentë që lexojnë gjatë sezoneve më shumë se kurrë dhjetëra faqe duke kulluar sytë mbi dispensa të shtypura si mos më keq, të rritur që punojnë në kompjuter apo që për orë të tëra në darkë nuk i ndajnë sytë televizorit. Dhe së fundi, një numër i madh miopësh që dorëzohen në dyert e mjekëve okulistë, duke marrë prej tre receta apo numra syzesh optike.

Sipas mjekësisë tradicionale, nuk mund të shërohet miopia dhe sëmundje të tjera të syrit. Por a është e vërtetë kjo? Në Kinë mendojnë ndryshe: në shumë ndërmarrje dhe shkolla, dy herë në ditë, studentë, punëtorë dhe nëpunës ndalojnë punën për një çerek ore dhe nën tingullin e një muzike çlodhëse, kryejnë, të gjithë së bashku, ushtrimet e dixhitodepresionit. Autoritetet shkencore të Pekinit nuk kanë dyshim: metoda vlen për të shmangur problemet pamore. Dhe ka mjaft studime që tregojnë se si gjimnastika pamore mund të përmirësojë dhe shumë madje, cilësinë pamore dhe pse kush është miop mbetet i tillë. Ushtrimet nuk bazohen vetëm mbi një numër lëvizjesh. Për të shfrytëzuar sa më shumë mundësinë e gjimnastikës pamore, duhet të jesh i qetë.

Sipas mjekëve, duke folur për miopinë është harruar që të parit është një proces shumë më i ndërlikuar që fillon në sy por mbaron në tru. Studiuesit kanë arritur në përfundim që të konvergjosh për një kohë të gjatë shikimin mbi një libër apo ekran kompjuteri, si bëjnë studentët, shkaktohet miopia. Po atëherë përse jo të gjithë studentët, fëmijët apo të tjerët, nuk bëhen miopë? Përse ndër piktorë apo artizanët, rastet e miopisë janë më të rralla?

Me sa duket, këto profesione nuk janë aq shumë nën stres. Duhet ditur që miopia varet edhe nga gjendja psikofizike e përgjithshme. Njerëzit miopë e dinë nga përvoja që shikimi i tyre ndryshon sipas ditëve. Shikimi zakonisht keqësohet pas një dite të rënduar pune në tryezën e punës; pas një periudhe stresi; gjatë një sëmundjeje; kur je i trishtuar. Në të kundërt, përmirësohet, kur je i çlodhur, i qetë dhe i gëzuar. Për fat të keq, kushtet e mirëqenies nuk janë aq të shumta. Por të mirat e tyre mund të krijohen. Dhe janë pikërisht ushtrimet e të parit të cilat mund të qetësojnë sytë tanë dhe muskujt e syve por edhe baraspeshojnë sistemin nervor. Në të vërtetë, miopia duket se është e lidhur në një farë mënyre me stresin. Edhe ushtrimet duhet të jenë të tilla që të largojnë tensionet. Një sistem shumë i mirë për të shmangur tensionet e syrit është ndërprerja e veprimtarisë të paktën çdo orë, për të bërë masazhin e fytyrës. Ndërsa pas punës, mund të bëhen ushtrimet e dhëna. Përse të fërkohet fytyra?

Psikanalistët mendojnë se po të arrihet të fërkohen mirë muskujt përreth syve, mund të shmangim shtrëngimet dhe shikimi do të përmirësohej menjëherë. Por meqë dihet se muskujt e syve nuk mund të arrihen në mënyrë të drejtpërdrejtë atëherë bëhet vetëmasazhimi i fytyrës, sidomos në zonën përreth syve.

Por nga Lindja mbërrin edhe joga për të parit. Sforcimi i muskujve të syve, mund të mënjanohet nëpërmjet lëvizjeve. Lëvizjet e shpejta dhe të vrullshme janë të dëmshme sepse nuk lejojnë çlodhjen e muskujve.

Çfarë bëni kur keni dhimbje koke dhe stomaku? Pa e ditur përse, vini njërën dorë në vendin ku ju dhemb. Bëhet fjalë për një lëvizje kaq të natyrshme sa që ka mundësi të mos e keni pyetur asnjëherë veten për arsyen e vërtetë. Thjesht e bëni pa dashur. Pa dyshim që të gjithë zotërojnë një burim të fshehtë të mirëqenies në pëllëmbë të duarve dhe pse dikush mund të ketë një fuqi më të madhe se të tjerët. Pëllëmbët e duarve, janë zona në të cilat grumbullohet dhe përqendrohet energjia elektromagnetike. Njëra prej funksioneve të saj është edhe qarkullimi i gjakut. Mund të nxitet flusi i gjakut në çdo pjesë të trupit duke vënë thjesht dorën. Kjo vlen edhe për sytë. Duhet të fërkohen duart njëra me tjetrën. Kështu, ato ngrohen dhe pastaj vihen mbi sytë duke i dhënë energji syve të mbyllur pa ushtruar trysni.


10 sekrete për të ruajtur sytë

Në lashtësi njerëzit lexonin pa problem edhe në moshë të thyer, sepse nuk e njihnin skllavërinë e kompjuterit. Por nëse ndiqni këto 10 rregulla, mund të lexoni si ata.

