Bush e Putin sot diskutojnë për Kosovën dhe çështje të tjera

[legenda]

Bush e Putin sot diskutojnë për Kosovën dhe çështje të tjera


Uashington, 2 korrik

- Presidenti amerikan Xhorxh Bush dhe ai rus Vladimir Putin do të takohen sot me synimin për të zbutur tensionet midis dy vendeve. Takimi po zhvillohet në një vend të pazakontë - në shtëpinë veriore të familjes Bush në Kenibankport të shtetit Mejn, ku siç pritet në takimin informal do të përpiqen të tejkalojnë dallimet për shumë çështje duke përfshi Kosovën. Statusi i Kosovës dhe planet për vendosjen e mbrojtjes kundërraketore në Evropë do të jenë ndër temat kryesore të takimit




Ban Ki Mun shpreson që Bush dhe Putin do të zgjidhin dallimet për statusin e ardhshëm të Kosovës


Nju Jork, 2 korrik

- Sekretari i përgjithshëm i Kombeve të Bashkuara Ban Ki Mun thotë se shpreson që Presidenti amerikan Bush dhe ai rus Putin gjatë takimit në Mejn, do të zgjidhin dallimet sa i përket statusit të ardhshëm të Kosovës. Ban Ki Mun ka thënë se shumica e anëtarëve të Këshillit të Siguriit të KB janë dakord që propozimi i KB me të cilin Kosovës i jipet pavarësia nën mbikqyrjen ndërkombëtare ofron fer dhe gjasa të mira për të ardhmen e njerëzve në Kosovë, por sipas tij, ka rëndësi të madhe që Rusia të mbështesë këtë plan. "Sinqerisht shpresoj që ky samit, i presidentëve Bush dhe Putin, do të gjejë një zgjidhje të mirë të kësaj çështjeje", ka thënë Sekretari i Përgjithshëm të KB.

"Shtyrja ose prolongimi i rekomandimeve nuk do të jetë i preferueshëmë jo vetëm për paqen dhe sigurinë në Ballkan, por edhe për vendet evropiane", është shprehur Ban Ki Mun.