1. Kurrë shumë afër. Mos i ulni sytë shumë pranë kur lexoni dhe shkruani.
2. Ruani pjerrësinë e tastierës (skrivanisë). Për të pasur një qëndrim të mirë, krijoni pjerrësinë në lexim ose shkrim, të ngjashme me bankat e shkollës. Pjerrësia duhet të jetë 20 gradë.
3. Këmbët në tokë. Zgjidhni një karrige që t'ju lejojë të mbështesni mirë këmbët në tokë që ta shpërndani peshën kudo.
4. Dritë natyrale sa më shumë. Punoni vetëm gjatë ditës dhe me dritën e diellit që sjell gëzim dhe energji.
5. Është më e mirë llampa e zakonshme sesa ajo me neon. Nëse punoni në dritë artificiale, përdorni vetëm llambat sepse neoni skuq sytë dhe shkakton dhimbje koke.
6. Drita të vijë nga ana e majtë. Por nëse jeni mëngjarashë, duhet të vijë nga e djathta.
7. Shmangni fotokopjet. Përpiquni të lexoni libra të shtypur me germa të mëdha.
8. Vështroni peizazhin. Vëreni tryezën pranë dritares për të hedhur vështrimin larg herë pas here. Më mirë nëse është në natyrë.
9. Shpërqendrohu. Largojeni vështrimin vazhdimisht nga libri apo ekrani i kompjuterit.
10. Shikohuni në pasqyrë. Nëse keni pranë jo dritaren, por një mur, atëherë vini një pasqyrë ku të shiheni herë pas here.

Masazhi i fytyrës: Fërkoni lehtë me mollëzat e gishtërinjve pjesën e sipërme të syve pastaj të poshtme. Duke nisur nga ana e brendshme, drejt hundës, rrëshqisni gishtat për nga ana e jashtme. Përsëriteni ushtrimin për të paktën dhjetë herë.

Dixhitopresioni: Vini gishtat e mëdhenj mbi tëmtha dhe gishtërinjtë e tjerë mbi ballë. Pastaj vini treguesit pak më poshtë se tëmthat dhe gishtat e mëdhenj nën mjekër dhe fërkojeni shumë herë.

[fisniku]

Pershendetje!
I lexova shkrimet ne lidhje me semundjet e ndryshme te syve, me befasun por jo per te mire!!
Tu e marr parasysh qe me shendet nuk ka loje i kisha lut ata qe shkruajn ne rubriken e shendetit te jen shume ma serioz kur postojn shkrime sepse munden me u bo shkaktare te rrenimit te shendetit te tjereve kur dihet qe populli eshte i prirur me provu gjitheqka per me u sheru. Nuk ka literature apo studim qe ka ardhe ne perfundim se perdirimi i patateve, manaferave, hurmave, trandafilit..sheron apo ndihemon ne trajtimin e kataraktes, apo dobesimit te te pamunit(cili eshte shkaku i dobesimit te te pamunit???, ka shume semundje qe shkaktojn dobesim te te pamunit po te asnje prej tyre keto nuk ndihmojn per permiresim te te pamunit) apo konjunktiviteve te ndryshme - kjo me te vertet eshte absurd!!!
Ne krejt Boten trajtimi i vetem i Kataraktes eshte trajtimi operativ, kurse konjunktivitet trajtohen ne varshmeri prej shkaktarit.
I kisha lut te gjithe ata qe kan probleme me sy ti drejtohen mjekut te syve, ne asnje menyre te mos perdorin barna popullore, perndryshe munden me u ballafaqu me probleme te cilat shpesh qojn te dobesimet apo humbja e te pamunit.

[egi]

Hani shangarepa dhe shikimi permisohet

[Naki]

Postimi origjinal është bërë nga fisniku

I kisha lut te gjithe ata qe kan probleme me sy ti drejtohen mjekut te syve, ne asnje menyre te mos perdorin barna popullore, perndryshe munden me u ballafaqu me probleme te cilat shpesh qojn te dobesimet apo humbja e te pamunit.

Pajtohem plotësishtë,institucionet shëndetsore klinikat e specializuara për sy janë adresat ku ne duhet të marrim këshilla rreth diagnostikimit,terapive.

me nderime Naki

[Naki]

Postimi origjinal është bërë nga egi

Hani shangarepa dhe shikimi permisohet

Preferohet Vitamina A e në këtë rastë Karotat apo shangarepat!

[egi]

Postimi origjinal është bërë nga Naki

Preferohet Vitamina A e në këtë rastë Karotat apo shangarepat!

eh po de..e volose shkrimin tim

[luckyman]

Postimi origjinal është bërë nga egi

Hani shangarepa dhe shikimi permisohet

...edhe peshku eshte shume i dobishem per sy ....

[Linka_pz]

Peshku, eshte shume i mire per sy dhe duhet se paku nje here ne jave te konsumohet !

[egi]

a ban edhe karrota me turrshi se ato tjerat nuk mi don goja?

[King Kastriot]

E nderuara Moderatore Rilinda, shume me pelqeu hapja e temes suaj per semungjet e syrit. Desha te ju pyes juve por edhe lexuesit tjere, a ka pervoje ose dijeni dikush nga ju per DEGJENERIMET E MAKULES, nje semundje qe zakonisht i prek te moshuarit por edhe raste te veqanta edhe te rinjet. A e din dikush nga ju se ne cilin vend apo te cili mjek eshte kjo semundje e pasherueshme e mundur te sherohet. Ju pershendes

[Preshevar]

Postimi origjinal është bërë nga Linka_pz

Peshku, eshte shume i mire per sy dhe duhet se paku nje here ne jave te konsumohet !

Peshku eshte i mir edhe per memorje.